Valsartan 80 mg Plenka qobiq bilan qoplangan och-qizil, dumaloq, chetlari qiya, bir tomonida o‘yiqcha, o‘yiqchaning bir tomonida “D” yozuvi, o‘yiqchani boshqa tomonida “V” yozuvi va tabletkaning boshqa tomonida “NVR” yozuvi bo‘lgan tabletkalar. O‘yiqcha teng dozalarga bo‘lish uchun emas, balki yutishni yengillashtirish maqsadida tabletkani bo‘lish uchun mo‘ljallangan. Valsartan 160 mg Plenka qobiq bilan qoplangan kulrang-zarg‘aldoq, oval, biroz qabariq, bir tomonida o‘yiqcha, o‘yiqchaning bir tomonida “DX” yozuvi, o‘yiqchani boshqa tomonida “DX” yozuvi va tabletkaning boshqa tomonida “NVR” yozuvi bo‘lgan tabletkalar. O‘yiqcha teng dozalarga bo‘lish uchun emas, balki yutishni yengillashtirish maqsadida tabletkani bo‘lish uchun mo‘ljallangan.

angiotenzin II retseptorlarining blokatorlari. monopreparatlar.

S09SA03.

Valsartan aloxida peroral qabul qilinganda qon plazmasidagi cho‘qqi kontsentratsiyalarga 2-4 soat o‘tgach erishiladi. Mutlaq biokiraolishining o‘rtacha qiymati – 23%. Qon plazmasi oqsillari, asosan zardob albumini bilan bog‘lanishi yuqori (94-97%). Faqat katta bo‘lmagan qismi (taxminan 20%) metabolitlari xosil bo‘lishi bilan biotransformatsiyaga uchraydi. Asosan axlat (yuborilgan dozaning taxminan 83%) va siydik (yuborilgan dozaning taxminan 13%) Bilan chiqariladi. Vena ichiga yuborilgandan keyin plazma klirensi taxminan 2 l/soat, buyrak klirensi esa – 0,62 l/soatni (umumiy klirensning taxminan 30%) tashkil qiladi. Yarim chiqarilish davri – 6 soat. Terapevtik dozalar doirasida farmakokinetikasi to‘g‘ri chiziqli. Ko‘p marta yuborilganda farmakokinetikasi o‘zgarmaydi, sutkada bir marta qabul qilganda preparatning to‘planishi axamiyatsiz. Kinetikasi jinsga bog‘liq emas. Yurak yetishmovchiligi bo‘lgan patsiyentlarda va sog‘lom shaxslarda  valsartanning cho‘qqi kontsentratsiyaga erishishni o‘rtacha vaqti va yarim chiqarilish davri o‘xshash. Kumulyatsiyasini o‘rtacha koeffitsiyenti – taxminan 1,7. Ichga qabul qilgandan keyin extimoliy klirensi – taxminan 4,5 l/soat. Yurak yetishmovchiligi bo‘lgan patsiyentlarda yosh bu ko‘rsatgichga ta’sir qilmaydi. Keksa shaxslar Ayrim keksa odamlarda valsartanning tizimli ta’siri yosh patsiyentlar bilan solishtirganda biroz yuqori; lekin buni qanday-bo‘lmasin klinik axamiyati isbotlanmagan. Buyraklar faoliyatini buzilishi bo‘lgan patsiyentlar Buyraklar faoliyatini buzilishi va valsartanning tizimli ta’siri orasida o‘zaro ta’sir yo‘q. Jigar faoliyatining buzilishi bo‘lgan patsiyentlar So‘rilgan dozaning taxminan 70% asosan o‘zgarmagan xolda o‘t-safro bilan chiqariladi. Valsartan axamiyatli biotransfarmatsiyaga uchramaydi, shuning uchun plazmadagi valsartanning kontsentratsiyasi va jigar faoliyatining buzilish darajasi orasida bog‘liqlik aniqlanmagan. Biliar tsirrozi yoki o‘t-safro chiqarish yo‘llarining obstruktsiyasi bo‘lgan patsiyentlarda, AUC ko‘rsatgichini taxminan ikki marta oshishi kuzatilgan. Bolalar Arterial gipertenziyasi bo‘lgan, valsartan suspeziyasini bir martalik dozasini (80 mg maksimal dozada, o‘rtacha 0,9 dan 2 mg/kg gacha) olgan bolalarda, valsartanning klirensi 1 dan 16 yoshgacha bo‘lgan xamma yosh guruxlarida, preparatning o‘xshash dori shaklini olgan kattalarda kuzatilgan ko‘rsatgichlar bilan o‘xshash bo‘lgan.

