kukunli 1 ampula liofilizatsiyalangan oq rangli korj saqlaydi; erituvchisi bo‘lgan 1 ampula tiniq rangsiz eritma saqlaydi.

xorionik gonadotropin

G03GA01.

Odam xorionik gonadotropini (oXG) glikoprotein bo‘lib, alfa- va beta-zanjirlarning birikmasidir. Homilador ayollarning siydigidan olingan oXG gomogen hisoblanmaydi. Yuqori darajada tozalangan preparatlar biologik ta’siri bo‘yicha sial kislotasidan farq qiluvchi bir nechta fraktsiyalarni xam saqlaydi. OXG ning miqdori biologik ta’sir birliklarida ifodalanadi. Xorionik gonadotropinning gormonal samarasi uni gonadlarda (tuxumdonlarda va urug‘donlarda) jinsiy steroidlarni biosintezini rag‘batlantirish xususiyatidan iborat. OXG ning samaradorligi gipofizning gonadotropin bilan bir xil. Biroq oXG ning yarim parchalanish davri ancha uzoqroq, bu ular birga qo‘llangan hollarda ta’sirini kuchayishiga olib keladi. Tuxumdonlarda oXG granulezani, tekani va stromani yoki sariq tana xujayralarini rag‘batlantiradi, bu progesteron va estradiolni ishlab chiqarilishiga olib keladi. Kichik follikulalarning granulez xujayralarida estradiolni biosintezi asosan oXG ning yuqori dozalari ta’sirida rag‘batlantiriladi. Biroq yetuk dominant follikulalarning granulez xujayralarida va/yoki lyuteinlovchi granulez xujayralarda oXG ning yuqori dozalari ta’sirida progesteron biosintezi rag‘batlantiriladi. Bundan tashqari, oXG tuxumdonda reproduktsiyani boshqarishda muhim rol o‘ynaydigan biologik faol peptidlarni (ingibin, relaksin, prorenin, plazminogen aktivatori ingibitori kabilar) ni ishlab chiqarilishini rag‘batlantiradi. OXG ni 5000 XB dan 10 000 XB dozagacha yetuk follikulalari bo‘lgan ayollarga (masalan, oMG yoki klomifen bilan rag‘batlantirilgandan so‘ng) yuborish, mushak ichiga inyektsiyadan so‘ng taxminan 36 soatdan keyin ovulyatsiyani chaqiradi. Leydig xujayralarida oXG testosteron va boshqa jinsiy steroidlar, masalan, digidrotestosteron, 17 ON-progesteron va estradiolni ishlab chiqarilishini rag‘batlantiradi. OXG ni 5000 XB dozada o‘g‘il bolalarga va erkaklarga bir marta yuborish testosteron sekretsiyasini ikki bosqichda oshiradi: birinchi maksimal ko‘rsatkichi 2-4 soatdan keyin, ikkinchi maksimal qiymati 48-72 soatdan keyin kuzatiladi. Qon zardobida estradiolning maksimal miqdoriga oXG ni yuborilganidan keyin 24 soatdan so‘ng erishiladi. Bu usul kriptorxizm va anorxizmni differentsial diagnozi uchun, kriptorxizm va anorxizmni differentsiatsiyalash maqsadida, shuningdek gonadotrop gipogonadizmda urug‘donlar faoliyatini baholash uchun qo‘llaniladi.

Xorionik gonadotropin mushak ichiga yuboriladi. Dozaga bog‘liq ravishda, mushak ichiga inyektsiya qilingandan keyin 4-12 soatdan so‘ng qon zardobida maksimal kontsentratsiyasiga erishiladi, u keyinchalik asta-sekin pasayadi. Yarim chiqarilish davri 29-36 soatni tashkil etadi, shuning uchun mushak ichiga har kuni inyektsiya qilingan hollarda qon zardobida preparatning kumulyatsiyasi kuzatilishi mumkin. Xorionik gonadotropin buyrak orqali chiqariladi. Yuborilgan dozaning 10-20% gacha qismi siydikda o‘zgarmagan holda aniqlanishi mumkin, ayni paytda asosiy qismi beta-zanjirning fragmentlari ko‘rinishida chiqariladi.

