oq yoki och-sariq massa; erituvchi: rangsiz tiniq suyuqlik.

fibrinolitik vosita.

B01AD02.

AKTILIZЕ® qon oqimidan tez chiqariladi va asosan jigarda (preparatning plazmadagi klirensi minutiga 550-680 ml ni tashkil qiladi) metabolizmga uchraydi. Plazmadan ahamiyatli yarim chiqarilish davri (T½α) 4-5 minutni tashkil qiladi. Bu 20 minutdan keyin plazmada preparatning dastlabki miqdoridan 10% dan kamrog‘i qolishini bildiradi. Preparatning qolgan miqdori uchun (T½α) taxminan 40 minutni tashkil qilishi ko‘rsatilgan.

90 minutli (tezkor) dozalash tartibi («Qo‘llash usuli va dozalari» bo‘limiga qarang): davolash simptomlar paydo bo‘lganidan keyin 6 soat davomida boshlanishi mumkin bo‘lgan patsiyentlar uchun;3 soatli dozalash tartibi («Qo‘llash usuli va dozalari» bo‘limiga qarang): davolash simptomlar paydo bo‘lganidan keyin 6 va 12 soatlar orasida boshlanishi mumkin bo‘lgan patsiyentlar uchun; O‘tkir miokard infarktida AKTILIZЕ® infarkt boshlanganidan keyin birinchi 30 kun ichida o‘lim darajasini pasaytirishi isbotlangan.

AKTILIZЕ® ni simptomlar paydo bo‘lganidan keyin iloji boricha tezroq qo‘llash kerak. Quyidagi dozalari qo‘llaniladi. AKTILIZЕ® saqlovchi flakon ichidagini (20 mg yoki 50 mg), steril sharoitlarda inyektsiya uchun suvda quyidagi jadvalda ko‘rsatilganiga muvofiq shunday eritiladiki, alteplazaning yakuniy kontsentratsiyasi 1 mg alteplaza/ml ni yoki 2 mg alteplaza/ml ni tashkil qilsin. AKTILIZЕ® flakoni20 mg50 mgQuruq kukunga qo‘shiladigan inyektsiya uchun suvYakuniy kontsentratsiya:1 mg altepaza/ml (ml) 2050Yakuniy kontsentratsiya:2 mg altepaza/m (ml)1025 Eritmani suyultirilgandan keyin vena ichiga yuborish lozim. Eritmani keyinchalik steril 9 mg/ml (0,9%) natriy xloridi eritmasi bilan altepazani minimal 0,2 mg/ml kontsentratsiyasigacha suyultirish mumkin. Birlamchi tayyorlangan eritmani keyinchalik inyektsiya uchun suv bilan, uglevod asosli inyektsiya uchun eritmalar, masalan dekstroza bilan suyultirish tavsiya qilinmaydi. AKTILIZЕ® ni boshqa dori vositalari (xatto geparin bilan), infuziya uchun flakonda, vena ichiga yuborish uchun umumiy tizimida aralashtirish mumkin emas. Alteplazani 1 mg/ml kontsentratsiyadagi eritmasini tayyorlash uchun, erituvchini hamma hajmini AKTILIZЕ® kukunini saqlagan flakonga o‘tkaziladi. Alteplazani 2 mg/ml kontsentratsiyadagi eritmasini tayyorlash uchun, erituvchini faqat yarmini ishlatish lozim. Bunday holatlarda erituvchini kerakli hajmini AKTILIZЕ® li flakonga o‘tkazish uchun har doim shprits ishlatilishi kerak. Kukun erituvchi bilan eritilganida aralashma to‘liq erib ketgunicha asta-sekin aralashtirib turish kerak. Jadal aralashtirish ko‘pik hosil bo‘lishiga olib kelishi mumkin. Eritma suyultirilgandan keyin faqat bir martalik qo‘llash uchun mo‘ljallangan. Ishlatilmagan eritmani tashlab yuborish lozim. Bolalar va o‘smirlar uchun qo‘llash tajribasi yo‘q. AKTILIZЕ® bolalarda va o‘smirlarda bosh miyani o‘tkir infarktini davolash uchun qo‘llanmaydi.

