oq, erkin sochiluvchan kristall kukun

antibiotiklar (tsefalosporinlar guruhi).

J01DD04

Preparat unga sezgir mikroorganizmlarning shtammlari chaqirgan infektsion kasalliklarni davolash uchun buyuriladi: quyi nafas yo‘llarining infektsion kasalliklari (pnevmoniya, bronxit, o‘pka abstsessi, plevra empiyemasi), otorinolaringologik infektsion kasalliklari, buyraklar va siydik-jinsiy yo‘llarining infektsion kasalliklari (piyelit, tsistit, o‘tkir va surunkali piyelonefrit, prostatit, epididimit), teri va yumshoq to‘qimalarining infektsion kasalliklarini, shu jumladan bakterial streptodermiyani, meningitni, suyaklar va bo‘g‘imlarning infektsion kasalliklarini, peritonitni, o‘t qopining yallig‘lanishini, me’da–ichak infektsiyalarini, asoratlanmagan gonoreyani va jinsiy yo‘l bilan yuquvchi boshqa infektsiyalarni (yumshoq shankr va zahm), Laym kasalligini (spiroxetoz), terlamali isitmani, salmonellezni, salmonella tashuvchilikni davolash uchun qo‘llanadi. Preparat shuningdek jarrohlik operatsiyalaridan keyin paydo bo‘luvchi infektsiyalarning oldini olish uchun ham qo‘llanadi.

Preparat qabul qilinganida allergik reaktsiyalar (eshakemi, qichishish, eozinofiliya, zardob kasalligi, bronxospazm, ko‘pshaklli ekssudativ eritema, anafilaktik reaktsiyalar, kam hollarda – anafilaktik shok), stomatit, glossit, me’da-ichak tizimi tomonidan esa ko‘ngil aynishi, qusish, ta’mni yo‘qolishi, qorinda og‘riq, disbakterioz, superinfektsiya, soxtamembranoz kolit paydo bo‘lishi mumkin. Periferik qon ko‘rsatkichlarining o‘zgarishi: neytropeniya, limfopeniya, leykopeniya, trombotsitopeniya, kam- gemolitik anemiya; alohida hollarda qon zardobining plazma omillarini (II, VII, IX, X) darajasi pasayadi, protrombin vaqti uzayadi, burundan qon ketishi kuzatiladi, xolestatik sariqlik rivojlanadi, siydikda kreatininning darajasi oshadi, tsilindrlar paydo bo‘ladi, oliguriya, anuriya, biokimyoviy o‘zgarishlar (qon plazmasida jigar transaminazalari faolligini va bilirubinni oshishi), o‘tkir buyrak yetishmovchiligi kuzatilishi mumkin, aritmiyalar, bosh og‘rig‘i, yuborilgan joyda og‘riq yoki infiltrat, alohida hollarda – v/i yuborilganida flebit yoki tromboflebit bo‘lishi mumkin.

Tsefalosporinlar va penitsillinlar guruhiga kiruvchi antibiotiklarga, shuningdek (m/i yuborilganda) lidokainga yuqori sezuvchanlik. Jigar-buyrak yetishmovchiligi, anamnezdagi me’da-ichak tizimining kasalliklari, ayniqsa yarali nospetsifik kolit yoki enterit, homiladorlik, laktatsiya. Dorilarning o‘zaro ta’siri Aminoglikozidlar bilan majmuada qo‘llanganida sinergizm oqibatida grammanfiy mikroorganizmlarga nisbatan samarasi kuchayadi, ammo ularning optimal dozalarini tanlash kerak. Nosteroid yallig‘lanishga qarshi vositalar (NYAQV), antiagregantlar qon ketishi ehtimolini oshiradi, halqali diuretiklar va nefrotoksik preparatlar (aminoglikozidlar, polimiksin V) buyraklar faoliyatini buzilishiga olib keladi. Preparat eritmasini boshqa mikroblarga qarshi preparatlar yoki eritmalar bilan farmatsevtik nomutanosibligi sababli, aralashtirish yoki bir vaqtda yuborish mumkin emas. Maxsus ko‘rsatmalar M/i katta dumba mushagining yuqori tashqi kvadrantiga yuboriladigan inyektsiya chuqur bo‘lishi kerak. Jigar va buyrak faoliyatini og‘ir buzilishlari bo‘lgan bemorlarda preparatning dozasi kamaytiriladi. Kreatinin klirensi minutiga 10 ml dan kam bo‘lgan bemorlarga antibiotikning sutkalik dozasi 2 g dan oshmasligi kerak. Arterial gipertenziyada va suv-elektrolit muvozanatining buzilishida plazmada natriy miqdorini nazorat qilish kerak. Uzoq muddat qo‘llanilganida disbakteriozni aniqlash uchun tsitologik tekshirishlarni o‘tkazish kerak. Giperbilirubinemiyasi bo‘lgan yangi tug‘ilgan chaqaloqlarga, allergik reaktsiyalarga moyilligi bo‘lganlarga ehtiyotkorlik bilan buyuriladi. Keksa yoshdagi shaxslarga qo‘shimcha K vitamini buyuriladi. Preparat bolalar ololmaydigan joyda saqlansin va yaroqlilik muddati o‘tgach ishlatilmasin.

Quruq, yorug‘likdan himoyalangan joyda, 25°S dan yuqori bo‘lmagan haroratda.

Uzoq muddat qo‘llanganida allergik reaktsiyalar, dispepsik buzilishlar paydo bo‘lishi mumkin. Maxsus antidoti yo‘q – davolash simptomatik. Gemodializ yoki peritoneal dializni qo‘llash mumkin.

Retsept bo‘yicha Ulashish: 2 141 Views

Inyektsiya uchun eritma tayyorlash uchun kukun 1 g dan alyumin qalpoqcha bilan siqilgan shisha flakonda. 1 flakondan qo‘llash bo‘yicha yo‘riqnomasi bilan karton qutida.