оқ ёки деярли оқ рангли лиофилизация қилинган кукун.

Меъда ва ўн икки бармоқли ичак ярасига қарши воситалар. Меъда ширасининг секрециясини сусайтирувчи воситалар. Н-К-АТФ-аза ингибиторлари.

A02VS04

Вена ичига юборилганидан сўнг рабепразолнинг таъсири 1 соат давомида ривожланади ва 2-4 соатдан кейин максимумга етади. Вена ичига 20 мг дозада юборилганида ўртача клиренси 283±98 мл/мин ни ташкил қилади. Вена ичига 20 мг дозада юборилганида мутлоқ биокираолишлиги тахминан 100% ни ташкил қилади, яъни рабепразолнинг барча молекулалари париетал ҳужайраларга етиб боради. Рабепразолнинг биокираолишлиги кўп марта юборилганида ўзгармайди. Плазма оқсиллари билан боғланиши 97% ни ташкил қилади. Вена ичига юборилган 20 мг дозани ярим чиқарилиш даври – 1,02±0,63 соатни ташкил қилади. Рабепразол кўп марта юборилганида тўғри чизиқли фармакокинетика кузатилган, яъни рабепразолни ярим чиқарилиш даври, клиренси ва тақсимланиш ҳажми дозасига боғлиқ эмас. Препарат бекор қилинганидан сўнг секретор фаоллик 2-3 кундан кейин сўнг тикланади. Жигарда метаболизмга учрайди. Рабепразол натрий асосий метаболитлари – тиоэфир ва кўмир кислоталарини ҳосил қилиб биотрансформацияга учрайди. Бошқа метаболитлари – силфон, диметилтиоэфир ва меркаптопурин кислотасининг конъюгати паст концентрацияларда бўлади. Ярим чиқарилиш даври тахминан 1 соатни ташкил қилади. Юборилган дозанинг тахминан 90% асосан иккита метаболит: меркаптопурин ва карбон кислоталари конъюгатлари ҳолида сийдик билан чиқарилади. Метаболитларнинг катта бўлмаган қисми ахлат билан чиқарилади. Кекса ёшдаги пациентларда рабепразолни чиқарилиши бироз секинлашади. Рабепразолни кумуляцияси кузатилмайди. Буйрак етишмовчилигини турғун, терминал босқичида бўлган, гемодиализдаги оладиган (креатинин клиренси 1,73 м2 тана юзасига 5 мл/мин дан кам) пациентларда рабепразол натрийнинг фармакокинетик параметрлари аҳамияциз ўзгаради.

Рабепразол эритма кўринишида препаратни перорал шаклларини буюриш мумкин бўлмаган ҳолларда буюрилади, хусусан: меъда ва ўн икки бармоқли ичакнинг пептик ярасини қон кетиши ва оғир эрозиялар билан зўрайиши;эрозияли ва ярали гастроэзофагеал рефлюкс касаллигини қисқа муддатли даволаш;меъданинг нордон ичидагиси билан аспирацияни олдини олиш;Золлингер-Эллисон синдроми;меъда ва ўн икки бармоқ ичак шиллиқ қаватининг стресс келтириб чиқарган, критик вазиятлардаги, куйишлардаги бузилишлари;антибактериал воситалар билан мажмуада – меъданинг яра касаллиги ёки сурункали гастрити бўлган пациентларда Ҳелиcобаcтер пйлори эрадикацияси;Ҳелиcобаcтер пйлори билан боғлиқ меъда-ичак яра касаллиги бўлган пациентларда меъда-ичак ярасининг қайталаниши олдини олиш ва даволаш.

Вена ичига буюриш фақат оғиз орқали қабул қилиш мумкин бўлмаган ҳолларда тавсия қилинади. Рабепразолни перорал шаклларини буюриш мумкин бўлиши билан вена ичига юборишни тўхтатиш керак. Рабепразолни тавсия қилинган дозаси 20 мг ни ташкил қилади, суткада 1 марта юборилади. Тайёрланган эритмани фақат вена ичига юбориш керак. Инекция ҳолида юбориш учун флаконни ичидагиси 5 мл инекция учун стерил сувда эритилади ва 5-15 минут давомида секин юборилади. Инфузия ҳолида юбориш учун флаконни ичидагиси олдин 5 мл инекция учун стерил сувда эритилади, 100 мл ҳажмдаги инфузион эритмага (0,9% ли натрий хлорид эритмаси) қўшилади ва 15-30 минут давомида юборилади. Тайёрланган эритма тайёрлангандан сўнг 4 соат давомида ишлатилиши керак. Қўллашдан олдин эритмани чўкиндилар борлигига, ранггини ўзгаришига ёки ҳар қандай бошқа ўзгаришларга текшириш керак. Эритма тиниқ ва рангсиз бўлиши, кўринадиган зарралар бўлмаслиги керак. Ишлатилмаган эритмани утилизация қилиш керак.

Препарат рабепразол натрий, алмашинган бензимидазол ёки бу препаратнинг ҳар қандай бошқа инградиентига ўта юқори сезувчанлиги бўлган пациентларда қўллаш мумкин эмас. Препаратни шунингдек ҳомиладорларга ва эмизиклик аёлларда қўллаш мумкин эмас.