Quyida keltirilgan nojo‘ya reaktsiyalar tizim-a’zolarni sinflari va paydo bo‘lish tez-tezligi bo‘yicha tasniflangan. Tez-tezligi bo‘yicha guruhlash quyidagi toifalarga muvofiq ishlab chiqilgan: juda tez-tez (≥ 1/10), tez-tez (≥ 1/100 dan <1/10gacha), tez-tez emas (≥ 1/1000 dan <1/100gacha), kam hollarda (≥ 1/10000 dan <1/1000gacha), juda kam hollarda (<1/10000), noma’lum (mavjud bo‘lgan ma’lumotlar bo‘yicha  baholash mumkin emas). Nojo‘ya samaralari sifatida bosh miya infarktida bosh miya ichiga qon quyilishlarini va miokard infarktida reperfuzion aritmiyalarini istisno qilgan holda o‘pka arteriyasininig emboliyasida va bosh miyani o‘tkir infarktida AKTILIZЕ® dan bo‘ladigan nojo‘ya samaralarning sifat va miqdoriy profili miokard infarktidagi nojo‘ya samaralarning profilidan farqlanishini  taxmin qiluvchi tibbiy sabablari mavjud emas. Qon ketishi AKTILIZЕ® ni qo‘llash bilan bog‘liq bo‘lgan eng ko‘p uchraydigan nojo‘ya samara, gematokrit va/yoki gemoglobinni pasayishiga olib keluvchi qon ketishidir: juda tez-tez: shikastlangan qon tomiridan qon ketishi (masalan, gematoma); inyektsiya qilish joyidan qon ketishi (punktsiya qilish joyidan qon ketishi, kateterni qo‘yish joyida gematoma, kateterni qo‘yish joyidan qon ketishi); tez-tez:            bosh miyaning o‘tkir infarktini davolashda bosh miya ichiga qon ketishi (masalan, bosh miyaga qon quyilishi, tserebral gematoma, gemorragik insult, insultni gemorragik transformatsiyasi, bosh miya ichida gematoma, subaraxnoidal qon quyilishi). Bosh miyani o‘tkir infarktini davolashda klinik yaqqol bosh miya ichiga qon quyilishlar asosiy nojo‘ya samaralar bo‘lib hisoblanadi (patsiyentlarni 10% gachasida umumiy o‘limni va turg‘un mehnatga layoqatsizlikni oshirmagan holda, ya’ni mRS 5 va 6); nafas yo‘llaridan qon ketishlar (masalan, halqumdan qon ketishlar, burundan qon ketishlar, qon tupurish); me’da-ichak yo‘llaridan qon ketishlar (masalan, me’dadan qon ketishi, me’da yarasidan qon ketishi, to‘g‘ri ichakdan qon ketishi, qon aralash qusish, melena, og‘iz bo‘shlig‘idan qon ketishi, milklarni qonashi); ekximozlar; urogenital qon ketishlari (masalan, gematuriya, siydik-chiqarish yo‘llaridan qon ketishlar); tez-tez emas:  o‘tkir miokard infarktini va o‘pka arteriyasining o‘tkir emboliyasini davolashda bosh miya ichiga qon ketishlar (masalan, bosh miyaga qon quyilishlar, tserebral gematoma, gemorragik insult, insultni gemorragik transformatsiyasi, bosh miya ichida gematoma, subaraxnoidal qon quyilishi); quloqdan qon ketishi; gemoperikard; qorin ichida qon ketishi (masalan, qorin ichida gematoma); kam hollarda: parenximatoz a’zolardan qon ketishi (masalan, jigardan qon ketishi, o‘pkadan qon ketishi); juda kam hollarda: ko‘z soqqasiga qon quyilishi. Bosh miya infarktidan keyin patsiyentlarda o‘lim va uzoq mehnatga layoqatsizlik (shu jumladan bosh miya ichiga qon ketishi