тиниқ, рангсиз ёки оч-сариқ, рН кўрсаткичи 4,0-6,0 бўлган эритма

ўсмаларга қарши бошқа воситалар, платина бирикмалари.

L01XA03.

2 соатлик инфузия якунида юборилган платинанинг 15% катта қон айланиш доирасида бўлади, айни вақтда қолган 85% тўқималарда тезда тақсимланади ёки сийдик билан чиқарилади. Қон ва плазма эритроцитлари билан қайтмас ҳолда боғланиши шунга олиб келадики, бунда ушбу матрицалар билан боғлиқ бўлган ярим чиқарилиши даври қон эритроцитлари ва зардоб албуминининг ярим яшаш даврига яқин бўлади. Икки ҳафтада бир марта 85 мг/м2 дозада ёки уч ҳафтада бир марта 130 мг/м2 дозада юборилганида плазма ултрафилтратида платинанинг тўпланиши кузатилмаган. Ушбу матрицада мувозанат ҳолатига 1-циклда эришилган. Ин витро шароитдаги биотрансформацияси ноферментатив парчаланиш натижаси бўлиб ҳисобланади; диаминоциклогексан (ДАЧ) ҳалқаси метаболизмида Р450 цитохромининг иштирокига доир далиллар йўқ. Оксалиплатин организмда сезиларли биотрансформацияга учрайди. 2 соатлик инфузия якунида плазма ултрафилтратида ўзгармаган фаол модда аниқланмаган. Кейинчалик тизимли қон оқимида биотрансформациянинг цитотоксик маҳсулотлари, шу жумладан монохлор-, дихлор- ва диаква-ДАЧ платина катта миқдордаги нофаол конъюгатлар билан бир қаторда идентификация қилинган. Платина асосан сийдик билан ажратилади. Клиренси, одатда юборилганидан кейин 48 соатдан ошмайди. 5-кунга келиб умумий дозанинг тахминан 54% сийдикда ва 3% дан кам миқдори ахлатда аниқланган. Алоҳида клиник ҳолларда фармакокинетикаси. Буйрак етишмовчилигида клиренсни соатига 17,6±2,18 л дан соатига 9,95±1,91 л гача сезиларли даражада пасайиши ва тақсимланиш ҳажмининг 330±40,9 л дан 241±36,1 л гача сезиларли пасайиши кузатилади. Буйрак функциясини оғир бузилишининг платина клиренсига таъсири ўрганилмаган.

Оксалиплатин Эбеве 5-фторурацил (5-ФУ) ва фолинат кислотаси (ФА) билан мажмуада қуйидаги ҳолларда: бирламчи ўсма тўлиқ олиб ташланганидан сўнг ИИИ босқичдаги (Дюк бўйича – С босқичдаги) йўғон ичак ракини адъювант даволашда;метастатик колоректал ракни даволашда буюрилади.

Фақат катталарни даволаш учун мўлжалланган Адъювант даволаш учун тавсия этиладиган доза – 12 та цикл (6 ой) давомида ҳар 2 ҳафтада тана юзасининг 1 м2 га 85 мг дан вена ичига юборилади. Метастатик колоректал ракни даволаш учун тавсия этиладиган доза – ҳар 2 ҳафтада тана юзасининг 1 м2 га 85 мг дан вена ичига юборилади. Дозага препаратни ўзлаштираолишини инобатга олган ҳолда тузатиш киритилади (“Махсус кўрсатмалар ва эҳтиёткорлик чоралари” бўлимига қаранг).

