to‘q sariq rangli, shirin ta’mli va yoqimli hidli sirop.

balg‘am ko‘chiruvchi vosita

Terbutalin ichga qabul qilingandan keyin me’da- ichak yo‘llaridan tez va to‘liq so‘riladi. Maksimal kontsentratsiyaga erishish vaqti (Tmax) 1- 3 soatni, yarim chiqarilish davri (T½) 4 soatni tashkil qiladi. Jigarda metabolizmga uchraydi. Siydik va ahlat bilan chiqariladi. Gvayfenezin me’da-ichak yo‘llaridan tez so‘riladi (ichga qabul qilinganidan keyin 25-30 minutdan so‘ng). Nordon mukopolisaxaridlarni saqlovchi to‘qimalarga kiradi. Jigarda metabolizmga uchraydi. T½ 1 soat. O‘pkalar orqali balg‘am bilan va buyraklar orqali siydik bilan nofaol metabolitlari ko‘rinishida chiqariladi. Bromgeksin gidroxloridi me’da-ichak yo‘llaridan tez so‘riladi va jigar orqali “birinchi o‘tishda ”jadal metabolizmga uchraydi. Biokiraolishligi taxminan 20% ni tashkil qiladi. Sog‘lom patsiyentlarda Smax plazmada 1 soatdan keyin aniqlanadi. Organizmning to‘qimalarida keng taqsimlanadi. Taxminan 85-90% siydik bilan metabolitlari ko‘rinishida chiqariladi. Ambroksol bromgeksinning metabolitidir. Plazma oqsillari bilan bog‘lanishi yuqori. T½ terminal fazada taxminan 12 soatni tashkil qiladi. Gematoentsefalik to‘siq orqali va oz miqdorda yo‘ldosh to‘sig‘i orqali o‘tadi. Faqat oz miqdorigina siydik bilan chiqariladi, T½ 6,5 soat. Jigar va buyraklarning og‘ir buzilishlari bo‘lgan patsiyentlarda bromgeksin va uning metabolitlarini klirensi kamayishi mumkin.

Preparat yuqori nafas yo‘llarini qiyin ajraladigan balg‘am va yo‘tal bilan kechuvchi kasalliklari: traxeobronxit, surunkali bronxit, surunkali pnevmoniya, o‘pkalarning obstruktiv kasalliklarida qo‘llanadi.

Sirop ichga qabul qilish uchun mo‘ljallangan. Bolalarga: 2-4 yoshli – 1 choy qoshiqdan yoki shifokorning ko‘rsatmasi bo‘yicha. 6-12 yoshli – 1-2 choy qoshiqdan yoki shifokorning ko‘rsatmasi bo‘yicha. 12 yoshdan kattalarga: 2 choy qoshiqdan kuniga 3 marta yoki yoki shifokorning ko‘rsatmasi bo‘yicha buyuriladi.

Preparat odatda yaxshi o‘zlashtiriladi. Ammo ba’zida bo‘lishi mumkin: Ovqat hazm qilish tizimi tomonidan: ko‘ngil aynishi, qusish, abdominal og‘riqlar, diareya, qon zardobida jigar transaminazalari faolligini oshishi. Markaziy nerv tizimi tomonidan: bosh og‘rig‘i, bosh aylanishi, uyquchanlik. Nafas tizimi tomonidan: yo‘tal, bronxospazm. Allergik reaktsiyalar: teri toshmasi, eshakemi.

Preparatning komponentlariga yuqori sezuvchanlikda qo‘llash mumkin emas. Siropni yurak- qon tomir kasalliklari, shu jumladan yurak ishemik kasalligi (yuqori arterial bosim va kardioaritmiya), gipertireoz yoki qandli diabet, me’daning yara kasalligi, og‘ir jigar va buyrak yetishmovchiligi va shuningdek simpatomimetik aminlarga reaktsiya qiluvchan yoki tirishishli buzilishlari bo‘lgan patsiyentlarda ehtiyotkorlik bilan qo‘llash lozim.

Preparatning tarkibiga kiruvchi gvayfenezin markaziy nerv tizimini susaytiruvchi dori vositalarining, shuningdek etanolning ta’sirini kuchaytiradi. Bromgeksin ishqoriy eritmalar bilan nomutanosib. Terbutalinni boshqa simpatomimetiklar bilan birga qo‘llash tavsiya qilinmaydi, chunki majmua yurak tomir tizimiga salbiy ta’sir ko‘rsatishi mumkin. Terbutalinni monoamiooksidaza ingibitorlari oksidlari bilan davolanayotgan patsiyentlarga o‘ta ehtiyotkorlik bilan buyuriladi, chunki bu holda terbutalinni tomir tizimiga ta’siri kuchayishi mumkin.

Homiladorlik va laktatsiya Preparatni homiladorlik va emizish davrida qo‘llashning zarurati bo‘lganida ona uchun kutiladigan foyda va homila uchun bo‘lgan potentsial xavf nisbatini hisobga olish lozim. Siropni qo‘llash oldidan yaxshilab chayqatish kerak. Preparat bolalar ololmaydigan joyda saqlansin va yaroqlilik muddati tugaganidan keyin qo‘llanmasin.

Quruq, salqin va yorug‘likdan himoyalangan joyda, 25oS dan yuqori bo‘lmagan haroratda.

Simptomlari: bosh aylanishi, terlash, ko‘ngil aynishi va qusish Davolash: simptomatik davolash  va me’dani yuvish, faollashtirilgan ko‘mirni buyurish .

Shifokor retsepti bo‘yicha

Sirop 100 ml dan  plastik flakonlarda, o‘lchov stakanchasi bilan komplektda.

2 yil.