сарғиш тусли, оқ рангли думалоқ шаклли, икки томонлама яссим фаскали, қирралари кесилмаган, 120 мг дозада “Бс” гравировкаси, 480 мг дозада гравировкасини устида “Бс” харифлари, 960 мг дозада “-” гравировкаси бўлган таблеткалар.

Антибактериал синтетик воситалар (сулфониламидлар гуруҳи).

Препарат қуйидаги бактериал инфекцияларни даволашда қўлланади: – Э.cоли, Клебсиелла спп., Энтеробаcтер спп., Морганелла моргании, Протеус мирабилис ва Протеус вольтметрис нинг сезгир штаммлари томонидан чақирилган сийдик чиқариш йўлларининг инфекциялари; – Стрептоcоccус пнеумониаэ ёки Ҳ.инфлуэнзаэ нинг сезгир штаммлари томонидан чақирилган ўткир ўрта отит; – Стрептоcоccус пнеумониаэ ёки Ҳ.инфлуэнзаэ нинг сезгир штаммлари томонидан чақирилган сурункали бронхитни зўрайиши; – Шигелла таёқчалари томонидан чақирилган меъда-ичак йўлларининг инфекцияланиши; – микробиологик текширишлар билан тасдиқланган Пнеумоcйстис cаринии томонидан чақирилган пневмония ва иммунитети пасайган беморларда бу микроорганизм билан инфекцияланишни олдини олиш (масалан, ОИТВ билан инфекцияланган пациентларда); – Э. cоли нинг энтеропатоген штаммлари томонидан чақирилган саёхатчилар диареясида қўлланилади.

Дори препарати ичга овқатланиш вақтида ёки овқат қабул қилинганидан кейин қабул қилинади. Дори препаратини қўллаш вақтида кўп миқдорида суюқлик истеъмол қилиш керак. Таблеткаларни иккига бўлиш мумкин эмас. Сийдик-чиқариш йўлларининг инфекциялари, меъда-ичак йўлларининг Шигелла таёқчаси билан инфекцияланиши ва катталарда сурункали бронхитнинг зўрайиши: Одатда ичга 960 мг ко-тримоксазол (8 таблетка Бисептол 120 ёки 2 таблетка Бисептол 480 ёки 1 таблетка Бисептол 960) суткада 2 марта қабул қилинади. Сийдик чиқариш йўлларининг инфекцияланишида дори препарати одатда 10-14 кун давомида, сурункали бронхитда – 14 кун давомида, меъда-ичак йўлларининг Шигелла таёқчаси билан инфекцияланганида – 5 кун давомида қўлланади. Сийдик чиқариш йўлларининг инфекциялари, меъда-ичак йўлларининг Шигелла таёқчаси билан инфекцияланиши ва болалардаги ўткир ўрта отит: Одатда доза суткада 48 мг/кг тана вазнига ҳисобидан, иккита қабулга ҳар 12 соатда буюрилади. Катталарда қўлланадигандан юқори дозани қўллаш мумкин эмас. Сийдик чиқариш йўлларининг инфекцияларида ва ўткир ўрта отитда препарат, одатда 10 кун давомида, меъда-ичак йўлларининг Шигелла таёқчаси билан инфекцияланишида – 5 кун давомида қўлланади. Катталарда ва болаларда Пнеумоcйстис cаринии чақирган пневмония: Ташхис қилинган инфекцияли пациентлар учун тавсия қилинадиган доза суткада тана вазнига 90-120 мг, ко-тримоксазол тенг қабулларда, ҳар 6 соатда 14-21 кун давомида ташкил қилади. Пнеумоcйстис cаринии билан инфекцияланишни олдини олиш: Катталарда 960 мг ко-тримоксазол (8 таблетка Бисептол 120 ёки 2 таблетка Бисептол 480 мг ни ёки 1 таблетка Бисептол 960) суткада 1 марта, 7 кун давомида. Болаларга суткада 900 мг ко-тримоксазол/м2 тана юзасига, 2 тенг қабулда, ҳар 12 соатда кетма-кет ҳафтанинг 3 куни давомида. Максимал суткалик доза 1920 мг ни (Бисептол 480 4 таблеткаси ёки Бисептол 960 таблеткаси) ташкил қилади. Э.cоли нинг энтеропатоген штаммлари томонидан чақирилган катталардаги саёхатчилар диареяси: Тавсия этиладиган доза 960 мг (8 таблетка Бисептол 120 ёки 2 таблетка Бисептол 480 ёки 1 таблетка Бисептол 960 мг) ташкил қилади ҳар 12 соатда. Буйрак етишмовчилиги бўлган пациентларда дозалаш: Креатинин клиренси минутига 15-30 мл бўлган беморларда дозани икки марта камайтириш керак, креатинин клиренси минутига 15 мл дан кам бўлганида ко-тримоксазолни қўллаш тавсия қилинмайди.

