oq suspenziya

beta-adrenoretseptorlarning selektiv agonisti.

R03AC02.

Ingalyatsiya ko‘rinishida qo‘llanilganda dozaning 10-20% quyi nafas yo‘llariga yetib boradi. Qolgan qismi nafas yo‘llarida tutib qolinadi yoki og‘iz-halqumda cho‘qib, shu yerdan yutiladi. Preparatning yutilgan qismi me’da-ichak yo‘llaridan so‘riladi va fenol sulfatini hosil bo‘lishi bilan yaqqol tizim oladi metabolizmiga uchraydi. Nafas yo‘llarida cho‘kkan preparatning bir qismi o‘pka to‘qimasiga va qon tomirlariga so‘riladi, shundan keyin jigarda metabolizmga uchraydi, lekin o‘pkada metabolizmga uchramaydi. Asosan siydik orqali o‘zgarmagan holda va fenol sulfati ko‘rinishida chiqarib yuboriladi. Preparatning ozgina qismi axlat bilan chiqarildi. Vena ichiga yuborilgan salbutamolning yarim chiqarilish davri 4-6 soatni tashkil etadi. Vena ichiga, ichga yoki ingalyatsiya yo‘li bilan yuborilgan salbutamolning deyarli barcha dozasi 72 soat davomida chiqariladi. Salbutamolning plazma oqsillari bilan bog‘lanishi taxminan 10% ni tashkil etadi.

Bronxial astmadagi qaytuvchan bronxokonstriktsiyani va o‘pkaning surunkali obstruktiv kasalliklari (O‘SOK), shu jumladan surunkali bronxit va o‘pka emfizemasini simptomatik davolash. Allergen ta’sirida yoki jsmoniy zo‘riqishlar oqibatida kelib chiqadigan astmani oldini olish uchun qo‘llaniladi. Preparat birinchi navbatda astma simptomlarini yengillashtirish uchun ishlatiladi, bunda, uni qo‘llash ingalyatsion kortikosteroidlarni buyurishni va muntazam qo‘llashni kechiktirishga olib kelmaydi.

Preparat faqat ingalyatsiya uchun mo‘ljallangan. Dozalash individual ravishda tanlanadi. Katalar va 12 yoshdan katta bolalar Astma xurujlarini yengillashtirish: talabga ko‘ra 1-2 ingalyatsiya buyuriladi. Maksimal doza: sutkada 8 ingalyatsiyani tashkil etadi. Allergen ta’sirida yoki jismoniy yuklamalar oqibatidagi astma simptomlarini oldini olish: simptomlarni rivojlanishini qo‘zg‘atuvchi xodisadan 10-15 minut oldin 2 ingalyatsiya buyuriladi. 12 yoshdan kichik bolalar Astma xurujlarini yengillashtirish: talabga ko‘ra 1-2 ingalyatsiya buyuriladi. Maksimal doza: sutkada 8 ingalyatsiyani tashkil etadi. Allergen ta’sirida yoki jismoniy yuklamalar oqibatidagi astma simptomlarini oldini olish: simptomlarni rivojlanishini qo‘zg‘atuvchi xodisadan 10-15 minut oldin yoki, agar lozim bo‘lsa 2 ingalyatsiya buyuriladi.

Nojo‘ya samaralar tizim-a’zo sinflari va rivojlanish tez-tezligiga muvofiq ravishda taqsimlangan. Nojo‘ya samaralar tez-tezligi quyidagicha aniqlangan: juda tez (≥1/10), tez-tez (≥1/100, <1/10), tez-tez emas (≥1/1000, <1/100), kam hollarda (≥1/1000, <1/10000), juda kam hollarda (<1/10000), tez-tezligi noma’lum (mavjud ma’lumotlarga ko‘ra tez-tezligini aniqlashning iloji yo‘q). Xar bir chastota guruhida nojo‘ya samaralar rivojlanishi og‘irli darajasini kamayishi tartibida ko‘rsatilgan.

Preparatning ta’sir etuvchi va yordamchi moddalariga yuqori sezuvchanlikda qo‘llash mumkin emas.

Ksantin hosilalari, steroidlar yoki diuretiklar bilan bir vaqtda qo‘llanganida gipokalemiya kuchayishi mumkin. Bronxial astmasi bo‘lgan patsiyentlarda, beta-blokatorlarni buyurilishi og‘ir bronxospazmni rivojlanish xavfi bilan bog‘liq bo‘ladi. Shuning uchun AEROBRESni, odatda noselektiv beta-blokatorlar bilan birga qo‘llash mumkin emas. Galogen saqlovchi anestetiklar (galoton, metoksifuran yoki enfluran kabi) larni salbutamol qabul qilayotgan patsiyentlarga buyurilganda, og‘ir yurak aritmiyalari va gipotenziyani rivojlanish xavfi mavjud. Agar galogen saqlaydigan anestetiklar yordamida anesteziya qilish rejalashtirilayotgan bo‘lsa, anesteziya o‘tkazishdan kamida 6 soat oldin AEROBRESni qo‘llamaslik kerak. Monoaminooksidaza ingibitorlari va tritsiklik antidepressantlar yurak-qon tomir tizimi tomonidan nojo‘ya samaralarni yuz berishi xavfini oshirishi mumkin. AEROBRES preparati qo‘llanishi natijasida kelib chiqqan gipokalemiya digoksin-induktsiyalangan aritmiyalarni rivojlanishga moyillikni oshirish mumkin.