Xoragon 1500 Andrologiya Gipogonadotrop gipogonadizmda fertillikni tiklash (odam menopauzal gonadotropinlari (oMG) preparatlari bilan majmuada). Pediatriya Kriptorxizm. Xoragon 5000 Davolash Ginekologiya Anovulyatsiya va oligoovulyatsiyasi bo‘lgan follikulalarni o‘sishini rag‘batlantirishdan keyin ovulyatsiyani induktsiya qilish. Yordamchi reproduktiv texnologiyalar (YORT) ni o‘tkazishda ayollarda follikulalarni o‘sishini rag‘batlantirishdan keyin follikulalarni yetilishi va lyutenizatsiyasini so‘nggi bosqichini induktsiya qilish uchun qo‘llaniladi. Pediatriya Bir vaqtda gipogonadotrop gipogonadizm bo‘lganida o‘g‘il bolalarda jinsiy yetilishni kechikishida qo‘llaniladi. Diagnostika maqsadida Anorxizm va kriptorxizmning differentsial-diagnostik testini o‘tkazishda; gipogonadotrop gipogonadizmda rag‘batlantiruvchi davolashni boshlashdan oldin urug‘donlarning funktsiyasini baholash uchun qo‘llaniladi.

Ilova qilingan erituvchida eritilganidan so‘ng Xoragon preparatini darhol mushak ichiga yuborish kerak. Xoragon 1500 Pediatriya i andrologiya Gipogonadotrop gipogonadizm Gipogonadotrop gipogonadizmda fertillikni tiklash (shuningdek odam menopauzal gonadotropini (oMG) yoki follikulalarni stimullovchi gormon (FSG) bilan majmuada): patsiyentlarni Xoragon 1500 bilan davolashni faqat bepushtlikni davolash bo‘yicha tajribaga ega bo‘lgan shifokor kuzatuvi ostida o‘tkazish kerak. Boshlang‘ich doza odam xorionik gonadotropini (oXG) 1500 XB (bu Xoragon 1500 1 ampulasiga to‘g‘ri keladi) ni tashkil etadi, haftada ikki marta yuboriladi. Spermatogenezni yaxshilanishini kutish mumkin bo‘lishidan oldin davolash kursi kamida 3 oy davom etishi kerak. Bunday davolash kursi vaqtida testosteron bilan o‘rinbosar davolashni to‘xtatib turish lozim; bunday hollarda testosteron darajasini muntazam nazorat qilib turish kerak. Testosteronning normal darajasiga erishish uchun oXG ning dozasini oshirish zarurati tug‘ilishi mumkin. Odam xorionik gonadotropini bilan umumiy davolashga javob yetarli bo‘lmagan hollarda oMG yoki FSG bilan qo‘shimcha davolash kerak bo‘lishi mumkin. Majmuaviy davolash yordamida spermatogenez yaxshilangandan keyin, davolash oXG ning faqat samarani bir maromda tutib turuvchi dozalari bilan amaoga oshirilishi mumkin. Kriptorxizm Kriptorxizmni davolashni bola hayotining birinchi yilini ikkinchi yarmisida boshlash va ikki yoshga yetganida tugatish lozim. Tavsiya qilinadigan doza – bir yoshli bolalar uchun 250 XB dan haftada ikki marta 5 hafta davomida buyuriladi. Agar tashhis kattaroq yoshda qo‘yilgan bo‘lsa, quyidagi dozalar tavsiya qilinadi: – 6 yoshgacha bo‘lgan bolalarga – 500 XB dan haftada ikki marta 5 hafta davomida; – 6 yoshdan katta bolalarga – 1000 XB dan haftada ikki marta 5 hafta davomida buyuriladi. Xoragon 5000 Ginekologiya Patsiyentlarni Xoragon 5000 bilan davolashni faqat bepushtlikni davolash bo‘yicha tajribaga ega bo‘lgan shifokor kuzatuvi ostida o‘tkazish kerak. YORT ni o‘tkazishda follikulalarni yetilishini so‘nggi bosqichini induktsiyasi uchun va ovulyatsiyani induktsiyasi uchun – oXG 5000 XB yoki oXG 10 000 XB dozada (bu Xoragon 5000 preparatining 1 yoki 2 ampulasiga to‘g‘ri keladi) bir marta yuborish kerak. Preparatni follikulalarni o‘sishini optimal stimulyatsiyasiga erishilgandan keyin 24-48 soatdan yuborish kerak. Agar Xoragon 5000 follikulalarni o‘sishini rag‘batlantirishdan keyin ovulyatsiyani induktsiyasi uchun qo‘llanayotgan bo‘lsa, patsiyentlar preparatni inyektsiya qilish kuni va kelasi kuni jinsiy aloqa qilishlari kerak. Pediatriya va diagnostika Kriptorxizmi bo‘lgan o‘g‘il bolalarda differentsial diagnostika uchun, shuningdek gipogonadotrop gipogonadizmi bo‘lgan patsiyentlarda urug‘donlar faoliyatini baholash uchun – oXG 5000 XB dozada (bu Xoragon 5000 preparatining 1 ampulasiga to‘g‘ri keladi) bir marta yuboriladi.

