думалоқ, чеккалари қия, оқ рангдан оч сарғиш ранггача бўлган, бир томонида “НВР” ва иккинчи томонида “ФБ” бостириб туширилган ёзуви бўлган ясси таблеткалар.

Қандли диабетни даволаш учун воситалар. Перорал қабул қилиш учун қанд даражасини пасайтирувчи препаратлар. Дипептидилпептидаза-4 (ДПП-4) ингибиторлари. Вилдаглиптин.

A10BH02.

Сўрилиши Оч қоринга ичга қабул қилинганидан кейин қон плазмасида вилдаглиптиннинг Смах га эришиш вақти 1,75 соатни ташкил этади. Овқатланиш билан бир вақтда қабул қилинганида препаратнинг сўрилиш тезлиги унча кўп бўлмаган миқдорда пасаяди: Смах ни 19% га камайиши ва Тмах ни 2,5 соатга кўпайиши қайд этилади. Бироқ овқатланиш сўрилиш даражасига ва АУC қийматига таъсир кўрсатмайди. Тақсимланиши Вилдаглиптинни плазма оқсиллари билан боғланиши паст (9,3%). Препарат плазма ва эритроцитлар ўртасида эквивалент тақсимланади. Вилдаглиптинни тақсимланиши тахминан экстраваскуляр ҳолда юз беради, вена ичига юборилганидан кейин Всс мувозанат ҳолатида 71 л ни ташкил этади. Биотрансформацияси/метаболизми Биотрансформация вилдаглиптин чиқарилишининг асосий йўли бўлиб ҳисобланади. Одам организмида препаратнинг 69% ўзгаришга учрайди. Асосий метаболит – ЛАЙ151 (дозанинг 57%) фармакологик жиҳатдан нофаол ва цианокомпонент гидролизи маҳсулоти бўлиб ҳисобланади. Препарат дозасининг тахминан 4% амидли гидролизга учрайди. Экспериментал тадқиқотларда ДПП-4 ни препарат гидролизига ижобий таъсири қайд этилади. Вилдаглиптин Р450 цитохроми изоферментлари иштирокида метаболизмга учрамайди. Ин витро шароитдаги тадқиқотларда вилдаглиптин Р450 цитохроми изоферментларини ингибиция ва индукция қилмаслиги намоён қилинган. Чиқарилиши [14C] билан нишонланган вилдаглиптин ичга қабул қилинганидан кейин дозанинг тахминан 85% сийдик билан, 15% ахлат билан чиқарилади. Перорал қабул қилинган дозанинг 23% буйраклар орқали ўзгармаган кўринишда чиқарилади. Соғлом кўнгиллиларга вена ичига юборилганида вилдаглиптиннинг умумий плазма ва буйрак клиренси мувофиқ равишда соатига 41 л ва соатига 13 л ни ташкил этади. Вена ичига юборилганидан кейин препаратнинг ўртача ярим чиқарилиши даври тахминан 2 соатни ташкил этади. Перорал қабул қилинганидан кейин ярим чиқарилиши даври тахминан 3 соатни ташкил этади ва дозага боғлиқ бўлмайди. Пропорционаллиги Вилдаглиптин тез сўрилади ва перорал қабул қилинганида унинг мутлоқ биокираолишлиги 85% ни ташкил этади. Дозаларнинг даволаш интервалларида плазмада вилдаглиптиннинг энг юқори концентрацияси ва “плазмадаги концентрацияси-вақт” эгри чизиқ остидаги майдон (АУC) тахминан юборилган дозага пропорционал бўлади.

Қандли диабетнинг 2 типида: парҳез ва жисмоний машқлар билан биргаликда монотерапия сифатида, шунингдек метформин билан даволаш мумкин бўлмаган ёки уни ўзлаштираолмайдиган пациентларда;қуйидагилар билан:метформин билан монотерапияда максимал ўзлаштираоладиган дозага қарамай, етарли гликемик назорат бўлмаган пациентларда метформин билан;сулфонилмочевина билан монотерапияда максимал ўзлаштираоладиган дозага қарамай, етарли гликемик назорат бўлмаган пациентларда ва метформин билан даволаш мумкин бўлмаган ёки унинг таъсирини ўзлаштираолмайдиган пациентларда сулфонилмочевина билан;етарли гликемик назорат бўлмаган пациентларда ва тиазолидиндион билан даволаш мос келадиган пациентларда тиазолидиндион билан икки компонентли мажмувий даволаш таркибида;парҳез, жисмоний машқлар, шунингдек икки компонентли даволаш гликемияни мос равишда назорат қилиш эришилишига олиб келмаганда сулфонилмочевина ва метформин билан уч компонентли мажмуавий даволаш таркибида;парҳез, жисмоний машқлар ва инсулиннинг барқарор дозаси гликемияни мос равишда назорат қилиш эришилишига олиб келмаганда инсулин билан (метформин билан ёки унингсиз) мажмуада қўлланилади.

