деярли оқ ёки сарғиш, намни деярли тортмайдиган (гигроскопик хусусияти заиф) кристаллсимон кукун.

J01DD04

Цефтриаксон фармакокинетикаси ночизиқ тавсифга эга. Барча препаратнинг умумий концентрацияларига асосланган асосий фармакокинетик параметрлар, ярим чиқариш даврини истисно қилганда, дозага боғлиқ бўлиб, дозанинг ортишига пропорционал равишда ўзгармайдилар. Қон плазмасидаги умумий концентрацияга боғлиқ фармакокинетик параметрлар учун ночизиқлик хос бўлиб, бу ҳолат препаратнинг қон плазмасидаги оқсиллар билан боғланишидаги тўйинганлик билан изоҳланади. Сўрилиши: Мушак ичига бир марта 1 грамм препарат киритилганидан кейин плазмадаги максимал концентрация 81 мг/л ни ташкил қилиб, бу кўрсаткичга инекция қилинганидан 2-3 соат ўтганидан кейин эришилади. “Плазмадаги концентрация – вақт” эгри чизиғи остидаги майдони, вена ва мушак ичига юборилганидан кейин бир хил бўлади. Демак, мушак орасига юборилган инекциядан кейин цефтриаксоннинг биологик жиҳатдан ўзлаштирилиши 100% ни ташкил этади. Вена ичига 500 мг ва 1 г цефтриаксоннинг болюсли инекциясидан кейин қон плазмасидаги ўртача максимал концентрация мос равишда 120 мг/л ва 200 мг/л ни ташкил қилган. Венага 1 ва 2 г цефтриаксон билан бирга 500 мг ли инфузия юборилганидан кейин қон плазмасидаги препарат концентрацияси мос равишда тахминан 80, 150 ва 250 мл/г ни ташкил қилган. Мушак ичига бажарилган инекциядан кейин қон плазмасидаги цефтриаксон концентрациясининг ўртача максимал кўрсаткичи вена ичига бажарилган инекциядан кейинги кўрсаткичдан тахминан икки маротабага камроқ бўлган. Тақсимланиши: Цефтриаксон тақсимланишининг ҳажми 7-12 литрни ташкил қилади. 1-2 граммли доза киритилганидан кейин цефтриаксон организм тўқималари ва суюқликларига яхши сингиб кетади. 24 соатдан ошиқ вақт давомида унинг концентрацияси 60 дан ортиқ тўқима ва суюқликлардаги (шу жумладан, ўпка, юрак, сафро йўллари, жигар, бодомсимон без, ўрта қулоқ ва буруннинг шиллиқ пардаси, суяклар, шунингдек орқа мия, плеврал ва синовиал суюқликлар ва простата бези секрети) инфекция қўзғатувчиларнинг аксарияти учун инфекцияларга қарши курашувчи минимал концентрациялардан сезиларли даражада юқорироқ бўлади. Вена ичига киритилган цефтриаксон орқа мия суюқлигига тезда сингиб кетади ва у ерда таъсирчан микроорганизмларга нисбатан бактерицидли бўлган концентрациялар 24 соат давомида сақланиб қолади. Оқсиллар билан боғланиши: Цефтриаксон албумин билан қайта боғланишга эга. Қон плазмасидаги цефтриаксон концентрацияси 100 мг/л дан кам бўлганида боғланиш даражаси тахминан 95% ни ташкил қилади. Қон плазмасидаги оқсил билан боғланган цефтриаксон улуши унинг концентрацияси ортиб боришига қараб камаяди, чунки боғланиш тўйиниш билан бирга кечади ва концентрация кўрсаткичи 300 мг/л бўлганида тахминан 85% ни ташкил қилади. Айрим тўқималарга  сўрилиши( тақсимланиши): Цефтриаксон мия қобиқлари орқали, аксарият уларнинг яллиғланишида кўпроқ сингийди. Цефтриаксоннинг орқа мия суюқлигидаги ўртача максимал концентрацияси бактериал менингити бўлган бемор қон плазмасидаги цефтриаксон концентрациясининг 25% ни ва мия