Nojo‘ya reaktsiyalarni yuz berish tez-tezligini baholash uchun quyidagi mezonlar ishlatilgan: juda tez-tez (≥ 1/10); tez-tez (≥ 1/100 va < 1/10); tez-tez emas (≥1/1000 va <1/100); kam hollarda (≥1/10 000 va <1/1000); juda kam hollarda (<1/10 000); tez-tezligi noma’lum (mavjud ma’lumotlar aslsida tez-tezligini aniqlashning imkoni yo‘q). A’zolarning tizimi bo‘yicha tasnifi Juda tez-tez (≥ 1/10) Tez-tez (≥ 1/100 va < 1/10) Tez-tez emas (≥1/1000 va <1/100) Endokrinn tizimi tomonidan Ginekomastiya Me’da-ichak yo‘llari tomonidan Ko‘ngil aynishi, qorin sohasida og‘riq, qusish Diareya Umumiy buzilishlar va yuborish joyida reaktsiyalar Yuborish joyida reaktsiyalar, og‘riq Ko‘karish, qizarish, shish, qichishish Modda almashinuvi va ovqatlanish tomonidan Elektrolitlar va suvni tutilishi Nerv tizimi tomonidan Bosh og‘rig‘i Reproduktiv tizim va sut bezlari tomonidan Yengil yoki o‘rtacha darajadagi tuxumdonlar giperstimulyatsiyasi sindromi (TGS)* Og‘ir darajadagi TGS* Ruhiyat tomonidan Depressiya, jizzakilik, vahima Teri va teri osti to‘qimalari tomonidan Ekzantema, husnbuzar * Nojo‘ya reaktsiya faqat Xoragon 5000 qo‘llanganda kuzatilgan. Preparat qo‘llanganda tromboembolik asoratlar, bachadondan tashqari homiladorlik, ko‘p homilali homiladorlik, homiladorlikni oxiriga yetmasligi, tuxumdonlarni giperstimulyatsiyasi sindromi (TGS) ni rivojlanish xavfi oshadi. TGS ning simptomlari “Dozani oshirib yuborilishi” bo‘limiga qarang. Bepushtlik yuzasidan bir necha marta medikamentoz davolash qabul qilgan ayollarda, tuxumdonlar va reproduktiv tizimning boshqa a’zolarining xam xavfsiz, xam xavfli o‘smalarini rivojlanishi to‘g‘risida xabar berilgan. Hozirgi vaqtda gonadotropinni qo‘llash bilan davolash va bepushtlikdan aziyat chekuvchi ayollarda o‘smalarni rivojlanishiga boshlang‘ich moyillik o‘rtasida bog‘liqlik aniqlanmagan. Ayollarda yordamchi reproduktiv texnologiyalar (YORT) o‘tkazilganidan keyin homilani rivojlanishining tug‘ma nuqsonlarini tarqalganlik darajasi, tabiiy urug‘lanishdagi nuqsonlar sonidan ancha yuqori bo‘lishi mumkin. Bu ota-onalarning individual xususiyatlari (masalan onaning yoshi, spermani xarakteristikasi) va ko‘p homilali homiladorlikning natijasida bo‘lishi mumkin deb hisoblaydilar. Prostata bezi to‘qimalarini proliferatsiyasi va induktsiyasi natijasida testosteronning darajasini oshishi bilan bog‘liq jinsiy olatning o‘lchamlarini kattalashishi va erektsiyani kuchayishi hollari kuzatilgan. Ayrim hollarda o‘g‘il bolalarda jinsiy yetilishning birinchi fazasida kuzatilganiga o‘xshagan xulqni biroz o‘zgarishlari kuzatilgan, ular davolash tugaganidan keyin yo‘qoladi. Allergik reaktsiyalar, shu jumladan eshakemi va Kvinke shishining bir-bir hollari kuzatilgan. Ba’zida preparat qo‘llanganidan keyin charchoq va tana haroratini oshishi kuzatilishi mumkin.