to‘g‘risida) va boshqa jiddiy qon ketishlari to‘g‘risida xabar qilingan. Potentsial qon ketishini, ayniqsa tserebral qon ketish paydo bo‘lish hollarida, fibrinolitik davolashni darhol to‘xtatish kerak. Ammo yarim chiqarilishini qisqaligi va umumiy qon ivishi omillariga minimal ta’siri sababli qon ivishi omillarini almashtirishga zarurat yo‘q. Ko‘pchilik patsiyentlarda qon ketishini trombolitik va antikoagulyant davolashni to‘xtatib, qon hajmini to‘ldirib va qon tomirini qo‘l orqali siqib to‘xtatish mumkin. Agar qon ketishi boshlanganidan keyin 4 soat davomida geparin yuborilgan bo‘lsa protaminni qo‘llashni ko‘rib chiqish lozim. Bunday konservativ choralarga nisbatan reaktsiyalar bo‘lmagan bir necha patsiyentlar uchun qon preparatlarni ratsional qo‘llash ko‘rsatilgan. Kriopretsipitatni, yangi muzlatilgan qon plazmasini va trombotsitlarni har bir yuborishdan keyin qayta aniqlanadigan klinik va laborator ko‘rsatkichlarga muvofiq transfuzion buyurish mumkin. Kriopretsipitat infuziyasini fibrinogenni 1 g/l kontsentratsiyaga erishgunicha o‘tkazish maqsadga muvofiq. Antifibrinolitik vositalarini oxirgi muqobil davolash sifatida qo‘llash  imkonini qayta ko‘rib chiqish mumkin. Immun tizimi tomonidan buzilishlar: tez-tez emas:   o‘ta yuqori sezuvchanlik reaktsiyalari/anafilaktoid reaktsiyalar (masalan, allergik reaktsiyalar, shu jumladan toshma, eshakemi, bronxospazm, angionevrotik shish, gipotenziya, shok yoki har qanday boshqa allergik reaktsiyalar); juda kam hollarda:  og‘ir anafilaktoid reaktsiyalar. Kam hollarda AKTILIZЕ® ga (past titrlarda) antitelalarni tranzitor hosil bo‘lishi kuzatilgan, ammo buni klinik ahamiyati aniqlanmagan. Nerv tizimi tomonidan buzilishlar: juda kam hollarda:  nerv tizimi bilan bog‘liq buzilishlar (masalan, tutqanoq xuruji, tirishishlar, afaziya, nutqni buzilishi, deliriy, o‘tkir bosh miya sindromi, ajitatsiya, ongni chalkashishi, depressiya, psixoz) ko‘pincha yondosh ishemik yoki gemorragik tserebrovaskulyar buzilishlari bilan bog‘liq buzilishlar. Yurak tomonidan buzilishlar: Boshqa trombolitik vositalarini qo‘llangandagi kabi miokard infarktining va/yoki trombolitiklarni qo‘llash oqibatida uchraydigan quyidagi buzilishlar to‘g‘risida xabar qilingan: juda tez-tez:  qaytalanuvchi ishemiya/stenokardiya, gipotenziya va yurak yetishmovchiligi/o‘pka shishi, reperfuzion aritmiyalar (masalan, aritmiya, ekstrasistoliya, I darajadan to‘liq blokadagacha bo‘lgan atrioventrikulyar blokada, bo‘lmachalarni fibrillyatsiyasi/titrashi, bradikardiya, taxikardiya/fibrillyatsiya, elektromexanik dissotsiatsiya (EMD)); tez-tez:           yurakni to‘xtashi, kardiogen shok va qayta infarkt; tez-tez emas:   mitral regurgitatsiya, o‘pka emboliyasi, boshqa tizimli emboliya/tserebral emboliya, qorinchalararo to‘siq nuqsoni. Yurak tomonidan buzilishlar hayot uchun xavf tug‘diruvchi va o‘limga olib kelishi mumkin.