қобиқларида яллиғланиш бўлмаган бемор қон плазмасидаги концентрациянинг фақатгина 2% ни ташкил қилади. Цефтриаксоннинг орқа мия суюқлигидаги максимал концентрациясига препарат вена ичига юборилганидан 4-6 соат ўтганидан кейин эришилади. Цефтриаксон плацентар тўсиқ дан ўтиб, кичик концентрацияларда кўкрак сутида ҳам аниқланиши мумкин. Метаболизми: Цефтриаксон тизимли метаболизмдан холи бўлиб, ичакдаги микрофлора таъсири остида нофаол метаболитларга айланади. Чиқарилиши: Цефтриаксоннинг плазмадаги умумий клиренси 10-22 мл/дақ ни ташкил қилади. Буйракдаги клиренс 5-12 мл/дақ га тенг. Цефтриаксоннинг 50-60% ўзгармаган ҳолда буйрак орқали, 40-50% эса – ўзгармаган ҳолда ичаклар орқали ташқарига чиқарилади. Цефтриаксон ярим чиқарилишининг даври катталарда тахминан 8 соатни ташкил қилади.

Дозалашнинг стандарт режими. Вена ичига, мушак ичига. Катта ёшдагилар ва 12 ёшдан катта болалар≥50 кг: суткасига (ҳар 24 соатда) 1-2 г Оғир ҳолатларда ёки қўзғатувчиларнинг цефтриаксонга нисбатан мўтадил таъсирчанликка эга бўлган инфекциялар мавжудлигида суткалик дозани 4 г гача ошириш мумкин. Даволаниш муддати касалликнинг кечишига боғлиқ. Антибиотикотерапияда, одатдагидек, беморниинг тана ҳарорати меъёрлашиб, қўзғатувчи эрадикацияси тасдиқланганидан кейин 48-72 соат давомида беморга цефтриаксон юборишни давом эттириш лозим. Даволаш курси одатда 4-14 кунни ташкил этади; инфекциялар асорати кузатилган ҳолатларда даволаш кўпроқ муддатга чўзилиши мумкин. Стрептоcоccус пёгенес туфайли чақирилган инфекциялар аниқланганида даволаниш курси 10 кундан кам бўлмаслиги лозим.

ЖССТ маълумотига кўра, ножўя таъсирлар ривожланиш тезлиги бўйича қуйидагича тақсимланади: жуда тез-тез (≥1/10); тез-тез (≥1/100 дан <1/10 гача); кам (≥1/1000 дан <1/100 гача); камдан-кам (≥1/10000 дан <1/1000 гача); жуда кам (<1/10000); номаълум – мавжуд маълумотларга кўра учраш сони аниқлашни имконияти йўқ. Инфекцион ва паразитар касалликлар: кам – жинсий органлар микозлари; камдан-кам – псевдомембранозли колит. Қон тизими ва лимфатик тизими томонидан: тез-тез – еозинофилия, лейкопения, тромбоцитопения; кам – гранулоцитопения, анемия, коагулопатия. Асаб тизими томонидан: кам – бош оғриғи ва бош айланиши. Нафас тизими, кўкрак қафаси ва кўкс оралиғи томонидан: кам – бронхоспазм. Меъда–ичак йўллари томонидан: тез-тез – ич келиши барқарор эмас, диарея (айрим ҳолларда диарея псевдомембраноз колит симптоми бўлиши мумкин); кам – кўнгил айниш, қусиш ва тилнинг яллиғланиши; камдан-кам – қоринда оғриқ. Жигар ва ўт чиқариш йўллари томонидан: тез-тез – жигар ферментлари фаоллигининг ортиши (аспартатаминотрансферазани (АСТ), аланинаминотрансферазани (АЛТ), ишқор фосфатазани (ИФ)). Тери ва тери ости тўқималари томонидан: тез-тез – тошма (иссиқлик); кам – қичишиш; камдан-кам – ешакеми. Буйрак ва сийдик чиқариш йўллари томонидан: камдан-кам – гематурия, глюкозурия. Умумий бузилишлар ва юбориш жойидан бузилишлар: кам – флебит, юборилган жойидаги оғриқ, тана ҳароратининг ошиши; камдан-кам – шиш, азноб. Лаборатория кўрсаткичлари томонидан: кам – қонда креатинин концентрациясининг ошиши.

