Плёнка қобиқ билан қопланган 100 мг ли таблеткалар: жуда ҳам тўқ сариқ рангдан то жигар ранг-тўқ сариқ ранггача бўлган, думалоқ шаклли, икки томонлама қавариқ, чеккалари қия, бир томонида “НВР” ёзуви ва иккинчи томонида “СА” ёзуви ва рискаси бўлган таблеткалар. Плёнка қобиқ билан қопланган 400 мг ли таблеткалар: жуда ҳам тўқ сариқ рангдан то жигар ранг-тўқ сариқ ранггача бўлган, овалсимон узунчоқ шаклли, икки томонлама қавариқ, чеккалари қия, бир томонида “НВР” ёзуви ва иккинчи томонида “СЛ” ёзуви бўлган таблеткалар.

Антинеопластик воситалар. Бошқа антинеопластик воситалар. Протеинкиназа ингибиторлари. Иматиниб.

L01XE01

Гливек® препаратининг фармакокинетик кўрсаткичлари 25 мг дан 1000 мг гача бўлган дозалар диапазонида баҳоланган. Фармакокинетик профиллар қўлланилишининг 1-куни, шунингдек иматинибнинг плазмада мувозанат концентрацияларига эришилганида 7 ёки 28-куни таҳлил қилинган. Сўрилиши Препаратнинг биокираолишлиги ўртача 98% ни ташкил этади. Қон плазмасида иматиниб АУC даражасининг ўзгарувчанлиги коэффициенти препаратни перорал қабул қилинганидан кейин 40–60% чегарасида бўлган. Агар препарат юқори миқдорда ёғли овқат билан биргаликда қабул қилинган бўлса, оч қоринга бўлган ҳолат билан таққосланганда АУC даражаси сезиларсиз миқдорда (7,4%) камайган ҳолда иматинибнинг сўрилиши даражаси минимал даражада камайган (Cмах 11% га камайган ва тмах 1,5 соатга узайган). Тақсимланиши Ин витро шароитдаги маълумотлари бўйича иматинибнинг клиник жиҳатдан аҳамиятли концентрацияларида унинг қон плазмаси оқсиллари (энг аввало, албумин ва кислотали α-гликопротеин ва сезиларсиз даражада липопротеин) билан боғланиши 95% ни ташкил этади. Метаболизми Дастлабки модданинг фаоллигига яқин бўлган ин витро шароитда фаолликни намоён қилувчи Н-деметилизация қилинган пиперазин ҳосиласи одамларда асосий айланиб юрувчи метаболити бўлиб ҳисобланади. Ушбу метаболитнинг плазмадаги АУC қиймати иматиниб АУC қийматининг фақат 16 % ташкил этади. Қон плазмасидаги оқсиллар билан Н- деметилизация қилинган метаболитнинг боғланиши дастлабки бирикманинг боғланишига яқин бўлади. Чиқарилиши [14С] радиофаол изотопи билан нишонланган иматиниб перорал қўлланилганидан кейин дозанинг тахминан 81 фоизи 7 кун ичида ахлатда (дозанинг 68 %) ва сийдикда (дозанинг 13 %) аниқланади. Дозанинг тахминан 25 % (20 % ахлатда ва 5 % сийдик билан) ўзгармаган кўринишда чиқарилади. Препаратининг қолган қисми метаболитлар кўринишида чиқарилади. Плазмада фармакокинетикаси Соғлом кўнгиллилар томонидан перорал қабул қилинганидан кейин ярим чиқарилиши даври т1/2 тахминан 18 соатни ташкил этади, бу препаратни суткада бир марта қабул қилиш кераклигидан далолат беради. Доза оширилганида АУC ўртача қийматини ошиши пропорционал боғлиқликка эга ва ичга қабул қилинганидан кейин иматинибнинг 25 мг дан 1000 мг гача диапазондаги дозасига пропорционалдир. Такрорий юборилганидан кейин иматиниб кинетикасида ўзгаришлар кузатилмаган, тўпланиши эса препаратни суткада бир марта юборилганида мувозанат ҳолатида 1,5–2,5 марта кўп бўлган. Популяцияларда фармакокинетикаси Популяцияларда фармакокинетикасига доир маълумотлар таҳлили натижалари тақсимланиш ҳажмига ёшнинг сезиларли бўлмаган таъсирини (> 65 ёшдан катта бўлган пациентларда 12% га ошишини) кўрсатди. Бундай ўзгариш клиник жиҳатдан аҳамиятли ҳисобланмайди. Тана вазнини иматиниб клиренсига таъсири: тана вазни 50 кг бўлган пациентлар учун ўртача клиренс 8,5 л/соат бўлиши кутилади, айни вақтда тана вазни 100 кг бўлган пациентлар учун клиренс 11,8 л/соат гача ортади. Бундай ўзгаришлар дозага