қизил рангли тиниқ эритма.

ўсмаларга қарши восита.

Вена ичига юборилгандан кейин доксорубициннинг элиминацияси плазмадан якуний фазада давомийлиги 30 соатлик ярим чиқарилиш даври билан уч фазали чиқарилиш билан характерланади. Тақсимланиш хажми таҳминан 25 л/кг ни ташкил қилади. Плазма оқсиллари билан боғланиш даражаси таҳминан 70% ни ташкил қилади. Энг юқори концентрациялари ўпка, жигар талоқ, буйраклар, юрак, ингичка ичак ва суяк кўмигида аниқланган. Доксорубицин гематоэнцефалик тўсиқ орқали ўтади. Доксорубицин тез метаболизмга учрайди ва унинг асосий метаболити доксорубициннинг камроқ фаол 13-дигидро хосиласи хисобланади. Беш кун давомида тахминан 5% сийдикда аниқланади, шу вақтнинг ўзида 40-50% ўт-сафро билан 7 кун давомида чиқарилади. Жигар фаолиятини пасайиши модданинг элиминациясини секинлашишига олиб келади.

Катталар, ўсмирлар ва болаларни даволаш учун терапевтик кўрсатмалар: сут безининг раки.остеосаркомани ноадъювант ва адъювант даволаш,катталардаги юмшоқ тўқималарнинг тарқалган саркомаси,ўпканинг майдахужайрали раки (ЎМР),ходжкин лимфомаси,юқори хавфли ноходжкин лимфомаси,ўткир лимфатик лейкемиядаги индукцион ва консолидацион даволаш,ўткир миелобласт лейкоз,тарқалган кўпсонли миелома,эндометрийнинг тарқалган ёки қайталанувчи папилляр раки,қалқонсимон безининг тарқалган ёки қайталанувчи папилляр / фолликуляр карциномаси,қалқонсимон безининг анапластик карциномаси,махаллий тарқалган ёки метастазланувчи қовуқ ракини тизимли даволаш,қовуқнинг юзаки ракини трансуретрал резекциядан кейинги қовуқ ички профилактикаси.тухумдонларнинг қайталанувчи раки,Вилмс ўсмаси (кучли хавфли вариантлардаги ИИ босқич, хамма тарқалган босқичлари [ИИИ-ИВ]),тарқалган нейробластома,Юинг саркомаси. Доксорубицин кўпинча бошқа цитостатиклар билан мажмуавий химиотерапияда ишлатилади.

Фақат вена ичига ва қовуқ ичига юбориш учун. Флаконни игна билан тешиш олдидан уни хона хароратигача иситиш керак, Доксорубицинни цитостатиклар билан даволаш тажрибасига эга бўлган малакали шифокор кузатуви остида юбориш керак. Бундан ташқари, пациент синчков кузатув остида бўлиши ва даволаниш вақтида тез-тез текширилиб туриши керак. Кардиомиопатия хавфи туфайли, у кўпинча ўлимга олиб келади, хар бир пациент учун хавф ва фойдани хар бир юбориш олдидан бахолаш керак. Даволашни бошлашдан олдин АСТ, АЛТ, ИФ ва билирубин даражаларини аниқлаш каби оддий тахлилларни ишлатиш билан жигар фаолиятини текшириш тавсия этилади. Пациентда юрак фаолиятининг холатини аниқлаш учун, ултратовуш текшириш ёки юрак сцинтиграфияси ёрдамида чап қоринчанинг чиқариб ташлаш фракциясининг тахлилини ўтказиш керак. Бу назоратни даволашни бошлашгача ва хар гал пациент томонидан олинган доксорубициннинг йиғинди дозаси тахминан 100 мг/м2 ни ташкил қилганда ўтказиш керак. Доксорубицинни вена ичига (в/и) юбориш катта эхтиёткорлик билан ўтказилиши керак. Препаратни эркин оқувчи физиологик эритма ёки 5% ли глюкоза эритмасини ишлатиб 3-5 минут давомида вена ичига юбориш тавсия этилади. Бу усул тромбоз ва перивеноз экстравазация ривожланиш хавфини минималлаштиради, у жиддий гиподермит, пуфаклар хосил бўлиши ва тўқималарнинг некрозига олиб келиши мумкин. Доксорубицинни бир неча минут давомида болюс кўринишида, бир соатгача вақт давомида қисқа муддатли инфузия йўли билан ёки узулуксиз инфузия йўли билан 24 соат давомида юбориш мумкин. Тўғридан-тўғри вена ичига инекция экстравазация хавфи туфайли тавсия этилмайди, у игна билан тешилгандан кейин хатто қонни мувофиқ орқага оқиши бўлганида ҳам юз бериши мумкин. Доксорубицинни мушак ичига, тери остига, перорал ёки интратекал юбориш МУМКИН ЭМАС.

