oq rangli, dumaloq, yassi, qobiq bilan qoplanmagan, bir tomoni riskali tabletkalar.

analgetik-antipiretik.

M01AB55

Paratsetamol ichga qabul qilinganida yaxshi va tez so‘riladi. Plazmadagi cho‘qqi kontsentratsiyasiga 10-60 minutdan keyin erishiladi. Organizmning deyarli barcha to‘qimalariga kiradi, yo‘ldoshga oson o‘tadi va ko‘krak suti bilan ajralib chiqadi. Jigarda metabolizmga uchraydi, metabolitlari farmakologik jihatdan faol emas, ammo to‘planganida jigar nekroziga olib kelishi mumkin. Buyraklar orqali asosan metabolitlar holida chiqariladi. Yarim chiqarilish davri 1-4 soat oralig‘ida o‘zgaradi. Jigar faoliyati buzilganida preparatni organizmdan chiqarilishi sekinlashadi, bu organizmda metabolitlarni to‘planishiga olib keladi. Diklofenak natriy – ichga bir marta qabul qilinganidan so‘ng, ichakdan tez va to‘liq so‘riladi, faol moddaning taxminan 50% jigardan birinchi o‘tishda metabolizmga uchraydi. 50 mg dozada preparatning qon plazmasidagi maksimal kontsentratsiyasi 1-2 soatdan so‘ng kuzatiladi va 1,5 mkg/ml (5 mkmol/l) ni tashkil etadi. Ovqatlanish preparatning so‘rilish tezligini sekinlashtiradi, ammo so‘rilayotgan faol moddaning miqdori o‘zgarmaydi. Plazma oqsillari bilan bog‘lanishi 99,7% ni tashkil etadi; bunda preparatning ko‘p qismi (99,4%) albuminlar bilan bog‘lanadi. Sinovial suyuqligiga bo‘g‘im bo‘shlig‘iga yaxshi kiradi, u yerda faol moddaning maksimal kontsentratsiyasiga plazmadagiga nisbatan 2-4 soat kechroq erishiladi. Sinovial suyuqlikdan yarim chiqarilish davri 3-6 soatni tashkil etadi. Plazmada cho‘qqi qiymatiga erishilganidan so‘ng ikki soatdan keyin sinovial suyuqlikda faol moddaning kontsentratsiyasi plazmadagiga nisbatan hali ham yuqori bo‘ladi va 12 soatgacha yuqori qiymatda qoladi. Plazmadan yarim chiqarilish davri 1-2 soatni tashkil etadi. Preparatning 60% metabolitlari holida buyraklar orqali, qolgan qismi safro orqali chiqariladi. Buyraklar faoliyatini yaqqol buzilishi bo‘lgan (kreatinin klirensi minutiga 10 ml dan kam) bemorlarda, safro bilan chiqariladigan metabolitlarining solishtirma og‘irligi oshadi, shuning uchun ularning qondagi kontsentratsiyasini oshishi kuzatilmaydi.

Tabletkalar ichga butun holda, chaynamasdan, yetarli miqdordagi suyuqlik bilan qabul qilinadi. Preparatni ovqatdan so‘ng qabul qilish kerak. Kattalar va 12 yoshdan oshgan bolalarga 1 tabletkadan sutkada 2-3 marta buyuriladi. Kasallikning simptomlari o‘rtacha darajada bo‘lganida, shuningdek uzoq muddat davolanganda, odatda sutkada 2 tabletka – bir tabletkadan ertalab va kechqurun qabul qilish yetarlidir. Bunday sharoitlarda Tsinepar® tabletkalarining maksimal sutkalik dozasi 3 tabletkadan oshmasligi kerak. Birlamchi algodismenoreyada preparatning boshlang‘ich dozasi – 1 tadan 3 tabletkagacha bo‘ladi, ammo zarurat bo‘lganida bir sutka davomida sutkalik dozani 4 tabletkagacha oshirish mumkin. Preparatni qo‘llash muddati 5-7 kunni tashkil etadi va kasallik simptomlarini dinamikasiga bog‘liq. 12 yoshgacha bo‘lgan bolalarga faqatgina shifokorning ko‘rsatmasi bo‘yicha va shifokorning nazoratida buyuriladi. Preparat 6-12 yoshdagi bolalarga buyurilganida diklofenakning sutkalik dozasi tana vazniga 0,5-2 mg/kg dan oshmasligi kerakligini hisobga olish kerak, bu bolalar uchun maksimal doza hisoblanadi. 6 yoshdan oshgan bolalarni davolashda paratsetamolning sutkalik dozasi 2 g dan oshmasligi kerak.