Тавсия этилган дозаларда Бисептол одатда яхши ўзлаштирилади. Тез-тез пайдо бўладиган нохуш самаралар бўлиб (10 нафар пациентдан 1 тасидан камроқ, лекин 100 нафар пациентдан 1 тасидан кўпроқ) теридаги ўзгаришлар (тошмалар, эшакеми) ва меъда-ичак йўллари томонидан симптомлар (кўнгил айниши, диарея, қусиш) пайдо бўлиши мумкин. Кам ҳолларда кузатиладиган ноҳуш самаралар бўлиб (10 нафар пациентдан 1 тасидан камроқ, лекин 1000 нафар пациентдан 1 тасидан кўпроқ) қуйидагилар ҳисобланади: – қон ва лимфатик тизими томонидан бузилишлар: лейкоцитлар сонини камайиши (лейкопения), тромбоцитлар сонини камайиши (тромбоцитопения); – иммун тизими томонидан бузилишлар: тугунли периартериит; – меъда-ичак йўллари томонидан бузилишлар: қоринда оғриқ, глоссит, стоматит, диарея; – буйрак ва сийдик чиқариш йўллари томонидан бузилишлар: сийдик миқдорини ошиши; – моддалар алмашинуви томонидан бузилишлари: қон зардобида глюкоза даражасини пасайиши (гипогликемия). Жуда кам ҳолларда учрайдиган ноҳуш самаралар (лекин 10000 нафар пациентдан 1 тасидан камроқ): – қон ва лимфатик тизими томонидан бузилишлар: лейкоцитлар сонини анча камайиши ёки йўқлиги (агранулоцитоз), апластик, гемолитик ёки мегалобласт анемия, гипопротромбинемия, қонда метгемоглобинни пайдо бўлиши (метгемоглобинемия), эозинофилия, нейтропения. – иммун тизими томонидан бузилишлар: зардоб касаллиги синдроми (тери реакциялар, бўғимлар ва суякларда оғриқлар, иситма), анафилактик реакциялар (шу жумладан оғир, ҳаёт учун хавф туғдирувчи реакциялар), аллергик миокардит, ангионевротик шиш (юз ва томоқни қамраб олувчи шиш, баъзан ҳаёт учун хавф туғдирувчи бўғилишни чақиради), дори иситмаси, Шенлейн – Генох пурпураси (кичик қон томирлар тизимли ялиғланиши), югурик синдроми, эт увишиши, нафас тизими томонидан юқори сезувчанлик реакциялари, конъюнктива ва кўз склерасининг гиперемияси. – моддадар алмашинуви томонидан бузилишлар: зардобда калийнинг концентрациясини ошиши (гиперкалиемия), гипонатриемия, иштаҳани йўқолиши; – руҳий бузилишлар: депрессия, галлюцинациялар; – нерв тизими томонидан бузилишлар: бош оғриғи, бош айланиши, асептик менингит, тиришишлар, периферик неврит, атакция (ҳаракат координациясини бузилиши), қулоқларда шовқин, апатия, асабийлик. – нафас тизими, кўкрак қафаси ва кўкс оралиғи томонидан бузилишлар: бўғилиш ҳисси, йўтал, ўпкада инфилтрат; – меъда-ичак йўллари томонидан бузилишлар: сохтамембраноз колит, панкреатит; – жигар ва сафро чиқарилиш йўллари томонидан бузилишлар: аминотрансферазалар даражасини ошиши, баъзида холестатик сариқлик ёки жигар некрози билан кечувчи гепатит; – тери ва тери ости клетчаткаси томонидан бузилишлар: Стивенс-Джонсон синдроми ва токсик эпидермал некролиз ҳолатлари тўғрисида хабар берилган. – таянч-ҳаракат аппарати ва бириктирувчи тўқима томонидан бузилишлар: бўғимларда оғриқ, мушак оғриқлари; – буйрак ва сийдик чиқариш йўллари томонидан бузилишлар: кристаллурия, буйрак етишмовчилиги, интерстициал нефрит, олигурия ёки анурия билан кечувчи нефротик синдром, зардобда мочевина ва креатинин даражасини ошиши. Бошқалар. Ҳолсизлик, чарчоқлик ҳисси, уйқусизлик. Бисептол дори препарати қўллаш даврида айрим пациентларда бошқа ножўя таъсирлари кузатилиши мумкин.