Xoragon 1500 Odam gonadotropinlariga yoki biron-bir yordamchi moddaga yuqori sezuvchanlik; diagnostika qilingan yoki taxmin qilinayotgan jinsiy gormonlarga bog‘liq o‘smalar, masalan, prostata bezi raki yoki erkaklarda sut bezi raki; gipotalamus yoki gipofiz o‘smalari; faol fazadagi tromboembolik kasalliklarda qo‘llash mumkin emas. Preparat organik o‘zgarishlar oqibatidagi kriptorxizmda (chov churrasi, chov sohasida operativ aralashuvlarning oqibatlari, urug‘don ektopiyasi) qo‘llanilmaydi. Xoragon 5000 Odam gonadotropinlariga yoki biron-bir yordamchi moddaga yuqori sezuvchanlik; – gipotalamus yoki gipofiz o‘smalari; – tuxumdonlarning o‘lchamlarini kattalashishi yoki polikistoz tuxumdonlar sindromi bilan bog‘liq bo‘lmagan kistalarni mavjudligi; – noma’lum etiologiyali ginekologik qon ketishlari; – tuxumdonlar, bachadon yoki sut bezi kartsinomasi yaichnikov; – avvalgi 3 oy davomidagi bachadondan tashqari homiladorlik; – faol fazadagi tromboembolik kasalliklarda qo‘llash mumkin emas. Preparat, agar davolash istalgan natijalarni bermasa, masalan quyidagi holatlarda qo‘llanmaydi: – tuxumdonlarni birlamchi yetishmovchiligi; – homiladorlik bilan nomutanosib bo‘lgan jinsiy a’zolarning rivojlanish nuqsonlari; – homiladorlik bilan nomutanosib bachadon miomasi; – menopauza boshlanganidan keyin qo‘llash mumkin emas. Xoragonni tuxumdonlarning giperstimulyatsiyasi sindromi bo‘lgan patsiyentlarda ovulyatsiyani induktsiya qilish maqsadida qo‘llamaslik kerak. Pediatriya va andrologiya Xoragonni jinsiy gormonlarga bog‘liq o‘smalarda va organik o‘zgarishlar oqibatidagi kriptorxizmda (chov churrasi, chov sohasidagi operativ aralashuvlarning oqibatlari, urug‘don ektopiyasida) qo‘llamaslik kerak.

Xoragon preparatini boshqa dori vositalari birga qo‘llanishi oqibatidagi reaktsiyalar ma’lum emas. Yuborilgandan keyin 10 kun davomida Xoragon 5000 zardobda/siydikda oXG miqdorini o‘rganish yuzasidan immunobiologik tahlil natijalarini o‘zgartirishi va homiladorlik yuzasidan testlariga soxta musbat natijalarini berishi mumkin.