Ўта сезувчанлик Цефтриаксон ва препаратнинг исталган бошқа компонентига нисбатан ўта сезувчанлик. Цефалоспоринларга нисбатан ўта сезувчанлик. Бошқа б-лактамли антибиотиклар (пенициллинлар, монобактамлар ва карбапенемалар)га нисбатан ўта сезувчанликнинг оғир реакциялари (масалан, анафилактик реакциялар) Чала туғилган болалар Ёши 41 ҳафтагача бўлган чала туғилган болаларга (гестацион ва хронологик ёшларининг суммаси) цефтриаксон препаратини қўллаш тақиқланади. Нормал туғилган болалар (≤28 кунлик) Янги туғилган чақалоқлардаги гипербилирубинемия, сариқлик  ёки ацидоз, гипоалбуминемия (ин витро тадқиқотлар кўрсатдики, цефтриаксон зардоб албумини билан билирубинни сиқиб чиқариши мумкин бўлиб, чақалоқларда билирубин энцефалопатияси ривожланишига хавфини оширар экан). Янги туғилган чақалоқларга таркибида калций бўлган эритмаларни вена ичига юбориш. Калций тузлари преципитатлари пайдо бўлиш хавфи мавжуд бўлгани сабабли таркибида калций бўлган эритмаларни вена ичига юбориш, жумладан, масалан, парентерал озиқлантиришда узоқ муддатли инфузиялар белгиланган ёки назарда тутилаётган янги туғилган чақалоқлар (≤28 кунлик)да эҳтиёткорлик чоралари тутилиши керак. Цефтриаксон ва таркибида калций бўлган эритмаларни қабул қилган янги туғилган чақалоқларда ўпка ва буйракларда преципитатлар пайдо бўлгани тўғрисида маълумотлар бор. Бунда, алоҳида ҳолларда, вена ичига бир маротаба юборилиб , преципитатлар ҳосил бўлиши бевосита вена ичига бир маротабалик фойдаланиш учун инфузия системаси ичида кузатилган. Ундан ташқари, венага цефтриаксон препарати ва таркибида калций бўлган эритмалар киритишнинг турли усуллари қўлланилганида ўлим билан якунланган ҳолат қайд этилган. Бундай ҳолатлар фақат янги туғилган чақалоқларда кузатилган.

Бир вақтнинг ўзида цефтриаксоннинг катта дозалари ва “сиртмоқли” диуретиклар (масалан, фуросемид) қўлланилишида буйрак функцияларида бузилишлар кузатилмаган. Цефалоспорин билан бирга қўлланилишида аминогликозидларнинг нефротокциклиги тўғрисида бир-бирига зид маълумотлар бор, шу сабабли буйрак функцияси ва қондаги аминогликозидлар концентрацияси устидан мониторинг ўтказиш талаб этилади. Цефтриаксон препарати киритилганидан кейин алкаголнинг истеъмол қилинишидан кейин дисулфирамли реакция кузатилмаган. Цефтриаксон таркибида айрим бошқа цефалоспоринларгаа хос бўлган этанолни кўтара олмаслик ва қон кетишини келтириб чиқариши мумкин бўлган Н-метилтиотетразол гуруҳи йўқ. Пробенецид цефтриаксонни чиқариб ташланишига таъсир ўтказмайди. Бактериостатик антибиотиклар цефтриаксоннинг бактерицидли самарасини камайтиради. Ин витро, хлорамфеникол ва цефтриаксон ўртасида антагонизм борлиги аниқланган. Вена ичига киритиш учун мўлжалланган цефтриаксон эритмаларини тайёрлашда