Доксорубицин билан даволаш кўпинча ноҳуш самаралар чақиради, улардан бир қисми етарлича жиддийларга киради ва пациентни синчиклаб кузатиш кераклигини кўрсатади. Ноҳуш самараларининг тез-тезлиги ва тури юбориш тезлиги ва дозага боғлиқ. Суяк кўмиги фаолиятининг бостирилиши дозани ўткир чекловчи ноҳуш самараси хисобланади, лекин у одатда ўткинчи характерга эга. Доксорубицин чақирган суяк кўмиги учун оғир токциклик / гематологик токцикликнинг клиник асоратлари иситма, инфекциялар, сепсис/септицемия, септик шок, қон кетиши, тўқималарнинг гипокцияси ва ўлимни ўз ичига олади. Кўнгил айниши, қусиш, шунингдек алопеция деярли барча пациентларда кузатилади. Қовуқ ичига юбориш қуйидаги ноҳуш самараларни чақириши мумкин: гематурия, қовуқ ва сийдик чиқариш йўлларининг таъсирланиши, странгурия ва поллакиурия. Бу реакциялар, одатда, ўртача оғирликда бўлади ва узоқ давом этмайди. Доксорубицинни қовуқ ичига юбориш баъзида геморрагик цистит чақириши мумкин. Бу қовуқнинг хажмини пасайишига олиб келиши мумкин. Экстравазация жиддий гиподермитга, везикуляцияга, тромбофлебитга, лимфангитга ва махаллий тўқималарнинг некрозига олиб келиши мумкин, бу оператив аралашувни, шу жумладан тери трансплантациясини талаб қилиши мумкин. Ножўя самаралари қуйида аъзолар тизими синфлари ва мутлоқ тез-тезлиги бўйича ) барча аниқланган кўринишлар) берилган. Тез-тезлиги қуйидагича аниқланади: Жуда тез-тез (≥1/10) Тез-тез (≥1/100 – ≤1/10) Тез-тез эмас (≥1/1000 – ≤1/100) Кам (≥1/10000 – ≤1/1000) Жуда кам (≤1/10000) Номаълум (мавжуд бўлган маълумотлар асосида бахолаш мумкин эмас).