тана вазни килограммлар асосида тузатиш киритишни талаб қилиш учун етарлича бўлиб ҳисобланмайди. Жинсни иматиниб кинетикасига таъсири аниқланмаган. Болаларда фармакокинетикаси Катта ёшдаги пациентлардаги каби иматиниб И фаза ва ИИ фаза тадқиқотларида педиатрик пациентлар томонидан перорал қабул қилинганидан кейин тезда сўрилган. Болаларга суткада 260 ва 340 мг/м2 доза юборилганида катта ёшдаги пациентларда мувофиқ равишда 400 мг ва 600 мг дозалардаги каби экспозицияга эришилган. Суткада 340 мг/м2 доза қўлланилганида АУC(0-24) ни 8-кун ва 1-кунда таққосланиши суткада бир марта такрорий қабул қилинишидан кейин 1,7 марталик тўпланишини кўрсатди. Гематологик касалликлари бўлган (СМЛ, Пҳ+ ЎЛЛ ёки бошқа касалликларда иматиниб қўлланилган) педиатрик пациентларда маълумотларнинг популяциядаги фармакокинетик таҳлили натижалари тана юзаси майдони (ТЮМ) ошиши билан иматиниб клиренси ортиб боришини кўрсатади. ТЮМ га нисбатан тузатишлар киритилганидан кейин ёш, тана вазни ва тана вазни индекси каби бошқа демографик тавсиф кўрсаткичлари иматиниб экспозициясига клиник жиҳатдан аҳамиятли таъсирни кўрсатмаган. Аъзолар функциясини бузилиши Иматиниб ва унинг метаболитлари буйраклар орқали сезиларли ҳажмда чиқарилмайди. Буйрак функцияси енгил ва ўртача даражада бузилиши бўлган пациентлар буйрак функцияси нормал бўлган пациентларга қараганда юқорироқ плазма экспозициясига эга. Экспозициянинг ошиши тахминан 1,5-2 мартани ташкил этади, бу плазмада иматиниб сезиларли даражада боғланадиган алфа-гликопротеини даражасини 1,5 марта ошишига мос келади. Иматиниб учун эркин препарат клиренси буйрак етишмовчилиги бўлган ва буйрак функцияси нормал бўлган пациентларда қиймати бўйича эҳтимол яқин бўлади, чунки буйрак экскрецияси иматиниб чиқарилиши йўли билан иккинчи даражали бўлиб ҳисобланади. Гарчи фармакокинетика таҳлили натижалари сезиларли шахслараро ўзгарувчанлик мавжудлигини кўрсатган бўлса ҳам, иматинибнинг ўртача экспозицияси жигар функцияси нормал бўлган пациентларга нисбатан жигар функциясининг турли даражадаги бузилишлари бўлган пациентларда юқори бўлмаган.

Филаделфия хромосомаси (Пҳ+) бўйича биринчи бор мусбат ташҳисланган сурункали миелолейкозли (СМЛ) катталар ва болаларни даволаш.Бласт кризи фазасида, акселерация фазасида, шунингдек илгари интерферон алфа билан даволаш самарасизлиги туфайли сурункали фазада бўлган сурункали миелолейкозли катталар ва болаларни даволаш.Филаделфия хромосомаси (Пҳ+) бўйича биринчи бор мусбат ташҳисланган ўткир лимфобласт лейкозли (Пҳ+ ЎЛЛ) катталар ва болаларни химиотерапия билан мажмуада даволаш.Қайталанувчи ёки рефрактер Пҳ+ ЎЛЛ (ўткир лимфобласт лейкозли) катта ёшдаги пациентларни монотерапия сифатида даволаш.Тромбоцитар ўсиш омили рецепторини генетик жиҳатдан қайта тузилиши билан боғлиқ миелодиспластик/миелопролифератив касалликлари (МДС/МПК) бўлган катта ёшдаги пациентларни даволаш.Д816Вc-Кит мутация ёки номаълум c-Кит мутацион статуси мавжуд бўлмаган ҳолда тизимли мастоцитозли (ТМ) катта ёшдаги пациентларни даволаш.Гипереозинофил синдроми (ГEС) ва/ёки сурункали эозинофил лейкемияли (СEЛ) катта ёшдаги пациентларни даволаш.Операция қилиб бўлмайдиган ва/ёки c-Кит (CД 117) бўйича мусбат МИЙ метастатик хавфли стромал ўсмалари бўлган катта ёшдаги пациентларни даволаш.Катта ёшдаги пациентларда c-Кит бўйича мусбат МИЙ стромал ўсмалар резекциясидан кейинги адювант даволаш.Операция қилиб бўлмайдиган, қайталанувчи ва/ёки метастатик бўртиб чиқувчи дерматофибросаркомали (Дерматофибросарcома протуберанс – ДФСП) катта ёшдаги пациентларни даволашда қўлланади.

