tiniq, rangsiz eritma.

m-Xolinoblokatorlar. Oftalmologiyada mahalliy qo‘llanadigan midriatiklar va tsikloplegik vositalar.

S01FA04

Tsirelaks tarkibida faol modda sifatida ta’siri bo‘yicha atropin bilan o‘xshash bo‘lgan uchlamchi sintetik amin hisoblangan tsiklopentolat gidroxloridini saqlaydi. M-xolinoretseptorlarni bloklaydi, xolinergik sinapslarning mediatorini ta’siriga to‘sqinlik qiladi. Qorachiq sfinkterida va tsiliar mushakda joylashgan m-xolinoretseptorlarni bloklanishi natijasida qorachiqni toraytiruvchi mushakni bo‘shashishi va qorachiqni kengaytiruvchi mushakning tonusini ustun kelishi hisobiga qorachiqni kengayishi kuzatiladi. Bir vaqtning o‘zida tsiliar mushakni bo‘shashishi hisobiga akkomodatsiya falaji (tsikloplegiya) rivojlanadi. Qorachiqni kengayishi (midriaz) preparat bir marta tomizilgandan so‘ng 25-75 minut davomida kuzatiladi. Midriaz 6-12 soat davomida saqlanadi, juda sezuvchan patsiyentlarda yengil midriaz yanada uzoqroq saqlanib turishi mumkin. Tsitoplegiyaning qoldiq ko‘rinishlari 12-24 soat davomida saqlanadi. Tsirelaks kuchsiz spazmolitik ta’sirga ega, so‘lak, me’da, bronxial, ter bezlari va me’da osti bezining sekretsiyasini kamaytiradi; ko‘z ichki bosimini oshiradi; adashgan nervning tonusini kamaytiradi, bu arterial qon bosimi biroz ko‘tarilganida ham yurak qisqarishlari sonini oshishiga olib keladi. Gematoentsefalik to‘siq orqali o‘tadi; o‘rtacha terapevtik dozalarda markaziy nerv tizimiga o‘rtacha rag‘batlantiruvchi ta’sir ko‘rsatadi, nafas faoliyatini qo‘zg‘atadi.

Kon’yunktiva orqali yaxshi so‘riladi. Kontsentratsiyasi 0,5-1 soatdan keyin markaziy nerv tizimi (MNT) da aniqlanadi. Plazma oqsillari bilan bog‘lanishi o‘rtacha darajada. Yarim chiqarilish davri (T1/2) 2 soatni tashkil etadi.

oftalmoskopiyada, refraktsiyani aniqlashda diagnostika maqsadida; katarakta ekstraktsiyasida qorachiqni kengaytirish uchun operatsiyadan oldingi tayyorgarlik uchun; ko‘zning old qismini yallig‘lanish kasalliklarida (episkleritlar, skleritlar, keratitlar, iridotsiklitlar, uveitlar) majmuaviy davolash tarkibida qo‘llanadi.

Faqat mahalliy qo‘llash uchun mo‘ljallangan. Kattalar va bolalarga: diagnostika maqsadida: preparat 1-2 tomchidan har bir kon’yunktivaga tomiziladi, zarurat bo‘lganida dozasi 5-10 minutdan keyin takrorlanadi. refraktsiyani tekshirishda tsikloplegiyaga erishish uchun: 1-2 tomchidan kuniga 2-3 marta 15-20 minutlik oraliq bilan tomiziladi; yallig‘lanish kasalliklarida: 1 tomchidan kuniga 3 marta 5-10 kun davomida, og‘ir holatlarda 1 tomchidan har 3-4 soatda qo‘llash mumkin. Flakonning ichidagi eritmani mikroblar bilan ifloslanishdan saqlanish uchun, tomchilagichning uchini biron-bir yuzaga tegib ketishida saqlanish kerak.

Mahalliy reaktsiyalar: achishish, giperemiya, kon’yunktivani va ko‘z olmasini shishi, fotofobiya, ko‘z ichki bosimini oshishi, ko‘rish o‘tkirligini pasayishi, blefarokon’yunktivit, nuqtali keratit. Kam hollarda: tizimli ta’siri namoyon bo‘lishi mumkin (ko‘proq bolalarda): holsizlik, ko‘ngil aynishi, og‘izni qurishi, bosh aylanishi, bosh og‘rig‘i, uyquchanlik, taxikardiya, ichak atoniyasi, qovuq atoniyasi, o‘tkir siydik tutilishi bo‘lishi mumkin.

preparatning komponentlariga yuqori sezuvchanlik; yopiq burchakli glaukoma; glaukomani borligiga taxmin qilish; qorachiq sfinkterini jarohatdan keyingi falajida qo‘llash mumkin emas. Ehtiyotkorlik bilan: 3 yoshgacha bo‘lgan bolalar, keksalik yoshi, ichak tutilishi, prostata bezi giperplaziyasida ehtiyotkorlik bilan qo‘llanadi.