Доксорубицин билан боғлиқ бўлган кардиотокциклик, бошқа антрациклинларни ёки бошқа потенциал кардиотоксик дори воситаларини (масалан, 5-фторурацил, циклофосфамид ёки паклитаксел) ёки юрак фаолиятига таъсир қилувчи дори препаратларини (масалан, калций каналларининг блокаторлари) илгари олган ёки хозирги вақтда ёндош даволашда олаётган пациентларда кучаяди. Агарда доксорубицин юқорида кўрсатилган дори воситалари билан бирга қўлланса, юрак фаолиятини синчиклаб назорат қилиш керак. Трастузумабни антрациклинлар (масалан, доксорубицин) билан мажмуада ишлатиш, кардиотокцикликнинг юқори хавфи билан боғлиқ. Трастузумаб билан даволаш тўхтатилганидан кейин шифокорлар иложи борича 24 хафта давомида антрациклинлар асосидаги даволашни ишлатишдан сақланишлари керак. Антрациклинлар қўлланганида пациентнинг юрак фаолияти синчиклаб назорат қилиниши керак. Антрациклинлар ва трастузумабни бир вақтда ишлатиш, юрак фаолиятини назорати билан қатъий таҳлилланувчи клиник текширишлар билан чекланган бўлиши керак. Илгари антрациклинларни олган пациентлар учун, трастузумаб билан даволаш кардиотокциклик хавфини туғдиради, лекин бу хавф, трастузумаб ва антрациклинлар бир вақтда қўллангандагига қараганда паст. Суяк кўмигининг фаолиятига таъсир қилувчи дорилар (масалан, цитостатиклар, сулфаниламидлар, хлорамфеникол, фенитоин, амидопирин ҳомилалари, антиретровирусли препаратлар) билан олдинги даволаш, жиддий гемопоэтик бузилишларга олиб келиши мумкин. Зарурати бўлганда доксорубииннинг дозаси ўзгартирилиши керак. Доксорубицин билан даволашнинг токсик самаралари бошқа цитостатиклар (масалан, цитарабин, цисплатин, циклофосфамид) билан мажмуавий даволашда кучайиши мумкин. Доксорубицинни амфотерицин билан қўшиб юборишдан сақланиш керак, чунки бу яққол нейротокцикликка олиб келиши мумкин. Доксорубицин ва ритонавир қўшиб юборилганида зардобда доксорубициннинг даражасини ошиши аниқланган. Доксорубициннинг гепатотокциклиги бошқа гепатотоксик воситалар (масалан,6-меркаптопурин) билан қўлланганда кучайиши мумкин. Барбитуратлар доксорубициннинг плазма клиренсининг тезлашишини чақириш қобилиятига эга. Сийдик кислотасининг чиқарилишини пасайтирувчи дори воситаларини (масалан, сулфонамидлар ва айрим диуретиклар) бир вақтда қўллаш, гиперурикемияга олиб келиши мумкин. Циклоспорин билан қўшилганда, доксорубицин гидрохлоридининг дозасини тўғирлаш талаб этилиши мумкин. Циклоспорин билан бирга қўлланганида доксорубициннинг клиренси деярли 50% га пасаяди. Доксорубициннинг АУC 55% га, доксорубицинолнинг АУC эса 350% га ошади. Ушбу мажмуа учун дозани 40% га пасайтириш тавсия этилади. Верапамилга ўхшаб, циклоспорин CЙП3А4 ва Р-гликопротеинни ингибиция қилади; шу билан ўзаро таъсирни ва у билан боғлиқ бўлган нохуш самараларни тушунтириш мумкин. Цитохром Р-450 ингибиторлари (масалан, циметидин) ҳам мумкин, эхтимол, циклоспорин таъсир қилиши тахмин қилинган механизмларга ўхшашлар орқали доксорубициннинг плазма клиренсини пасайтиради ва АУC ни оширади; шунинг учун цитохром Р-450ингибиторлари нохуш самараларини кучайтириш қобилиятига эга. Ва аксинча, Р-450 цитохром индукторлари (масалан, фенобарбитал ва рифампицин) доксорубициннинг плазмадаги даражаларини оширади ва, демак, унинг самарадорлигини камайтириши мумкин. Доксорубицин аҳамиятли даражада нурлантиришга сезувчанликни оширади (“радиосенсибилизация қилувчи модда”) ва илгари нурлантирилган сохада хаёт учун хавф туғдирувчи махаллий яллиғланиш реакцияларни чақириш қобилиятига эга. Радиотерапиянинг хар бир олдинги, ёндош ёки кейинги холи, доксорубициннинг кардиотокциклиги ёки гепатотокциклигини ошириши мумкин. Бу шунингдек кардиотоксик ёки гепатотоксик дори воситаларини қўллаш билан ёндош даволашга хам боғлиқ. Агарда доксорубицин билан даволашдан кейин циклофосфамидни юбориш керак бўлса, бу на фақат кардиотокцикликни ошириши, балки геморрагик циститни ёмонлаштириши ҳам мумкин. Агарда паклитаксел доксорубициндан олдин юборилса, бу доксорубициннинг ва/ёки унинг метаболитларининг плазмадаги концентрациясини ошишига олиб келиши мумкин. Агарда антрациклин паклитакселгача юборилса, бу самара чекланганроқ характерга эга эканлигига далолат берувчи маълумотлар бор. Доксорубицин билан даволаш, қон зардобида сийдик кислотасининг даражасини ошишига олиб келиши мумкин. Шунинг муносабати билан сийдик кислотасининг даражасини пасайтирувчи дори воситалари билан дозани тўғирлаш талаб қилиниши мумкин. Доксорубицин шунингдек дигоксиннинг перорал биокираолишини камайтириш қобилиятига эга. Доксорубицин гидрохлориди билан бир вақтда қўллангандан кейин тутқаноққа қарши дори воситаларининг (карбамазепин, фенитоин, валпроат каби) сўрилиши пасаяди. Доксорубицин гидрохлориди билан даволаниш вақтида пациентларга фаол вакциналарни қўллаш билан вакцинация қилинишига рухсат берилмайди, улар шунингдек полиомиелитга қарши яқинда вакцинацияланган шахслар билан мулоқатдан сақланишлари керак. Доксорубицин гепарин ва 5-фторурацил билан боғланади. Шунинг учун иккала моддаларнинг преципитацияси ва самарадорлигини йўқолиши мумкин.