Оксалиплатинни 5-фторурацил ва фолинат кислотаси билан мажмуада меъда-ичак йўллари томонидан бузилишлар (ич кетиши, кўнгил айниши, қусиш ва мукозит), гематологик бузилишлар (нейтропения, тромбоцитопения) ва неврологик бузилишлар (ўткир ва доза тўпланиб қолганида ривожланадиган периферик сенсор нейропатияси) энг кўп учрайдиган нохуш ножўя таъсирлари бўлиб ҳисобланади. Умуман олганда ушбу ножўя таъсирлар кўпроқ учраган ва 5-фторурацил/фолинат кислотаси билан монотерапияга қараганда 5-фторурацил/фолинат кислотасини оксалиплатин билан мажмуада юборилганида янада оғирроқ кўринишда бўлган. Ножўя самаралар ривожланишининг тез-тезлиги қуйидагича аниқланади: жуда тез-тез (≥1/10), тез-тез (≥1/100, <1/10), тез-тез эмас (≥1/1 000, <1/100), кам ҳолларда (≥1/10000, <1/1000), жуда кам ҳолларда (<1/10 000), тез-тезлиги номаълум (мавжуд маълумотлар асосида баҳолаш мумкин эмас).

Анамнезда оксалиплатинга ёки препаратнинг ёрдамчи моддасига юқори сезувчанликда;эмизиш даврида;даволашнинг биринчи курси бошланишига қадар миелосупрессияда, бу ҳақида нейтрофилларнинг < 2 х 109/л ва (ёки) тромбоцитларнинг < 100 х 109/л дастлабки даражаси далолат беради;даволашнинг биринчи курси бошланишига қадар функционал бузилишлари бўлган периферик сенсор нейропатияда;буйрак функциясини оғир бузилишларида (креатинин клиренси минутига 30 мл дан кам) қўлланилади.

5-фторурацилни юборишдан бевосита олдин оксалиплатинни 85 мг/м2 дозада бир марта қабул қилган пациентларда плазмада 5-фторурацил даражасини ўзгариши кузатилмаган. Эритромицин, салицилатлар, гранисетрон, паклитаксел ва натрий валпроати каби препаратлар билан ін витро шароитда бирга қўлланилганида плазма оқсиллари билан боғлардан оксалиплатинни сиқиб чиқарилиши кузатилмайди.

