кўкиш тусли оч-сариқ рангли, ванилин ҳидили, қобиқ билан қопланган таблеткалар. Кўндаланг кесимида икки қават кўринади.

Ичак инфекцияларида қўлланадиган микробларга қарши восита. Антибиотиклар.

A07AA02.

Cандида (Cандида албиcанс ва бошқ.) туркуми замбуруғлари чақирган касалликларни даволаш; овқат ҳазм қилиш йўллари, тери ва оғиз бўшлиғининг шиллиқ қаватларининг кандидозини даволаш.

Нистатин таблеткалари овқатдан 40-60 минут олдин, чайнамасдан, ичга қабул қилиш буюрилади. Бир марталик дозаларни бир хил вақт оралиқларидан кейин қабул қилиш керак. Катталарга препарат 500000 ТБ (1 таблетка) дозада суткада 3-4 марта буюрилади. Суткалик доза – 1500000-3000000 ТБ (3-6 таблетка), оғир ҳолларда – 4000000-6000000 ТБ (8-12 таблетка) ни ташкил қилади. 6 ёшдан ошган болаларга ушбу дори шаклида 500000 ТБ (1 таблетка) дозада суткада 3-4 марта, 13 ёшдан ошган болаларга – катталар каби дозада буюрилади. Болалар учун 6 ёшдан бошлаб максимал суткалик доза – 2000000 ТБ (4 таблетка), 13 ёшдан бошлаб – 4000000 (8 таблетка), оғир ҳолларда – 6000000 ТБ (12 таблетка) ни ташкил қилади. Даволаш курси – 10-14 кун. Сурункали қайталанувчи кандидозларда 2-3 ҳафталик танаффус билан такрорий даволаш курслари ўтказилади. Буйрак/жигар етишмовчилиги бўлган пациентларда дозани ўзгартириш талаб қилинмайди.

Овқат ҳазм қилиш тизими томонидан: оғизда аччиқ таъм, диспепсик кўринишлар, кўнгил айниши, қусиш, гастралгия, диарея. Аллергик реакциялар: тана ҳароратини ошиши, эт увишиши, тери тошмаси, эшакеми, қичишиш, брохоспазм, юзни шиши; кам ҳолларда – Стивенс-Джонсон синдроми. Бошқалар: фотосенсибилизация, тахикардия, носпецифик миалгия; замбуруғларнинг резистент шаклларини тарқалиш хавфи бўлиши мумкин, бу препаратни бекор қилинишини талаб этади.

Препаратнинг компонетларига юқори сезувчанлик, меъда ва ўникки бармоқ ичак яра касаллигида қўллаш мумкин эмас.

Клотримазол билан бир вақтда қабул қилинганида клотримазолнинг замбуруғларга қарши фаоллиги пасаяди. Полиен қатори антибиотиклари билан, масалан, амфотерицин В билан кесишган чидамлилик кузатилади.

Препарат тизимли микозларни даволаш учун қўлланилмасин. Тўлиқ даволаш курсини тугаллаш керак. Бутун даволаш курси давомида даволаш схемаси ва тартибига қатъий риоя қилиш, препаратни тенг вақтлар оралиғида қабул қилиш ва дозани ўтказиб юбормаслик керак. Доза ўтказиб юборилганида иложи борича уни тезроқ қабул қилиш керак; агар навбатдаги дозани қабул қилиш вақти деярли келган бўлса, қабул қилинмасин; дозани икки баробар ошириш мумкин эмас. Нистатин қуёш нурларига нисбатан терининг сезувчанлигини ошириши мумкин, шунинг учун даволаш вақтида тўғри қуёш нурларидан ва сунъий ултрабинафша нурланишидан сақланиш керак. Ножўя реакциялари ривожланганида препаратни бекор қилиш керак. Препарат лактоза сақлайди, буни галактозани ўзлаштира олмаслик, лактаза етишмовчилиги ёки глюкоза-галактоза малабсорбцияси каби жуда кам учрайдиган наслий касалликлари бўлган пациентлар ҳисобга олишлари лозим. Ҳомиладорлик ёки эмизиш даврида қўлланиши. Препаратни ҳомиладорлик даврида қўллаш мумкин эмас. Препаратни қўллаш зарурати туғилганда эмизишни тўхтатиш керак. Болалар. Препарат ушбу дори шаклида болаларга 6 ёшдан бошлаб буюрилиши мумкин. Автотранспортни бошқаришда ёки бошқа механизмлар билан ишлашда реакция тезлигига таъсир этиш хусусияти. Таъсир қилмайди. Препарат болалар ололмайдиган жойда сақлансин ва яроқлилик муддати ўтгач қўлланилмасин.

Оригинал ўрамида, 25ºC дан юқори бўлмаган ҳароратда сақлансин.

Дозани ошириб юборилиши тўғрисида маълумотлар йўқ. Ножўя самаралар кучайиши мумкин. Даволаш: препаратни бекор қилиш, симптоматик даволаш.

Рецепт бўйича

500000 ТБ дан қобиқ билан қопланган таблеткалар № 10, № 10х2 блистерда қутида, № 10 блистерда.