агар пациентда ко-тримоксазолга (сулфаметоксазол триметопримом билан), бу препаратнинг ҳар қандай бошқа ингредиентларига, сулфаниламидга ёки триметопримга юқори сезувчанлик кузатилганда;жигар паренхимасининг диагностика қилинган шикастланиши;оғир буйрак етишмовчилиги ва дори препаратининг қондаги концентрациясини аниқлашнинг иложи бўлмаганда;гематологик касалликларнинг оғир шакллари;фолат кислотаси танқислиги оқибатидаги мегалобласт анемия;глюкозо-6-фосфатдегидрогеназа танқислиги;2 ойликдан кичик болаларда (ядроли сариқликни ривожланиш хавфи туфайли) қўллаш мумкин эмас.

Пациент қабул қилаётган ёки сўнгги пайтларда қабул қилган, шунингдек пациент қабул қилишни режалаштираётган барча дори воситалари тўғрисида шифокорга ёки фармацевтга хабар бериш керак. Тиазид диуретиклари Кекса ёшдаги пациентларда ко-тримоксазолни айрим диуретиклар, айниқса тиазидлар билан бирга қўлланганида, геморрагик диатез билан кечувчи тромбоцитопениянинг хавфи ошади. Антикоагулянтлар Ко-тримоксазол антикоагулянтларнинг таъсирини, бу препаратларнинг дозасига тузатиш киритишни талаб этиладиган даражада кучайтириши мумкин. Фенитоин Ко-тримоксазол фенитоиннинг метаболизмини сусайтиради; иккала дори препаратини қабул қилаётган шахсларда фенитоиннинг ярим чиқарилиши даври ошади. Метотрексат Ко-тримоксазол метотрексатнинг таъсирини кучайтириши мумкин. Сулфонилмочевина ҳосилалари Ко-тримоксазол бир вақтда қабул қилинаётган гипогликемик дори препаратларининг, сулфонилмочевина ҳосилаларининг таъсирини кучайтириши мумкин ва шундай қилиб глюкозанинг қондаги даражасини камайиши хавфини ошириши мумкин. Дигоксин Ко-тримоксазол айрим кекса ёшдаги пациентларда плазмада дигоксин концентрациясини ошириши мумкин. Трициклик антидепрессантлар Ко-тримоксазол трициклик антидепрессантларнинг самарадорлигини пасайтириши мумкин. Пириметамин Ко-тримоксазол пириметамин билан бирга мегалобласт анемияни чақириши мумкин. Циклоспорин Буйрак кўчириб ўтказилганидан кейин, ко-тримоксазол ва циклоспорин билан даволанган пациентларда креатининнинг зардобдаги даражасининг ошишини билдирувчи кўчириб ўтказилган буйрак фаолиятини транзитор бузилиши кузатилади, бу эҳтимол триметопримнинг таъсири билан боғлиқ. Сулфаниламидлар антитиреоид препаратларга, диуретикларга (ацетазоламид ва тиазид) ва перорал гипогликемик препаратларга юқори реакцияли шахсларда ўхшаш кимёвий тузилиши туфайли аллергия чиқариши мумкин. Лаборатория текширишларининг натижаларига таъсири – Триметоприм зардобдаги метотрексатнинг концентрациясини энзиматик усулда аниқлаш натижаларини ўзгартириши мумкин. – Ко-тримоксазол ишқорий Яффе пикринатини ишлатиш билан креатининни аниқлаш натижаларини ошириши мумкин (тахминан 10% га).