Даволашни қон хавфли ўсмалари ва хавфли саркомалари бўлган пациентларни даволаш тажрибасига эга шифокор нозологияга боғлиқ равишда олиб бориши керак. Буюрилган дозаларни меъда-ичак йўлларининг таъсирланиши хавфини энг кам даражага келтириш учун овқатланиш вақтида кўп миқдордаги сув билан перорал қабул қилиш лозим. Препарат 400 мг ёки 600 мг дозаларда суткада бир марта буюрилади, 800 мг ли дозани эса суткада 2 марта, эрталаб ва кечқурун 400 мг дан буюриш лозим. Қобиқ билан қопланган таблеткани ютолмайдиган пациентлар учун таблеткани бир стакан сув ёки олма шарбатида эритиш мумкин. Таблеткаларнинг зарур миқдорини суюқликнинг тегишли ҳажмига (100 мг ли таблетка учун тахминан 50 мл ва 400 мг ли таблетка учун тахминан 200 мл) солиш ва қошиқ билан аралаштириш лозим. Суспензияни таблетка (таблеткалар) тўлиқ эриганидан кейин дарҳол ичиш лозим. Даволашни пациентда клиник самара кузатилишига қадар давом эттириш лозим. Пҳ+ СМЛ ли пациентларда субоптимал жавобни аниқлаш учун Гливек® препарати билан даволашга, шу жумладан даволаш ўзгартирилганида унга жавоб, даволашга жавобни йўқотилиши, пациент томонидан даволаш дозаларини қабул қилиш тартибига етарлича риоя қилинмаслиги ёки бошқа препаратлар билан ўзаро таъсирлар эҳтимоли юзасидан мунтазам кузатувни олиб бориш лозим. СМЛ ни тўғри даволаш кузатув натижалари билан олиб борилиши керак. Сурункали миелолейкозда (СМЛ) дозалари Сурункали фазадаги СМЛ ли пациентлар учун Гливек® препаратининг тавсия этилган дозаси суткада 400 мг ни ташкил этади, акселерация ёки бласт кризи фазасидаги пациентлар учун эса препарат дозаси суткада 600 мг ни ташкил этади. Касалликнинг сурункали фазасидаги пациентларда дозани 400 мг дан 600 мг ёки 800 мг гача ёки акселерация ёки бласт кризи фазасидаги пациентларда дозани 600 мг дан кўпи билан 800 мг гача ошириш масаласи препаратга нисбатан оғир ножўя реакциялар мавжуд бўлмаганда ва қуйидаги: касалликнинг авж олиши (исталган вақтда), энг камида 3 ойлик даволашдан кейин қониқарли гематологик жавобнинг йўқлиги, 12 ойлик даволашдан кейин цитогенетик жавобнинг йўқлиги ёки аввал эришилган гематологик ва/ёки цитогенетик жавобни йўқотилиши вазиятларида лейкемия билан боғлиқ бўлмаган оғир нейтропения ёки тромбоцитопения мавжуд бўлмаганда кўриб чиқилиши мумкин. Болаларда СМЛ да дозалари Болаларда дозалари тана юзаси майдонига (мг/м2) боғлиқ ҳолда ҳисобланиши керак. Сурункали ва ривожланишдаги фазасидаги СМЛ ли болалар учун тавсия этиладиган доза суткада 340 мг/м2 ни (максимал суткалик доза 600 мг дан ошмаган ҳолда) ташкил этади. Препаратни суткада бир марта буюриш ёки муқобил дозани 2 марта – эрталаб ва кечқурун қабул қилиш учун ажратиш мумкин. Мусбат филаделфия хромосомали (Пҳ+ ЎЛЛ) ўткир лимфобластли лейкозда дозалари Пҳ+ ЎЛЛ бўлган катта ёшдаги пациентларни даволаш учун Гливек® препаратининг тавсия этиладиган дозаси суткада 600 мг ни ташкил этади. Болаларда мусбат филаделфия хромосомали (Пҳ+ ЎЛЛ) ўткир лимфобластли лейкозда дозалари Болаларда дозалари тана юзаси майдонига боғлиқ ҳолда (мг/м2) ҳисобланиши керак. Пҳ+ ЎЛЛ бўлган болаларда тавсия