M-xolinomimetiklar va xolinesteraza ingibitorlarining ta’sirini susaytiradi. Adrenomimetiklar tsiklopentolatning samarasini kuchaytiradilar.

Tsirelaks preparati qo‘llanganida ko‘z ichki bosimini nazorat qilish kerak. Tizimli nojo‘ya samaralarni rivojlanish havfini kamaytirish uchun preparat instillyatsiya qilinganidan so‘ng 1-2 minut davomida ko‘zning ichki burchagidagi ko‘z yoshi qopchasi sohasini barmoq bilan biroz bosish tavsiya etiladi. Rangdor pardaning pigmentlari to‘q bo‘lgan shaxslarda Tsirelaksning samarasi kamroq. Preparat bu shaxslarga qo‘llanganida qoldiq akkomodatsiya 2-4 dioptriyga yetishi mumkin. Bolalarda akkomodatsiya spazmi o‘rtacha turg‘unlikda yoki turg‘un bo‘lganida tsikloplegiya uchun atropin sulfatni instillyatsiya qilish avzaldir. Tsirelaks ko‘z tomchilari tarkibida linzalarda to‘planish hususiyatiga ega bo‘lgan va ko‘zga salbiy ta’sir ko‘rsatadigan benzalkoniy xloridi konservantini saqlaydi. Preparatni qo‘llashdan oldin linzalarni ko‘zdan olish va instillyatsiyadan so‘ng kamida 15 minutdan keyin ko‘zga qayta o‘rnatish kerak.

Homilador ayollar va emizikli onalarga Tsirelaks preparatining ta’siri yetarli darajada o‘rganilmagan bo‘lsa-da, ushbu patsiyentlar toifasiga preparatni qo‘llashdan kutiladigan samara homila yoki bolada kuzatilishi mumkin bo‘lgan nojo‘ya samaralarni rivojlanish havfidan ustun bo‘lgan holatdagina qo‘llash mumkin. Pediatriyada qo‘llanishi Preparat 3 yoshgacha bo‘lgan bolalarga ehtiyotkorlik bilan qo‘llanadi. Spastik falaj bilan xastalangan yoki bosh miyani shikastlanishlari bo‘lgan bolalar uchun tsiklopentolatga yuqori sezuvchanlik xos. Shuning uchun tsiklopentolatni bunday patsiyentlarni davolash uchun juda ehtiyotkorlik bilan qo‘llash kerak. Avtotransportni haydash va mexanizmlarni boshqarish qobiliyatiga ta’siri Tsirelaks preparati bilan davolanish vaqtida transport vositalarini boshqarish va psixomotor reaktsiyalar tezligini talab etuvchi potentsial havfli faoliyat turlarini bajarish tavsiya etilmaydi. Preparat bolalar ololmaydigan joyda saqlansin va yaroqlilik muddati tugaganidan so‘ng ishlatilmasin.

Yorug‘likdan himoyalangan joyda, 2°C-8°C haroratda saqlansin. Flakon ochilganidan so‘ng preparat 25°C dan yuqori bo‘lmagan haroratda saqlansin va 28 kun davomida ishlatilsin.

Simptomlari: ruhiy reaktsiyalarni izdan chiqishi va hulq-atvor buzilishlari (ma’nosiz so‘zlash, gallyutsinatsiyalar, hurujlar, vaqt va joyni oriyentatsiya qilishni buzilishi, emotsional holatni o‘zgarishi), ataksiya, haddan tashqari toliqish, yaqin masofadan jismlarni aniqlashni buzilishi, koma (hatto o‘limga olib keladigan koma) bo‘lishi mumkin. Davolash: spetsifik antidot – fizostigminni vena ichiga yuborish, bolalarga 0,5 mg dozada, yuboriladi, zarurat bo‘lganida (5 minutdan keyin samarasi kuzatilmasa) dozasi takroran yuboriladi (maksimal dozasi 2 mg dan oshmasligi kerak); kattalarga antidot 2 mg dozada yuboriladi, 20 minutdan keyin samarasi kuzatilmasa, 1-2 mg dozada takroran yuboriladi.

Retsept bo‘yicha beriladi

Ko‘z tomchilari 5 ml dan oq rangli polietilen flakon-tomchilagichda, himoya halqasi bilan himoyalangan, oq rangli buraladigan himoya qopqoqchasi yopilgan. Flakon qo‘llash bo‘yicha yo‘riqnomasi bilan birga karton qutiga joylangan.

3 yil.