оқ, думалоқ, икки ёқлама қавариқ, бир томонида “5” рақами устида “ТР” гравировкаси ва иккинчи томонида “ОРГАНОН*” гравировкаси бўлган таблеткалар.

контрацептив восита (эстроген + гестаген)

G03AA09

Сўрилиши Оғиз орқали қабул қилинган дезогестрел тез ва тўлиқ сўрилади ва кейин этоногестрелга айланади. Унинг қон зардобидаги 2 нг/мл тенг максимал концентрациясига 1,5 соатдан кейин эришилади. Биокираолишлиги 62-81% ни ташкил қилади. Тақсимланиши Этоногестрел қон зардобидаги албумин ва жинсий гормонларни боғловчи глобулин (ЖГБГ) билан боғланади. Қон зардобда этоногестрелни умумий концентрациясининг фақат 2-4% гина эркин стереоид кўринишида бўлади, 40-70% ЖГБГ билан специфик тарзда боғланади. Этинилестрадиол томонидан чақирилган ЖГБГ концентрациясининг ошиши қон оқсиллари ўртасида тақсимланишга таъсир кўрсатади ва бу ЖГБГ – билан боғланган фракцияларни ошишига ва албуминга боғланган фракцияларни камайишига олиб келади. Дезогестрелнинг тахминий тақсимланиш ҳажми 1,5 л/кг ни ташкил қилади. Метаболизми Этоногестрел стероид гормонлар метаболизмнинг маълум бўлган йўллари бўйича тўлиқ метаболизмга учрайди; қон зардобидан метаболик чиқарилиш тезлиги минутига 2 мл/кг ни ташкил қилади. Этоногестрелнинг бир вақтда қабул қилинадиган этинилестрадиол билан ўзаро таъсири аниқланмаган. Чиқарилиши Этоногестрелнинг қон зардобидаги концентрацияси 2 босқичда камаяди. Якуний босқич 30 соатни ташкил қилувчи ярим чиқарилиш даври (Т1/2) билан характерланади. Дезогестрел ва унинг метаболитлари буйрак ва ичак орқали тахминан 6:4 нисбатда чиқарилади. Мувозанат ҳолати шартлари Этоногестрелнинг фармакокинетикасига, концентрацияси этинилестрадиол таъсири остида 3 марта ортадиган ЖГБГ даражаси таъсир кўрсатади. Ҳар куни қабул қилинганда этоногестрелнинг қон зардобидаги концентрацияси циклнинг иккинчи ярмида доимий қийматга эришган ҳолда 2-3 мартагача ошади.

Контрацепция учун қўлланилади.

Таблеткаларни ичга, ўрамда кўрсатилган тартибда, ҳар куни тахминан бир хил вақтда, агар зарур бўлса оз миқдордаги сув билан қабул қилиш керак. Кунига 1 таблеткадан 21 кун давомида қабул қилинади. Кейинги ўрамдаги таблеткаларни олдингиси тугагандан кейин 7 кундан сўнг қабул қилишни бошлаш лозим. Шу 7 кун давомида ҳайз кўришга ўхшаш қон кетиши юз беради. У одатда сўнгги таблетка қабул қилинганидан кейин 2-3 куни бошланади ва кейинги ўрамдан қабул қилиш бошлангунича тўхтамаслиги мумкин.

Қуйида санаб ўтилган касалликлар (ҳолатлар) мавжуд бўлганида мажмуавий перорал контрацептивларни қўллаш мумкин эмас. Агар улардан биронтаси препаратни қабул қилиш фонида пайдо бўлса, уни қабул қилишни дарҳол тўхтатиш лозим.

Перорал контрацептивлар билан бошқа дори воситалари ўртасидаги ўзаро таъсир, ҳайз кўришлар ўртасидаги қон кетишларга ва/ёки контрацептивларни самарадорлигини пасайишига олиб келиши мумкин. Адабиётларда қуйидаги ўзаро таъсирлар баён қилинган. Жигар метаболизми: ўзаро таъсирлар микросомал ферментларни индукцияловчи дори воситалари (масалан, гидантоин, барбитуратлар, примидон, карбамазепин, рифампицин; ва шунингдек окскарбазепин, топирамат, фелбамат, ритонавир, гризеофулвин ва таркибида тешик далачой сақлаган препаратлар) билан пайдо бўлиши мумкин, бу эса жинсий гормонларни клиренсини ошишига олиб келиши мумкин. Ферментларнинг максимал индукцияси одатда 2-3 ҳафта давомида кузатилмайди, бироқ кейинчалик, препарат билан даволаш бекор қилингандан кейин камида 4 ҳафта давомида ушлаб турилиши мумкин. Ампициллин ва тетрациклин каби антибиотикларни қабул қилиниши билан ҳам боғлиқ контрацептивларнинг самарасизлиги тўғрисида хабар қилинган. Бундай самарани таъсир механизми аниқланмаган. Юқорида эслатиб ўтилган ҳар қандай препаратларни қабул қилувчи аёллар вақтинча контрацепциянинг тўсиқли усулларидан фойдаланишлари ёки бошқа контрацепция усулини танлашлари керак. Микросомал ферментларнинг индукторларини бир вақтда қўлланганда контрацепциянинг тўсиқли усулини бутун даволаш курси давомида ва даволаш тўхтатилганидан кейинги 28 кун давомида ҳам қўллаш керак. Микросомал ферментларининг индукторлари билан узоқ вақт даволанганда контрацепциянинг бошқа усулини танлаш лозим. Антибиотикларни (микросомал ферментлари индукторлари сифатида таъсир кўрсатувчи рифампицин ва гризеофулвиндан ташқари) қўллаётган аёллар бутун даволаш курси ва даволаш тугаганидан кейинги 7 кун давомида контрацепциянинг тўсиқли усулини қўллашлари керак. Агар контрацепциянинг тўсиқли усулини қўллаш даври МОК ўрамидаги таблеткалар тугаганидан кейин ҳам давом эттирса, у ҳолда препаратни кейинги ўрамидан қабул қилишни одатдаги қабул қилишлар орасида танаффуссиз бошлаш лозим. Перорал контрацептивлар бошқа дори воситаларини метаболизмига таъсир кўрсатиши мумкин. Уларнинг плазмадаги ва тўқималардаги концентрациялари мувофиқ ошиши (масалан, циклоспорин) ёки пасайиши (масалан, ламотриджин) мумкин. Бошқа дори воситалари билан даволанганда бўлиши мумкин бўлган ўзаро таъсирларни аниқлаш учун ушбу препаратни тиббиётда қўллаш бўйича йўриқномаси билан танишиб чиқиш зарур.