Катта ёшдаги пациентлар Монотерапияда ёки метформин, тиазолидиндион билан икки компонентли мажмуавий даволаш таркибида ёки сулфонилмочевина ва метформин билан уч компонентли мажмуавий даволаш таркибида ёки инсулин билан мажмуада препаратнинг тавсия этиладиган дозаси суткада 100 мг ни: эрталаб 50 мг ва кечқурун 50 мг ни ташкил этади. Сулфонилмочевина билан икки компонентли мажмуавий даволаш таркибида Галвус® препаратининг тавсия этиладиган дозаси кунига бир марта эрталаб 50 мг ни ташкил этади. Пациентларнинг ушбу гуруҳида кунига 100 мг доза кунига 50 мг ли дозага қараганда самаралироқ бўлмаган. Сулфонилмочевина билан биргаликда қўлланилганида гипогликемия ривожланиши хавфини камайтириш учун сулфонилмочевина дозасини камайтириш имкониятини кўриб чиқиш лозим. Препаратни 100 мг дан ортиқ дозада қўллаш тавсия этилмайди. Агар пациент препарат дозасини ўз вақтида қабул қилмаса, Галвус® препаратини пациент буни эслаган заҳотиёқ қабул қилиш лозим. Бир кунда дозани икки марта қабул қилмаслик керак.