AKTILIZЕ®ni alteplazaga, gentamitsinga (qoldiq qismi, faol ingrediyentni ishlab chiqarishda ishlatiladi), shuningdek preparatning boshqa komponentlariga yuqori sezuvchanligi bo‘lgan patsiyentlarga yuborish mumkin emas. Boshqa trombolitik vositalar kabi, AKTILIZЕ®ni qon ketishlarini yuqori xavfi bo‘lgan hollarda, shu jumladan: hozirgi vaqtda yoki ilgarigi 6 oy davomida sezilarli qon ketishi;gemorragik diatez;peroral antikoagulyantlarni, masalan, varfarin samarali davolanayotgan patsiyentlarga;yaqqol yoki yaqindagi yoki xavfli qon ketishlar;hozirda yoki anamnezida bosh miya ichiga qon quyilishlar;bosh miya ichki qon quyilishiga shubha qilinganda yoki anevrizma bilan bog‘liq subaraxnoidal qon ketishidan keyingi holat;anamnezda markaziy nerv tizimining kasalliklari (shu jumladan, o‘smalar, bosh yoki orqa miyadagi jarrohlik aralashuvlar);hozirgi vaqtda yoki anamnezdagi bosh miya ichki qon quyilishi (shu jumladan subaraxnoidal);yaqinda (10 kundan kam) yurakni travmatik tashqi massaji, tug‘ruqlar, kompressiya bo‘lmagan qon tomirini yaqinda o‘tkazilgan punktsiyasi (masalan, o‘mrov osti yoki bo‘yinturuq venalari);og‘ir nazorat qilib bo‘lmaydigan arterial gipertenziya;bakterial endokardit, perikardit;o‘tkir pankreatit;oxirgi uch oy davomida tasdiqlangan me’da yoki o‘n ikki barmoq ichak yara kasalligi;qizilo‘ngach venalarini varikoz kengayishi, arterial anevrizmalar, arteriyalar/venalarning rivojlanish nuqsonlari;qon ketishini rivojlanishining yuqori xavfi bo‘lgan o‘smalar;jigarning og‘ir kasalliklari, shu jumladan jigar yetishmovchiligi, tsirroz, portal gipertenziya (shu jumladan qizilo‘ngach venalarining varikoz kengayishi) va faol gepatit;oxirgi 3 oy davomida o‘tkazilgan yirik jarrohlik aralashuvi yoki kuchli jarohat. Preparat o‘tkir miokard infarkti va o‘pka arteriyasining emboliyasini davolash uchun qo‘llangan hollarda qo‘shimcha quyidagi qo‘llash mumkin bo‘lmagan holatlarni ham hisobga olish lozim: bosh miya ichki qon quyilishi yoki anamnezdagi noma’lum etiologiyali insult;3 soat davomida kechgan bosh miya infarktidan tashqari bo‘lgan so‘nggi 6 oy davomidagi o‘tkir miya infarkti yoki tranzitor ishemik hurujlar; Preparat bosh miyani o‘tkir infarktini davolash uchun qo‘llangan hollarda qo‘shimcha quyidagi qo‘llash mumkin bo‘lmagan holatlarni ham hisobga olish lozim: bosh miya infarktining simptomlarini infuziya boshlanishidan 4,5 soat oldin boshlanishi yoki simptomlarni boshlanish vaqti to‘g‘risida aniq ma’lumotlarning yo‘qligi;bosh miyaning o‘tkir infarktida holatni tez yaxshilanishi yoki infuziya boshlangan vaqtda simptomlarni kuchsiz namoyon bo‘lishi;klinik ma’lumotlar (masalan, agar NIHSS ko‘rsatkichi >25 (AQSH Milliy salomatlik institutining (NIHSS) insultni og‘irlik darajasini baholash shkalasi)) asosida va/yoki tegishli vizualizatsiya usullarining natijalari bo‘yicha og‘ir kechuvchi bosh miya infarkti;bosh miya infarktining boshidagi tirishishlar;kompyuter tomografiyasi yordamida tasdiqlangan bosh miya ichiga qon quyilishlar;subaraxanoidal qon ketishi taxmin qilinadigan simptomlar, xatto agar kompyuter tomografiyasi natijalari normada bo‘lsa ham;o‘tkazilgan bosh miya infarkti yoki avvalgi 3 oy davomidagi boshning jiddiy jarohati to‘g‘risidagi ma’lumotlar;anamnezdagi qandli diabet fonida o‘tkazilgan bosh miya infarkti;bosh miya infarkti boshlanishidan oldin 48 soat davomida geparinni qo‘llanishi, agar shu paytda qisman faollashgan tromboplastin vaqti (QFTV) oshgan bo‘lsa;trombotsitlar soni 100 000/mm3 dan kam;sistolik arterial bosim 185 mm sim. ust. dan yuqori yoki diastolik arterial bosim 110 mm sim. ust. dan yuqori bo‘lsa yoki arterial bosimni shu chegaralarigacha pasaytirish uchun jadal davolashni (preparatlarni vena ichiga yuborish) qo‘llashning zarurati;qondagi glyukozaning darajasi< 50 yoki >400 mg/dl. AKTILIZЕ® 18 yoshgacha bo‘lgan bolalar va o‘smirlarda qo‘llanmaydi. AKTILIZЕ® 80 yoshdan oshgan katta patsiyentlarda bosh miyani o‘tkir infarktini davolash uchun qo‘llanmaydi.

