думалоқ, икки томонлама қавариқ, крем тусли оч сариқ рангли, плёнка қобиқ билан қопланган таблеткалар, кўндаланг кесимида юпқа плёнка қобиғи ва оқ ёки деярли оқ рангли ядроси кўринади.

ўсмаларга қарши восита, эстрогенлар синтезини ингибитори.

L02BG04

Летрозол меъда-ичак йўллари (МИЙ) дан тез ва тўлиқ сўрилади, биокираолишлиги – тахминан 99% ни ташкил этади. Овқатланиш сўрилиш тезлигини бироз пасайтиради. Қонда летрозолнинг максимал концентрациясига эришиш вақти (ТCмах) – летрозолни оч қоринга қабул қилинганида тахминан 1 соатни ва овқат билан бирга қабул қилинганида тахминан 2 соатни ташкил этади. Мувозанатли концентрациясига 2,5 мг суткалик дозада ҳар куни қабул қилинганида 2-6 ҳафтадан кейин эришилади. Плазма оқсиллари (асосан албуминлар) билан боғланиши – тахминан 60% ни ташкил этади. Эритроцитларда летрозолнинг концентрацияси плазмадаги концентрациясининг тахминан 80% ни ташкил этади. Мувозанатли ҳолатда тахминий тақсимланиш ҳажми – ўртача 1,5-2 л/кг ни ташкил этади. Препарат узоқ муддат қўлланганида организмда тўпланиши кузатилмайди. CЙП3А4 ва CЙП2А6 изоферментлари таъсирида аҳамиятли даражада метаболизмга учраб, фармакологик жиҳатдан нофаол карбинол бирикмасини ҳосил қилади. Асосан буйраклар орқали метаболитлар ҳолида, камроқ даражада эса ичак орқали чиқарилади. Ярим чиқарилиш даври (Т1/2) тахминан 48 соатни ташкил этади. Ўртача даражадаги жигар етишмовчилигида (Чайлд-Пю таснифи бўйича В синфи) “концентрация-вақт” эгри чизиғи остидаги майдон (АУC) ни 37% га ошиши кузатилган, бироқ бундай кўтарилиш жигар фаолиятини бузилиши бўлмаган шахсларда кузатиладиган қийматлар диапазонида қолади. Жигар циррози бўлган беморларда ва оғир даражадаги жигар етишмовчилигида (Чайлд-Пю таснифи бўйича С синф) АУC 95% га ва Т1/2 187% га ошади.

Аёлларда постменопауза даврида сут безининг мусбат гормонал рецепторлари бўлган ракини эрта босқичларида, адъювант терапия сифатида.Аёлларда постменопауза даврида сут бези ракининг эрта босқичларида тамоксифен билан стандарт адъювант терапия тугаганидан сўнг давомли адъювант даволаш сифатида.Аёлларда постменопауза даврида сут безининг гормонга боғлиқ тарқоқ ракини биринчи қатор дори воситаси сифатида даволаш.Аёлларда постменопауза даврида сут безининг, антиестрогенлар билан даволаш фонида авж олиб борувчи тарқоқ ракини даволашда қўлланилади.

Овқатланишдан қатъий назар ичга қабул қилинади. Тавсия этилган дозаси 2,5 мг ни ташкил этади, ҳар куни суткада 1 марта қабул қилинади. Даволаш узоқ вақт давом этади. Узайтирилган адъювант терапия сифатида, даволаш 5 йил (аммо 5 йилдан кўп эмас) мобайнида давом этиши керак. Касалликни авж олиб бориш белгилари пайдо бўлганида препаратни қабул қилишни тўхтатиш керак. Кекса ёшдаги пациентларда препаратнинг дозасига тузатиш киритиш талаб этилмайди. Жигар ёки буйрак фаолиятини бузилишларида (креатинин клиренси минутига ≥10 мл) препаратнинг дозасига тузатиш киритиш талаб этилмайди, шундай бўлса ҳам, оғир даражадаги жигар етишмовчилиги (Чайлд-Пю таснифи бўйича С синф) ва оғир даражадаги буйрак етишмовчилиги бўлган пациент аёллар доимий кузатувда бўлишлари керак.