Вилдаглиптиннинг (ҳар куни 50 мг, бир кунда икки марта 50 мг ёки бир кунда бир марта 100 мг) хавфсизлиги ва ўзлаштираолиниши 12 ҳафтадан ва 104 ҳафтадан ортиқ давом этадиган тадқиқотлардаги ИИ ва ИИИ фаза тадқиқотларида 11000 нафар пациентда баҳоланган. Галвус® препарати монотерапия сифатида ёки диабетга қарши бошқа препаратлар (метформин, тиазолидинедион ҳосиласи, сулфонилмочевина ҳосилалари, акарбоза ёки инсулин) билан мажмуада қўлланилганида индивидуал кўрсатмалар бўйича нохуш реакциялар тез-тезлигини ҳисоблаш учун камида 12 ҳафта давом этадиган асосий назорат қилинадиган тадқиқотларнинг кўпчилигида хавфсизлик бўйича маълумотлар суткада 50 мг ёки 100 мг (бир кунда икки марта 50 мг ёки бир кунда 1 марта 100 мг) дозани қабул қилган пациентлардан олинган бўлиб, улар вилдаглиптин билан монотерапияда ёки бошқа препаратлар билан мажмуада олинган. Асосий нохуш реакциялар кучсиз ифодаланган, вақтинчалик табиатга эга бўлган ва даволашни бекор қилишни талаб қилмаган. Нохуш ҳолатлар тез-тезлиги ва ёш, жинс, этник мансублик, қўллаш давомийлиги ёки дозалаш тартиби ўртасидаги боғлиқликлар аниқланмаган. Вилдаглиптинни қўллаш билан боғлиқ кам ҳолларда учрайдиган ангионевротик шиш ҳоллари ҳақидаги хабарлар назорат гуруҳи билан бир хил тез-тезликка эга бўлган. Ушбу ҳолларнинг кўпчилик қисми вилдаглиптинни ангиотензинга айлантирувчи фермент ингибитори (ААФи) билан биргаликда қўлланилганида кузатилган. Нохуш реакцияларнинг кўпчилиги кучсиз ифодаланган ва вилдаглиптин билан даволаш бекор қилинишини талаб қилмаган. Кам учрайдиган жигар функциясини бузилиши (шу жумладан гепатит ривожланиши) ҳоллари ҳақида хабар берилган. Пациентларда ушбу ҳолатлар, одатда, симптомларсиз, клиник асоратларсиз бўлган жигарнинг функционал синамалари препарат қўлланилиши бекор қилинганидан кейин нормага қайтган. Монотерапия ва 24 ҳафта давом этадиган қўшимча даволашда назорат қилинадиган тадқиқотларда АЛТ ёки АСТ даражаларини НЮЧ дан 3 марта ортиқ ошиши 3хУЛН/норманинг юқори чегараси ҳоллари (камида 2 та кетма-кет ўлчашларда ёки даволашнинг якуний ташрифида аниқланганлар бўйича таснифланади) бир кунда 50 мг вилдаглиптин, бир кунда икки марта 50 мг вилдаглиптин ва барча қиёсий препаратлар учун мувофиқ равишда 0,2%, 0,3% ва 0,2% ни ташкил этган. Одатда, трансаминазалар фаоллигининг ошиши симптомсиз бўлган, ривожланмаган ва холестаз ёки сариқлик билан кечмаган. Икки томонлама яширин тадқиқотларда монотерапия ва қўшимча даволаш сифатида Галвус® препаратини қабул қилган пациентларда аниқланган ножўя реакциялар ҳар бир кўрсатма учун МедДРА аъзолар тизимлари синфлари ва мутлоқ тез-тезлиги бўйича қуйида санаб ўтилган. Аъзолар тизимларининг ҳар бир синфида ножўя реакциялар кўп учрайдиган реакциялардан бошлаб тез-тезлиги бўйича тақсимланган. Учраш тез-тезлиги бўйича ҳар бир гуруҳда ножўя реакциялар оғирлиги камайиб бориши тартибида тақдим этилган. Ҳар бир ножўя ҳолат учун тез-тезлиги тоифаси қуйидаги мезонларга (СИОМС ИИИ) асосланган: жуда тез-тез (≥1/10), тез-тез (≥1/100; <1/10), тез-тез эмас (≥1/1000; <1/100), кам ҳолларда (≥1/10000; <1/1000), жуда кам ҳолларда (<1/10000). Галвус® препарати монотерапия сифатида қўлланилганида Галвус® препарати суткада 1 ёки 2 марта 50 мг дозада қўлланилганида нохуш реакциялар (мувофиқ равишда 0,2% ёки 0,1%) ривожланиши муносабати билан даволашни бекор қилиш тез-тезлиги плацебо (0,6%) ёки қиёсий препарат (0,5%) гуруҳидагидан юқори бўлмаган. Галвус® препарати билан суткада 1 ёки 2 марта 50 мг дозада монотерапия фонида ҳолат оғирлиги даражаси ошмаган ҳолда гипогликемия ривожланиши тез-тезлиги 0,5% ни (409 тадан 2 киши) ёки 0,3% ни (1082 тадан 2 киши) ташкил этган, бу қиёсий препарат ва плацебо билан (0,2%) бир хил мумкин. Галвус® препарати монотерапия сифатида қўлланилганида пациентларнинг тана вазни ошиши қайд этилмаган. Нерв тизими томонидан: тез-тез – бош айланиши; тез-тез эмас – бош оғриғи. Овқат ҳазм қилиш тизими томонидан: тез-тез эмас – қабзият. Юборилиш жойида умумий бузилишлар ва реакциялар: тез-тез эмас – периферик шиш. 2 йилгача давом этган узоқ муддатли клиник тадқиқотларда вилдаглиптинни монотерапия сифатида қўлланилганида хавфсизлик профилида бирон-бир қўшимча оғишларни ёки кўзда тутилмаган хавфларни аниқланмаган.

Вилдаглиптин ёки ҳар қандай ёрдамчи моддаларга юқори сезувчанликда қўллаш мумкин эмас.

Галвус® препарати дориларнинг ўзаро таъсири ривожланиши бўйича паст потенциалга эга. Галвус® препарати П (CЙП) 450 цитохроми тизими ферментлари субстрати бўлмаганлиги, шунингдек CЙП 450 ферментларини ингибиция ва индукция қилмаганлиги туфайли, Галвус® препаратини ушбу фермент тизимининг субстратлари, ингибиторлари ёки индукторлари бўлган бошқа дори воситалари билан ўзаро таъсири эҳтимоли кам. Бирга қўлланилганида вилдаглиптин CЙП1А2, CЙП2C8, CЙП2C9, CЙП2C19, CЙП2Д6, CЙП2Э1 ва CЙП3А4/5 ферментларининг субстратлари бўлган препаратлар метаболизми тезлигига шунингдек таъсир кўрсатмайди. Вилдаглиптинни қандли диабетнинг 2 типида мажмуада тез-тез буюриладиган дори воситалари, шунингдек тор терапевтик диапазонига эга препаратлар билан ўзаро таъсири бўйича ўтказилган тадқиқотлар Галвус® препаратининг қандли диабетнинг 2 типини даволашда тез-тез фойдаланиладиган препаратлар (глибенкламид, пиоглитазон, метформин) ёки тор терапевтик диапазонига эга препаратлар (амлодипин, дигоксин, рамиприл, симвастатин, валерьянкаартан, варфарин) билан клиник жиҳатдан аҳамиятли ўзаро таъсири аниқланмаган. Диабетга қарши бошқа перорал дори воситаларини қабул қилишдаги каби вилдаглиптинни гипогликемик таъсири маълум препаратлар, шу жумладан тиазидлар, кортикостероидлар, тиреоид препаратлари ва симпатомиметиклар билан бир вақтда қўлланилганида пасайиши мумкин.