Препаратни фақат ихтисослашган онкологик бўлимларда қўллаш ва тажрибали онколог кузатуви остида юбориш лозим. Буйрак етишмовчилиги Ўртача даражада буйрак функциясини бузилиши бўлган пациентлар учун хавфсизлиги бўйича маълумот чекланганлиги туфайли, препарат қўлланилишини фақат пациент учун фойда/хавф нисбати баҳоланганидан кейин кўриб чиқиш лозим. Буйрак функциясини синчковлик билан назорат қилиш зарур, дозага эса токциклигига боғлиқ равишда тузатиш киритиш керак. Ўта юқори сезувчанлик реакциялари Анамнезида платина сақловчи бошқа препаратларга аллергик реакциялар қайд этилган пациентлар алоҳида кузатув остида бўлишлари керак. Анафилактоид кўринишлар намоён бўлганида инфузия дарҳол тўхтатилади ва тегишли симптоматик даволаш бошланади. Оксалиплатинни бундай пациентларга такроран юбориш тақиқланади. Платинанинг барча бирикмалари билан кесишган реакциялар, гоҳида ўлим билан якунланадиган реакциялар қайд этилган. Экстравазация юз берганида инфузия дарҳол тўхтатилади ва одатдаги маҳаллий симптоматик даволаш бошланади. Неврологик симптомлар Оксалиплатиннинг неврологик токциклигини, айниқса специфик неврологик токциклигига эга бўлган бошқа дори воситалари билан бир вақтда қўлланилганида синчковлик билан назорат қилиш зарур. Неврологик текширув ҳар бир юборилишидан олдин, шунингдек кейинчалик даврий ўтказилиши керак. Агар 2 соатлик инфузия вақтида ёки ундан кейин дастлабки бир неча соатлар давомида ўткир ҳиқилдоқ-ҳалқум дизестезияси ривожланса, оксалиплатиннинг кейинги инфузияси 6 соат давом этиши керак. Периферик сенсор нейропатия Неврологик симптомлар (парестезия, дизестезия) ривожланганида мавжуд симптомларнинг давомийлиги ва оғирлик даражасини инобатга олган ҳолда оксалиплатин дозасига тузатиш киритиш тавсия этилади, айнан эса: агар симптомлар етти кундан ортиқ давом этаётган ва дискомфортни келтириб чиқараётган бўлса, кейинги юборилганида оксалиплатин дозасини 85 мг/м2 дан 65 мг/м2 гача (метастатик колоректал ракни даволаш учун қўлланилганида) ёки 75 мг/м2 гача (адъювант даволаш учун қўлланилганида) пасайтирилади;агар функционал бузилишларсиз парестезия кейинги циклгача сақланиб қолинса, кейинги юборилганида оксалиплатин дозасини 85 мг/м2 дан 65 мг/м2 гача (метастатик колоректал ракни даволаш учун қўлланилганида) ёки 75 мг/м2 гача (адъювант даволаш учун қўлланилганида) пасайтирилади;агар функционал бузилишлар билан парестезия кейинги циклгача сақланиб қолинса, оксалиплатинни қўллаш тўхтатилиши зарур;агар ушбу симптомлар оксалиплатин билан даволаш тўхтатилганидан кейин йўқолса, даволашни қайтадан бошлаш масаласини кўриб чиқиш мумкин. Периферик сенсор нейропатиянинг турғун симптомлари даволаш якунланганидан кейин ҳам сақланиши мумкин. Адъювант даволашда чегараланган ўртача парестезия ёки функционал фаолликка салбий таъсир кўрсатишга қодир бўлган парестезия даволаш тўхтатилганидан кейин уч йилгача муддат давомида сақланиб қолиши мумкин. Қайтувчан орқа лейкоэнцефалопатия синдроми Оксалиплатинни мажмуавий даволашда қабул қилаётган пациентларда қайтувчан орқа лейкоэнцефалопатия синдроми (ҚОЛС) ҳоллари қайд этилган. ҚОЛС кам учрайдиган, қайтувчан, тезда ривожланадиган неврологик ҳолат бўлиб, у тиришишлар, қон босимини ошиши, бош оғриғи, онгнинг хиралашиши, кўрлик ва кўриш аъзоси ва нерв тизими томонидан бошқа бузилишлар билан кечиши мумкин. ҚОЛС ташҳиси бош мияни визуализацияси усуллари, асосан МРТ (магнит-резонанс томографияси) ёрдамида тасдиқланади. Кўнгил айниши, қусиш, диарея, дегидратация ва гематологик ўзгаришлар Агар оксалиплатин юборилганидан кейин кўнгил айниши ва қусиш билан намоён бўладиган меъда-ичак токциклиги ривожланса, профилактика ва (ёки) даволаш мақсадларида қусишга қарши воситалар қўлланилади. Оғир диарея/қусиш, айниқса оксалиплатинни 5-фторурацил билан мажмуада қўлланилганида сувсизланиш, паралитик илеус, ичак тутилиши, гипокалиемия, метаболик ацидоз ва буйрак етишмовчилигини келтириб чиқариши мумкин. Гематологик токциклик ривожланганида (нейтрофиллар < 1,5 х 109/л ёки тромбоцитлар < 50 х 109/л) кейинги даволаш курсини гематологик кўрсаткичлар мақбул даражагача қайта тикланмагунча қолдириб туриш лозим. Оксалиплатин билан даволаш бошланишига қадар ва ҳар бир кейинги даволаш курси олдидан кенгайтирилган лейкоцитар формуласи билан умумий қон таҳлилини бажариш зарур. Оксалиплатин ва 5-фторурацил юборилганидан кейин диарея/қусиш, мукозит/стоматит ва нейтропения хавфи мавжуд; бундай симптомлар мавжуд бўлганида даволовчи шифокорингиз билан шошилинч равишда боғланиш лозим ва у тегишли даволашни таъминлаб беради. Нейтропения билан ёки усиз кечадиган мукозит/стоматит ривожланганида кейинги юборилишини мукозит/стоматит симптомлари 1-даражагача ёки ундан камга пасаймагунича ва (ёки) нейтрофиллар сони ≥ 1,5 х 109/л га етмагунича қолдириб туриш керак. Оксалиплатинни 5-фторурацил билан (фолинат кислотаси билан ёки усиз) мажмуада қўлланилганида 5-фторурацил келтириб чиқарган токцикликка боғлиқ ҳолда дозага одатдаги тузатиш киритилиши керак. 4-даражали диарея, 3–4-даражали нейтропения (нейтрофиллар < 1 х 109/л), 3–4-даражали тромбоцитопения (тромбоцитлар < 50 х 109/л) ривожланганида 5-фторурацил дозасини пасайтиришга қўшимча равишда оксалиплатин дозасини 85 мг/м2 дан 65 мг/м2 гача (метастатик колоректал ракни даволаш учун қўлланилганида) ёки 75 мг/м2 гача (адъювант даволашда) пасайтириш зарур. Ўпка томонидан кўринишлар Қуруқ йўтал, ҳансираш, ўпкада нам хириллаш ёки инфилтратлар (рентгенография маълумотларига кўра) каби тушунтириб бўлмайдиган респиратор симптомлар ривожланганида ўпканинг интерстициал касаллиги мавжудлиги ҳолатини истисно қилишга қадар оксалиплатин юборилиши тўхтатилади. Ҳомиладорлик Аёллар оксалиплатин билан даволаниш вақтида ҳомиладорликдан сақланишлари керак. Даволаш давомида ва у якунланганидан кейин 4 ой давомида самарали контрацепция воситаларини қўллаш зарур. Фертиллик Оксалиплатиннинг клиник олди синовларида генотоксик таъсирлар кузатилган. Шу сабабли оксалиплатин билан даволанаётган эркакларга даволаш давомида ва у якунланганидан кейин 6 ой давомида ҳомиладор қилмаслик маслаҳат берилади. Оксалиплатин қайтмас бепуштликни келтириб чиқариши мумкинлиги туфайли, даволаш бошланишига қадар спермани консервация қилиш ҳақидаги масала бўйича маслаҳат олиш учун мурожаат қилиш лозим. Иммунодепрессант самаралар/инфекцияларга юқори мойиллик