Xoragon 1500 OXG ni qo‘llash bilan davolash androgenlarni ishlab chiqarilishini kuchayishiga va organizmda suyuqlikni tutuilishiga olib keladi. Yurak yoki buyrak disfunktsiyasi taxmin qilingan yoki diagnostika qilingan, arterial gipertenziyasi bo‘lgan, tutqanoq yoki migren bilan xastalangan (shu jumladan anamnezda) patsentlar shifokorning sinchkov kuzatuvi ostida bo‘lishlari kerak, chunki Xoragon 1500 ni qo‘llanishi ba’zida bu holatlarni zo‘rayishiga yoki qaytalanishiga olib kelishi mumkin. Xoragon 5000 Xoragon 5000 bilan davolashni boshlashdan oldin, davolashning adekvatligini ta’minlash, shuningdek bo‘lajak homiladorlik yuzasidan bo‘lishi mumkin bo‘lgan qarshi ko‘rsatmalarni baholash uchun patsiyentlar bepushtlikning sabablarini aniqlash uchun tekshiruvlardan o‘tishlari lozim. Patsiyentlarni boshqa endokrin a’zolarning (masalan, qalqonsimon bez, buyrak usti bezlari, gipofiz yoki gipotalamus) kasalliklari borligi yuzasidan tekshirish va spetsifik davolashni buyurish kerak. Ovulyatsiya induktsiyasiga uchragan patsiyentlarda ko‘p homilali homiladorlik xavfi oshadi; YORT qo‘llanganda bunday xavf ko‘chirib o‘tkazilgan embrionlar soniga bog‘liq. Anamnezida bachadon naylari kasalliklari bo‘lgan ayollarda naydagi bachadondan tashqari homiladorlik xavfi biroz yuqori bo‘ladi. Tuxumdonlar stimulyatsiyasiga uchragan patsiyentlarda ko‘p sonli follikulalarni rivojlanishi tufayli, tuxumdonlar giperstimulyatsiyasi sindromini rivojlanish xavfi oshadi. Tuxumdonlar giperstimulyatsiyasi yengil shaklinining klinik simptomlari me’da-ichak ko‘rinishlari (qorin sohasida og‘riq, ko‘ngil aynishi, diareya), sut bezlarini og‘riqligi va tuxumdonlarni biroz yoki o‘rtacha kattalashishi, shuningdek ovarial kistalarni hosil bo‘lishini o‘z ichiga oladi. Ayrim hollarda hayot uchun potentsial xavfli bo‘lgan giperstimulyatsiya sindromi rivojlanishi mumkin; bu holat katta ovarial kistalarni hosil bo‘lishi, ularni yorilish xavfi bilan rivojlanishi bilan, astsit, tana vaznini oshishi bilan xarakterlanishi mumkin, ko‘pincha gidrotorakc bilan, ba’zan esa – tromboembolik ko‘rinishlar bilan kechadi. Tuxumdonlarni reaktsiyasini oshishi oqibatida yuz beruvchi TGS dan, oXG ni yuborishni bekor qilib, saqlanish mumkin. Bunday hollarda patsiyentlarga kamida 4 kun davomida jinsiy aloqalarda saqlanish yoki kontratseptsiyaning muvofiq to‘siqli usullarini qo‘llash tavsiya qilinadi. Tuxumdonlar giperstimulyatsiyasi rivojlangan hollarda ovulyatsiyani induktsiya qilish uchun oXG ni qo‘llash mumkin emas. Tuxumdonlar giperstimulyatsiyasi sindromi tuxumdonlar polikistozi bo‘lgan bemorlarda ko‘proq rivojlanadi. Yordamchi reproduktiv texnologiyalar dasturini o‘tkazilganda ovulyatsiya boshlangunicha barcha follikulalarni aspiratsiyasi giperstimulyatsiyani yuz berish xavfini kamaytirishga yordam beradi. Tuxumdonlar giperstimulyatsiyasi sindromi homiladorlik boshlangan hollarda og‘irroq va uzoqroq bo‘lishi mumkin. Ko‘proq gormonoterapiya tugaganidan keyin rivojlanadi va davolashning 7 kunidan 10 kunigacha cho‘qqisiga yetadi. Odatda hayz ko‘rish boshlanganidan keyin mustaqil o‘tib ketadi. TGS ni va ko‘p homilali homiladorlikni rivojlanish xavfini minimumga yetkazish uchun barcha patsiyentlarda rag‘batlantiruvchi davolashdan oldin va davolash davomida estradiol darajasini va ultra tovush tekshiruvlari yordamida tuxumdonlar reaktsiyasini sinchkov nazorat qilish tavsiya qilinadi. Anovulyatsiyada TGS xavfi qon zardobida estradiol darajasi > 1500 pg/ml (5400 pmol/l) bo‘lganida va diametri 14 mm va undan ortiq bo‘lgan 3 dan ortiq follikulalar bo‘lgan hollarda oshadi. Yordamchi reproduktiv texnologiyalar qo‘llanganda TGS rivojlanishining yuqori xavfi qon zardobida estradiol darajasi > 3000 pg/ml (11000 pmol/l) bo‘lganida va diametri 12 mm va undan ortiq bo‘lgan 20 dan ortiq follikulalar bo‘lgan hollarda kuzatiladi. Agar qon zardobida estradiol darajasi 5500 pg/ml (20000 pmol/l) dan ortiq bo‘lsa, va agar follikulalar soni 40 va undan oshsa, oXG ni yuborishni bekor qilish zarurati tug‘ilishi mumkin. Xoragon 5000 preparatining tavsiya qilingan dozalash tartibiga va yuborish tartibiga amal qilish va davolashni sinchkov monitoring qilish TGS va ko‘p homilali homiladorlikni rivojlanish tez-tezligini minimumga pasaytirish imkonini beradi. Anovulyator patsiyentlarda va YORT ga kiritiladigan patsiyentlarda homiladorlik vaqtida homilani nobud bo‘lish holatlarini soni normal populyatsiyadagiga nisbatan yuqori, lekin boshqa reproduktiv kasalliklari bo‘lgan ayollardagi homilani nobud bo‘lish holatlari soni bilan bir xil bo‘lgan. Shaxsiy va oilaviy anamnezdagi tegishli kasalliklar, semizlik (tana vazni indeksi > 30 kg/m2) kabi trombozni rivojlanishining umum qabul qilingan omillari bo‘lgan patsiyentlarda, shuningdek diagnostika qilingan trombofiliyasi bo‘lgan patsiyentlarda gonadotropinlar bilan davolashda yoki u tugaganidan keyin venoz yoki arterial tromboembolik asoratlarni rivojlanish xavfi oshishi mumkin. Bunday patsiyentlarga nisbatan ekstrakorporal urug‘lantirish (EKU) afzalligi va xavflar nisbatini qiyoslash lozim. Shu bilan birga ta’kidlash lozimki, homiladorlikni o‘zi ham trombozni rivojlanishini yuqori xavfi bilan kechadi. Xoragon 1500 XB va Xoragon 5000 XB tana vaznini kamaytirish uchun qo‘llanmaydi. OXG yog‘lar metabolizmiga, yog‘ qatlamlarini taqsimlanishiga, ishtaha va ochlik hissiga ta’sir ko‘rsatmaydi. Xorionik gonadotropinni skeletni o‘sishi tugagunicha ko‘p marta qo‘llanganda skeletni yetilishini potentsial tezlashishini, shuningdek epifizning o‘sish sohasini barvaqt berkilishi mumkinligini hisobga olish lozim. Xoragon 1500 XB va Xoragon 5000 XB natriy saqlaydi, lekin natriy miqdori 1 ml erituvchida 1 mmol (23 mg) dan kamroq. Xoragon 1500 XB va Xoragon 5000 XB ni qo‘llanishi doping-nazorat vaqtida musbat natijalarga olib kelishi mumkin. Yuqorida ko‘rsatilgan preparatlarni doping sifatida qo‘llash hayot uchun xavfli bo‘lishi mumkin.