этиладиган дозаси суткада 340 мг/м2 ни (максимал суткалик доза 600 мг дан ошмаган ҳолда) ташкил этади. Препаратни суткада бир марта буюриш ёки муқобил дозани 2 марта – эрталаб ва кечқурун қабул қилиш учун ажратиш мумкин. Миелодиспластик/миелопролифератив касалликларда (МДС/МПК) дозалари МДС/МПК бўлган катта ёшдаги пациентларни даволаш учун Гливек® препаратининг тавсия этиладиган дозаси суткада 400 мг ни ташкил этади. Тизимли мастоцитоз (ТМ) Д816В КИТ мутациясиз ТМ ли катта ёшдаги пациентларни даволаш учун Гливек® препаратининг тавсия этиладиган дозаси суткада 400 мг ни ташкил этади. Агар КИТ мутациянинг мақоми номаълум бўлса ёки маълумот олиш мумкин бўлмаса, бошқа дори воситалари билан даволаш самарасиз бўлган ТМ ли пациентларга Гливек® препаратини суткада 400 мг дозада буюриш ҳақидаги масалани кўриб чиқиш мумкин. Эозинофилия билан ассоциацияланган ТМ ли пациентлар учун, агар клонал гематологик патология ФИП1Л1-ПДГФР-алфакиназалар синтези билан боғлиқ бўлса, тавсия этиладиган бошланғич доза суткада 100 мг ни ташкил этади. Пациентларнинг мазкур гуруҳи учун дозани 100 мг дан 400 мг гача оширилиши даволаш самарадорлиги етарли даражада бўлмаганида ва препаратни қабул қилишда ножўя реакциялар мавжуд бўлмаган тақдирда кўриб чиқилиши мумкин. ГEС/СEЛ да дозалари ГEС/СEЛ бўлган катта ёшдаги пациентларни даволаш учун Гливек® препаратининг тавсия этиладиган дозаси суткада 400 мг ни ташкил этади. ФИП1Л1-ПДГФР-алфакиназалар фаоллиги даражаси юқори бўлган пациентлар учун тавсия этиладиган доза суткада 100 мг ни ташкил этади. Дозани 100 мг дан 400 мг гача оширилиши даволашга жавоб етарли даражада самарадор бўлмаган пациентлар учун ва ножўя реакциялар мавжуд бўлмаганда кўриб чиқилиши мумкин. МИЙ нинг хавфли стромал ўсмаларида дозалари МИЙ нинг операция қилиб бўлмайдиган ва/ёки метастатик хавфли стромал ўсмаси бўлган катта ёшдаги пациентларни даволаш учун Гливек® препаратининг тавсия этиладиган дозаси суткада 400 мг ни ташкил этади. Дозани 400 мг дан 600 мг ёки 800 мг гача оширилиши даволаш самарадорлиги етарли даражада бўлмаганида ва препаратга нисбатан ножўя реакциялар мавжуд бўлмаганида кўриб чиқилиши мумкин. Меъда-ичак йўлларининг операция қилиб бўлмайдиган ва/ёки метастатик хавфли стромал ўсмалари бўлган пациентлар иштирокидаги клиник тадқиқотларда Гливек® препарати билан даволаш касаллик ривожланишига қадар ёки ўзлаштириб бўлмайдиган токциклик пайдо бўлишига қадар давом этган. Меъда-ичак стромал ўсмалари резекциясидан кейин адъювант даволаш буюрилганида катта ёшдаги пациентлар учун Гливек® препаратининг тавсия этиладиган дозаси суткада 400 мг ни ташкил этади. Адъювант тартибда Гливек® препарати билан даволашнинг оптимал давомийлиги ҳали аниқланмаган. Клиник тадқиқотларнинг маълумотларига кўра даволашнинг тавсия этиладиган минимал давомийлиги ушбу қўллаш ҳолатида 36 ойни ташкил этади. Бўртиб чиқувчи дерматофибросаркомада (Дерматофибросарcома протуберанс -ДФСП) дозалари ДФСП ли пациентларни даволаш учун Гливек® препаратининг тавсия этиладиган дозаси суткада 800 мг ни ташкил этади. Ножўя реакциялар ривожланганида дозага тузатиш киритиш Ногематологик ножўя реакциялар

