рангсиз, тиниқ эритма.

Кардиотоник воситалар. Юрак гликозидлари.

S01AS01.

Вена ичига юборилгандан кейин препаратнинг юборилган қисмининг тахминан 40% қон плазмасидаги оқсиллар билан боғланади. Қон плазмасидаги максимал концентрациясига эришиш вақти 0,5-2 соат интервалида бўлади. Биотрансформацияга деярли учрамайди. 70-90% ўзгармаган кўринишда буйраклар орқали, қолган қисми – сафро билан ичак орқали чиқарилади. Ярим чиқарилиш даври ўртача 23 соатни ташкил қилади, препаратнинг таъсири 2-3 сутка давом этади. Сурункали буйрак етишмовчилиги бўлган беморларда препаратнинг ярим чиқарилиш даври ошади.

Ўткир юрак етишмовчилиги, ИИб-ИИИ даражадаги (НЙҲА таснифи бўйича ИИИ-ИВ босқичдаги) сурункали юрак етишмовчилиги, суправентрикуляр тахикардия, хилпилловчи аритмида қўлланади.

Препарат катталарда 10-20 мл 0,9% ли натрий хлориди эритмасида суюлтирилган 1-2 мл дозада вена ичига қўлланади. 5-6 минут давомида секин юбориш керак. Суткада 1 ёки 2 марта буюрилади. Препаратни иложи борича вена ичига томчилаб юборган афзал, бунинг учун 1 мл эритма 100 мл 5% ли глюкоза эритмасида ёки 0,9% ли натрий хлориди эритмасида суюлтирилади. Томчилаб юбориш токсик кўринишлар эҳтимолини камайтиради. Вена ичига юборилгандан 1 соатдан кейин ЭКГ-назоратини ўтказиш керак. Тез-тез, гуруҳли ёки политоп қоринчалар экстрасистолияси пайдо бўлганда, препаратни юборишни тўхтатиш, кейинги дозани эса 2 марта камайтириш керак. Буйракнинг функционал етишмовчилигида ва кекса ёшдаги беморларда препаратни 0,125 мг дан бошлаб камайтирилган дозада юбориш, кейинчалик суткада 0,25 мг дан оширмаслик тавсия этилади (ургент ҳолатлардар ташқари). Зарурати бўлганида бир марталик дозани ошириш мумкин, бунинг учун 0,5-2 соат интервал билан қўшимча 0,1-0,15 мг (0,2-0,3 мл) юбориш керак, бунда максимал бир марталик доза 0,25 дан, суткалик эса – 1 мг (4 мл) дан ошмаслиги керак.

Препаратнинг компонентларига юқори сезувчанлик. Гликозидли интоксикация, констриктив перикардит, ўткир миокард инфаркти, қоринчалар тахикардияси, яққол брадикардия, ИИ ва ИИИ даражадаги антириовентрикуляр блокада, сунус тугуни заифлиги синдроми, гиперкалциемия, гипокалиемия, алоҳида митрал стенози, гипертрофик обструктив кардиомиопатия, перикардит, ўткир миокардит, эндокардит, яққол кардиосклероз, каротид тугуни синдроми, аортанинг кўкрак қисми аневризмаси, Волф-Паркинсон-Уайт синдромида қўллаш мумкин эмас.

Симпатомиметиклар, метилксантинлар, резерпин, трициклик антидепрессантлар, фосфодиестераза блокаторлари (масалан теофиллин) – Строфантин-Г билан бир вақтда қўлланилганда юрак ритмини бузилишлари ривожланиши хавфи ошади. Метилдопа, клонидин, спиронолактон, верапамил, хинидин, амиодарон, каптоприл, калций антагонистлари, эритромицин, тетрациклинлар – бир вақтда қўлланилганда қон плазмасида Строфантин-Г нинг концентрацияси ошади. Диуретиклар (асосан тиазид диуретиклар ва карбоангидраза ингибиторлари), глюкокортикоидлар, катехоламинлар, инсулин, калций препаратлари – Строфантин-Г билан бир вақтда қўлланганида гликозидли интоксикация ривожланиши хавфини оширади. Глюкокортикоидлар ва диуретиклар – Строфантин-Г билан бир вақтда қўлланганида гипокалиемия ва гипомагниемия ривожланиши хавфи ошади. ААФ ингибиторлари, ангиотензин рецепторлари блокаторлари – Строфантин-Г билан бир вақтда қўлланганида гипокалиемия ва гипомагниемия ривожланиши хавфи камаяди. Бета-адреноблокаторлар ва Иа синф антиаритмик дори воситалари, верапамил, магний судьяи – Строфантин-Г билан бир вақтда қўлланганида атриовентрикуляр ўтказувчанлик яққолроқ пасаяди.

