тиниқ, рангсиз ёки оч-сариқ рангли эритма.

Синтетик антибактериал воситалар (фторхинолонлар гуруҳи).

J01MA02

200 мг ёки 400 мг дозада вена ичига (в/и) юборилгандан кейин 60 минутдан сўнг плазмадаги концентрацияси 2,1 мкг/мл ёки 4,6 мкг/мл га етади. Тақсимланиш ҳажми 2,0-3,0 л/кг ни ташкил қилади. Ципрофлоксациннинг сафродаги концентрацияси плазмадаги концентрациясига нисбатан анча юқоридир. Вена ичига юборилгандан кейин сийдикдаги концентрацияси биринчи 2 соат давомида плазмадагига қараганда 2 марта юқори бўлади. Препарат қуйидаги тўқималарида тақсимланади: нафас ва сийдик чиқариш йўллари, овқат ҳазм қилиш йўлларининг тўқималарида, синовиал суюқликда, мушакларда, терида, ёғ тўқимасида;балғамда, сўлакда, яллиғланиш экссудатида;цереброспинал суюқликда;ҳужайраларда (нейтрофиллар, макрофаглар), бу қўзғатувчилари ҳужайра ичида жойлашган инфекцияларни даволашда муҳимдир. Буйрак фаолияти ўзгармаган пациентларда ярим чиқарилиш даври 3-5 соатни ташкил қилади. Буйрак етишмовчилиги бўлган беморларда ярим чиқарилиш даври узаяди. Ципрофлоксацин организмдан асосан буйрак орқали чиқарилади. Сийдик билан 50-70%, 15% дан 30% гачаси аҳлат билан чиқарилади. Оғир буйрак етишмовчилиги (креатинин клиренси минутига 20 мл/1,73 мг дан кам) бўлган беморларда препаратнинг бир марталик дозани икки мартага камайтириш керак.

Доза касалликнинг оғирлиги, инфекциянинг тури, пациентнинг ҳолати, ёши, вазнига боғлиқ. Вена ичига юбориш учун бир марталик  доза 200 мг (оғир инфекцияларда 400 мг), суткада 2 мартани ташкил қилади. Даволаш давомийлиги касалликнинг оғирлигига боғлиқ ва 1-2 ҳафтани, зарурат бўлганида эса ундан кўпроқни ташкил қилади. Вена ичига оқим билан юбориш мумкин, аммо томчилаб 30 минут (200 мг) ва 60 минут (400 мг) давомида юборган афзал. Ўткир сифилисда бир марталик доза вена ичига 100 мг ни ташкил қилади. Операциядан кейинги инфекцияларни олдини олиш учун, операциядан 30-60 минут олдин вена ичига 200-400 мг препарат юборилади.

Меъда-ичак йўллари ва жигар томонидан: кўнгил айниши, қусиш, овқат ҳазм бўлишини бузилиши, диарея, қорин соҳасида оғриқ, метеоризм, иштаҳани йўқолиши, холестатик сариқлик, гепатит. Нерв тизими томонидан: бош айланиши, бош оғриғи, меньшевизм, чарчоқлик, ҳолсизлик, уйқусизлик, қўзғалиш, қалтираш, периферик невралгия, парестезиялар, кўп терлаш, ҳаракат координациясини бузилиши, тиришиш, безовталик ҳолати, депрессия, галлюцинациялар, тунги даҳшатлар (бу реакциялар препаратни дарҳол бекор қилишни талаб қилади). Турли реакциялари: қичишиш, эшакеми, фотосенсибилизация, қизариш. Юрак–томир тизими томонидан: тахикардия, ҳушдан кетишлар, гипертензия, стенокардия, миокард инфаркти, церебрал тромбозлар. Қон ва унинг компонентлари томонидан: эозинофилия, лейкоцитопения, лейкоцитоз, анемия, гемолитик анемия, тромбоцитопения, тромбоцитоз. Сийдик-чиқариш тизими томонидан: гломерулонефрит, дизурия, полиурия, кристаллурия, албуминурия, уретрал қон кетишлар, буйрак фаолиятини транзитор етишмовчилишини ривожланишига қадар бўлган бузилиши. Сезги аъзолари томонидан: таъм ва ҳид сезишни бузилиши, кўришни бузилиши (диплопия, хроматопсия), қулоқларда шовқин, вақтинчалик карлик (айниқса баланд товушларга). Аллергик ва иммунопатологик реакциялар: тери тошмалари, дорилар таъсирида иситмалаш, кам ҳолларда- Квинке шиши, бронхоспазм, артралгия, жуда кам ҳолларда – анафилактик шок, пеетехиялар, геморрагик пуфакчалар, миалгиялар, васкулит, Стивенс-Джонсон синдроми, Лаелл синдроми кузатилиши мумкин.