Arterial gipertenziya Kattalar, shuningdek bolalar va 6 dan 18 yoshgacha bo‘lgan o‘smirlarda arterial gipertenziyani davolash Yurak yetishmovchiligi Diuretiklar, angishvonagul preparatlari, shuningdek angiotenzin-aylantiruvchi ferment  (AAF) ingibitorlari yoki beta-blokatorlar (lekin uni xam, buni xam emas) o‘z ichiga oluvchi  standart davolashni olayotgan kattalarda yurak yetishmovchiligini davolash (NYHA bo‘yicha II-IV sinfi); davolash tartibi ushbu xolatda qo‘llanadigan xamma standart preparatlarni o‘z ichiga olishi shart emas. Valsartan bu gurux patsiyentlarda, asosan yurak yetishmovchiligi bo‘yicha gospitalizatsiyalar sonini kamaytirishi xisobiga, asoratlar tez-tezligini pasaytiradi. Valsartan platsebo bilan solishtirganda, shuningdek yurak yetishmovchiligini rivojlanishini sekinlashtiradi, NYHA funktsional tasnifi bo‘yicha yurak yetishmovchiligi darajasini yaxshilaydi, chiqarib tashlash fraktsiyasi va yurak yetishmovchiligi simptomatikasi, shuningdek xayot sifatini yaxshilaydi. Infarktdan keyingi xolatlar Chap qorincha yetishmovchiligi va (yoki) chap qorinchaning sistolik disfunktsiyasini klinik yoki rentgenologik belgilari bo‘lgan klinik barqaror katta patsiyentlarda miokard infarktidan keyingi yashab qolishni oshirish. Arterial gipertenziyasi, glyukozaga tolerantlikni buzilishi va yurak-tomir kasalliklari rivojlanishini xavfi bo‘lgan katta patsiyentlarda. Valsartan xayot tarzini o‘zgartirishga qo‘shimcha sifatida II tur qandli diabetni rivojlanib borishini sekinlashtirish uchun qo‘llanadi.

