dumaloq, ikkiyoqlama qabariq, pushti rangli qobiq bilan qoplangan tabletkalar.

Vitaminlar. Biotin.

A11NA05.

Organizmda biotin ingichka ichakda passiv diffuziya yo‘li bilan so‘riladi, shundan keyin portal tizim orqali jigarga va keyinchalik tizimli qon oqimiga tushadi. Biotinning qon plazmasi oqsillari bilan bog‘lanish darajasi 80% ni tashkil qiladi. Qonda erkin yoki kuchsiz bog‘langan biotinning kontsentratsiyasi, odatda 200 dan 1200 mkg/l gachani tashkil qiladi. Biotin gematoentsefalik va yo‘ldosh to‘siqlari orqali o‘tadi. Organizmda turli metabolitlarini hosil bo‘lishi bilan metabolizmga uchraydi. Biotin siydik bilan (sutkada 6 dan 50 mkg gacha) va ahlat bilan o‘zgarmagan holda (taxminan 50%), shuningdek almashinuvning biologik inert mahsulotlari ko‘rinishida chiqariladi. Yarim chiqarilish davri yuborilgan dozaning hajmiga bog‘liq va tana vaznining 1 kg ga 100 mkg ni tashkil qiluvchi doza ichga qabul qilinganidan keyin taxminan 26 soatni tashkil qiladi.

Kattalar va 12 yoshdan oshgan bolalarning, biotinning tanqisligi oqibatida chaqirilgan kasalliklarni kompleks davolashda qo‘llanadi: soch kasalliklarida (sochlarning yuqori ingichkaligi, qirqiluvchanligi, gullagan va sinuvchan sochlar, soch to‘kilishi, sochlarni yuqori yog‘liligi yoki quruqligi, oqarishi);teri kasalliklarida (dermatit, yog‘li serobeya, terining quruqligi va qipiqlanishi);tirnoq kasalliklarida (sinuvchanlik, qavat-qavat bo‘lishi, tirnoq o‘sishini va ularning strukturasini buzilishi);me’da-ichak yo‘llari tomonidan funktsional buzilishlar (kam malabsorbtsiya sindromi);biotinidazaning yetishmovchiligi;psixoemotsional buzilishlarda (kuchli ta’sirchanlik va charchoqlik, uyquchanlik, apatiya, mushak holsizligi);qandli diabet: qonda qand darajasini norma chegaralarida tutib turishga yordam beradi.

Volvit® tabletkalari ichga  ovqatdan oldin, oz miqdordagi suv bilan birga qabul qilinadi. Tirnoq, soch, teri kasalliklari va nerv tizimi tomonidan buzilishlarni davolash uchun tavsiya qilingan doza sutkada 5 mg biotinni tashkil qiladi. Malabsorbtsiya  sindromida tavsiya qilingan sutkalik doza, sutkada 10 mg ni tashkil qiladi. Biotin tanqisligining belgilarida tavsiya qilingan doza sutkada 5-20 mg ni tashkil qiladi. Biotinidaza yetishmovchiligida tavsiya qilingan doza 5-10 mg ni tashkil qiladi. Preparat uzoq vaqt qo‘llanishi mumkin, bir uzluksiz davolash kursi o‘rtacha 1 oyni tashkil qiladi.

Biotinga shaxsiy yuqori sezuvchanlikda allergik reaktsiyalar bo‘lishi mumkin, ularni simptomlari  ko‘krakda og‘riq, hansirash, eshakemi, teri toshmalari  bilan namoyon bo‘lishi mumkin.

Biotinga yoki preparatning boshqa komponentlariga yuqori sezuvchanlik. 12 yoshgacha bo‘lgan bolalar.

Biotin tirishishga qarshi preparatlar bilan birga qo‘llanganida qon plazmasida biotinning kontsentratsiyasi pasayishi mumkin. Valproat kislotasi jigarda mitoxondriyalarning faoliyatini pasaytirib, biotinidazaning faolligini pasaytiradi. Xom tuxumning oqsili avidin proteinini saqlaydi, u biotin bilan o‘zaro ta’sir qiladi, shuning uchun ularni bir vaqtda iste’mol qilishdan saqlanish kerak. Xom tuxumlarning katta miqdorini 2-3 hafta davomida iste’mol qilish biotinning tanqisligini chaqirishi mumkin. Pantotenat kislotasi katta dozalarda biotin bilan raqobatlashadi, shuning uchun ularni bir vaqtda iste’mol qilish mumkin emas.

Shifokor tomonidan buyurilgan davolashning davomiyligini buzish mumkin emas. Bo‘lib-bo‘lib olingan yoki barvaqt to‘xtatilgan davolash hollarida preparatning samarasi kamayishi mumkin. Biotinning yaxshi o‘zlashtirilishi tufayli, davolash uzoq vaqt davom etishi mumkin. Bolalar Preparatni 12 yoshgacha bo‘lgan bolalarda qo‘llash mumkin emas. Homiladorlik va emizish davrida qo‘llanilishi. Preparatni homiladorlik va emizish davrida qo‘llanishiga oid ma’lumotlar yo‘q. Transport vositasi  va boshqa mexanizmlarni ishlatishni boshqarishda  ta’sir qilish qobiliyati. Psixomotor reaktsiyalar tezligiga preparatning salbiy ta’siriga oid ma’lumotlar yo‘q.

Quruq, yorug‘likdan himoyalangan joyda, 25°S dan yuqori bo‘lmagan haroratda saqlansin. Preparat bolalar ololmaydigan joyda saqlansin.

Bugungi kunda biotinning, hatto katta dozalari qo‘llangan hollarda ham dozani oshirib yuborilishiga oid xabarlar yo‘q.

Retseptsiz

10 tabletkadan blisterda, 3 blisterdan tibbiyotda qo‘llash bo‘yicha yo‘riqnomasi bilan karton o‘ramda.

3 yil.