Умумий хавфсизлик профили Клиник амалиётда қўлланилишининг 12 йилдан ортиқ бўлган тажрибасида Гливек® препаратининг хавфсизлик профили яхши ўрганилган. Препаратнинг клиник тадқиқотлари давомида у қўлланилганида беморларнинг кўпчилиги бирор вақт давомида у ёки бошқа нохуш ҳолатларни сезганлар. Нейтропения, тромбоцитопения, анемия, бош оғриғи, диспепсия, шишлар, тана вазнининг ошиши, кўнгил айниши, қусиш, мушак тиришишлари, мушак-скелет оғриғи, диарея, тошма, холсизлик, қоринда оғриқ препаратнинг қўлланилиши билан боғлиқ энг кўп қайд этилган ножўя реакциялар (>10%) бўлган. Асосан ушбу нохуш ҳолатлар енгил ёки ўртача ифодаланган бўлган. Фақат 2-5% беморлар Гливек® препарати билан даволашни нохуш ҳолатлар ривожланиши туфайли тўхтатган. Пҳ+ лейкозли катта ёшдаги пациентлар ва болаларда қўлланилганида Гливек® препарати ўхшаш хавфсизлик профилига эга. Пҳ+ лейкозлар ва каттагина ўсмалар ўртасида хавфсизлик профилидаги фарқланиш фақат қуйидагилардан: Пҳ+ лейкемияли пациентларда миелосупрессия ҳоллари юзага келишидан ва оғирлигининг анча юқори тез-тезлиги ҳамда МИЙ стромал ўсмалари бўлган пациентларда эҳтимол асосий касаллиги муносабати билан меъда-ичакда ва ўсма ичида қон кетишларнинг кўпроқ юзага келишидан иборат бўлган. Гливек® препарати қўлланилганида миелосупрессия, МИЙ томонидан нохуш ҳолатлар, шишлар ва тошма Пҳ+ лейкемияларда ҳам, МИЙ хавфли стромал ўсмаларида ҳам тенг даражада юзага келади. МИЙ обструкцияси, тешилишлар ва яраланишлар каби МИЙ томонидан бошқа бузилишлар кўпроқ МИЙ стромал ўсмаларида учрайди. Гепатотокциклик, ўткир буйрак етишмовчилиги, гипофосфатемия, нафас олиш тизими томонидан бузилишлар, ўсма лизиси синдроми ва болаларда ўсишни тўхтаб қолиши Гливек® препарати қўлланилганида бошқа жиддий нохуш ҳолатлар бўлиб ҳисобланади. Нохуш ҳолатларнинг ифодаланганлиги даражасига боғлиқ ҳолда препарат дозасига тузатиш киритилиши, айрим ҳолларда препарат қўлланилиши бекор қилиниши ҳам мумкин. Қуйида санаб ўтилган ножўя реакциялар энг кўп учрайдиганидан бошлаб тез-тезликда, қуйидаги шартли белгилардан фойдаланган ҳолда таснифланган: жуда тез-тез (≥ 1/10); тез-тез (≥ 1/100, <1/10); тез-тез эмас (≥ 1/1000, <1/100); кам ҳолларда (≥ 1/10000, <1/1000), жуда кам ҳолларда (<1/10 000), шу жумладан якка ҳолатлар.

Препаратнинг таъсир этувчи моддаси ёки ҳар қандай бошқа компонентига юқори сезувчанликда қўллаш мумкин эмас.

П450 цитохроми тизимининг CЙП3А4 изоферментлари фаоллигини ингибиция қилувчи таъсир этувчи моддалар (масалан, кетоконазол, итраконазол, эритромицин, кларитромицин) метаболизмни пасайтириши ва қон плазмасида иматиниб концентрациясини ошириши мумкин. Иматинибни кетоконазолнинг (CЙП3А4 ингибитори) бир марталик дозаси билан бир вақтда буюрилганида соғлом кўнгиллиларда препарат экспозицияси кўрсаткичларининг сезиларли даражада (иматинибнинг ўртача Cмах ва АУC қийматларини мувофиқ равишда 26% ва 40% га) ошиши кузатилган. Гливек® препаратини CЙП3А4 изоферменти ингибиторлари билан бир вақтда эҳтиёткорлик билан буюриш лозим.