ва кейинчалик уларни аралаштиришда, преципитатлар ҳосил бўлиш эҳтимоли мавжуд бўлгани сабабли, Рингер эритмаси ёки Хартман эритмаси каби таркибида калций бўлган эритувчилардан фойдаланишга йўл қўйилмайди. Бир марта венага киритиш учун эритма тайёрлаш учун центриаксон препарати ва таркибида калций бўлган эритмаларларни аралаштирганда ҳам калций тузларининг преципитатлари ҳосил бўлиши мумкин. Венага бир марта киритишга мўлжалланган цефтриаксон препарати ва таркибида калций бўлган эритмаларни аралаштиришда ҳам цефтриаксоннинг калций тузлари преципитлари ҳосил бўлиши мумкин. Узоқ муддатли инфузиялар орқали венага цефтриаксон препарати эритмаларини киритишда, масалан, Й-коннектордан фойдаланган ҳолда парентерал озиқлантиришда ҳам таркибида калций бўлган эритмалардан фойдаланишга йўл қўйилмайди. Беморларнинг барча гуруҳлари учун (янги туғилган чақалоқларни истисно қилганда) цефтриаксон ва таркибида калций бўлган эритмаларнинг кетма-кет киритилишида, бир-бирига мос келадиган суюқликларни қуйиш олдидан инфузион тизимлар пухта ювилиши лозим. Цефтриаксон ва калцийнинг ўзаро таъсирини баҳолаш учун иккита ин витро тадқиқот ўтказилган: биринчисида катта ёшдаги одам қони плазмасидан, иккинчисида эса – янги туғилган чақалоқ киндигидаги қон плазмасидан фойдаланилган. Дастлабки концентрацияси 1 мМ гача (2 грамм препарат инфузион тарзда киритилганидан кейин камидан 30 дақиқа ўтиб цефтриаксон ин виво эришадиган максимал концентрация) бўлган цефтриаксон ва дастлабки концентрацияси 12 мМ (48 мг/дл) бўлган калций турли комбинациялари таҳлил қилинган. Плазмадаги цефтриаксон концентрациясининг камайиши катта одам плазмасидаги калций концентрацияси 6 мМ (24 мг/дл) ва ундан кўпроқ, янги туғилган чақалоқ плазмасидаги калций концентрацияси 4 мМ (16 мг/дл) ва ундан кўпроқ бўлганида кузатилган. Бу ҳолат цефтриаксондаги калций тузларининг ҳосил бўлиш хавфи янги туғилган чақалоқларда юқорироқ бўлишидан далолат беради. Цефтриаксон фармацевтик жиҳатдан амсакрин, ванкомицин, флуконазол ва аминогликозидлар билан мос келмайди ва ҳеч қачон бирга қўлланилмайди. Цефтриаксон препарати терапияси фонида витамин К антагонистлари қўлланилганида қон кетиши хавфи ортади. Қон қуйилиши параметрлари доимо назорат қилиниши ва, зарурат туғилганида, цефтриаксон терапияси вақтида ва у якунланганидан кейин ҳам антикоагулянт дозасига тузатишлар киритиб туриш лозим. Кўпгина грамманфий бактерияларга нисбатан цефтриаксон ва аминогликозидлар ўртасидаги синергизм кўрсатилган. Ушбу комбинацияларнинг юқори самарадорлигини доим ҳам олдиндан айтиб бўлмасада, шартланган Рсеудомонас аэругиноса каби ҳаёт учун хавфли бўлган оғир инфекциялар аниқланганида, эришилиши мумкин бўлган ижобий натижаларни назарда тутиш лозим.