Галвус® препарати инсулинга қарам пациентларда инсулин ўрнини боса олмайди. Препарат қандли диабетнинг 1 типи бўлган пациентларда ёки диабетик кетоацидозни даволаш учун қўлланилиши мумкин эмас. Буйрак функциясини бузилишлари Буйрак етишмовчилиги терминал босқичда, гемодиализда бўлган беморларда қўллаш тажрибаси чекланган. Шу сабабли Галвус® препаратини бундай пациентларда эҳтиёткорлик билан қўллаш зарур. Буйрак етишмовчилиги терминал босқичда бўлган беморларда суткада тавсия этиладиган дозаси бир кунда 1 марта 50 мг ни ташкил этади. Жигар функциясини бузилишлари Галвус® препарати жигар функциясини бузилиши бўлган пациентларга, шу жумладан даволаш бошланишидан олдин АЛТ ёки АСТ нинг дастлабки қийматлари НЮЧ дан >2,5 марта ортиқ бўлган пациентларга тавсия этилмайди. Жигар ферментлари фаоллиги мониторинги Жигар дисфункцияси симптомлари (шу жумладан гепатит) ҳақида кам сонли хабарлар келиб тушган бўлиб, улар одатда, симптомсиз кечган ва клиник оқибатларга эга бўлмаган. Тадқиқотлар натижалари шуни кўрсатадики, жигар функцияси даволаш тўхтатилганидан кейин нормал ҳолатга қайтади. Галвус® препарати билан даволаш бошланишига қадар дастлабки қийматларни билиш учун жигар функционал синамаларини текшириш зарур. Галвус® препарати билан даволаш вақтида жигар функциясини биринчи йил давомида ҳар уч ойда назорат қилиш ва кейинчалик даврий текшириб туриш лозим. Агар пациентда аминотрансферазалар юқори фаоллиги аниқланган бўлса, ушбу натижани такрорий тадқиқот билан тасдиқлаш, сўнгра эса жигар функциясининг биокимёвий кўрсаткичларини улар нормал ҳолатга келишига қадар аниқлашни мунтазам равишда ўтказиш лозим. Агар АСТ ёки АЛТ фаоллиги НЮЧ дан 3 марта ёки ундан кўп ортиқ бўлса, препарат қўлланилишини бекор қилиш лозим. Галвус® препарати қўлланилиши фонида сариқлик ёки жигар функциясини бузилишининг бошқа белгилари ривожланганида, даволашни дарҳол тўхтатиш ва даволовчи шифокорга мурожаат қилиш лозим. Жигар функциясини кўрсаткичлари нормага келганидан сўнг препарат билан даволашни қайта бошлаш мумкин эмас. Юрак етишмовчилиги Ню-Ёрк кардиологлар ассоциация (НЙҲА) таснифи бўйича И-ИИИ функционал синфдаги пациентларда вилдаглиптиннинг клиник тадқиқоти шуни кўрсатадики, вилдаглиптин билан даволаш плацебога нисбатан юрак чап қоринчаси функциясига ёки мавжуд турғун юрак етишмовчилигини ёмонлашишига таъсир кўрсатмайди. Вилдаглиптинни қабул қилган, НЙҲА бўйича ИИИ функционал синфдаги пациентларда клиник тажриба чекланган ва тугалланган натижалар йўқ. Клиник синовларда НЙҲА бўйича ИВ функционал синфдаги пациентларда вилдаглиптинни қўллаш тажрибаси мавжуд эмас, ва демак, мазкур пациентларда препарат қўлланилиши тавсия этилмайди. Тери шикастланишлари Клиник олди токсикологик тадқиқотлар даврида маймунлар қўл-оёқларида тери шикастланишлари, шу жумладан қавариқ ва яралар қайд этилган. Клиник тадқиқотлар даврида тери шикастланиши ҳолларининг кўпайиши қайд этилмаганига қарамай, диабетда тери касалликлари бўлган пациентларни даволашга нисбатан чекланган тажриба мавжуд. Бундан ташқари, постмаркетинг даврда терининг буллёз ва эксфолиатив шикастланишлари юзага келиши ҳақидаги ҳисоботлар олинган. Шу сабабли препаратни диабетли пациентларга буюрилганида, қавариқлар ёки яралар каби тери бузилишлари мавжудлиги юзасидан мониторинг ўтказилиши тавсия этилади. Ўткир панкреатит Вилдаглиптин қўлланилиши ўткир панкреатит ривожланиши хавфи билан боғлиқ. Пациентлар ўткир панкреатитга хос симптомлар ҳақида хабардор қилиниши керак. Агар панкреатитга шубҳа бўлса, препаратни қўллаш тўхтатилиши керак. Агар панкреатит тасдиқланса, у ҳолда Галвус® препарати билан даволаш қайта бошланмаслиги керак. Анамнезда ўткир панкреатити бўлган пациентларда препарат қўлланилганида эҳтиёткорликка риоя қилиш зарур. Гипогликемия Маълумки, сулфонилмочевина гипогликемияни келтириб чиқаради. Вилдаглиптинни сулфонилмочевина билан биргаликда қабул қилаётган пациентлар гипогликемия ривожланиши хавфига мойил бўладилар. Гипогликемия ривожланиши хавфини пасайтириш учун сулфонилмочевина дозасини камайтириш талаб қилиниши мумкин. Ёрдамчи моддалар Таблеткалар лактоза сақлайди. Фруктозани наслий ўзлаштираолмайдиган, Лапп лактаза танқислиги, глюкоза-галактоза малабсорбцияси бўлган пациентлар Галвус® препаратини қўлламасликлари керак.