Гливек® препаратини бошқа препаратлар билан бир вақтда буюрилганида дориларнинг ўзаро таъсирининг потенциал хавфи мавжуд. Гливек® препаратини рифампицин ёки CЙП3А4 изоферментининг бошқа кучли индукторлари билан, шунингдек кетоконазол ёки CЙП3А4 изоферментининг бошқа кучли ингибиторлари, тор терапевтик диапазонига эга CЙП3А4 изоферментининг субстратлари (масалан, циклоспорин, пимозид), ёки тор терапевтик диапазонига эга CЙП2C9 изоферментининг субстратлари (масалан, варфарин ва бошқа кумарин ҳосилалари) билан бир вақтда қўлланилганида эҳтиёткорликка риоя қилиш лозим. Гипотиреоз Гливек® препарати билан даволаш вақтида тиреоидектомиядан кейин левотироксин билан ўрнини босувчи даволаш ўтказилган пациентларда гипотиреоз ривожланишининг клиник ҳоллари ҳақида хабар берилган. Бундай пациентларда ТТГ даражасини тез-тез назорат қилиш зарур. Гепатотокциклик Турли оғирлик даражасидаги (енгил, ўртача ёки оғир) жигар дисфункцияси бўлган пациентларда Гливек® препарати қўлланилганида периферик қонни мунтазам клиник тадқиқотларини ўтказиш ва жигар функциясини (жигар трансаминазаларини) назорат қилиш тавсия этилади. Гливек® препарати юқори дозали химиотерапияси тартиблари билан мажмуада қўлланилганида трансаминазалар даражаси ошиши ва гипербилирубинемия билан тавсифланувчи транзитор жигар токциклиги кузатилади. Бундан ташқари, ўткир жигар етишмовчилиги ҳоллари ҳақида кам ҳолларда хабар берилган. Жигар функциясини назорат қилиш Гливек® препаратини химиотерапияси тартиблари билан биргаликда қўлланилган, улар буюрилганида жигар дисфункцияси ривожланиши билан боғлиқ ҳолларда шунингдек тавсия этилади. Суюқликнинг ушланиб қолиниши Гливек® препаратини қабул қилаётган, биринчи бор СМЛ ташҳиси қўйилган тахминан 2,5% пациентларда организмда суюқликни яққол ифодаланган ушланиб қолиши (плеврада суюқликни тўпланиши, шиш, ўпка шиши, асцит, периферик шишлар) ривожланиши ҳоллари ҳақида хабар берилган. Шу сабабли пациентларга тана вазнини мунтазам равишда текшириш тавсия этилади. Кутилмаган ҳолда тана вазни тезда ортиб кетган тақдирда синчковлик билан текшириш ўтказиш ва зарурат бўлганида, тегишли даволашни буюриш лозим. Клиник тадқиқотларда бундай ҳоллар кекса ёшдаги пациентларда ва анамнезда юрак-қон томир касалликлари бўлган пациентларда тез-тез кузатилган. Юрак касалликлари ёки буйрак етишмовчилиги бўлган пациентлар Юрак касалликлари, юрак етишмовчилиги ривожланиши хавф омиллари ёки анамнезда буйрак етишмовчилиги бўлган пациентларнинг ҳолати юзасидан диққат билан кузатиш лозим; юрак ёки буйрак етишмовчилиги белгилари ёки симптомлари бўлган пациентларнинг ҳар бирини текшириш ва тегишли даволашни буюриш лозим. Гипереозинофилия синдроми ва юрак функцияси бузилиши бўлган пациентларда кардиоген шоки/юрак чап қоринчаси етишмовчилигининг алоҳида ҳоллари Гливек® препарати билан даволаш бошланиши вақтида ҳужайраларнинг эозинофилияли токсик дегрануляцияси билан боғлиқ. Тизимли стероидлар буюрилганида, қон айланиши тизимини тутиб-туришга қаратилган чоралар қабул қилинганида ва препаратни қабул қилиш вақтинча тўхтатилганида бундай ҳолатлар қайтувчан бўлиши ҳақида хабар берилган. Миелодиспластик/миелопролифератив касалликлар ва тизимли мастоцитоз эозинофилларнинг юқори даражаси билан боғлиқ бўлиши мумкин. Шу сабабли ГEС/СEЛ бўлган пациентларда, шунингдек эозинофилларнинг юқори даражаси билан боғлиқ МДС/МПК ёки ТМ бўлган пациентларда ЭКГ-тадқиқотларни ўтказиш ва кардиоспецифик тропониннинг зардобдаги концентрациясини аниқлаш лозим. Нормадан оғиш бўлганида даволаш бошланишида профилактика мақсадида иматиниб билан бир вақтда 1 ёки 2 ҳафта давомида тизимли стероидларни (1 ёки 2 мг/кг) буюриш имкониятини кўриб чиқиш лозим. Меъда-ичакда қон кетишлар МИЙ нинг операция қилиб бўлмайдиган ёки