Bronxial astmani davolash odatda patsiyentning extiyojlariga moslashtirilgan dastur bo‘lib, bunda patsiyentning davolashga bo‘lgan javob reaktsiyasi, klinik jihatdan va tashqi nafas funktsiyaning ko‘rsatkichlarini aniqlash yordamida nazorat qilinib turilishi kerak. Beta2-agonistlariga bo‘lgan extiyojni doimiy oshib borishi astmani zo‘rayishini anglatadi va davolashni qayta ko‘rib chiqishni talab etadi. Vaqti-vaqti bilan avj oluvchi bronxial astmasi bo‘lgan patsiyentlarda bronxodilatatorlar monoterapiya yoki asosiy davolash vositasi sifatida qo‘llanmasligi kerak. AEROBRES quyidagi holatlarda extiyotkorlik bilan va uni qo‘llanilishiga aniq ko‘rsatmalarga rioya qilgan holda qo‘llanishi lozim: yurak tomonidan og‘ir buzilishlar, ayniqsa yaqinda o‘tkazilgan miokard infarkti;yurak ishemik kasalligi, gipertrofik obstruktiv kardiomiopatiya va taxiaritmiya;og‘ir va davolanilmagan gipertenziya;anevrizma;qiyin nazorat qilinuvchi qandli diabet;feoxromotsitoma;nazorat qilib bo‘lmaydigan gipertireoz;davolanmagan gipokalemiya. Simpatomimetiklarni, shu jumladan AEROBRES qo‘llanganda yurak-qon tomir tizimi tomonidan nojo‘ya samaralar kelib chiqishi mumkin. Beta-agonistlarni qo‘llash bilan bog‘liq bo‘lgan miokard ishemiyasini yuz berishining kam hollari to‘g‘risida xabarlar bor. Yondosh og‘ir yurak kasalliklari (masalan, yurak ishemik kasalligi, aritmiyalar yoki og‘ir yurak yetishmovchiligi) bo‘lgan patsiyentlarni, AEROBRES qabul qilayotganda ko‘krakda og‘riq yoki boshqa zo‘rayish simptomlari paydo bo‘lganida shifokorga murojaat qilishlari kerakligi to‘g‘risida ogoxlantirilgan bo‘lishlari kerak. Nafas olishning qiyinlashishi yoki ko‘krakda og‘riq kabi simptomlarni ayniqsa sinchiklab baholash zarur, chunki ular ham respirator, ham kardial kelib chiqishga ega bo‘lishi mumkin. Ksantin hosilalari, steroidlar va diuretiklarni bir vaqtda qo‘llanganda, shuningdek gipoksiya yuz berganida gipokalemiya chuqurlashishi mumkin. Demak, xavf guruhi patsiyentlar, shuningdek bronxial astmani AEROBRES ingalyatsiya uchun aerozoli ko‘rinishida salbutamolning yuqori dozalari bilan davolanganda qonda kaliy darajasini nazorat qilib turish kerak. Beta2-agonistlari giperkalemiya chaqirishi mumkinligi tufayli, AEROBRES preparatini qandli diabeti bilan xastalangan shaxslarda qo‘llaganda, qonda glyukoza darajasini qo‘shimcha ravishda nazorat qilishi kerak. Noselektiv beta-blokatorlar salbutamolning ta’sirini butunlay susaytirishi mumkin. Bronxial astma bilan xastalangan patsiyentlarda beta-blokatorlarni qo‘llash og‘ir bronxospazmni yuz berishi xavfiga olib keladi. Shunday qilib, AEROBRES va noselektiv beta-blokatorlar, odatda bir vaqtda buyurilmasligi kerak. Astmani nazorat qilishning keskin va avj olib boruvchi yomonlashishi hayot uchun xavfli bo‘lishi mumkin. Patsiyentlar, AEROBRES preparatining ta’siri susayganda shifokorga murojaat qilishlari lozim, chunki takroriy ingalyatsiyalar boshqa muxim terapiyani tayinlashni kechga surishga sabab bo‘lmasligi kerak. Bunday xollarda kortikosteroidlarning yuqori dozalari bilan davolashni ko‘rib qichishi kerak. Boshqa ingalyatsion preparatlar kabi, AEROBRES xushtaksimon nafasni kuchayishi bilan kechuvchi paradoksal bronxospazmni qo‘zg‘atishi mumkin. Bunday hollarda preparatni zudlik bilan bekor qilish va boshqa davolashni buyurish kerak. AEROBRES preparatini qo‘llash doping testining ijobiy natijalariga olib kelishi mumkin. Ushbu preparatni doping sifatida qo‘llash sog‘liqni izdan chiqishiga olib kelishi mumkin.

