rangsizdan och-sariq ranggacha bo‘lgan, ko‘rinarli zarrachalardan holi, tiniq eritma.

plazmani o‘rnini bosuvchi vositalar.

V05AA05

Gidroksietil kraxmal – bu turli molekulyar og‘irlik: o‘rtacha molekulyar og‘irligi 450 000 Dalton bo‘lgan amilopektinning etoksillangan molekulalarini murakkab aralashmasi. 6% li gidroksietil kraxmalning kolloid xususiyatlari odam albuminining kolloid hususiyatlariga mos keladi. Xestar-450 eritmasini vena ichiga infuziya qilish plazma xajmini katta miqdorda to‘ldiradi va bu daraja 24-36 soat davomida ushlanib turadi. Gemodinamik holat 24 soatga yoki undan ko‘proq muddatga yaxshilanishi mumkin.

Molekulyar og‘irligi 70 000 Daltondan kam bo‘lgan gidroksietil kraxmali molekulalari buyraklar orqali tez chiqariladi. Preparatning taxminan 40% yuborilgandan so‘ng 24 soat davomida siydikda aniqlanadi. Molekulyar og‘irligi yuqori bo‘lgan gidroksietil kraxmali molekulalari qon plazmasida va xujayralarda α-amilaza ta’siri ostida mayda fraktsiyalargacha parchalanadi. Amilaza ta’sirida parchalanishi 1,4-glyukozidaza bilan birga yuz beradi, so‘ngra molekulalar buyraklar orqali chiqariladi.

jarrohlik aralashuvlari, jarohatlar, infektsion kasalliklar, kuyishlar, travmatik shikastlanishlar, intoksikatsiyalar va aylanib yuruvchi qon hajmi (AQH) ni to‘ldirish talab etilgan boshqa holatlardagi shokni, gipovolemik holatlarni davolash va oldini olish; qonni terapevtik suyultirish (gemodilyutsiya); qonni almashtirishda yuboriladigan qon preparatlarning hajmini kamaytirish uchun qo‘llanadi.

Preparat tomchilagich yordamida vena ichiga uzoq vaqt davomida yuboriladi. Shoshilinch holatlar bo‘lmaganida tavsiya etilgan yuborish davomiyligi 500 ml 6% li Xestar-450 eritmasi 30 minutni tashkil qiladi. Anafilaktoid reaktsiyalarini o‘z vaqtida aniqlash uchun birinchi 10-20 ml eritmani sekin va patsiyentning holatini qat’iy nazoriti ostida yuborish kerak. Sutkalik dozasi va yuborish tezligi yo‘qotilgan qon hajmiga va gematokritning qiymatiga bog‘liq. Davomiyligi va davolash sxemasi gipovolemiyaning yaqqolligi va davomiyligiga bog‘liq. Gipovolemik holatlarni davolash va oldini olish uchun preparatning o‘rtacha sutkalik dozasi 250-1000 ml tashkil etadi. Ayrim hollarda dozani sutkada tana vazniga 20 ml/kg gacha oshirish mumkin. Gemodilyutsiya maqsadida preparat sutkada 500 ml dozada bir necha kun davomida ketma-ket yuboriladi. Ayrim hollarda umumiy dozani 5 l gacha oshirish mumkin, bunda dozasi davolash davomiyligi 4 haftagacha bo‘lgan muddatga taqsimlanishi mumkin.

Allergik reaktsiyalar: 0,085% xollarda – anafilaktoid reaktsiyalar (qusish, tana haroratini biroz ko‘tarilishi, sovuq qotish xissi, qichishish); yuqori jag‘ osti va quloq oldi so‘lak bezlari kattalashishi, grippsimon simptomlar (shu jumladan, bosh og‘rig‘i, mushaklarni qaqshab og‘rig‘i), qo‘l-oyoqlarda periferik shishlar paydo bo‘lishi mumkin; 0,006% xollarda – shok, kollaps, nafas faoliyatini to‘xtashi bo‘lishi mumkin. Modda almashinuvi tomonidan: 6% li gidroksietil kraxmal yuborilganidan keyin zardobda amilazaning darajasi sezilarli oshadi va 3-5 kundan keyin normaga qaytadi. Boshqalar: tez yuborilganida yoki preparatning katta hajmi yuborilganida gemodinamikani buzilishlari kuzatilishi mumkin; yuqori dozalarda yuborilganida qonashni kuchayish belgilari (suyultirish samarasi), qon ivish vaqtini uzayishi kuzatilishi mumkin.