AKTILIZЕ®ni odatda o‘tkir miokard infarktida qo‘llanadigan boshqa dori preparatlari bilan o‘zaro ta’sirini o‘rganish bo‘yicha maxsus tadqiqotlar o‘tkazilmagan. AKTILIZЕ® bilan davolashni boshlashdan oldin, davolash vaqtida yoki undan keyin, qon ivishiga ta’sir qiluvchi yoki trombotsitlar faoliyatini o‘zgartiruvchi dori vositalarini qo‘llash qon ketish xavfini oshirishi mumkin. AAF ingibitorlarini bir vaqtda qo‘llanishi anafilaktoid reaktsiyalarning xavfini oshirishi mumkin. Anafilaktoid reaktsiyalarning ta’riflangan tahlilini ma’lumotlariga muvofiq, ular ko‘proq AAF ingibitorlarini qabul qilgan patsiyentlarda kuzatilgan. Glikoprotein IIb/IIIa antogonistlarini bir vaqtda qo‘llash qon ketish xavfini oshiradi.

AKTILIZЕ® bilan davolashni trombolitik davolashni o‘tkazish tajribasiga ega va u qo‘llanganida nazorat qilish imkoniyatiga ega bo‘lgan shifokor o‘tkazishi lozim. AKTILIZЕ® ni ishlatganda boshqa trombolitik preparatlar bilan bo‘lgani kabi, tassarrufida standart reanimatsion jihozlar va tegishli dori vositalariga ega bo‘lish tavsiya qilinadi. Qon ketishi AKTILIZЕ® bilan davolashning eng ko‘p uchraydigan asorati qon ketishidir. Geparinni bir vaqtda qo‘llash qon ketishini yuz berishiga olib kelishi mumkin. AKTILIZЕ® fibrinni eritishi tufayli, yaqinda punktsiya qilingan joylardan qon ketishi paydo bo‘lishi mumkin. Shuning uchun trombolitik davolash qon ketishi mumkin bo‘lgan joylarni (shu jumladan kateterni kiritish joylari, arterial va venoz punktsiyalar, kesilgan va inyektsiya qilingan joylar) sinchiklab kuzatishni talab qiladi. AKTILIZЕ® bilan davolash vaqtida qattiq kateterlarni ishlatish, vena ichiga inyektsiyalar va asoslanmagan muolajalardan saqlanish kerak. Og‘ir qon ketishi yuz bergan, ayniqsa bosh miya ichiga qon quyilishi holida, fibrinolitik davolash, shuningdek geparinni qo‘llash darhol to‘xtatilishi lozim. Agar qon ketishi boshlanishidan oldin 4 soat davomida geparin qo‘llangan bo‘lsa, protaminni ishlatish maqsadga muvofiqligi masalasini ko‘rib chiqish lozim. Kam hollarda, yuqorida ko‘rsatilgan konservativ chora-tadbirlar samarasiz bo‘lsa va qon ketishi davom etsa, qon preparatlarini qo‘llash ko‘rsatilgan. Kriopretsipitatni, qonning yangi muzlatilgan plazmasini va trombotsitlarni transfuzion yuborilishi, har bir yuborishdan keyin takroriy aniqlanadigan klinik va laboratoriya ko‘rsatkichlarga muvofiq buyurilishi mumkin. Kriopretsipitatning infuziyasini fibrinogenning kontsentratsiyasi 1 g/l ga yetgunicha o‘tkazgan afzal. Antifibrinolitik vositalarni qo‘llash mumkinligini ko‘rib chiqish mumkin. O‘tkir miokard infarktida va o‘pka arteriyasining emboliyasida AKTILIZЕ® ni 100 mg dan ortiq dozada, o‘tkir miokard infarktida esa – 90 mg dan ortiq dozada qo‘llash mumkin emas, chunki bosh miyaga qon quyilish xavfi oshadi. Yuqori sezuvchanlik Davolanish tugaganidan keyin rekombinant odam to‘qima plazminogeni aktivatoriga antitelalarni turg‘un hosil bo‘lishi kuzatilmagan. AKTILIZЕ® ni takror qo‘llashning tizimli tajribasi yo‘q. AKTILIZЕ® ni yuborilishi chaqirgan anafilaktoid reaktsiyalar ko‘p kuzatilmaydi, alteplazaga, gentamitsinga (qoldiq qismi, ishlab chiqarilishida ishlatiladi), shuningdek preparatning boshqa komponentlariga yuqori sezuvchanlik bilan bog‘liq bo‘lishi mumkin. AKTILIZЕ® liofilizatsiya qilingan kukun saqlovchi shisha flakon uchun tiqin, allergik reaktsiyalarni chaqirishi mumkin bo‘lgan tabiiy kauchuk (lateks hosilasi) ni saqlaydi. Anafilaktoid reaktsiya rivojlangan holda, infuziyani to‘xtatish va tegishli davolashni buyurish kerak. Keksa patsiyentlarda  bosh miya ichiga qon quyilishlari xavfi yuqori, shuning uchun bunday patsiyentlar uchun xavf/foyda nisbatini  baholashni sinchkov o‘tkazish lozim. AKTILIZЕ® ni bolalarda va o‘smirlarda qo‘llash tajribasi cheklangan. AAF ingibitorlarini bir vaqtda qabul qilayotgan patsiyentlarning holatini nazorat qilish tavsiya qilinadi («Nojo‘ya ta’sirlari» bo‘limiga qarang). Boshqa trombolitik vositalar kabi, AKTILIZЕ® ni quyidagi hollarda qon ketishining potentsial xavfi va