Oq yoki biroz sarg‘ish rangli kukun.

Antibiotik (tsefalosporinlar guruhi).

J01DA10

Sog‘lom ko‘ngillilarga mushak ichiga (m/i) bir marta 0,5 yoki 1,0 g yuborilganida maksimal kontsentratsiyaga (Cmax) (muvofiq ravishda 11,7 va 20,5 mkg/ml) 30 minut davomida erishiladi. Vena ichiga (v/i) 0,5; 1 yoki 2 g yuborilganidan keyin 5 minut o‘tgach muvofiq ravishda Cmax 38,9; 101,7 va 214,4 mkg/ml. Qon plazmasi oqsillari bilan (asosan albuminlar bilan) bog‘lanishi – 25-40% tashkil qiladi. Organizmning ko‘pchilik to‘qimalari (miokard, suyaklar, o‘t pufagi, teri, yumshoq to‘qimalarda) va suyuqliklarida (sinovial, perikardial, peritoneal, orqa-miya, plevra orqali chiqishi), balg‘amda, safroda, siydikda, terapevtik kontsentratsiyalarni hosil qiladi, yo‘ldosh orqali va ko‘krak sutiga kiradi. Plazmadan yarim chiqarilish davri yuborish yo‘lidan qat’iy nazar taxminan 1 soat. Yuborilgan dozasining taxminan – 60% infuziya boshlanganidan keyin 6 soat davomida – buyrak orqali chiqariladi. Tsefotaksimning taxminan 20-36% o‘zgarmagan holda chiqib ketadi, 15-25% antibakterial faollikka ega dezatsetiltsefotaksim shaklida (asosiy metabolit), 20-25% – boshqa ikki nofaol metabolitlar – M2 va M3 ko‘rinishida chiqariladi. 1 g dozada takroran har 6 soatda v/i 14 sutka davomida yuborilganida kumulyatsiya kuzatilmaydi. Bir marta 50 mg/kg dozada 10-15 minut davomidagi infuziyada yangi tug‘ilgan chaqaloqlarda (n=29) T1/2 3,4 soatni tashkil qilgan, tug‘ilganida tana vazni ³1500 g va ko‘proq bo‘lgan bolalarda davomiyroq – 4,6 soat, – tana vazni <1500 g da ham, yoshidan qat’iy nazar; 80 yoshdan oshgan patsiyentlarda T1/2 — 2,5 soat; buyrak yetishmovchiligida T1/2 2,5 soatdan oshmaydi.

Sezgir mikroorganizmlar tomonidan chaqirilgan og‘ir bakterial infektsiyalar: nafas yo‘llari va LOR-a’zolarining (enterokokkli infektsiyalardan tashqari), teri va yumshoq to‘qimalarining (shu jumladan infektsiyalangan jarohatlar va kuyishlar), suyaklar va bo‘g‘imlarning, siydik-chiqarish yo‘llarining, kichik chanoq a’zolarning, akusher-ginekologik infektsiyalar (shu jumladan, xlamidioz, gonoreya, shu jumladan penitsillinazani ishlab chiqaruvchi mikroorganizmlar tomonidan chaqirilgan infektsiyalar) bakteriyemiya, septitsemiya, peritonit, intraabdominal infektsiyalar, bakterial meningit (listeriozli infektsiyadan tashqari), endokardit, Laym kasalligi, tif isitmasi, immuntanqislik fonidagi infektsiyalar; jarrohlik operatsiyalardan keyingi, shu jumladan me’da-ichak yo‘llaridagi infektsiyalarni oldini olishda qo‘llanadi.

Parenteral v/i (oqim bilan yoki tomchilab) va m/i. Dozalash tartibi va davolash kursining davomiyligi infektsiyaning og‘irligi va ko‘rsatmalarga qarab shaxsiy ravishda belgilanadi. Kattalarga odatda 1-2 grammdan har 8-12 soatda, maksimal sutkalik doza – 12 g ( 3-4 yuborishda); bolalarga – yoshi va tana  vazniga qarab. Buyrak yetishmovchilikda dozani to‘g‘rilash kerak.

Nerv tizimi va sezgi a’zolari tomonidan: bosh og‘rig‘i, bosh aylanishi. Yurak qon-tomir tizimi va qon (qon yaratilishi, gemostaz) tomonidan: yurak aritmiyalari (oqim bilan tez yuborilganda), neytropeniya, tranzitor leykopeniya, granulotsitopeniya, eozinofiliya, trombotsitopeniya, agranulotsitoz, gipoprotrombinemiya, autoimmun gemolitik anemiya. Me’da-ichak yo‘llari tomonidan: ko‘ngil aynishi, qusish, qorin og‘rig‘i, diareya/qabziyat, meteorizm, disbakterioz, qon plazmasida LDG, IF, jigar transaminazalari faolligi va bilirubinni tranzitor oshishi; kam hollarda – soxtamembranoz kolit, stomatit, glossit. Siydik-jinsiy tizimi tomonidan: qon plazmasida mochevina azoti va kreatinin miqdorini oshishi interstitsial nefrit, buyrak faoliyatining buzilishi, oliguriya. Allergik reaktsiyalar: toshma, giperemiya, eshakemi, eozinofiliya, ko‘p shaklli ekssudativ eritema, Stivens-Djonson sindromi, toksik epidermal nekroliz, angionevrotik shish, anafilaktik shok. Boshqalar: superinfektsiya, vaginal va oral kandidoz, yuborilgan joydagi reaktsiyalar: m/i yuborilganida – og‘riq, inyektsiya joyida yumshoq to‘qimalarni yallig‘lanishi va zichlashishi v/i yuborilganida – flebit.

O‘ta yuqori sezuvchanlik (shu jumladan penitsillinlarga, boshqa tsefalosporinlarga, karbapenemlarga), homiladorlik (adekvat va qat’iy nazoratli tekshirishlar o‘tkazilmagan), emiziklik davri (ko‘krak sutiga o‘tadi), 2,5 gacha bo‘lgan bolalarda (v/i yuborish uchun) qo‘llash mumkin emas.

Aminoglikozidlar, polimiksin V va halqali diuretiklar bilan bir vaqtda qabul qilinganida nefrotoksikligi kuchayadi. Antiagregantlar bilan (shu jumladan NYAQV bilan) birga qo‘shilganida qon ketishining havfini oshiradi. Probenetsid chiqarilishini sekinlashtirib, preparatning plazmadagi kontsentratsiyasini va T1/2 oshiradi (nojo‘ya ta’sirlarining ehtimoli oshadi). Farmatsevtik bir shpritsda yoki bir infuzion eritmada boshqa antibiotiklar bilan to‘g‘ri kelmaydi.

Preparat bolalar olaolmaydigan joyda saqlansin va yaroqlilik muddati o‘tgach qo‘llanilmasin.

Quruq va yorug‘likdan himoyalangan joyda, 25ºS dan yuqori bo‘lmagan haroratda saqlansin.

Simptomlari: nerv-mushak qo‘zg‘aluvchanligini oshishi, tirishishlar, tremor, entsefalopatiya (ayniqsa buyrak yetishmovchiligi bo‘lgan patsiyentlarda). Davolash: simptomatik, hayotiy muhim faoliyatini tutib turish. Mahsus antidoti yo‘q.

Retsept bo‘yicha Ulashish: 19 145 Views

Inyektsion eritma tayerlash uchun kukun 1,0 dan, flakonlarda.

2 yil.