oq, tiniq bo‘lmagan krem.

husnbuzarni mahalliy davolash uchun vosita.

D10AX03.

Akne (oddiy xusnbuzarlar) ni mahalliy davolash uchun qo‘llanadi.

Aknestop kremi terining shikastlangan sohalariga kuniga ikki marta (ertalab va kechqurun) ehtiyotkorlik bilan ishqalash kerak. Yuzning butun yuzasi uchun taxminan 0,5 g (2,5 sm) krem yetarli bo‘ladi. Xusnbuzar tananing boshqa sohalarida paydo bo‘lgan hollarda, masalan ko‘krakda yoki orqada, kremning miqdori muvofiq tarzda olinishi kerak. Terisi sezgir bo‘lgan patsiyentlarga Aknestopni kuniga bir marta (kechqurun) birinchi hafta davomida,  keyinchalik kuniga ikki martaga o‘tish bilan ishlatish tavsiya etiladi. Preparatni ishlatishdan oldin terini yaxshilab, toza suv bilan yoki yumshoq kosmetik tozalovchi vosita bilan yuvish kerak. So‘ngra teri butunlay quritiladi va krem quruq teriga qo‘yiladi. Davolash kursining davomiyligi kasallikning shaxsiy kechish manzarasiga qarab o‘zgaradi va uning yaqqollik darajasi bo‘yicha belgilanadi. Xusnbuzari bo‘lgan patsiyentlarda, sezilarli yaxshilanish odatda, taxminan 4 haftadan keyin kuzatiladi. Optimal natijaga erishish uchun preparatni bir necha oy davomida uzluksiz qo‘llash tavsiya etiladi. Davolashning butun davri davomida Aknestop kremini muntazam ishlatishni davom ettirish muhim. Lekin, terining o‘tmaydigan ta’sirlanishi paydo bo‘lgan hollarda (“Nojo‘ya ta’sirlari”ga qarang), ta’sirlanish yo‘qolgunicha qo‘yilayotgan kremning miqdori kamaytirilishi yoki ishlatish soni kuniga bir martagacha kamaytirilishi kerak. Zarurati bo‘lganda, davolash bir necha kunga vaqtincha to‘xtatilishi mumkin.

Eng ko‘p kuzatiladigan nojo‘ya samaralari: qo‘llash joyida achishish hissi, qichishish va eritema. Nojo‘ya reaktsiyalarning tez-tezligi MedDRA tasnifiga muvofiq berilgan: juda tez-tez (≥1|10); tez-tez (≥1/100 dan <1/10 gacha); tez-tez emas (≥1/1000 dan <1/100 gacha); kam hollarda (≥1/10000 dan <1/1000 gacha); juda kam hollarda (<1/10000); tez-tezligi noma’lum (mavjud ma’lumotlar asosida baxolash mumkin emas). Teri va teri osti kletchatkasi tomonidan buzilishlar: tez-tez emas – seboreya, akne, teri depigmentatsiyasi; kam hollarda- xeylit (lablarni yallig‘lanishi). Umumiy buzilishlar va yuborish joyidagi buzilishlar: juda tez-tez – qo‘llash joyida achishish, qichishish va eritema; tez-tez – qipiqlanish, og‘riq, terini qurishi, teri rangini o‘zgarishi, qo‘llash joyida ta’sirlanish; tez-tez emas – paresteziyalar, dermatit, qo‘llash joyida diskomfort va shish; kam hollarda – vezikulalar, ekzema, qo‘llash joyida issiqlik xissi, yara va toshma. Immun tizimi tomonidan buzilishlar: kam hollarda- astmani zo‘rayishiga olib boruvchi o‘ta yuqori sezuvchanlik. Odatda terining maxalliy ta’sirlanishi davolash davomida yo‘qoladi. Azealin kislotasini qo‘llagan patsiyentlarda bronxial astma simptomlarini zo‘rayish hollari qayd etilgan (tez-tezligi noma’lum).

Ta’sir qiluvchi moddaga yoki preparatning yordamchi moddalaridan birontasiga o‘ta yuqori sezuvchanlikda qo‘llash mumkin emas.

O‘zaro ta’sirni o‘rganish yuzasidan tadqiqotlar o‘tkazilmagan. Aknestop krem preparatining tarkibi, preparatning xavfsizligiga salbiy ta’sir qilishi mumkin bo‘lgan alohida komponentlarining birontasi noxush o‘zaro ta’siriga moyillik qilmaydi. Spetsifik dorilarni o‘zaro ta’siri haqida ma’lumotlar yo‘q.

Homiladorlik va emizish davrida qo‘llanishi. Homilador ayollarda azelain kislotasini maxalliy qo‘llash yuzasidan muvofiq va yaxshi nazoratlangan tadqiqotlari o‘tkazilmagan. Hayvonlardagi eksperimental tadqiqotlarda homiladorlikka, embrional va pusht rivojlanishiga, tug‘ruq faoliyatiga yoki tug‘ruqdan keyingi rivojlanishga bevosita yoki bilvosita salbiy ta’siri aniqlanmagan. Homilador ayollarga azelain kislotasi buyurilganida, preparatni ehtiyotkorlik bilan qo‘llash kerak. Go‘daklar preparat qo‘yilgan onaning terisi/ko‘kragiga tegib ketmasliklari kerak. Azelain kislotasini ko‘krak sutiga o‘tishi noma’lum. Teri ichiga so‘rilishini pastligi va sutda azealin kislotasi kontsentratsiyasini yo‘qligi tufayli, sut orqali go‘dakka o‘tishi mumkin bo‘lgan azelain kislotasining miqdori 0,01% ni tashkil qiladi. Bu Aknestop 20% krem 5 g tavsiya etilgan maksimal dozada, sutkada 2 marta qo‘llangandan keyin kuniga 200 mkg dan kamroqqa to‘g‘ri keladi. Emizish davri vaqtida Aknestop preparatini ehtiyotkorlik bilan qo‘llash kerak. Avtotransportni yoki boshqa mexanizmlarni boshqarishda reaktsiya tezligiga ta’sir qilish xususiyati. Ta’sir qilmaydi. Preparat bolalar ololmaydigan joyda saqlansin va yaroqlilik muddati o‘tgach qo‘llanilmasin.

Original o‘ramida, 25oS dan yuqori bo‘lmagan haroratda saqlansin. Muzlatilmasin.

Aknestop krem preparatini mahalliy qo‘llash natijasida azelain kislotasining dozasini oshirib yuborilish hollari haqida xabar berilmagan. Preparatni teriga bir marta qo‘llanganda (so‘rilish uchun yaxshi bo‘lgan sharoitlarda katta maydonda qo‘llash) yoki tasodifan peroral qabul qilinganda o‘tkir intoksikatsiya xavfi yuz berishiga olib kelmaydi. Lokal va tizimli toksikligi past bo‘lganligi tufayli, azelain kislotasi bilan intoksikatsiya ehtimoli kam.

Retseptsiz beriladi

Krem 30 g dan tubalarda, 1 tuba qutida.

2 yil.