kutilayotgan foyda sinchiklab baholagandan keyin qo‘llash kerak: yaqinda qilingan mushak ichiga inyektsiya yoki biopsiya, kompressiya bo‘lmaydigan qon tomirlarni punktsiyasi, reanimatsiyada yurakni massaj qilish kabi yengil jarohatlar;qo‘llash mumkin bo‘lmagan holatlar sifatida ko‘rsatilmagan qon quyilishlarini yuqori xavfi bilan xarakterlanuvchi holatlar. Peroral antikoagulyantlar bilan davolanayotgan patsiyentlar Agar dozalash tartibini yoki antikoagulyantlarni oxirgi marta qabul qilingandan keyingi vaqtda qon ivishi tizimiga  klinik ahamiyatli ta’sir ko‘rsatmaydigan dori vositalarini antikoagulyant faolligiga muvofiq testlar yordamida antikoagulyantlar bilan davolanishning qoldiq samaradorligini  tasdiqlash imkonini bermasa AKTILIZЕ® ni qo‘llashni ko‘rib chiqish mumkin (masalan, HNM 1,3 K vitamini antagonistlari yoki boshqa peroral antikoagulyantlar uchun muvofiq  testlar normani yuqori chegarasida bo‘ladi). O‘tkir miokard infarkti va o‘tkir o‘pka emboliyasini davolashda quyidagilarni qo‘shimcha hisobga olish lozim: sistolik arterial bosim >160 mm sim. ust.; bo‘lgan patsiyentlar uchun kutiladigan terapevtik foyda va mumkin bo‘lgan xavfni sinchiklab baholash lozim;glikoprotein IIb/IIIa antagonistlarini yondosh qo‘llanishi qon ketish xavfini oshiradi. O‘tkir miokard infarktini davolashda quyidagilarni qo‘shimcha ravishda hisobga olish lozim: Davolashni jadal nevrologik yordam ko‘rsatish bo‘yicha ko‘nikmalarga va tajribaga ega bo‘lgan tajribali shifokor o‘tkazishi kerak. AKTILIZЕ® yuboriladigan bosh miyani o‘tkir infarkti bo‘lgan patsiyentlar boshqa ko‘rsatmalar bilan solishtirilganda bosh miya ichiga qon quyilishlarni yuqori xavfiga duchor bo‘lishi mumkin, chunki qon ketishi asosan infarkt shikastlanish joyida paydo bo‘ladi. Bu xususan quyidagi holatlarga taalluqli: “Qo‘llash mumkin bo‘lmagan holatlar“ bo‘limida ko‘rsatilgan hamma holatlar va qon quyilishini yuqori xavfi bo‘lgan hamma holatlar;tserebral qon tomirlarni unchalik katta bo‘lmagan simptomsiz anevrizmasi;bosh miya infarkti simptomlarini rivojlanishi boshlangandan keyin davolash kech boshlanganida klinik foyda kamayadi, bosh miya ichiga qon quyilishlarini xavfi va letal yakun davolash erta boshlangan patsiyentlar bilan solishtirilganda oshadi. Shuning uchun AKTILIZЕ® ni qo‘llashni orqaga surish mumkin emas: atsetilsalitsil kislotasini oldindan qabul qilgan patsiyentlar bosh miya ichiga qon quyilishini paydo bo‘lishini katta xavfiga duchor bo‘lishi, ayniqsa AKTILIZЕ® ni yuborish kech boshlanganda;80 yoshdan katta patsiyentlarda bosh miya ichiga qon quyilishlari xavfi yuqori, davolashdan bo‘lgan chin foyda yosh patsiyentlar bilan bo‘lgan bilan solishtirilganda kam. Shuning uchun AKTILIZЕ® ni qo‘llashni va patsiyentni individual o‘ziga xosliklarini hisobga olgan holda sinchkov ko‘rib chiqish kerak. Davolashni simptomlar paydo bo‘lganidan keyin 4,5 soatdan kechikmasdan quyidagi omillar bilan bog‘liq bo‘lgan foyda/xavfni noxush nisbatlari natijasida boshlash lozim: davolash natijalarini samaradorligi vaqt o‘tishi bilan kamayadi;ilgari atsetilsalitsil kislotasi qo‘llanib davolangan patsiyentlarda o‘lim darajasi oshadi;simptomlar bilan kechuvchi bosh miya ichiga qon quyilishini xavfi yuqori. Davolanish vaqtida va u tugaganidan keyin 24 soat davomida arterial bosimni (AB) nazorat qilish lozim. Sistolik AD >180 mm sim. ust. yoki diastolik AD >105 mm sim. ust. ga oshganida antigipertenziv preparatlarni vena ichiga yuborish tavsiya qilinadi. Davolovchi samara ilgari bosh miya infarktini o‘tkazgan patsiyentlarda yoki nazorat qilib bo‘lmaydigan qandli diabeti bo‘lganida pasayadi. Bunday patsiyentlarda foyda/xavf nisbati, garchi ijobiy bo‘lib qolsada, unchalik ijobiy hisoblanmaydi. Bosh miyani yengil infarkti bo‘lgan patsiyentlarda xavf kutilayotgan foydadan ustun bo‘ladi, shuning uchun AKTILIZЕ® ni qo‘llash tavsiya qilinmaydi. Bosh miyani juda og‘ir infarkti bo‘lgan patsiyentlarda bosh miya ichki qon quyilishi va o‘lim xavfi oshgan bo‘ladi, bunday hollarda AKTILIZЕ® ni qo‘llash mumkin emas.