Hayvonlarda reproduktiv toksiklik aniqlangan. Homilador ayollarda preparatni qo‘llash xavfsizligi aniqlanmagan. Preparatni homiladorlik davrida uni qo‘llash mutloqo zarur bo‘lgan xolatlardan tashqari xollarda qo‘llash mumkin emas. Salbutamol odamda extimol sutga o‘tishi mumkinligi tufayli, uni emizayotgan ayollar tomonidan qo‘llash masalasi sinchiklab ko‘rib chiqilishi lozim. Emizikli bolaga bo‘lishi mumkin bo‘lgan xavfni inkor etishi mumkin emas. Yoxud emizishni to‘xtatish yoxud AEROBRES bilan davolashni to‘xtatish to‘g‘risidagi qarorni ona uchun davolashdan kutiladigan foyda va bola uchun emizishdan kutiladigan foyda bilan qiyoslab, qabul qilinadi.

Tekshirilmagan. Preparat bolalar ololmaydigan joyda saqlansin va yaroqlilik muddati o‘tgach qo‘llanilmasin.

30oS dan yuqori bo‘lmagan haroratda saqlansin. Ingalyator gorizontal holatda yoki mundshtuki pastga qaratilgan holatda saqlansin. Ballondagi suyuqlik bosim ostida saqlanadi. Ballonga 50oS dan yuqori harorat ta’siri bo‘lishiga, xatto qisqa vaqtga ham yo‘l qo‘yilmasin. Yuqori harorat, to‘g‘ri tushadigan quyosh nurlari ta’siridan va muzlashidan himoya qilinsin. Ballonni xatto u bo‘sh bo‘lsa ham, teshilmasin.

Doza oshirib yuborilganda yuqorida sanab ko‘rsatilgan nojo‘ya samaralar to‘satdan paydo bo‘lishi va ularni rivojlanish darajasi kuchliroq bo‘lishi mumkin. Tipik simptomlari: taxikardiya, yurakni tez urib ketishi, yurak aritmiyalari, qo‘zg‘alish, uyquni buzilishi, ko‘krak qafasida og‘riq va og‘ir tremor, ayniqsa qo‘llarda va yana shuningdek butun tanada tremor. Me’da-ichak yo‘llari tomonidan shikoyatlar paydo bo‘lishi mumkin, jumladan, zaharlanish va preparatni ichga tushishi natijasida ko‘ngil aynishi kuzatiladi. Ba’zida salbutamolning ortiqcha dozalari qabul qilinganda psixotik reaktsiyalar kuzatilgan. Salbutamolning dozasini oshirib yuborilishi oqibatida kaliyning hujayra ichiga o‘tishi kuzatilgan va bu gipokalemiya va giperkalimiyaga olib kelgan. Dozani oshirib yuborilishini davolash asosan simptomatikdir. Quyidagi muolajalarni o‘tkazish tavsiya etiladi. Preparatning ko‘p miqdori yutib yuborilganda me’dani yuvish o‘tkazilishi kerak. Preparat so‘rilishini faollashtirilgan ko‘mir va surgi vositalar yordamida kamaytirish mumkin.Yurak tomonidan kuzatiladigan simptomlar kardioselektiv beta-blokatorni qo‘llash bilan bartaraf etiladi. Bunda bronxial astma bilan xastalangan patsiyentlarda bronxospazmni rivojlanishining yuqori xavfini hisobga olish kerak.Yurak faoliyatini nazorat qilib turish uchun EKG nazoratini o‘tkazish kerak.Yaqqol rivojlangan arterial gipotenziyada suyuqlik xajmini o‘rnini to‘ldirish tavsiya etiladi (masalan, plazmaning o‘rini bosuvchilar yordamida). Gipokalemiyani rivojlanish extimolini hisobga olish kerak. Elektrolit balansini muvofiq tarzda nazorat qilish va zarurat bo‘lganida, uni muvofiqlashtirish tavsiya etiladi. Bundan tashqari, gipokalemiya, giperlipidemiya yoki ketonemiyani keltirib chiqarishi mumkin bo‘lgan avvalgi xar qanday boshqa preparatlar bilan davolashni hisobga olish lozim.

Retsept bo‘yicha beriladi

Dozalovchi klapanli va plastik applikatorli alyumin ballon. O‘ram 200 ingalyatsiya saqlaydi (ingalyatsiya uchun 8,5 g aerozolga ekvivalent suspenziyalar).

2 yil.