Ўта таъсирчанлик реакцияси Бошқа β-лактам антибиотикларни қўллашда бўлгани каби ўта таъсирчанликнинг оғир реакциялари, шу жумладан ўлим билан якунланган реакциялари қайд этилган. Ўта таъсирчанликнинг оғир реакциялари ривожланишида цефтриаксон терапиясини зудлик билан тўхтатиш ва тегишли даволаш тадбирларини ўтказиш лозим. Цефтриаксон терапиясини бошлашдан олдин беморда цефтриаксон, цефалоспоринларга ёки бошқа б-лактамли антибиотиклар (пенициллинлар, монобактамалар ва карбапенемалар)га нисбатан ўта таъсирчанлик кузатилгани ёки йўқлигини аниқлаш керак. Анамездаги бошқа б-лактамли антибиотиклар (пенициллинлар, монобактамалар ва карбапенемалар)га нисбатан ўта таъсирчанликнинг оғир бўлмаган реакциялари кузатилган беморларга цефтриаксон қўллашда эҳтиёткор бўлиш зарур. Натрия миқдори 1 грамм цефтриаксон препаратида 42,27 мг натрий бор. Натрий миқдори назорат остида парҳезга риоя қилувчи беморлар ушбу ҳолатга алоҳида эътибор қаратишлари лозим. Гемолитик анемия Цефтриаксон препарати билан даволашда, бошқа цефалоспоринлар қўлланилганда кузатилгани каби, аутоиммун гемолитик анемия ривожланиши мумкин. Катталар ва болаларда гемолитик анемиянинг оғир, ҳаттоки, ўлим билан якунланган шакллари қайд этилган. Цефтриаксон препарати билан даволанаётган беморда анемия ривожланишида цефалоспорин-ассоцияланган анемия ташхисини истисно қилиб бўлмайди ва сабаблари аниқлангунича даволашни тўхтатиб туриш талаб этилади. Cлостридиум диффиcиле туфайли юзага келган диарея Цефтриаксон препарати билан даволашда, аксарият антибактериал препаратларни қўллашда бўлгани каби, Cлостридиум диффиcиле (C. диффиcиле) туфайли юзага келган диарея кузатилган. Диарея турлича, яъни енгил ва, ҳаттоки, ўлим билан якунланувчи колит кўринишида бўлиши мумкин. Антибактериал препаратлар билан даволашда йўғон ичакнинг нормал микрофлораси бузилиши кузатилади, бу эса C. Диффиcиле ўсишини рағбатлантиради. C. Диффиcиле, ўз навбатида, C. Диффиcиле туфайли ҳосил бўлган диарея патогенози омиллари ҳисобланган А ва В токсинларини ҳосил қилади. С. диффиcиле штаммлари, антимикроб терапиясига нисбатан барқарор бўлгани сабабли, оғир асоратли ва ўлимга сабаб бўладиган инфекцияларни қўзғатувчиси ҳисобланади. Даволаш эса, ўз навбатида, колектомияни талаб қилиши мумкин. Диарея билан оғриган барча беморларда антибиотикотерапиядан кейин C. Диффиcиле туфайли ҳосил бўлган диареянинг ривожланиш эҳтимоли мавжуд эканини ёдда тутиш зарур. Анамнезни пухта йиғиш талаб этилади, сабаби, антибиотикотерапиядан кейин 2 ой ўтиб ҳам C. Диффиcиле туфайли ҳосил бўлган диарея ривожланиши кузатилган. Диффиcиле туфайли ҳосил бўлган диарея мавжудлиги гумон қилинса ёки тасдиқланса, C. Диффиcилега йўналтирилмаган жорий терапия бекор қилиниши мумкин. Клиник кўрсаткичларга мувофиқ суюқлик ва электролитлар, оқсилларни киритиш, C. Диффиcиле га нисбатан антибиотикотерапия, жарроҳлик амалиёти каби тегишли даволаш усуллари белгиланади. Ичак перисталтикасини тормозловчи препаратларни қўллашга йўл қўйилмайди. Суперинфекцилар Бошқа антибактериал препаратлар билан даволашда бўлгани каби суперинфекциялар ривожланиши