Yorug‘likdan himoyalangan joyda, 250S dan yuqori bo‘lmagan haroratda saqlansin. Tayyorlangan eritmani sovutgichda – 24 soat, 250S dan yuqori bo‘lmagan haroratda esa–8 soatgacha saqlash mumkin.

Preparatning fibringa ta’siriga nisbatan spetsifiklikni borligiga qaramay, dozani oshirib yuborilishi fibrinogen va qon ivishining boshqa omillari darajasini klinik axamiyatli kamayishiga olib kelishi mumkin. Ko‘pchilik hollarda AKTILIZЕ® ni yuborishni to‘xtatish va ushbu omillarining fiziologik tiklanishini kutish yetarlidir. Biroq agar jiddiy qon ketishi boshlansa, yangi muzlatilgan plazma yoki “yangi” qonni infuziyasi tavsiya qilinadi, zarurat tug‘ilganda esa sintetik antifibrinolitiklarni buyurish mumkin.

Retsept bo‘yicha

20 mg yoki 50 mg infuziya uchun eritma tayyorlash uchun liofilizat flakonlarda erituvchi (20 ml yoki 50 ml steril inyektsiya uchun suv flakonlarda) bilan majmuada va qo‘llash bo‘yicha yo‘riqnoma bilan birga, o‘ramda №1. 20 mg infuziya uchun eritma tayyorlash uchun liofilizat va erituvchi (20 ml steril inyektsiya uchun suv flakonlarda) bilan bo‘lgan o‘ramiga kanyulya kiradi.

3 yil.