Ҳомиладорлик даври Ҳомиладор аёлларда Галвус® препаратини қўллаш бўйича етарлича маълумотлар йўқ. Ҳайвонларда (каламушлар ёки қуёнларда) ўтказилган тадқиқотларда Галвус® препарати ҳомилага тератоген таъсир кўрсатмаган. Одамлар учун потенциал хавфи номаълум. Одамга таъсири ҳақидаги маълумотлар йўқлиги туфайли ҳомиладорлик даврида қўлланилмаслиги керак. Лактация даври Вилдаглиптин кўкрак сутига ажралиши номаълум. Ҳайвонларда ўтказилган тадқиқотлар вилдаглиптинни сутга ажралишини намойиш этилган. Галвус® препаратини лактация даврида қўллаш мумкин эмас.

30ºС дан юқори бўлмаган ҳароратда, оригинал ўрамида сақлансин, нам таъсиридан ҳимоя қилинсин.

Симптомлари Вилдаглиптин билан дозани ошириб юборилиши мумкинлиги симптомлари ҳақидаги маълумот Галвус® препаратини 10 кабель кунигача суткада 25 мг, 50 мг, 100 мг, 200 мг, 400 мг ва 600 мг дозаларда қабул қилган соғлом кўнгиллиларда ўтказилган тадқиқотлардан олинган. 200 мг гача бўлган дозалар таъсири яхши ўзлаштирилган. Препаратни 400 мг дозада қўлланилганида мушак оғриғи ҳоллари ва енгил ва ўтувчан парестезиянинг якка учрайдиган ҳоллари, иситма, шишлар ва липаза фаоллигининг транзитор (НЮЧ дан 2 марта ортиқ бўлган даражагача) ошиши кузатилган. Препаратни 600 мг дозада қўлланилганида қўл панжалари ва оёқ кафтларининг шишлари, креатинфосфокиназа (КФК) фаоллигини норманинг юқори чегарасидан ортиқ ошиши, шунингдек АСТ фаоллиги, С-реактив оқсил ва миоглобин даражаларининг ошиши, парестезия кузатилган. Препарат қўлланилиши бекор қилинганидан кейин барча симптомлар йўқолган ва лаборатория кўрсаткичлари нормага қайтган. Даволаш Препаратни гемодиализ ёрдамида организмдан чиқариш эҳтимоли кам. Бироқ вилдаглиптиннинг асосий гидролизли метаболити (ЛАЙ151) гемодиализ йўли билан организмдан чиқарилиши мумкин.

Рецепт бўйича

7 таблеткадан блистерда, 1 блистердан картон қутида ёки 14 таблеткадан блистерда, 2 ёки 4 блистердан картон қутига жойланган.

3 йил.