кузатилиши мумкин. Протромбин вақтининг ўзгариши Цефтриаксон қабул қилаётган беморларда жуда кам ҳолатларда протромбин вақтининг ўзгариши тавсифланган. Витамин К етишмовчилиги (синтез бузилиши, овқатланиш режимининг бузилиши) мавжуд бўлган беморларга терапия давомида протромбин вақтини назорат қилиш ва протромбин вақти кўпайганида терапия бошланишидан олдин ва терапия давомида витамин К (ҳафтасига 10 мг) қабул қилиш белгиланиши мумкин. Цефтриаксондаги калций тузи преципитатларининг ҳосил бўлиши Янги туғилган чақалоқларнинг ўпка ва буйракларида цефтриаксон-калций преципитатлар йиғилиши оқибатида оғир реакциялар рўй бергани, айрим ҳолларда эса, ўлим билан якунланган ҳолатлар қайд этилган. Каттароқ ёш гуруҳларига мансуб беморларда ҳам цефтриаксон ва венага киритиладиган калцийли эритмаларнинг ўзаро таъсири назарий жиҳатдан бўлиши мумкин, шунинг учун цефтриаксон таркибида калций бўлган эритмалар билан аралаштирилмаслиги (шу жумладан парентерал озиқлантириш учун ҳам), шунингдек бир вақтнинг ўзида киритилмаслиги, жумладан турли участкалардаги инфузиялар учун алоҳида киритиш йўллари орқали ҳам киритилмаслиги лозим. Цефтриаксон ярим чиқарилишининг 5 та даври бўйича ҳисоб-китоблар асосида цефтриаксон ва калцийли эритмалар киритилиши орасидаги интервал 48 соатдан кам бўлмаслиги керак. Цефтриаксон ва перорал қабул қилишга мўлжалланган калцийли препаратларнинг ўзаро таъсири бўйича, шунингдек мушак ичига киритиладиган цефтриаксон ва калцийли препаратлар (вена ичига юборилиши ва перорал қабул қилишга мўлжалланган) ўртасидаги ўзаро таъсир бўйича маълумотлар йўқ. Цефтриаксон тавсия этилган стандарт дозалардан (суткасига 1 грамм ва ундан кўпроқ) ортиқ миқдорда қабул қилинганидан кейин ўт пуфаги ултратовуш билан текширилганида, цефтриаксондаги калций тузининг преципитатлари аниқланган. Бу ҳолат, одатда, болаларда кузатилган. Преципитатлар жуда кам ҳолларда аниқ симптоматика беради ва цефтриаксон препарати терапияси якунланганидан ёки тўхтатилганидан кейин йўқолади. Ушбу ҳолатлар клиник симптоматика билан кечадиган бўлса, консерватив даволаш (жарроҳлик амалиётисиз) тавсия этилади, препаратни бекор қилиш тўғрисидаги қарор даволовчи шифокор ихтиёрига ҳавола қилиниб, фойда ва хавфнинг индивидуал баҳоланишига асосланиши лозим. Цефтриаксон ва таркибида калций бўлган инфузион эритмалар ёки бошқа калцийли препаратлар қўлланилганида томир ичида преципитлар фақат янги туғилган чақалоқларда ҳосил бўлиши тўғрисида аниқ маълумотлар мавжуд бўлсада, барибир, болалалар ва катталарга цефтриаксон ва таркибида калций бўлган инфузион эритмаларни, ҳаттоки, турли веналарга юбориш ва бирга қўллаш тавсия этилмайди. Панкреатит Цефтриаксон қабул қилган беморларда ўт йўллари бузилиши натижасида юзага келган панкреатит ҳолатлари жуда кам кузатилган. Ушбу беморларнинг аксариятида ўт йўлларида димланишлар, масалан, терапия оғир касалликлар ва тўлиқ парентерал озиқланиш каби ҳолатлар аввал ҳам қайд этилган. Бунда, препарат таъсири остида ўт йўлларида ҳосил бўлган преципитатлар ривожланишини ҳам ҳисобдан чиқармаслик лозим. Болаларда қўлланилиши Янги туғилган