Homiladorlik va laktatsiyani normal kechishida Xoragonni qo‘llash uchun ko‘rsatmalar yo‘q. Bolalar. O‘g‘il bolalarga kriptorxizmni davolash uchun hayotining birinchi yilini ikkinchi yarmidan boshlab buyuriladi.

Transport vositalarini boshqarish va boshqa mexanizmlar bilan ishlash qobiliyatiga preparatning ta’sirini o‘rganish yuzasidan tadqiqotlar o‘tkazilmagan. Preparat bolalar ololmaydigan joyda saqlansin va yaroqlilik muddati o‘tgach ishlatilmasin.

+25°S dan yuqori bo‘lmagan haroratda saqlansin.

Preparatning dozasini oshirib yuborilishi holatlari to‘g‘risida xabar berilmagan. Shunday bo‘lsada Xoragon 5000 ning dozasini oshirib yuborilishi oqibatida tuxumdonlar giperstimulyatsiyasi sindromini rivojlanishi ehtimoli mavjud. Tuxumdonlar giperstimulyatsiyasi: – giperstimulyatsiya sindromining yengil shakli. Tuxumdonlarning o‘lchamini 5 sm dan 7 sm gacha biroz kattalashishi, steroidlarni xaddan tashqari ishlab chiqarilishi va qorinda og‘riq. Spetsifik davolash talab etilmaydi. Patsiyentni uning holati to‘g‘risida xabardor qilish va holatini sinchkovlik bilan kuzatish kerak. – giperstimulyatsiya sindromining o‘rtacha shakli. Tuxumdonlarning o‘lchamini 8 sm dan 10 sm gacha kattalashishi, bu qorin bo‘shlig‘i tomonidan simptomlar, ko‘ngil aynishi va qusish bilan kechadi. Klinika sharoitlarida kuzatuvni amalga oshirish, simptomatik davlashni o‘tkazish, shuningdek gemoglobinni kontsentratsiyasi oshgan hollarda vena ichiga suyuqliklar yubrish lozim. – giperstimulyatsiya sindromining og‘ir shakli. Tuxumdonlarning o‘lchami 10 sm dan ortiq, astsit, gidrotoraks, qorinni kattalashishi, qorinda og‘riq, dispnoe, tuzni tutilishi, gemoglobinni kontsentratsiyasini oshishi, qonni qovushqoqligini oshishi va trombotsitlar agregatsiyasini oshishi kuzatiladi. Tromboembolik asoratlarni yuz berish xavfi mavjud. Bemorni gospitalizatsiya qilish lozim.

Retsept bo‘yicha

1500 XB yoki 5000 XB dan kukunli 3 ampula va 1 ml dan erituvchisi bo‘lgan 3 ampula uyali o‘ramda karton qutida.

3 yil.