Ichga qabul qilish uchun. Suv bilan birga ovqat qabul qilishdan qat’iy nazar qabul qilinadi. Katta patsiyentlar Arterial gipertenziya Tabletkalar 80 mg yoki 160 mg dan sutkada bir marta, irqga taalluqligi yoshi yoki jinsidan qat’iy nazar. Axamiyatli antigipertenziv samaraga ikki xafta davomida, maksimalga esa – to‘rt xafta davomida erishiladi. Agar arterial bosimni adekvat pasayishiga erishib bo‘lmasa, sutkalik dozani 320 mg gacha oshirish yoki davolash tartibiga diuretik preparatni qo‘shish mumkin. Valsartan boshqa antigipertenziv preparatlar bilan birga buyurilishi mumkin. Yurak yetishmovchiligi Boshlang‘ich doza: 40 mg sutkada ikki marta. Preparatning o‘zlashtirilishini xisobi bilan doza sutkada ikki marta 60 mg yoki 160 mg gacha oshiriladi. Iloji boricha birga qabul qilinayotgan diuretiklarning dozasi kamaytiriladi. Klinik tekshirishlarda buyurilgan maksimal sutkalik doza 320 mg ni tashkil qilgan (bir-kecha qabullarga bo‘lingan). Yurak yetishmovchiligi bo‘lgan patsiyentlarning xolatini baxolashga buyraklar faoliyatini baxolashni qo‘shish shart. Infarktdan keyingi xolat Davolash miokard infarktidan keyin 12 soat o‘tishi bilanoq boshlanishi mumkin. Sutkada ikki marta 20 mg boshlang‘ich dozani keyingi bir necha xafta davomida sutkada ikki marta 40 mg, 80 mg va so‘ngra 160 mg gacha qabul qilishga oshirish kerak. Maqsadli maksimal doza sutkada ikki marta 160 mg ni tashkil qiladi. Umuman, sutkada ikki marta 80 mg dozaga davolash boshlangach ikki xafta davomida, sutkada ikki marta 160 mg – maqsadli dozaga, prepartning o‘zlashtirilishini xisobi bilan – uch oy davomida erishish tavsiya qilinadi. Klinik yaqqol gipotenziya rivojlanganda yoki buyraklar faoliyatini buzilishida, preparatning dozasini pasaytirish talab qilinishi mumkin. Valsartan miokard infarktidan keyin ishlatiladigan boshqa preparatlarni, masalan, trombolitiklar, atsetilsalitsil kislota, beta-blokatorlar yoki statinlarni olayotgan patsiyentlarda qo‘llanishi mumkin. Miokard infarktidan keyingi patsiyentlarning xolatini baxolashga buyraklar faoliyatini baxolashni qo‘shish shart. Arterial gipertenziyasi, glyukozaga tolerantlikni buzilishi va yurak-tomir kasalliklari rivojlanishini xavfi bo‘lgan katta patsiyentlar Boshlang‘ich doza: 80 mg yoki 160 mg li tabletka sutkada bir marta. 80 mg boshlang‘ich dozali patsiyentlarda dozani sutkada bir marta 160 mg gacha oshirish asta-sekin preparatni o‘zlashtirilishini xisobi bilan bajariladi. Arterial gipertenziyani yetarlicha nazorat qilinmagan xolda, “Doza va qo‘llash usuli. Arterial gipertenziya» bo‘limlarga murojaat qilish kerak. Xamma ko‘rsatmalar uchun izox Buyraklar faoliyatini buzilishi yoki xolestazsiz nobiliar kelib chiqishga ega bo‘lgan jigar yetishmovchiligida, dozani to‘g‘irlash talab etilmaydi.

