tiniq, rangsiz eritma.

nootrop preparatlar

N06BX06

Tsitikol psixostimulyator / nootrop preparat hisoblanadi. Bu fosfolipazaning ta’sirini ingibitsiya qilishi orqali hujayralarning shikastlangan membranalarini tiklaniishiga yordam beradi. Tsitikol apoptoz mexanizmlariga ta’sir qilib, erkin radikallarni hosil bo‘lishini va hujayralarni nobud bo‘lishiga to‘sqinlik qiladi. Tsitikol xolinning manbai hisoblanadi va atsetilxolinni sintezini oshishiga yordam beradi, neyronning membranasida struktur fosfolipidlarni biosintezini rag‘batlantiradi. Preparat xolinergik neyronlarda nerv impulslarini o‘tishini yaxshilaydi; neyronlarning membranalarini plastikligiga va retseptorning faoliyatiga ijobiy ta’sir ko‘rsatadi. U bosh miyada qon aylanishini yaxshilaydi, bosh miyada almashinuv jarayonlarini oshiradi va bosh miyadagi retikulyar formatsiyaning strukturasini faollashtiradi. Insultning o‘tkir fazasida shikastlangan to‘qimaning hajmini kamaytiradi, xolinergik o‘tkazuvchanlikni yaxshilaydi.

Tsitikolin peroral qabul qilinganida, mushak ichiga va vena ichiga yuborilganida yaxshi so‘riladi. Preparat yuborilganidan so‘ng qon plazmasida xolinning darajasini ahamiyatli darajada oshishi kuzatiladi. Peroral qabul qilinganida preparat deyarli to‘liq so‘riladi. Preparat ichakda va jigarda metabolizmga uchrab, xolin va tsitidinni hosil qiladi. Tsitikolin yuborilganidan so‘ng bosh miyaning tuzilmalariga keng taqsimlanib, xolin fraktsiyalari struktur fosfolipidlarga va tsitidin fraktsiyalari tsitidin nukleotidlari va nuklein kislotalarga tez kirishadi. Bosh miyada tsitikolin hujayra, tsitoplazmatik va mitoxondrial membranalarga sarflanib, fosfolipidlarning fraktsiyasini qurilishida ishtirok etadi. Dozaning faqat ahamiyatsiz miqdori siydikda va ahlatda (3% dan kam) aniqlanadi. Dozaning taxminan 12% nafas bilan chiqariladigan SO2 orqali chiqariladi. Preparatni siydik bilan chiqarilishi ikkita bosqichda kuzatiladi: birinchi bosqich – 36 soat davom etadi, bu bosqichda chiqarilish tezligi tez pasayadi va ikkinchi bosqichi – bunda chiqarilish tezligi juda sekin pasayadi. Shunday bosqichma-bosqich chiqarilishi nafas yo‘llari orqali chiqarilganda ham kuzatiladi. SO2 bilan chiqarilish tezligi tez, taxminan 15 soat davomida kamayadi, so‘ngra yanada sekinroq kamayadi.

Altsgeymer kasalligi va dementsiyaning boshqa turlari, bosh miya jarohatlari, bosh miyadagi qon tomirlarni insult kabi kasalliklari, xotirani yoshga qarab yo‘qolishi, Parkinson kasalligi, diqqatni tanqisligi sindromi va giperfaollik (DTSG), glaukoma va ambliopiyada qo‘llanadi.

Vena ichiga va mushak ichiga yuborish uchun mo‘ljallangan. Preparatning dozasi va davolash davomiyligi simptomlarning og‘irligi va patsiyentning holatiga bog‘liq. Fikrlash qobiliyati yoshga qarab pasayganida: sutkada 1000-2000 mg buyuriladi. Bosh miyadagi qon-tomirlarni surunkali kasalliklarida: sutkada 500 mg buyuriladi. Ishemik insultda: sutkada 500-2000 mg buyuriladi, davolash hurujdan so‘ng 24 soat davomida boshlanadi

Tsitikolning nojo‘ya samaralari yengildir. Preparat uyqusizlik, bosh og‘rig‘i, diareya, gipotoniya, gipertoniya, ko‘ngil aynishi, ko‘rishni xiralashishiga olib kelishi mumkin. Agar simptomlar saqlanib tursa, shifokor bilan maslahatlashing.

Tsitikolin va preparatning har qanday komponentlariga o‘ta yuqori sezuvchanlikda qo‘llash mumkin emas. Parasimpatik nerv tizimining tonusi yuqori bo‘lgan bemorlarga qo‘llash mumkin emas.

Tsitikol L-digidroksifenilalanina va levodopaning ta’sirini kuchaytiradi. Preparatni tarkibida meklofenoksat saqlaydigan preparatlar bilan bir vaqtda qo‘llash mumkin emas.

Anamnezida ruhiy kasalliklari bo‘lgan patsiyentlarga ehtiyotkorlik bilan qo‘llash kerak. Tsitikol bilan davolanish vaqtida alkogol iste’mol qilish mumkin emas.

Homilador va emizikli ayollar preparatni qo‘llashdan oldin shifokor bilan maslahatlashishlari kerak.

Og‘ir texnikalar va avtomobillarni boshqarish mumkin emas. Preparat bolalar ololmaydigan joyda saqlansin va yaroqlilik muddati tugaganidan so‘ng ishlatilmasin.

Quruq, yorug‘likdan himoyalangan joyda, 25oS dan yuqori bo‘lmagan haroratda saqlansin

Dozasi oshirib yuborilganida davolash simptomatik va samarasini tutib turuvchi bo‘lishi kerak.

Retsept bo‘yicha.

10 ampula 2 ml dan yoki 5 ampula 4 ml dan lotokda. Bir lotokdan o‘ram qo‘llash bo‘yicha yo‘riqnomasi bilan birga karton qutida.

2 yil.