Ножўя реакциялар, улар қайд этилган тез-тезлигига қараб, қуйидаги градацияларга мувофиқ санаб ўтилган: жуда тез-тез (> 10%); тез-тез (> 1% ва < 10%); tez-tez emas (≥ 0,1% va < 1%); kam hollarda (> 0,01% ва < 0,1%); жуда кам ҳолларда (< 0,01%), шу жумладан айрим хабарлар. Овқат ҳазм қилиш тизими томонидан: тез-тез – кўнгил айниши, қусиш, диспепсия, қабзият, диарея, анорекция; тез-тез эмас – қоринда оғриқ, стоматит, оғизни қуриши, “жигар” ферментлари фаоллигини ошиши; жуда кам ҳолларда – гепатит. Нерв тизими томонидан: тез-тез – бош оғриғи, бош айланиши, депрессия; тез-тез эмас – хавотирлик ҳисси, асабийлик, таъсирчанлик, уйқучанлик, уйқусизлик, хотирани ёмонлашиши, дизестезия, парестезия, гипестезия, таъм билишни бузилиши, бош мияда қон айланишини бузилиш ҳуружлари. Қон яратиш аъзолари томонидан: тез-тез эмас – лейкопения. Юрак қон-томир тизими томонидан: тез-тез эмас – юрак уришини ҳис этиш, тахикардия, юза ва чуқур веналар тромбози, артериал босимни ошиши, юрак-қон томир тизимининг ишемик бузилишлари (стенокардия, миокард инфаркти, юрак етишмовчилиги); кам ҳолларда – тромбоэмболия, ўпка артериялари эмболияси, артериялар тромбози, импульс. Нафас тизими томонидан: тез-тез эмас – ҳансираш, йўтал. Тери ва тери ости ёғ клетчаткаси томонидан: тез-тез – алопеция, кучли терлаш, тери тошмаси (шу жумладан, эритематоз, макулопапулёз, везикуляр тошма, псориазсимон тошма); тез-тез эмас – терини қичишиши, терини қуриши, эшакеми; жуда кам ҳолларда – ангионевротик шиш, анафилактик реакциялар, Лаелл синдроми (токсик эпидермал некролиз), Стивенс-Джонсон синдроми (ҳавфли экссудатив эритема). Суяк-мушак тизими томонидан: жуда тез-тез – артралгия; тез-тез – миалгия, оссалгия, остеопороз, суякларни синиши; тез-тез эмас – артрит. Сезги аъзолари томонидан: тез-тез эмас – катаракта, кўзларни таъсирланиши, кўришни ноаниқлиги, таъм билиш ҳиссини бузилиши. Сийдик таносил тизими томонидан: тез-тез эмас – тез-тез сийиш, сийдик чиқариш йўлларининг инфекциялари, вагинал қон кетишлар, қиндан ажралмаларни ажралиши, қин шиллиқ қаватини қуриши, сут безида оғриқ. Бошқалар: жуда тез-тез – “қизиб кетиш” ҳисси; тез-тез – кучли толиқиш, астения, лоҳаслик, периферик шишлар, тана вазнини ошиши, иштаҳани ошиши; тез-тез эмас – тана вазнини камайиши, гиперхолестеринемия, чанқоқлик, гипертермия, шиллиқ қаватларни қуриши, тарқоқ шишлар, ўсмалар жойлашган ўчоқларда оғриқ.

Летрозолга ёки препаратнинг ҳар қандай бошқа компонентига юқори сезувчанлик;Репродуктив давр учун хос бўлган эндокрин статус.Ҳомиладорлик, эмизиш даври.18 ёшгача бўлган болалар ва ўсмирлар.

Ҳозирги вақтда летрозолни ўсмаларга қарши бошқа воситалар билан мажмуада қўллаш бўйича клиник тажрибалар мавжуд эмас. Летрозол ва тамоксифен суткада 20 мг дозада бир вақтда қўлланганида летрозолнинг плазмадаги концентрациясини 38% га камайиши кузатилган. Летрозолни варфарин ва циметидин билан клиник аҳамиятли ўзаро таъсири кузатилмаган. Летрозол CЙП2А6 ва CЙП2C19 изоферментларининг фаоллигини сусайтиради. Гарчи CЙП2А6 изоферменти дори препаратларининг метаболизмида аҳамиятли рицарь ўйнамаслиги туфайли, метаболизмида CЙП2А6 изоферменти иштирок этувчи дори препаратлар билан клиник аҳамиятли ўзаро таъсир кутилмайди. Ин витро шароитларда ўтказилган тадқиқотлар, летрозол, мувозанатли концентрациялардан 100 марта юқори концентрацияларда қўлланганида, диазепамнинг (CЙП2C19 изоферментининг субстрати) метаболизмини аҳамиятли сусайтирмаслигини кўрсатди. Шундай қилиб, метаболизмида CЙП2C19 изоферменти иштирок этадиган дори препаратлари билан клиник жиҳатдан аҳамиятли ўзаро таъсир қилиш эҳтимоли кам. Шунга қарамай, летрозол ва асосан юқорида номи келтирилган изоферментлар иштирокида метаболизмга учрайдиган ва тор терапевтик диапазонига эга бўлган препаратлар бирга қўлланганида эҳтиёткорликка риоя қилиш керак.

Оғир даражадаги жигар етишмовчилиги бўлган пациент аёллар препарат билан даволаниш вақтида доимий кузатувда бўлишлари керак. Перименопауза ва эрта постменопауза даврларида ҳомиладорлик кузатилиши мумкинлигини инобатга олиб, препарат билан даволаниш вақтида аёллар барқарор постменопаузал гормонал даража аниқлангунича ишончли контрацепция усулларидан фойдаланишлари керак. Препаратнинг, умумий ҳолсизлик ва бош айланиши каби баъзи ножўя самаралари автотранспортни ҳайдаш ва диққатни жамлаш ҳамда психомотор реакциялар тезлигини талаб этувчи потенциал ҳавфли фаолият турларини бажариш қобилиятига таъсир қилиши мумкин. Шу сабабли транспорт воситаларини бошқариш ва механизмлар билан ишлашда эҳтиёткорликка риоя қилиш керак. Препарат болалар олаолмайдиган жойда сақлансин ва яроқлилик муддати ўтгач қўлланилмасин.

Қуруқ, ёруғликдан ҳимояланган жойда 25оС дан юқори бўлмаган ҳароратда.

Летрозолнинг дозасини ошириб юборилиши юзасидан айрим хабарлар мавжуд. Бунда дозани ошириб юборилишининг специфик симптомлари мавжуд эмас. Дозани ошириб юборилишини специфик даволаш усуллари маълумотлар чекланганлиги сабабли номаълум. Дозаси ошириб юборилганида қусишни чақириш ва симптоматик ҳамда тутиб турувчи даволашни ўтказиш тавсия этилади. Летрозол плазмадан гемодиализ ёрдамида чиқарилади.

Рецепт бўйича

Плёнка қобиқ билан қопланган таблеткалар 2,5 мг. 30 таблетка дори воситалари учун мўлжалланган полимер банкаларда. Банкадаги бўшлиқ гигроскопик тиббий пахта билан тўлдирилади. Ҳар бир банка давлат ва рус тилларидаги қўллаш бўйича йўриқномалари билан бирга картон қутига жойланади.

2 йил.