Angionevrotik shish simtomlari (yuz, til yoki xalqumni shishi, yutishda qiyinchiliklar, toshma, nafasni qiyinlashishi) rivojlangan xolda, darxol shifokorga murojaat qilish kerak. Quyida boshqa nojo‘ya samaralari keltirilgan Arterial gipertenziyadagi nojo‘ya samaralari Tez-tez emas: vestibulyar bosh aylanishi, yo‘tal, qorin og‘rig‘i, charchoqlik. Tez-tezligi noma’lum: gemoglobinning darajasini pasayishi, gematokritni pasayishi, neytropeniya, trombotsitopeniya, o‘ta yuqori sezuvchanlik, zardob kasalligini xam qo‘shib, qonda kaliy darajasini oshishi,vaskulit, jigar funktsional sinamalarini patologik o‘zgarishlari, shu jumladan bilirubinning kontsentratsiyasini oshishi, angionevrotik shish, bullez dermatit, toshma, qichishish, mialgiya, buyraklar faoliyatini buzilishi va buyrak yetishmovchiligi, qonda kreatinin darajasini oshishi. Arterial gipertenziyasi bo‘lgan patsiyentlar ishtirokidagi klinik tekshirishlar davomida, shuningdek quyidagi nojo‘ya ko‘rinishlar kuzatilgan (tekshirilayotgan preparat bilan ularni sabab aloqasidan qat’iy nazar): artralgiya, asteniya, orqada og‘riq, diareya, bosh aylanishi, bosh og‘rig‘i, uyqusizlik, libidoni pasayishi, ko‘ngil aynishi, shishlar, faringit, rinit, sinusit, yuqori nafas yo‘llarining infektsiyalari, virusli infektsiyalar. Arterial gipertenziyasi, glyukozaga tolerantlikni pasayishi va yurak-tomir kasalliklarini xavfi bo‘lgan patsiyentlarda nojo‘ya samaralari arterial gipertenziyasi bo‘lgan patsiyentlar orasida kuzatiladigan samaralarga to‘liq muvofiq keladi. 6 dan 18 yoshgacha bo‘lgan bolalar uchun (arterial gipertenziya) aniqlangan xavfsizlik profili, va kattalar uchun ilgari aniqlangan xavfsizlik profili orasida noxush reaktsilarning turi, tez-tezligi va og‘irligi bo‘yicha axamiyatli farqlar aniqlanmagan. Surunkali buyrak yetishmovchiligi bo‘lgan 6 dan 18 yoshgacha bo‘lgan bolalar va o‘smirlarda giperkaliyemiya kuzatilgan. Yurak yetishmovchiligi va (yoki) miokard infarktidan keyingi xolatdagi nojo‘ya samaralari Tez-tez: bosh aylanishi, postural bosh aylanishi, arterial gipotenziya, ortostatik gipotenziya, buyraklar faoliyatini buzilishi va buyrak yetishmovchiligi. Tez-tez emas: giperkaliyemiya, xushdan ketish, bosh og‘rig‘i, vestibulyar bosh aylanishi, yurak yetishmovchiligi, yo‘tal, ko‘ngil aynishi, diareya, angionevrotik shish, o‘tkir buyrak yetishmovchiligi, qonda kreatinin darajasini oshishi, asteniya, charchoqlik. Tez-tezligi noma’lum: trombotsitopeniya, o‘ta yuqori sezuvchanlik, zardob kasalligini xam qo‘shib, qonda kaliy darajasini oshishi, vaskulit, jigar funktsional sinamalarini patologitk o‘zgarishlari, bullez dermatit, toshma, qichishish, mialgiya, qonda mochevina darajasini oshishi. Yurak yetishmovchiligi bo‘lgan patsiyentlar va (yoki) postinfarkt davridagi patsiyentlar ishtirokidagi klinik tekshirishlar davomida, shuningdek quyidagi nojo‘ya ko‘rinishlar kuzatilgan (tekshirilayotgan preparat bilan ularni sabab aloqasidan qat’iy nazar): artralgiya, qorin og‘rig‘i, orqada og‘riq, uyqusizlik, libidoni pasayishi, neytropeniya, shishlar, faringit, rinit, sinusit, yuqori nafas yo‘llarining infektsiyalari, virusli infektsiyalar.