Қуйида санаб ўтилган ҳолатлардан ёки хавф омилларидан биронтаси бўлган ҳолларда МОК ни қабул қилиш афзалликлари ва мумкин бўлган зарарларини синчков баҳолаш лозим. Бу масалани препаратни қабул қилишдан аввал бемор аёл билан муҳокама қилиш керак. Касалликни зўрайиш ҳолатини ёмонлашиши ёки юқорида эслатилган ҳолатларни ёки хавф омилларининг биринчи симптомлари пайдо бўлган ҳолларида, бемор аёл дарҳол шифокорга мурожаат қилиши лозим. Шифокор препаратни бекор қилиш кераклигини ҳал қилиши лозим. Қон томирлардаги бузилишлар Ҳар қандай МОК ни қўллаш, препаратни қўлламасликка қараганда веноз тромбоэмболиянинг (ВТE) юқори хавфи билан боғлиқдир. ВТE тез-тезлиги МОК қабул қилмайдиган аёлларда йилига 100 000 аёлга 5-10 та ҳолатларда учрайди деб тахмин қилинади. Касалликнинг нисбий хавфи МОК дан фойдаланишнинг биринчи йили юқори бўлади. МОК ни қабул қилувчи аёлларда ВТE ни ривожланиш хавфи ҳомиладорликдаги ВТE хавфига қараганда пастроқ (100 000 аёл-ёшга 60 та ҳолат). ВТE натижаси сифатида ўлимга олиб келиши 1-2% ҳолатларда қайд қилинган.Айрим эпидемиологик текширишларда дезогестерел каби прогестин билан бирга 30 мг этинилестрадиол сақлаган МОК ни қабул қилган аёлларда, таркибида 50 мкг дан кам этинилестрадиол ва прогестаген левоноргестрел сақлаган МОК қабул қилганларга нисбатан ВТE пайдо бўлишининг юқори хавфи бўлиши аниқланган.Дезогестрел ёки гестоден билан бирга 30 мкг этинилестрадиол сақлаган маҳсулотлар учун, 50 мкг дан кам этинилестрадиол ва левоноргестрел сақлаган маҳсулотларга ВТE пайдо бўлишининг умумий нисбий хавфи 1,5 билан 2,0 ўртасидаги диапазонда деб баҳоланган. Левоноргестрел ва 50 мкг дан камроқ этинилестрадиол сақлаган МОК учун ВТE ҳолатларини тез-тезлиги – йилига 100 000 аёл қўлланилишига тахминан 20 та ВТE ҳолати бўлган. Марвелон учун бу тез-тезлик йилига 100 000 аёл қўлланилишига тахминан 30-40 та ҳолатни, яъни йилига 100 000 аёлда қўлланилишига қўшимча 10-20 та ҳолатни ташкил қилади. Қўшимча ҳолатлар сони туфайли, ВТE пайдо бўлишининг нисбий хавфига таъсири МОК дан фойдаланишнинг биринчи йили энг юқоридир. Шу давр мобайнида ВТE билан касалланиш хавфи барча МОК учун юқори бўлади.Веноз тромбоз/тромбоэмболиянинг пайдо бўлиши хавфи қуйидагилар туфайли ошади: – ёш ўтгани сайин; – ВТE юзасидан мусбат оилавий анамнез (яъни акаси ёки сингиллари ёки нисбатан ёш ота-онасини ВТE билан касалланиш ҳолатлари бўлган). Ирсий мойиллик назарда тутилган ҳолларда, аёл бирон-бир гормонал контрацептивни қабул қилиши тўғрисида қарор қабул қилгунича маслаҳат олиш учун мутахассисга мурожаат қилиши керак; – семизлик (тана вазни индекси 30 кг/м² дан ортиқ); – узоқ муддатли иммобилизация, катта жарроҳлик аралашувлари, оёқларда жарроҳлик аралашувлари ёки оғир жароҳат. Бундай ҳолатларда МОК ни қўллашни тўхтатиш (режали жарроҳлик аралашувларда операциядан камида 4 ҳафта аввал) ва тўлиқ ремобилизациядан кейин 2 ҳафта давомида уларни қўллашни қайта бошламаслик тавсия қилинади; – эҳтимол, юза тромбофлебитда ва веналарнинг варикозли кенгайишида. Ушбу ҳолатларни веноз тромбоэмболиянинг этиологиясига кўрсатиши мумкин бўлган таъсири тўғрисида якдил фикр мавжуд эмас.

2-30°С ҳароратда, ёруғликдан ва намдан ҳимояланган жойда сақлансин.

Рецепт бўйича

150 мкг+30 мкг таблеткалар. 21 та таблеткадан алюмин фолгали сашега жойлаштирилган ПВХ/Ал блистерда. 1, 3 ёки 6 алюмин фолгали саше қўллаш бўйича йўриқномаси билан бирга картон қутига жойланади.

3 йил.