ko‘rinadigan zarrachalardan deyarli xolis bo‘lgan, tiniq va rangsiz eritma.

uglevodli oziqlantirish uchun vosita.

V05SX01

Vena ichiga yuborilganida glyukoza eritmasi qon-tomirlar havzasidan tez chiqib ketadi. Hujayralarga tashilishi insulin tomonidan boshqariladi. Organizmda energiya almashinuvining asosiy yo‘li – geksozofosfat yo‘li bilan biotransformatsiyaga uchrab, makroergik birikmalar (ATF) hosil bo‘ladi va plastik almashinuvining asosiy yo‘li – pentozofosfat yo‘li bilan biotransformatsiyaga uchrab, nukleotidlar, aminokislotalar, glitserin hosil bo‘ladi. Glyukoza molekulalari organizmni energiya bilan ta’minlanishi jarayonida sarflanadi. Glyukoza, to‘qimalarga borib, fosforlanadi va glyukoza-6-fosfatiga aylanadi, u natijada moddalar almashinuviga (metabolizmining yakuniy mahsulotlari bo‘lib karbonat angidridi va suv hisoblanadi) kirishadi. Gistogematik to‘siqlar orqali barcha to‘qimalar va a’zolarga o‘tadi. Organizm tomonidan to‘liq o‘zlashtiriladi, buyraklar orqali chiqarilmaydi (siydikda paydo bo‘lishi patologik belgi hisoblanadi).

5% li glyukoza eritmasi hujayra, hujayradan tashqari va umumiy degidratatsiyada suyuqlik hajmini tez to‘ldirish uchun, shuningdek qonni o‘rnini bosuvchi va shokka qarshi suyuqliklarning komponenti sifatida qo‘llanadi. 10% li glyukoza eritmasi gipoglikemiya, infektsion kasalliklar, gepatit, jigar distrofiyasi va atrofiyasi, yurak faoliyatini dekompensatsiyasi, o‘pka shishi, gemorragik diatezlar, toksikoinfektsiyalar, intoksikatsiyalar (narkotiklar, tsianid kislotasi va uning tuzlari, uglerod oksidi, anilin, mish’yak vodorodi, fosgen va boshqalar bilan zaharlanganda), shok va kollapsda, qisman yoki to‘liq parenteral oziqlantirish sifatida qo‘llanadi.

50 mg/ml izotonik eritma minutiga 70 tomchi (soatiga tana vazniga 3 ml/kg) tavsiya etilgan yuborish tezligi bilan vena ichiga tomchilab yuboriladi. 100 mg/ml gipertonik eritma minutiga 60 tomchi (soatiga tana vazniga 2,5 ml/kg) tavsiya etilgan yuborish tezligi bilan vena ichiga tomchilab yuboriladi. Glyukozaning 50 mg/ml va 100 mg/ml eritmalarini vena ichiga oqim bilan – 10-50 ml yuborish mumkin. Moddalar almashinuvi normal bo‘lgan kattalarda yuboriladigan glyukozaning sutkalik dozasi sutkada tana vazniga 1,5-6 g/kg dan oshmasligi kerak (moddalar almashinuvining jadalligi pasayganida sutkalik doza kamaytiriladi), bunda yuboriladigan suyuqlikning sutkalik hajmi – 30-40 ml/kg bo‘ladi. Bolalarga parenteral oziqlantirish uchun yog‘lar va aminokislotalar bilan bir qatorda, birinchi kunida sutkada tana vazniga 6 g/kg, keyinchalik – sutkada tana vazniga 15 g/kg gacha bo‘lgan dozada yuboriladi. Glyukozaning dozasi hisoblanganida 50 mg/ml va 100 mg/ml dekstroza eritmalari yuborilganida, yuboriladigan suyuqlikning yo‘l qo‘yilishi mumkin bo‘lgan hajmini: tana vazni 2-10 kg bo‘lgan bolalar uchun – sutkada 100-165 ml/kg, tana vazni 10-40 kg bo‘lgan bolalar uchun – sutkada 45-100 ml/kg e’tiborga olish kerak. Glyukoza eritmasi erituvchi sifatida ishlatilganida, tavsiya etiladigan dozasi eritiladigan dori vositasining dozasiga 50-250 ml ni tashkil etadi, uning hususiyatlarini yuborish tezligi ham belgilaydi.

Ionlar muvozanatini buzilishi, gipokaliyemiya, giperkaliyemiya, gipervolemiya, o‘tkir chap qorincha yetishmovchiligi, isitma, yuborilgan joyda to‘qimalarni yallig‘lanishi, infektsiyani rivojlanishi, tromboflebit bo‘lishi mumkin.

O‘ta yuqori sezuvchanlik, giperkaliyemiya, giperlaktatsidemiya, gipergidratatsiya, glyukozani utilizatsiyasini operatsiyadan keyingi buzilishlari; miya va o‘pka shishini rivojlanishiga havf tug‘diruvchi tsirkulyator buzilishlar; miya shishi, o‘pka shishi, o‘tkir chap qorincha yetishmovchiligida qo‘llash mumkin emas. Ehtiyotkorlik bilan: dekompensatsiyalangan surunkali yurak yetishmovchiligi, surunkali buyrak yetishmovchiligi (oligo-, anuriya), giponatriyemiya, qandli diabetda ehtiyotkorlikka rioya qilish kerak.

Glyukoza barbituratlar, eritromitsin, aminofillin, gidrokortizon, varfarin, kanamitsin, sulfanilamid eritmalari, tsianokobalamin bo‘lgan eritmalarda nomutanosibdir.

Glyukoza eritmasini tez yoki uzoq vaqt davomida yuborish mumkin emas. Agar yuborilish vaqtida et uvishishi kuzatilsa, yuborishni darhol to‘xtatish kerak. Tromboflebitni oldini olish uchun yirik venalar orqali sekin yuborish kerak. Preparat bolalar ololmaydigan joyda saqlansin va yaroqlilik muddati o‘tgach ishlatilmasin.

Yorug‘likdan himoyalangan joyda 25oS dan yuqori bo‘lmagan haroratda saqlansin.

Nojo‘ya reaktsiyalarni namoyon bo‘lishi kuchayadi. Giperglikemiya va gipotonik gepergidratatsiya rivojlanishi mumkin. Preparatning dozasi oshirib yuborilganida simptomatik davolash buyurish va oddiy insulin preparatlarini yuborish kerak.

Retsept bo‘yicha

100 ml, 250 yoki 500 ml eritma plastik flakonda yoki plastik paketda; bir flakon yoki paket tibbiyotda qo‘llash bo‘yicha yo‘riqnomasi bilan birga yoki yo‘riqnomasisiz plastik o‘ramga joylangan.

3 yil.