ARB, AAFI yoki aliskirenni qo‘llashdagi renin-angiotenzin-aldosteron tizimini (RAAS) ikki tomonlama blokadasi. ARB, valsartanni xam qo‘shib, RAAS ga ta’sir qiluvchi boshqa preparatlar bilan birga qo‘llash, bu preparatlar bilan monoterapiya bilan solishtirganda, arterial gipotenziya, giperkaliyemiya va buyrak faoliyatini buzilishi rivojlanishini  yuqoriroq tez-tezligi bilan birga kechadi.Arterial bosim, buyraklar faoliyati va elektrolitlar darajasini nazorat qilish tavsiya etiladi. Buyraklar faoliyatini og‘ir buzilishi bo‘lgan patsiyentlarda (SKF ≤ 30 ml/min) ARB (valsartanni xam qo‘shib) va AAFI aliskiren bilan birga qo‘llashdan saqlanish kerak. 2 tur qandli diabeti bo‘lgan patsiyentlarda ARB (valsartanni xam qo‘shib) va AAFI aliskiren bilan birga qo‘llash mumkin emas. Kaliy. Kaliy tejovchi diuretiklar (masalan, spirinolakton, triamteren, amilorid), kaliy preparatlari, kaliy saqlovchi tuzni o‘rnini bosuvchilar, yoki kaliyning kontsentratsiyasini oshirish qobiliyatiga ega bo‘lgan boshqa preparatlarni (masalan, geparin va boshq.) yondosh qo‘llash, qon zardobida kaliyning darajasini oshishiga, yurak yetishmovchiligi bo‘lgan patsiyentlarda esa – zardobda kreatininning darajasini oshishiga olib kelishi mumkin. Agar preparatni yondosh qo‘llash zarur bo‘lsa, qon zardobida kaliyni nazorat qilish kerak. Nosteroid yallig‘lanishga qarshi preparatlar (NYAQP), tsiklooksigenaza-2 ning selektiv ingibitorlarini (TsOG-2 ingibitorlari) xam qo‘shib. Angiotenzin II retseptorlarining blokatorlari NYAQP  bilan birga buyurilganda, antigipertenziv samarani susayishi yuz beradi, keksa patsiyentlarda,  gipovolemiyasi bo‘lgan patsiyentlarda (diuretiklar bilan davolash olayotgan patsiyentlarni xam qo‘shib) yoki buyraklar faoliyatini buzilishi bo‘lgan patsiyentlarda, buyraklar faoliyatini yomonlashish xavfi oshishi mumkin. Shuning uchun, valsartan NYAQP bilan qabul qilganda davolashni boshida yoki dozani to‘g‘irlash davrida, buyraklar faoliyatini nazorat qilish tavsiya etiladi. Litiy. Litiy preparatlari AAF ingibitorlari yoki angiotenzin II retseptorlarining blokatorlari, valsartanni xam qo‘shib, bilan birga qo‘llanganda, litiyning zardob kontsentratsiyalarini va uning toksik samaralarini qaytuvchi oshishi kuzatilgan. Shuning uchun kaliyning zardobdagi darajalarini sinchiklab nazorat qilish tavsiya etiladi. Agar diuretik bilan birga qo‘llanayotgan bo‘lsa valsartan, litiyning toksik samarasi paydo bo‘lishi xavfini yana ko‘proq oshirishi mumkin deb taxmin qilinadi. Tashuvchi oqsillar. Valsartan jigar qamrab oluvchi tashuvchi oqsil OATR1V1 va jigar olib chiquvchi tashuvchi oqsil  MRP2 uchun substrat xisoblanadi. Qamrab oluvchi tashuvchi oqsil (masalan, rifampitsin, tsiklosporin)  yoki olib chiquvchi tashuvchi oqsil  ingibitorlari (masalan, ritonavir) bilan bir vaqtda buyurish, valsartanning tizimli ekspozitsiyasini oshirishi mumkin. Klinik axamiyatli dorilarning o‘zaro ta’siri (xususan, tsimetidan, varfarin, furosemid, digoksin, atenolol, indometatsin, gidroxlortiazid, amlodipin va glibenklamid) aniqlanmagan. Valsartan axamiyatli metabolizmga duchor bo‘lmasligi tufayli, tsitoxrom R450 fermentlar tizimining metabolik faolligini induktsiyasi yoki bostirilishi orqali klinik axamiyatli dorilarning o‘zaro ta’sirini kutish kerak emas. Garchi valsartan qon plazmasi oqsillari bilan jadal bog‘lansa xam, in vitro tekshirishlarda ushbu darajada qator boshqa, shuningdek qon plazmasi oqsillari bilan axamiyatli darajada bog‘lanuvchi (diklofenak, furosemid va varfarin kabi) preparatlar bilan xech qanday o‘zaro ta’sirlari kuzatilmagan. Bolalar Arterial gipertenziyasi bo‘lgan bolalar va o‘smirlarda, uning asosida ko‘pincha buyrak kasalliklari yotadi, qon zardobida kaliyning darajasini mumkin bo‘lgan oshishi tufayli, valsartanni RAAS ni ingibitsiya qiluvchi boshqa preparatlar bilan birga qo‘llashda extiyotkorlikka rioya qilish tavsiya etiladi. Bunday patsiyentlarda buyraklar faoliyatini va qon zardobida kaliyning darajasini nazorat qilish kerak.