Доксорубицинни цитостатиклар билан даволаш тажрибасига эга бўлган малакали шифокор кузатуви остида юбориш керак. Бундан ташқари, пациент синчков кузатув остида бўлиши ва даволаниш вақтида тез-тез текширилиши керак. Мумкин бўлган клиник асоратларга, айниқса кекса пациентлардаги, юрак касаллиги ёки анамнезида суяк кўмиги фаолиятини бостирилиши бўлган, шунингдек илгари антрациклинларни олган ёки кўкс оралиғи сохасига радиацион даволаш олган пациентларда синчков мониторинг ўтказилиши керак. Кейинги мониторинг доксорубицин билан даволашгача ёки даволаш вақтида тавсия этилади (бу текширишларнинг тез-тезлиги пациентнинг холати, доза ва йўлдош даволашга боғлиқ): кўкрак қафаси аъзоларининг рентгенографияси, шунингдек ЭКГ;юрак фаолиятини мунтазам мониторинги (чап қоринчанинг чиқариб ташлаш фракцияси, масалан, ЭКГ, УЗИ ва радионуклид ангиография орқали);шиллиқ қаватининг ўзгаришларига оғиз бўшлиғи ва томоқни хар кунги кўриги;қон таҳлиллари: гематокрит, тромбоцитлар, лейкоцитар формула, АЛТ, АСТ, ЛДГ, билируби, сийдик кислотаси. Анамнезида В ёки С гепатити бўлган пациентларда (зарурати бўлганида антителаларга тестлар билан тасдиқланади) жигар фаолиятининг кўрсатгичлари даволаш вақтида ва кейин назорат қилиниши керак. Бундан ташқари, касалликни қайта фаоллашиши мумкинлиги истисно этилмайди. Доксорубицинни мушак ичига, тери остига, перорал ёки интратекал юбориш мумкин эмас. Пациент препарат юборилганидан кейин сийдик қизил рангли бўлиб қолиши мумкинлиги хақида хабардор қилинган бўлиши керак. Кўнгил айниши, қусиш ва шиллиқ қаватининг яллиғланиши кўпинча ўта оғир шаклда ривожланиши мумкин; уларни тегишли тарзда даволаш керак.

Доксорубицинни ҳомиладорлик даврида буюриш керак эмас. Цитостатик препаратлар одатда, ҳомиладорлик вақтида фақат аниқ кўрсатмалар бўлганда ва агарда она учун фойда, ҳомила учун мумкин бўлган зарардан юқори бўлганда қўлланиши мумкин. Хайвонлардаги текширишларда доксорубицинни эмбриотоксик, фетотоксик ва тератоген таъсир кўрсатиши кўрсатилган. Эркаклар ва аёллар даволаниш вақтида ва даволаш тугаганидан кейин 6 ойгача контрацепциянинг самарали воситаларини ишлатишлари керак.

Суюлтирилгандан кейинги турғунлиги Олинган эритмани 2-8оС ва хона хароратидаги кимёвий ва физик турғунлигини қуйидаги характеристикаси белгиланган: 1,0 мг/мл концентрацияда: 28 кун,0,1 мг/мл концентрацияда: 4 кун. Суюлтирилгандан кейинги сақлаш шароити Микробиологик ифлосланишдан сақланиш учун препарат дархол ишлатилиши керак. Акс холда сақлашнинг давомийлиги ва шароитларига жавобгарлик фойдаланувчида бўлади. Суюлтиргандан кейин 2 дан 8ºС хароратда 24 соатдан ортиқ сақланмасин. Флакондан эритмани бевосита ишлатиш олдидан олиш керак.

Доксорубициннинг специфик антидоти йўқ. Ўткир интоксикация 24 соат давомида, масалан, кўкрак оғриғи, стенокардия ва миокард инфаркти билан бирга кечувчи юрак етишмовчилиги кўринишида намоён бўлиши мумкин. Бундай холларда кардиологнинг маслахати керак. Дозани ошириб юборилишнинг бошқа белгилари жиддий миелосупрессияни, у одатда даволаш бошланганидан кейин 10-14 кун ўтгач юз беради, ва шиллиқ қаватларнинг оғир яллиғланишини ўз ичига олади. Яққол миелосупрессияни даволаш гильзаизацияни талаб қилади. Вазиятларга қараб, даволаш периферик қонда гранулоцитлар ва тромбоцитлар миқдорини оширишга қаратилган тадбирлар ва антибиотикотерапияни ўз ичига олиши мумкин. Пациентни стерил палатага жойлаштириш талаб этилиши мумкин. Интоксикация белгилари пайдо бўлганда доксорубицинни юборишни дархол тўхтатиш керак. Сурункали интоксикациянинг белгилари аввало кардиотокцикликнинг юқорида эслатилган белгилари киради. Юрак етишмовчилиги ривожланган холда кардиологнинг маслахати керак. Доксорубицин билан интоксикацияда гемодиализ кўпроқ самарасиз бўлади, чунки доксорубицин жуда катта тақсимланиш хажмига эга, ва дозанинг фақат 5% буйраклар орқали чиқарилади.

Фақат стационар шароитларда қўллансин

Хлорбутил резинка тиқин ва олинувчи пластик қопқоқли алюмин қопқоқли қахрабо рангли шиша флаконлар Флаконлар илова-варақа билан бирга белгиланган картон қутига жойланган. Ўрамлар ўлчами: 1 флакон х 10 мг/5 мл; 1 флакон х 50 мг/25 мл.

2 йил.