Ципрофлоксацинга ёки ҳар қандай хинолон препаратларига юқори сезувчанлик, 15 ёшгача бўлган болаларда (ёшларда тоғайларни шикастланишига олиб келиши мумкин), кекса ёшдагилар, ҳомиладорлик ва эмизиш даврида қўллаш мумкин эмас.

Фторхинолонлардан ташқари, бошқа антибиотиклар ва антибактериал воситалар билан бир вақтда буюрилганида, уларнинг таъсирини сусайиши аниқланмаган. Алюминий гидроксидини, магний ёки калций сақловчи антацидларни бир вақтда қабул қилиш препаратни сўрилишини пасайишини чақиради, шунинг учун бу препаратларни буюриш орасидаги интервал камида 4 соат бўлиши керак. Теофиллин билан бир вақтда қўллаш унинг ножўя таъсирини кучайтиради, бу теофиллиннинг дозасини камайтиришни талаб қилади. Циклоспорин билан бир вақтда қабул қилиш қон плазмасида креатининнинг даражасини ошишига олиб келади, шу сабабли ушбу кўрсаткични назорат қилиш (ҳафтада 2 марта) лозим. Варфарин билан бир вақтда қўлланганида, варфариннинг таъсири кучаяди. Пробенецид билан бирга буюриш препаратнинг таъсирини кучайтиради. Фармакотерапевтик ўзаро таъсири: Ципрофлоксацин эритмаси рН 3-4 бўлган эритмалар ва дори препаратлари билан номутаносиб, улар физик ёки кимёвий жиҳатдан барқарор эмаслар.

Бош мия қон томирларининг яққол атеросклерози, бош мияда қон айланишини бузилишлари, тутқаноғи, анамнезида тиришиш хуружлари бўлган, буйрак фаолиятини яққол бузилиши бўлган беморларда (фақат ҳаётий кўрсатмалар бўйича) эҳтиёткорлик билан буюрилади. Даволаниш вақтида пациентлар етарли миқдорда суюқлик қабул қилишлари лозим. Препарат реакция тезлигини пасайтириши мумкин (айниқса алкогол билан бир вақтда қўлланганида), буни, касби юқори диққат ва реакция тезлигини талаб этадиган шахслар (масалан, транспорт ҳайдовчилари) ҳисобга олишлари керак. Оғир ва узоқ давом этувчи диарея ҳолларида сохта мембраноз колит ташҳисини истисно қилиш лозим, у препаратни қўллашни дарҳол бекор қилишни ва тегишли даволашни буюрилишини талаб қилади. Препарат билан даволаш фонида айрим лаборатория кўрсаткичлари ўзгариши мумкин: сийдикда пайдо бўлиши, қон зардобида креатинин, мочевина, билирубин, жигар трансаминазаларининг концентрациясини вақтинчалик ошиши; айрим ҳолларда – гипергликемия, кристаллурия ёки гематурия, протромбин кўрсаткичларини ўзгариши бўлиши мумкин. Даволаниш вақтида фотоаллергик реакцияларини пайдо бўлиш эҳтимоли туфайли, бевосита қуёш нурлари таъсиридан сақланиш керак. Препарат болалар ололмайдиган жойда сақлансин ва яроқлилик муддати ўтганидан кейин ишлатилмасин.

Ёруғликдан ҳимояланган жойда, 25оС дан юқори бўлмаган ҳароратда сақлансин. Музлатилмасин!

Симптомлари: баъзида ципрофлоксациннинг дозаси аҳамиятли даражада ошириб юборилганида буйракни ўткинчи шикастланиши аниқланган. Даволаш: регидратация, меъдани ювиш, сорбентлар, сурги воситалари ва симптоматик даволаш буюрилади. Қўшимча равишда гемодиализ ёки перитонеал диализ ўтказиш мумкин.

Рецепт бўйича

Инфузия учун эритма 100 мл.

2 йил.