Natriy tanqisligi va (yoki) gipovolemiyasi bo‘lgan patsiyentlar Yaqqol natriy tanqisligi va (yoki) gipovolemiyasi (masalan, diuretiklarning yuqori dozalarini olayotgan) patsiyentlarda, kam xollarda valsartan bilan davolashni boshida simptomatik gipotenziya rivojlanishi mumkin. Shuning uchun Valsartan bilan davolashni boshlashgacha giponatriyemiya/gipovolemiyani, masalan, diuretikning dozasini kamaytirib, yo‘qotish kerak. Gipotenziya rivojlanganda patsiyent orqasiga chalqancha yotqiziladi va zarurati bo‘lganda vena ichiga fiziologik eritma yuboriladi. Arterial bosim barqarorlangandan keyin davolashni davom ettirish mumkin. Buyrak arteriyalarini stenozi bo‘lgan patsiyentlar Buyrak arteriyasini bir tomonlama stenozi oqibatidagi renovaskulyar gipertenziyasi bo‘lgan o‘nikkita patsiyentlarda valsartanni qisqa muddatli buyurish, buyrak gemodinamikasi, plazmada kreatinin yoki  qonda mochevina darajasini qanday-bo‘lmasin axamiyatli o‘zgarishlariga olib kelmagan. Lekin RAAS ga ta’sir qiluvchi boshqa dori preparatlari, buyrak arteriyasini ikki tomonlama yoki bir tomonlama stenozi bo‘lgan patsiyentlarda, qonda mochevina va zardobda kreatinin darajasini oshishini chaqirishi mumkin, Valsartan bilan patsiyentlarni davolashda xavfsizlik maqsadida bu ikki ko‘rsatgichni nazorat qilish tavsiya etiladi. Buyraklar faoliyatini buzilishi bo‘lgan patsiyentlar Buyraklar faoliyatini buzilishi bo‘lgan patsiyentlarda dozani to‘g‘irlash talab etilmaydi. Shunga qaramasdan, xozirgi vaqtda kreatinin klirensi ≤ 10 ml/min bo‘lgan patsiyentlarda valsartanni qo‘llashning xavfsizligini tajribasi yo‘q, shuning uchun bu gurux patsiyentlarda preparat extiyotkorlik bilan ishlatiladi. Jigar faoliyatini buzilishi bo‘lgan patsiyentlar Jigar faoliyatini buzilishi bo‘lgan patsiyentlarda dozani to‘g‘irlash talab etilmaydi. Valsartan asosan o‘t-safro bilan o‘zgarmagan xolda chiqariladi, shuning uchun o‘t-safro yo‘llarining obstruktiv kasalliklari bo‘lgan patsiyentlarda, valsartanning pastroq klirensi kuzatiladi. Demak, bunday kasalliklari bo‘lgan patsiyentlarda valsartanni qo‘llashda extiyotkorlikka rioya qilish kerak. Yurak yetishmovchiligi (YuЕ)/infarktdan keyingi xolati bo‘lgan patsiyentlar YuЕ yoki infarktdan keyingi davri bo‘lgan patsiyentlarda valsartanni ishlatish arterial bosimni biroz pasayishiga olib keladi, lekin simptomatik gipotenziya saqlanganda, odatda, preparatni dozalash bo‘yicha ko‘rsatmalarga rioya qilib Valsartanni bekor qilish zarurati paydo bo‘ladi. YuЕ bo‘lgan yoki miokard infarktidan keyingi davrdagi patsiyentlarni davolashni boshlang‘ich davrida extiyotkorlikka rioya qilish kerak. Moyilligi bo‘lgan patsiyentlarda RAAS ni ingibitsiya qilish oqibatida valsartan buyraklar faoliyatini o‘zgarishini chaqirishi mumkin. Buyraklarning faoliyati RAAS ga bog‘liq bo‘lgan patsiyentlarda (masalan, og‘ir YuЕ) AAF ingibitorlari yoki angiotenzin retseptorlarining blokatorlari bilan daolash oliguriya va (yoki) rivojlanib boruvchi azotemiya, va kam xollarda o‘tkir buyrak yetishmovchiligi va (yoki) o‘lim chaqirishi mumkin. YuЕ bo‘lgan va infarktdan keyingi xolati bo‘lgan patsiyentlarning xolatini baxolash albatta buyraklar faoliyatini baxolashni o‘z ichiga olishi kerak. YuЕ bo‘lgan patsiyentlarni AAF ingibitori, beta-blokator, va valsartan  uchlik majmuasi bilan davolashni extiyotkorlik bilan o‘tkazish kerak. Angionevrotik shish Nafas yo‘llarining obstruktsiyasini chaqiruvchi xalqum va xalqum qopqog‘ini shishi, va (yoki) yuz, lablar, tomoq va (yoki) tilning shishini xam qo‘shib, angionevrotik shish kuzatilgan; bu patsiyentlarning bir qismida angionevrotik shish, AAF ingibitorlarining boshqa preparatlari qo‘llanganda ilgari xam kuzatilgan. Angionevrotik shish rivojlanganda Valsartan darxol bekor qilinadi va xech qachon qayta buyurilmaydi. Renin-angiotenzin-aldosteron tizimin (RAAS) ikki tomonlama blokadasi Angiotenzin retseptorlarining blokatorlari, valsartanni xam qo‘shib, AAFI yoki aliskiren kabi RAAS ni bloklovchi boshqa preparatlarni buyurishda extiyotkorlikka rioya qilish kerak. Bolalar Buyraklar faoliyatini buzilishi bo‘lgan patsiyentlar Kalava filtratsiyasining tezligi (KFT) ≤ ml/min/1,73 m2 bo‘lgan bolalarda vagemodializda bo‘lgan bolalarda preparatni qo‘llash o‘rganilmagan. Shuning uchun bu gurux patsiyentlarni davolash uchun valsartanni ishlatish tavsiya etilmaydi. KFT ≥ 30 ml/min/1,73 m2 bo‘lgan bolalarda preparatning dozasini to‘g‘irlash zarurati yo‘q. Buyraklar faoliyatini va qon zardobida kaliyning darajasini sinchiklab nazorat qilish kerak. Bu ayniqsa, agar Valsartan buyraklar faoliyatini buzish qobiliyatiga ega bo‘lgan boshqa patologik xolatlar (masalan, isitma, degidratatsiya) fonida qo‘llanganda muxim. Jigar faoliyatini buzilishi bo‘lgan patsiyentlar Kattalardagi kabi, Valsartan o‘t-safro chiqarish yo‘llarining obstruktiv kasalliklari bo‘lgan bolalarga buyurilganda, aloxida extiyotkorlikka rioya qilish kerak. Yengil va o‘rtacha jigar yetishmovchiligi bo‘lgan bolalarda valsartanni qo‘llashni klinik tajribasi cheklangan.