Препарат тор терапевтик доирага эга, шунинг учун дозани шахсий равишда синчковлик билан танлаш керак. Препаратни вена ичига юборилганда ва бундан кейин 1 соат давомида ЭКГ-назоратини ўтаказиш керак. Тез-тез гуруҳли ёки политоп қоринчалар экстрасистолияси пайдо бўлганда юборишни тўхтатиш, кейинги дозасини эса 2 марта камайтириш керак. Буйрак етишмовчилигида гликозидли интоксикацияни олдини олиш учун препаратнинг дозасини бир мунча камайтириш керак. Гипокалиемияда, гипомагниемияда, гиперкалциемияда препаратнинг дозасини нисбий ошириб юборилиши эҳтимоли ошади. Юрак бўшлиқларининг яққол дилациясида, ўпка туфайли юрак касаллигида, алкалозда кекса ёшдаги беморлар учун дозани ошириб юборилишини олдини олиш учун препаратнинг дозасига тузатиш киритиш керак. АВ-ўтказувчанликнинг И даражадаги бузилишларида препаратни юбориш албатта ЭКГ-назорати билан бирга амалга оширилади. Агар аввал беморга юрак гликозидларининг бошқа препаратлари буюрилган бўлса, Строфантин-Г ни қўллашдан олдин танаффус қилиш керак, чунки унинг таъсири организмда тўпланган дигиталис гликозидларининг самараларига қўшилиши мумкин. Танаффус давомийлиги – 5 кун, лекин агар кучли кумулятив самарага эга препарат (дигитоксин) қўлланилган бўлса, танаффус 10-14 кунгача узайтириши керак. Буйрак фаолиятини бузилиши бўлганда ва кекса ёшдаги беморларда препаратни 0,125-0,15-0,2 мг дан бошлаб бироз камайтирилган дозадан бошлаш, кейинчалик суткада 0,25 мг дан оширмаслик керак (ургент ҳолатлардан ташқари). Тиреотоксикоз ва бўлмачалар экстрасистолияси бўлган беморларда препаратни алоҳида эҳтиёткорлик билан қўллаш керак. Вена ичига тез юборилганда брадиаритмиялар, қоринчалар тахикардияси, атриовентрикуляр блокада ривожланиши, юрак тўхташи мумкин. Бу самарани олдини олиш учун суткалик дозани 2-3 юборишга тақсимлаш ёки дозалардан бирини мушак ичига юбориш керак.

Ҳомиладорлик ва эмизиш даврида препаратни қўллаш мумкин эмас.

Оригинал ўрамида, 25°С дан юқори бўлмаган ҳароратда сақлансин.

Препаратнинг дозасини ошириб юборилишининг (гликозидли интоксикация) клиник манзараси турли клиник симптомлар билан намоён бўлиши мумкин: юрак-қон томир тизими томонидан: атриовентрикуляр блокада ва юрак аритмиялари, шу жумладан брадикардия, қоринчалар пароксизмал тахикардияси, қоринчалар экстрасистолияси, бигеминия, политоп қоринчалар тахикардияси, СА блокада, қоринчалар фибрилляцияси, оғир ҳолларда қоринчалар хилпиллаши ва юрак тўхташи кузатилиши мумкин; овқат ҳазм қилиш тизими томонидан: анорекция, кўнгил айниши, қусиш, диарея, ичак деворлари некрози; марказий нерв тизими ва сезги аъзолари томонидан: бош оғриғи, бош айланиши, парестезиялар, неврит, радикулит, атрофдаги жисмлани яшил ва сариқ рангга кириши, кўзлар олдида “жимирлаш”, кўриш ўткирлигини пасайиши, скотомалар, макро- ва микропсия, жуда кам ҳолларда онгни чалкашиши, цингаопал ҳолатлар, маниакал-депрессив синдром кузатилиши мумкин. Даволаш: препаратни қўллашни тўхтатиш, калий ва магний препаратларини буюриш, унитиолни парентерал юбориш. Кейинги даволаш – симптоматик, эктопик аритмияларда антиаритмик дори воситалари (лидокаин, дифенин, амиодарон) ни буюриш.

Рецепт бўйича

1 мл дан ампулаларда, 10 ампуладан қутида; 10 ампуладан блистерда, 1 блистердан қутида; 5 ампуладан блистерда, 2 блистердан қутида.

5 йил.