метастатик хавфли стромал ўсмаси бўлган пациентлар иштирокида тадқиқотларнинг ИИИ фазасида 211 нафар пациентда (12,9%) турли локализациядаги оғирлиги 3/4-даражада бўлган қон кетишлар ҳақида хабар берилган. МИЙ нинг операция қилиб бўлмайдиган ёки метастатик хавфли стромал ўсмаси бўлган пациентлар иштирокида тадқиқотларнинг ИИ фазасида (В2222 тадқиқотида) 8 нафар пациентда (5,4%) меъда-ичакда қон кетишлар, 4 пациентда эса (2,7%) ўсма ўчоқларидан қон кетишлар қайд этилган. Қон кетишлар ўсма ўчоқларининг анатомик локализациясига боғлиқ равишда қорин бўшлиғи аъзоларида ҳам, жигарда ҳам кузатилган. Мазкур тоифадаги пациентларда МИЙ чегарасида ўсмаларнинг мавжудлиги меъда-ичакда қон кетишлар юзага келиши сабаби бўлиб хизмат қилиши мумкин. Қўшимча равишда, СМЛ, ЎЛЛ бўлган пациентларда ва бошқа касалликларда препаратни қўллашнинг постмаркетинг тажрибасида таърифланган, меъда-ичакда қон кетишларнинг кам учрайдиган сабаби бўлган меъданинг антрал бўлими томир эктазияси (МАТE) ҳақида хабар берилган. Демак, пациентларни Гливек® препарати билан даволаш бошланишида ва давомида меъда-ичак симптомлари мавжудлиги юзасидан кузатиш зарур. Зарурат бўлганида даволашни тўхтатиш имкониятини кўриб чиқиш мумкин. Ўсма лизиси синдроми Гливек® препарати билан даволанаётган пациентларда ўсма лизиси синдроми (ЎЛС) ҳоллари таърифланган. ЎЛС ривожланиши хавфи оқибатида Гливек® препаратини буюришдан олдин зарурат бўлганида клиник ифодаланган дегидратацияга тузатиш киритиш ва пациентларда сийдик кислотасининг юқори даражасини мвофиқлаштириш учун даволашни буюриш лозим. Б вирусли гепатит реактивацияси Б вирусли гепатитининг сурункали ташувчиси бўлган пациентларда улар иматиниб каби БCР-АБЛ тирозинкиназаси ингибиторлари билан даволаш курсини ўтганидан кейин Б вирусли гепатит реактивацияси бўлиши мумкин. Айрим ҳолларда, БCР-АБЛ тирозинкиназаси ингибиторлари гуруҳидаги препаратлар қўлланилганида Б вирусли гепатит реактивацияси ўткир жигар етишмовчилигини ёки фулминант гепатитни келтириб чиқарган бўлиб, улар ўз навбатида жигар кўчириб ўтказилиши заруратига ёки ўлимга олиб келган. Пациентлар иматиниб билан даволаш бошланишига қадар В гепатити мавжудлигига текширилиши керак. Иматиниб препаратини қабул қилишни бошлаган пациентлар сурункали вирус ташувчиси эканлигини аниқлаш учун В гепатити мавжудлигига текширилиши керак. Даволаш бошланишидан олдин В гепатитига серо-мусбат статусли пациентларга (шу жумладан касалликнинг фаол босқичида бўлган пациентлар ҳам) ва В гепатитига тест натижалари мусбат бўлган пациентларга иматиниб билан даволаш вақтида жигар касалликлари соҳасидаги ва В гепатитини даволаш тажрибасига эга мутахассис маслаҳати зарур. Иматиниб билан даволаш талаб қилинадиган В гепатити вируси ташувчиларида даволаш давомида ва даволаш тўхтатилганидан кейин бир неча ой давомида фаол В гепатити белгилари ва симптомлари пайдо бўлишини синчковлик билан назорат қилиш зарур. Лаборатория таҳлиллари Гливек® препарати билан даволаш вақтида қоннинг умумий таҳлилини мунтазам равишда текшириш лозим. СМЛ ли пациентларда препаратни қабул қилиш нейтропения ёки тромбоцитопения ривожланиши билан боғлиқ. Бироқ, цитопениялар ривожланиши тез-тезлиги асосий касаллик босқичига боғлиқ ва цитопения сурункали фазадаги СМЛ ли пациентларга нисбатан акселерация фазаси ёки бласт кризидаги СМЛ ли пациентларда кўпроқ кузатилади. Гливек® препарати билан даволашни таърифланган тавсияларга мувофиқ тўхтатиш ёки дозани камайтириш мумкин. Жигар функцияси кўрсаткичларини (трансаминазалар, билирубин, ишқорий фосфатазани) Гливек® препаратини қабул қилаётган пациентларда мунтазам равишда назорат қилиш лозим. Тегишли тавсияларга кўра, ногематологик ножўя реакциялар ривожланганида ёки юқорида кўрсатилган лаборатория