Renin-angiotenzin-aldosteron tizimiga (RAAS) bevosita ta’sir qiluvchi xar qandy boshqa preparat kabi, Valsartanni xomiladorlarni yoki xomiladorlikni rejalashtirayotgan ayollarni davolash uchun qo‘llash mumkin emas. RAAS ga ta’sir qiluvchi xar qanday preparat buyurilganda, bola tug‘ish yoshidagi ayollar, xomiladorlik vaqtida ularni qo‘llashni potentsial xavfi xaqida xabardor qilingan bo‘lishlari kerak. Angiotenzin II retseptorlarining blokatorlarining ta’sir mexanizmini xisobga olib, xomilaga nisbatan xavfni istisno qilish mumkin emas. Xomiladorlikning ikkinchi va uchinchi uch oyliklarida AAF ingibitorlarini qo‘llash (RAAS ga ta’sir qiluvchi aloxida preparatlar sinfi) rivojlanayotgan xomilani shikastlanishini va o‘limini chaqirgan, birinchi uch oylikda esa tug‘ma nuqsonlar rivojlanishini potentsial xavfi bilan birga kechgan. Xomiladorlik vaqtida onalari bilmasdan valsartan qabul qilganda ixtiyorsiz abortlar, yangi tug‘ilganlarda oligogidroamnion va buyraklar faoliyatini buzilishlari xaqida xabarlar tushgan. Xomiladorlik aniqlanganda Valsartan darxol bekor qilinadi. Valsartanni ko‘krak sutiga chiqishi noma’lum.Emizuvchi onalarga Valsartan qabul qilish tavsiya etilmaydi. Valsartanni odam fertilligiga ta’siri xaqida ma’lumotlar yo‘q.

To‘g‘ri kelmaydi. Preparat bolalar ololmaydigan joyda saqlansin va yaroqlilik muddati o‘tgach qo‘llanilmasin.

Valsartanning dozasini oshirib yuborilishi yaqqol arterial gipotenziya ko‘rinishida namoyon bo‘lishi mumkin, u o‘z navbatida ongni susayishiga, tomirli kollapsga va (yoki) shokka olib keladi. Agar preparat yaqinda qabul qilingan bo‘lsa, qusish chaqiriladi. Boshqa xollarda standart davolash fiziologik eritmani infuziyasini o‘z ichiga oladi. Valsartanni gemodializ yordamida chiqarilishini extimoli kam.

Retsept bo‘yicha beriladi

Blisterlar (AVX/PE/PVDX/alyuminiy). 28 tabletkadan qo‘llash bo‘yicha yo‘riqnomasi bilan karton qutida.

3 yil. O‘ramida ko‘rsatilgan yaroqlilik muddati o‘tgach ishlatimasin.