qora rangli, yassitsilindrik, biroz g‘adir-budir, faskali tabletkalar.

enterosorbtsiya qiluvchi vosita.

A07BA01

So‘rilmaydi, parchalanmaydi, me’da-ichak yo‘llari orqali 24 soat davomida to‘liq chiqariladi.

Turli kelib chiqishga ega bo‘lgan ekzogen va endogen zaharlanishlarda zaharsizlantiruvchi vosita sifatida qo‘llanadi. Ovqat toksikoinfektsiyalarni, salmonelyozni va dizenteriyani majmuaviy davolashda. Dori preparatlari (psixotrop, uxlatuvchi, narkotik vositalar va boshqalar), alkaloidlar, og‘ir metall tuzlari va boshqa zaharlar bilan zaharlanishda. Dispepsiya, meteorizm bilan kechuvchi me’da-ichak yo‘llarining kasalliklarida. Ovqat va dori allergiyasida. Giperbilirubinemiyada (virusli gepatit va boshqa sariqliklar) va giperazotemiyada (buyrak yetishmovchiligi). Ultratovush va rentgenologik tekshirishlar oldidan avval ichakda gaz hosil bo‘lishini kamaytirish uchun qo‘llanadi.

Ichga, tabletkalarda yoki avval maydalangandan so‘ng suvli aralashma ko‘rinishida, ovqatlanishdan va boshqa dori vositlarni qabul qilishdan bir soat oldin qo‘llanadi. Preparatning kerakli miqdori ½ stakan suvda aralashtiriladi. Kattalarga dozalash tartibi o‘rtacha 1,0-2,0 g (4-8 tabletka) dan sutkada 3-4 marta, kattalar uchun maksimal bir martalik doza – 8 g gacha. Bolalarga preparat tana vazniga o‘rtacha 0,05 g/kg hisobidan sutkada 3 marta buyuriladi, maksimal bir martalik doza tana vazniga 0,2 g/kg gacha. O‘tkir kasalliklarda davolash kursi – 3-5 kun. Allergiya va surunkali kasalliklarda – 14 kungacha. Takroriy kurs – shifokorning tavsiyasi bo‘yicha 2 haftadan so‘ng. O‘tkir zaharlanishlarda davolash me’dani faollashtirilgan ko‘mirning suvli aralashmasini ishlatish bilan yuvishdan boshlanadi, so‘ngra ichga 20-30 g preparat beriladi. Meteorizmda preparat ichga 1-2 g (4-8 tabletka) dan sutkada 3-4 marta buyuriladi. Davolash kursi 3-7 kun.

Qabziyat, diareya. Uzoq muddat (14 kundan ortiq) qo‘llanganida kaltsiyni, vitaminlarni, oziq moddalarni so‘rilishi pasayishi mumkin. Ahlat qora rangga bo‘yalishi mumkin.

Me’da va 12 barmoq ichak yara kasalligini zo‘rayishi, nospetsifik yarali kolit, me’da-ichak yo‘llaridan qon ketishlar, ichak atoniyasi, preparatni shaxsiy o‘zlashtiraolmaslik, samarasi so‘rilganidan keyin rivojlanadigan antitoksik dori vositalarni bir vaqtda buyurishda (metionin va boshqalar) qo‘llash mumkin emas.

Faollashtirilgan ko‘mir u bilan birga bir vaqtda ichga qo‘llanadigan dori preparatlarining samaradorligini pasaytiradi.

Intoksikatsiyalarni davolashda me’dada (uni yuvishdan oldin) va ichakda (me’da yuvilganidan so‘ng) faollashtirilgan ko‘mirning ortig‘i bilan hosil qilish lozim. Muhitda faollashtirilgan ko‘mirning kontsentratsiyasini kamayishi ichakda bog‘langan moddani desorbtsiyasi va uning so‘rilishiga yordam beradi; rezorbtsiyani oldini olish uchun me’dani faollashtirilgan ko‘mir bilan takroran yuvish va faollashtirilgan ko‘mirni buyurish tavsiya etiladi. Agar zaharlanish enterogepatik tsirkulyatsiyada ishtirok etuvchi moddalar (yurak glikozidlari, indometatsin, morfin va boshqa opiatlar) tomonidan chaqirilgan bo‘lsa, faollashtirilgan ko‘mirni bir necha kun davomida qo‘llash lozim. Preparatlar 10-14 kundan ortiq ishlatilganida vitaminlar va kaltsiy preparatlarini profilaktik buyurish kerak. Quruq joyda, atmosferaga gazlar yoki bug‘larni chiqaruvchi moddalardan alohida saqlash lozim. Ochiq havoda (ayniqsa nam) saqlash sorbtsion xususiyatini pasaytiradi. Preparat bolalar ololmaydigan joyda saqlansin va yaroqlilik muddati o‘tgach qo‘llanilmasin.

Retseptsiz

Tabletkalar 250 mg. 10 tabletkadan kontur uyasiz o‘ramda. 10 tabletkadan kontur uyali o‘ramda. 1, 2, 3, 5 yoki 10 kontur uyali o‘ram qo‘llash bo‘yicha yo‘riqnoma bilan birga karton qutiga joylanadi. Kontur o‘ramlarni teng miqdordagi yo‘riqnomalar bilan guruh o‘ramiga joylashga ruxsat beriladi. Saqlash sharoiti Quruq joyda, 250S dan yuqori bo‘lmagan haroratda saqlansin. Yaroqlilik muddati 3 yil