чақалоқлар, эмизикли ва кичик ёшдаги болаларда цефтриаксон қўлланишининг хавфсизлиги ва самарадорлиги “Қўллаш усули ва дозалар” бўлимида таърифланган дозалар учун белгиланган. Тадқиқотлар шуни кўрсатдики, бошқа цефалоспоринлар каби цефтриаксон ҳам плазма албумини билан боғланишдан билирубинни чиқариб ташлаши мумкин экан. Цефтриаксон препаратини билирубинли энцефалопатия ривожланиши хавфи мавжуд бўлган янги туғилган чақалоқларда ва айниқса чала туғилган чақалоқларда қўллашга йўл қўйилмайди. Узоқ муддатли даволаниш Узоқ муддат давомида даволанишда периферик қон ҳолатини, жигар ва буйраклар функционал ҳолати кўрсаткичларини мунтазам назорат қилиш лозим. Қон таҳлили мониторинги Узоқ муддат давомида даволашда қоннинг умумий таҳлилини мунтазам равишда ўтказиб туриш зарур. Серологик тадқиқотлар Цефтриаксон билан даволанишда Кумбс намуналари, галактоземия намуналари бўйича, шунингдек сийдикдаги глюкозани аниқлашда сохта ижобий натижалар қайд этилиши мумкин (глюкозурияни фақат ферментли метод билан аниқлаш тавсия этилади). Дори воситасини транспорт воситаларини ёки потенциал хавфли механизмларни бошқариш қобилиятига таъсир қилишнинг ўзига хослиги. Препаратни қабул қилгандан сўнг автотранспорт воситаларини ёки машина ва механизмларни бошқаришга ўтказадиган таъсири ҳақида аниқ маълумотлар йўқ. Бироқ, цефтриаксон билан ўтказиладиган терапия вақтида, бош айланиши ва бошқа номақбул реакциялар юзага келиши мумкин бўлгани сабабли, транспорт воситаларини бошқаришда ва механизмлар билан ишлашда эҳтиёткор бўлиш лозим.

Препаратнинг хомиладорлик даврида қўлланилиши бўйича ФДА  таснифига биноан Цефабел ( Цефтриаксон) препарати  ҳомилага таъсирига кўра “В” тоифага киради. Ҳайвонларда ўтказилган тадқиқотларда ҳомилага салбий таъсири аниқланмаган, ҳомиладор аёлларга мос етарли тадқиқотлар ўтказилмаган. Цефтриаксон плацентар тўсиқ орқали киради. Ҳомиладорлик даврида, айниқса, биринчи триместрда, цефтриаксон терапиясини она учун терапиядан кутилаётган самара даражаси ҳомила учун потенциал хавфдан юқорироқ бўлсагина ва фақат қатъий кўрсатмалар бўйича белгилаш зарур. Цефтриаксон кўкрак сути таркибида кичик дозаларда бўлиши мумкин. Она томонидан терапевтик дозаларда қабул қилинаётган цефтриаксон эмизикли болага таъсир қилиши эҳтимоли жуда кичик бўлсада, барибир, болада диарея, шиллиқ пардаларда замбуруғли инфекциялар ва ўта сезувчанлик реакциялари ривожланишини истисно қилмаслик зарур. Боланинг она сути билан озиқланиши афзаллигини ва она учун терапия фойдасини эътиборга олган ҳолда кўкрак сути билан озиқлантиришни ёки цефтриаксон билан даволашни тўхтатиш лозим.

Симптомлари: кўнгил айниши, қусиш ва диарея. Даволаш: доза ошириб юборилганида гемодиализ ва перитонеал диализ препарат концентрациясини камайтирмайди. Специфик антидот йўқ. Доза ошириб юборилишини даволаш симптоматик тарзда бажарилади.

Рецепт бўйича

“Цефабел 500”, инекция учун эритма тайёрлаш учун кукун, 500 мг  дан, флаконларда, эритувчиси билан бирга комплектда. “Цефабел 1000”, инекция учун эритма тайёрлаш учун кукун, 1000 мг дан, флаконларда, эритувчиси билан бирга комплектда.

2 йил.