Транспорт воситаларини бошқариш ва механизмлар билан ишлаш қобилиятига таъсири ўрганилмаган. Оксалиплатин билан даволаш бош айланиши, кўнгил айниши ва қусиш хавфини ошишига, қадам ташлаш ва мувозанатга таъсир кўрсатувчи бошқа неврологик симптомларнинг пайдо бўлишига, шунингдек кўришни бузилишларига (кўриш қобилиятини ўткинчи йўқотилишига) олиб келади, бу эса транспорт воситаларини бошқариш ва механизмлар билан ишлаш қобилиятига таъсир кўрсатиши мумкин. Бу ҳақида пациентларни огоҳлантириш зарур. Препарат болалар ололмайдиган жойда сақлансин ва яроқлилик муддати ўтгач қўлланилмасин.

Корхона ўрамига жойланган дори воситаси. 25°C дан юқори бўлмаган ҳароратда оригинал ўрамида сақлансин.

Оксалиплатин учун антидот номаълум. Доза ошириб юборилганида нохуш кўринишлар кучайиши мумкин. Гематологик кўрсаткичларни назорат қилиш ва симптоматик даволашни бошлаш зарур.

Рецепт бўйича берилади

Рангсиз шишадан тайёрланган, резина тиқинли ва пластик қопқоқлари бўлган алюминий ҳимояловчи қалпоқчали флаконлар. Ўрамининг ўлчами: 50 мг ёки 100 мг дан 1 та флакон препаратни қўллаш бўйича йўриқномаси билан бирга картон қутига жойланган.

3 йил. Оригинал флаконда тайёрланган эритма: инфузион эритмани тайёрлаш учун дарҳол фойдаланиш лозим. Инфузия учун эритма. Микробиологик нуқтаи назардан қаралганда инфузия учун эритмадан дарҳол фойдаланиш лозим. Тайёрланган эритмани 5% ли глюкоза эритмаси билан эритилганидан кейин кимёвий ва физик барқарорлиги 2°C дан 8°C гача ҳароратда 24 соат давомида исботланган. Агар эритмадан дарҳол фойдаланилмаса, сақлаш шароитлари ва муддатлари учун фойдаланувчи жавобгар бўлади.