кўрсаткичлари даражаси бузилганида, Гливек® препарати қўланилишини тўхтатиш ва/ёки дозани камайтириш лозим. Гливек® препарати ва унинг метаболитлари сезиларли бўлмаган миқдорда буйраклар орқали чиқарилади. Маълум бўлишича, креатинин клиренси ёш ўтган сари камаяди, ёш эса Гливек® препарати кинетикасига сезиларли тарзда таъсир кўрсатмайди. Буйрак функциясини бузилиши бўлган пациентларда қон плазмасида иматиниб даражаси буйрак функцияси нормал бўлган пациентларга қараганда бир мунча (эҳтимол, бундай пациентларда иматиниб-боғловчи протеин бўлган алфа-кислотали гликопротеини даражаси юқори бўлганлиги сабабли) юқори бўлади. Иматинибни қабул қилиш ва буйрак функциясини бузилиши даражаси ўртасида ўзаро боғлиқлик мавжуд эмас, бу буйрак етишмовчилиги енгил (креатинин клиренси (КК) 40 дан 59 мл/минутгача) ва оғир (КК <20 мл/минут) шакллари бўлган пациентлар ўртасида креатинин клиренсини аниқлашда қайд этилган. Бироқ, тавсияларга кўра, Гливек® препаратининг бошланғич дозаларини улар ўзлаштираолинмаганида пасайтириш мумкин. Болалар ва ўсмирлар Иматинибни қабул қилган болаларда ва кичик ёшдаги ўсмирларда кузатилган ўсишнинг тўхтаб қолиши ҳақидаги хабарлар мавжуд. Узоқ муддатли истиқболда болаларда иматиниб билан даволашнинг ўсишга таъсири номаълум. Шундай қилиб, Гливек® препарати билан даволанаётган болаларда ўсишнинг синчков мониторингини олиб бориш тавсия этилади.

Ҳомиладорлик даври Ҳайвонларда ўтказилган тадқиқотлар репродуктив токциклик мавжудлигини намоён қилган. Ҳомиладор аёлларда Гливек® препаратини қўллашга доир клиник тадқиқотлар ўтказилмаган. Постмаркетинг даврда Гливек® препаратини қабул қилган аёлларда ўзидан ўзи юз берадиган бола ташлаш ҳоллари ва янги туғилган чақалоқларда туғма ривожланиш нуқсонлари ҳақида хабар берилган. Гливек® препаратини ҳомиладорлик даврида қўллаш мумкин эмас, она учун даволанишдан фойда ҳомила учун кутиладиган хавфдан юқори бўлган ҳоллар бундан мустасно. Агар препарат ҳомиладорлик даврида буюрилган бўлса, ҳомила учун потенциал хавф юзасидан пациентни хабардор қилиш зарур. Туғруқ ёшидаги аёлларга даволаш даври давомида ҳомиладорликдан сақлайдиган юқори самарали воситаларни қўллашни тавсия этиш лозим.

Препаратни даволаш дозаларидан ортиқ бўлган дозаларда қабул қилиш ҳоллари ҳақидаги ахборот чекланган. Гливек® препарати дозасини ошириб юборилишининг якка ҳоллари ҳақида хабар берилган (спонтан хабар қилинган ёки адабиётда эслатиб ўтилган). Одатда, бундай ҳолларда хабар қилинган оқибатлар қайтувчан бўлган. Доза ошириб юборилган тақдирда пациентни текширувдан ўтказиш ва тегишли тутиб-турувчи даволашни буюриш лозим. Катта ёшдаги пациентларда дозани ошириб юборилиши 1200 мг дан 1600 мг гача (1 кундан 10 кунгача давомида қабул қилинганида): кўнгил айниши, қусиш, диарея, тошма, эритема, шиш, чарчоқ, мушак спазмлари, тромбоцитопения, панцитопения, абдоминал оғриқ, бош оғриғи, иштаҳанинг пасайиши. 1800 мг дан 3200 мг га (6 кун давомида суткада максимал 3200 мг қабул қилинганида): қуввацизлик, миалгия, креатинфосфокиназа, билирубин даражасини ошиши, гастроинтестинал оғриқ. 6400 мг (бир марталик доза қабул қилинганида) битта пациентда (адабиётдан олинган маълумотлар): кўнгил айниши, қусиш, қоринда оғриқ, иситма, юзнинг шиши, нейтрофиллар миқдорининг камайиши, трансаминазалар даражасининг ошиши кузатилган. 8 г дан 10 г гача (бир марталик доза): қусиш ва гастроинтестинал оғриқ. Болаларда дозани ошириб юборилиши Бир марта 400 мг дозани қабул қилган уч ёшли болада қусиш, диарея, анорекция кузатилган; бошқа уч ёшли болада препаратни 980 мг дозада бир марта қабул қилинганидан кейин лейкоцитлар миқдорининг камайиши, диарея кузатилган.

Рецепт бўйича

Ўрамида 60 дона 100 мг ли таблеткалар. Ўрамида 30 дона 400 мг ли таблеткалар.

3 йил.