Препаратни буйрак фаолиятини бузилиши бўлган пациентларда эҳтиёткорлик билан қўллаш лозим. 6 ёшдан кичик болаларда: таблеткани нафас йўлларига тушиб қолиши мумкинлиги туфайли препаратни қўллаш тавсия қилинмайди; 6 ёшдан кичик болалар учун суспензия шаклидаги препаратлар мавжуд. 2 ойликкача бўлган эмизикли болаларда Бисептолни қўллаш мумкин эмас. Жиддий ножўя таъсирларини пайдо бўлишининг юқори хавфи туфайли, препаратни эҳтиёткорлик билан қўллаш керак. Ҳомиладорлик: ҳар қандай препаратини қўллашдан олдин шифокорга мурожаат қилиш керак. Препаратни, шифокорнинг фикрига кўра, она учун бўлган фойда, ҳомила учун бўлган потенциал хавфдан устун бўлган ҳоллардагина қўллаш мумкин. Эмизиш: препаратни қўллашдан олдин шифокорга мурожаат қилиш керак. Триметоприм ҳам, сулфаметоксазол ҳам кўкрак сути билан чиқарилади. Ко-тримоксазолни лактация даврида қўллаш тавсия қилинмайди.

Қуруқ, ёруғликдан ҳимояланган жойда, 25°С дан юқори бўлмаган ҳароратда сақлансин.

Дозани ошириб юборилишининг эҳтимол бўлиши мумкин бўлган симптомлари иштаҳани йўқолиши, ичак санчиғи, кўнгил айниши, қусиш, бош айланиши ва бош оғриғи, тана хароратини ошиши, уйқучанлик, хушни йўқотиш, онгни чалкашиши, сийдикда қон ёки кристалларни бўлиши ҳисобланади. Кейинчалик суяк кўмики фаолиятини сусайиши ва сариқлик аниқланиши мумкин. Дозани ошириб юборилганидан кейин меъдани ювиш, қусишни чақириш, агар сийдикни чиқариш етарли даражада бўлмаса, бироқ буйраклар фаолияти меъёрда бўлса кўп миқдорда суюқлик буюриш кўрсатилган. Триметопримни чиқарилишини пациентга сийдикнинг кислотали муҳитини оширувчи воситаларни буюриб ошириш мумкин. Сийдикнинг ишқорийлаштирувчи ва унинг чиқарилишини оширувчи воситаларни юбориш сулфаметоксазолнинг чиқарилишига ёрдам беради. Организмнинг ҳаётий муҳим фаолиятларини тутиб туриш юзасидан чора-тадбирларни ўтказиш, кўп миқдорда суюқликни юбориш ва қон морфологиясини ва электролитларнинг назоратини ўтказиш тавсия қилинади.

Рецепт бўйича

10 ёки 20 таблеткадан контур уяли ўрамда. 1, 2, 3, 4, 5, 6 контур уяли ўрамдан қўллаш бўйича юриқномаси билан бирга картон қутили ўрамларга жойланади.

5 йил.