gipervolemiya; gipergidratatsiya; og‘ir darajadagi dimlangan yurak yetishmovchiligi; buyrak yetishmovchiligi (zardobdagi kreatinning miqdori >2 mg/dl); og‘ir darajadagi gemorragik diatezlar; homiladorlikning I uch oyligi; gidroksietil kraxmalga yuqori sezuvchanlikda qo‘llash mumkin emas;

GEK (gidroksietil kraxmal) klinik-kimyoviy ko‘rsatkichlarga (glyukoza, protein, ECHT, biuret, yog‘ kislotalari, xolesterin, sorbit-degidrogenaza, siydikning solishtirma og‘irligiga) ta’sir ko‘rsatishi mumkin. Infuzion eritmalar, infuzion eritmalarni tayyorlash uchun kontsentratlar, inyektsion eritmalar va inyektsion maqsadlar uchun kukun yoki inyektsion eritma tayyorlash uchun quruq moddalar bilan aralashtirilganida preparatlarning mutanosibligini (aralashishini) har safar sinchiklab (hech bo‘lmaganida vizual ravishda) tekshirish tavsiya etiladi (shunga qaramasdan, ko‘zga ko‘rinmaydigan kimyoviy yoki terapevtik nomutanosiblik bo‘lishi mumkin). Aminoglikozid antibiotiklari bilan bir vaqtda qo‘llanganida GEK (gidroksietil kraxmal) ularning nefrotoksikligini kuchaytirishi mumkin.

Anafilaktoid reaktsiyalarni butunlay istisno qilish mumkin bo‘lmaganligi sababli, birinchi 10-20 ml eritmani, patsiyentlarning holatini diqqat bilan kuzatib, asta-sekin yuborish kerak. Asosan suv va elektrolitlarni yo‘qotish (kuchli qusish, ich ketishi, kuyish) bilan bog‘liq bo‘lgan shok holatlarida Xestar-450 (GEK 450/0,7) preparatini qo‘llash bilan boshlang‘ich davolashdan so‘ng keyingi davolashni elektrolitlarning muvozanatlangan eritmasi bilan o‘tkazish tavsiya etiladi. Xestar-450 (GEK 450/0,7) preparatini yuqori dozalari suyultiruvchi ta’sir ko‘rsatadi va gematokritni pasayishiga, shuningdek gemoglobin plazma proteinining kontsenratsiyasini pasayishiga olib keladi. Gemoglobinning qiymatini 10% dan kam va gematokritning qiymatini 27% dan kam bo‘lishi xavfli hisoblanadi. Umumiy oqsilning ko‘rsatkichi < 5,0% dan boshlab albuminni yuborish ko‘rsatilgan. Aylanayotgan qon hajmini 20-25% dan ko‘proq hajmda qon yo‘qotilganida albatta eritrotsitlarni qo‘shimcha yuborish ko‘rsatilgan. Homiladorlik va emizish davrida qo‘llanishi Homiladorlikning I uch oyligida preparatni qo‘llash mumkin emas. Preparatning bevosita embriotoksik va teratogen ta’siri yuzasidan ma’lumotlar yo‘q. 10 yoshgacha bo‘lgan bolalarga yuborish tavsiya etilmaydi. Preparat bolalar ololmaydigan joyda saqlansin va yaroqlilik muddati tugaganidan so‘ng ishlatilmasin.

25°S dan yuqori bo‘lmagan haroratda saqlansin. Muzlatilmasin!

Claris Otsuka Private Limited Village – Vasana – Chacharwadi, Tal – Sanand, Ahmedabad – 382 213, India

Retsept bo‘yicha.

Eritma 250 ml va 500 ml dan plastik yoki shisha flakonda; 1 flakon tibbiyotda qo‘llash bo‘yicha yo‘riqnomasi bilan karton qutiga joylangan.

3 yil.