Протон помпанинг бошқа ингибиторлари (ППИ) каби, рабепразол натрий ҳам жигарнинг цитохром Р450 (СЙП450) тизимига кирувчи ферментлар томонидан метаболизмга учрайди. Рабепразол натрий амоксициллин ва варфарин, фенитоин, теофиллин ва диазепам каби СЙП450 ферментлар тизими томонидан метаболизмга учрайдиган бошқа дори воситалари билан клиник жиҳатдан аҳамиятли ўзаро таъсирга учрамайди. Рабепразол натрий хлорид кислотасини ишлаб чиқарилишини кучли ва давомли пасайишини чақиради. Шундай қилиб, рабепразол натрий сўрилиши меъда ширасини рН кўрсаткичига боғлиқ бўлган препаратлар билан ўзаро таъсир қилиши мумкин: плазмада кетоконазолнинг концентрациясини 33% га пасайиши ва дигоксинни минимал концентрациясини 22% га ошиши. Шундай қилиб, рабепразол билан бир вақтда юқорида кўрсатилган препаратларни қабул қилаётган айрим пациентлар препаратнинг дозасини тўғрилаш заруриятини аниқлаш учун кузатувда бўлишлари керак. Плазмада рабепразол ва кларитромициннинг фаол метаболитини концентрацияси бир вақтда қўлланганида мос равишда 24% ва 50% га ошади. Бу Ҳелиcобаcтер пйлори эрадикациясида ўзаро таъсирнинг ижобий натижаси сифатида қаралади. Клиник тадқиқотларда пациентлар рабепразол билан бир вақтда заруратга қараб антацид воситалар қабул қилганлар; махсус тадқиқотларда рабепразолни суюқлик ҳолида қабул қилинган антацидлар билан ўзаро таъсири аниқланмаган. Бундан ташқари, рабепразолни овқат билан клиник жиҳатдан аҳамиятли ўзаро таъсири аниқланмаган. Ин витро шароитда одам жигарининг микросомаларида ўтказилган тадқиқотларлар рабепразол натрийни СЙП450 (СЙП2С9 ва СЙП3А) изоферментлар тизими томонидан метаболизмга учрашини кўрсатди. Бу тадқиқотлар рабепразолни дорилар билан ўзаро таъсир қилиш ҳусусияти паст деб ҳисоблаш мумкинлигини кўрсатди; бунда уни циклоспориннинг метаболизмига таъсири протон помпанинг бошқа ингибиторлари билан ўхшаш. Номутаносиблиги. Рабепразолни фақат инекция учун стерил сувда ёки физиологик эритмада (0,9% ли натрий хлорид эритмаси) эритиш мумкин. Рабепразол билан бирга ҳеч қандай бошқа эритмаларни ишлатиш мумкин эмас.

Рабепразол билан даволаш вақтида симптоматик яхшиланиш меъдада ҳавфли ўсма борлигида ҳам кузатилиши мумкин, демак, рабепразол билан даволашни бошлашдан олдин бундай касалликларни истисно қилиш керак (рабепразол билан даволаш фонида симптоматик яхшиланиш ўз вақтида ташхис қўйишни мураккаблаштириши мумкин). Жигар фаолиятини енгил ва ўртача даражада бузилишлар бўлган пациентларда ўтказилган махсус тадқиқотларда рабепразол қабул қилганда кузатилган ножўя реакцияларнинг тез-тезлиги жинс ва ёш мезонлари бўйича тадқиқотга киритилган шахсларга қараганда аҳамиятли фарқи аниқланмаган. Жигар фаолиятини оғир бузилишлари бўлган пациентларни рабепразол билан даволашнинг эрта босқичларда эҳтиёткорликка риоя қилиш тавсия этилади. Ҳомиладорлик ва эмизиш даврида қўлланиши Ҳомиладорлик даврида препарат фақат агарда она учун кутилган фойда ҳомила учун потенциал ҳавфдан юқори бўлган ҳолда қўлланади. Препарат билан даволаш вақтида эмизишни тўхтатиш керак. Болалар Препаратни болаларда қўллаш тавсия қилинмайди, чунки бу гуруҳда препаратни қўллаш бўйича етарли тажриба мавжуд эмас. Автотранспорт ва механизмларни бошқаришда реакция тезлигига таъсир қилиш қобилияти Баъзи пациентларда бош оғриғи, уйқучанлик ёки бош айланиши, кўришни бузилиши ривожланиши мумкин, шунинг учун транспорт воситаларини бошқариш вақтида ёки мураккаб механизмлар билан ишлашда эҳтиёткорликка риоя қилиш керак . Препаратни болалар олаолмайдиган жойда сақлаш ва яроқлилик муддати ўтгач ишлатмаслик керак.

Ёруғликдан ҳимояланган жойда, 250C дан юқори бўлмаган ҳароратда сақлансин.

Препаратнинг дозасини ошириб юборилишига нисбатан маълумотлар йўқ, ножўя реакцияларнинг яққоллиги ошиши мумкин. Даволаш: препаратнинг дозаси ошириб юборилганида симптоматик даволаш ўтказилади. Махсус антидоти йўқ. Рабепразол плазма оқсиллари билан яхши боғланади, шунинг учун диализда ёмон чиқарилади.

Рецепт бўйича

Рабепразол натрий 20 мг дан 10 мл сиғимли И турдаги (УСП) шиша флаконда. 1 ёки 10 қўллаш бўйича йўриқномаси билан бирга картон қутида.

2 йил.