Тиниқ, рангсиз, ҳидсиз суюқлик.

Деконгестантлар ва маҳаллий қўллаш учун бошқа воситалар.

Шамоллаш касалликлари, грипп, ЎРВИ, аллергик ринит, синуситлардаги бурун орқали нафас олишни  қийинлашишида қўлланади.

Ҳар бир бурун йўлига навбатма-навбат пуркалади, пуркашда бошни орқага ташламанг. Катталар ва 12 ёшдан ошган болаларга: ҳар бир бурун йўлига 2-3 мартадан пуркалади. 6-12 ёшли болаларга: 1 марта пуркалади. Пуркашни камида 12 соатдан кейин такрорлаш мумкин. Тавсия этилган доза оширилмасин ва препаратни 7 кундан кўп қўлланмасин.

Тез-тез: бурун шиллиқ қаватларини ачишиши ёки қуриши, аксириш. Тез-тез эмас: препаратни қўллашдан бўлган самара ўтиб кетганидан сўнг, бурунни кучли “битиб” қолишининг ҳисси (реактив гиперемия), бурундан қон кетиши, аллергик реакциялар (Квинке шиши, эшакеми, қичишиш) кузатилади. Кам ҳолларда:  юракни тез уриши, тахикардия, артериал гипертензия. Жуда кам ҳолларда: чақалоқларда апноэ, уйқусизлик, чарчоқлик (уйқучанлик, седатив самара), бош оғриғи, безовталик, галлюцинациялар (айниқса болаларда), аритмия, тиришишлар (айниқса болаларда).

Препаратнинг ингредиентларига шахсий юқори сезувчанлик; атрофик ринит; артериал гипертензия; яққол атеросклероз; тахикардия; кўз ички босимини ошиши; ёпиқ бурчакли глаукома; гипертиреоз; қандли диабет; феохромоцитома; буйрак фаолиятини яққол бузилишлари; простата безини катталашиши билан боғлиқ бўлган сийишни қийинлашиши; трансфеноидал гипофизектомиядан кейин ёки миянинг қаттиқ қобиғига тегиб ўтадиган бошқа жарроҳлик аралашувидан кейинги ҳолат; МАО ингибиторларини бир вақтда қабул қилиш; 6 ёшгача бўлган болаларда қўллаш мумкин эмас.

Узоқ муддат қўлланганида ва топик (маҳаллий) декогенстанларнинг дозаси ошириб юборилганида уларнинг самараси сусайиши мумкин. Уларни суиистеъмол қилишнинг оқибати сифатида: бурун шиллиқ қаватини реактив гиперемияси (ребаунд самара), бурун шиллиқ қаватини сурункали шишиши (медикаментоз ринит), шиллиқ қават атрофияси учраши мумкин. Препаратнинг таркибига кирувчи бензалконий хлориди (консервант) узоқ муддат қўлланганида бурун шиллиқ қаватини шишишини чақириши мумкин. Юқорида санаб ўтилганларга шубҳа туғилганида препаратни қўллашни тўхтатиш ёки консерванти бўлмаган дори воситасига алмаштириш лозим.

Ҳомиладорлик ёки эмизиш даврида қўлланганда, тавсия этилган дозани ошириш мумкин эмас. Она ва ҳомила учун фойда ва хавф нисбати фақат синчков баҳолангандан кейин қўлланилиши мумкин.

30оС дан юқори бўлмаган ҳароратда, болалар ололмайдиган жойда сақлансин.

Дозани аҳамиятли даражада ошириб юборилишида ёки ичга тасодифан қабул қилиб юборилганидан кейин марказий нерв тизимининг гиперактив босқичи ва тормозланиш босқичи билан боғлиқ симптомлар юз бериши мумкин. Марказий нерв тизимини рағбатлантириши безовталик, қўзғалиш, галлюцинациялар ва тиришишлар билан намоён бўлади. Марказий нерв тизимини сусайиши тана ҳароратини пасайиши, ҳолсизлик, уйқучанлик, кома билан намоён бўлади. Қўшимча симптомлар кузатилиши мумкин: миоз, мидриаз, кўнгил айниши, қусиш, цианоз, тана ҳароратини кўтарилиши, кўп терлаш, оқариш, спазмлар, палпитация, тахикардия, брадикардия, аритмия, юрак – томир етишмовчилиги, юракни тўхташи, артериал гипертензия, нафасни сусайиши, апноэ, ўпка шиши. Даволаш: фаоллаштирилган кўмир, натрий судьяини (ични юмшатувчи) қабул қилиш, меъдани ювиш. Вазопрессор воситаларни қўллаш мумкин эмас. Зарурати бўлганида тана ҳароратини пасайтириш, тиришишга қарши даволаш ўтказилади.

3 йил. Ўрамида кўрсатилган яроқлилик муддати ўтгандан сўнг ишлатилмасин. Флакон очилганидан кейин препарат 1 йил давомида қўллашга яроқлидир.