Me’da-ichak yo‘llari tomonidan: ko‘ngil aynishi, qusish, anoreksiya, diskomfort hissi (epigastral sohada og‘riqlar va spazmlar), meteroizm, ishtahani pasayishi. Kam hollarda – me’da-ichak yo‘llarini, qon ketishi, perforatsiya bilan asoratlangan, eroziv-yarali shikastlanishlari, aftozli stomatit, ezofagit. Ayrim hollarda – nospetsifik yarali kolit, Kron kasalligi; Markaziy nerv tizimi tomonidan: bosh aylanishi, toliqish. Kam hollarda – his qilish yoki ko‘rishni buzilishi (jismlarni noaniq ko‘rish, diplopiya), quloqlarni shang‘illashi, ta’sirchanlik, tirishishlar, uyquni buzilishi, depressiya, xavotirlik hissi; Dermatologik reaktsiyalar: teri toshmasi, eshakemi. Kam hollarda: bullez toshmalar, ekzema, eritrodermiya, sochlarni to‘kilishi, fotosensibilizatsiya; Jigar faoliyati tomonidan: gepatit, sariqlik, jigar faoliyatini buzilishi; Qon yaratish tizimi tomonidan: ayrim hollarda – trombotsitopeniya, leykopeniya, agranulotsitoz, gemolitik anemiya, aplastik anemiya; Yurak qon-tomir tizimi tomonidan: kam hollarda – taxikardiya, ko‘krak qafasi sohasida og‘riqlar, yurak yetishmovchiligi, infarkt miokardi; Nafas tizimi tomonidan: astma (shu jumladan, hansirash), eozonofil pnevmoniya; Siydik chiqarish tizimi tomonidan: buyrak yetishmovchiligi, o‘tkir tubulyar nekroz, interstitsial nefrit; Allergik va immunopatologik reaktsiyalar: kam hollarda – anafilaktik va anafilaktoid reaktsiyalar.

preparatning komponentlariga yuqori sezuvchanlik;ibuprofen, atsetilsalitsil kislotasi yoki boshqa nosteroid yallig‘lanishga qarshi preparatlar tomonidan chaqirilgan astma, Kvinke shishi, eshakemi yoki o‘tkir rinit;me’da-ichak yo‘llarini, zo‘rayish bosqichidagi, eroziv-yarali shikastlanishlari (shu jumladan peptik yara, Kron kasalligi, nospetsifik yarali kolit);homiladorlikning III uch oyligi, laktatsiya;6 yoshgacha bo‘lgan bolalar;og‘ir darajadagi jigar, buyrak yoki yurak yetishmovchiligida qo‘llash mumkin emas.

Kaliyni tejovchi diuretiklar bilan bir vaqtda qo‘llanganida, qonda kaliyning miqdori oshishi mumkin. Bilvosita antikoagulyantlar bilan bir vaqtda buyurilganida qon ketishi rivojlanishi mumkin. Preparat qonda litiy, digoksin va tsiklosporinning kontsentratsiyasini oshirishi mumkin, shuning uchun ular bilan birga qo‘llanganida, litiy, digoksin va tsiklosporinning dozalariga tuzatish kiritish kerak. Metotreksat bilan davolashni boshlashdan 24 soat oldin yoki keyin preparat buyurilganida ehtiyotkorlikka rioya qilish kerak, chunki bunda uning zaharli ta’sirini rivojlanish xavfi oshadi. Fenitoin diklofenak bilan bir vaqtda ishlatilganida fenitoinning ta’siri kuchayishi mumkinligi tufayli, plazmada fenitoinning kontsentratsiyasini monitoring qilish kerak. Preparat qonda qandning miqdorini pasaytiruvchi preparatlar va diuretiklarning toksikligini kuchaytiradi. Boshqa nosteroid yallig‘lanishga qarshi preparatlar va kortikosteroidlar bilan birga qo‘llanganida me’da-ichakdan qon ketishlar havfi yoki yaralarni paydo bo‘lish havfi oshishi mumkin.

Anamnezida me’da-ichak yo‘llarini eroziv-yarali shikastlanishlari bo‘lgan bemorlarga, shuningdek jigar, buyrak, qon yaratish a’zolari faoliyatini yaqqol buzilishlari bo‘lgan patsiyentlarga buyurilganida ehtiyotkorlikka rioya qilish lozim. Yuqori dozalarda preparat trombotsitlar agregatsiyasini susaytirishi mumkin, shuning uchun gemostazni buzilishi bo‘lgan patsiyentlarni sinchiklab kuzatish kerak. Preparatni keksalarda, surunkali yurak yetishmovchiligi, arterial gipertoniyasi, porfiriyasi bo‘lgan bemorlarda, shuningdek bevosita jiddiy jarrohlik aralashuvlaridan keyin ehtiyotkorlik bilan qo‘llash kerak. Preparat bilan davolash vaqtida jigar, buyraklar faoliyatini va periferik qon manzarasini nazorat qilish kerak. Preparatni qo‘llash vaqtida preparat gepatotoksik ta’siri kuchayishi mumkinligi tufayli, alkogol iste’mol qilish mumkin emas. Preparat bolalar ololmaydigan joyda saqlansin va yaroqlilik muddati tugaganidan so‘ng ishlatilmasin.

Homilador va emizikli ayollar ushbu preparatni qabul qilishdan oldin shifokor bilan maslahatlashishlari kerak.

Qorong‘i va quruq joyda, 25oS dan yuqori bo‘lmagan haroratda saqlansin.

Simptomlari: allergik reaktsiyalar, bezovtalanish, bosh aylanishi. Ba’zida jigarni jiddiy shikastlanishi, va buyraklarni o‘tkir tubulyar nekroziga olib keladi. Davolash: me’dani yuvish, simptomatik davolash o‘tkaziladi.

Retsept bo‘yicha

Birlamchi o‘ram: 10 tabletkadan alyumin folga va PVX plyonka blisterda. Ikkilamchi o‘ram: 10 tabletkadan iborat bo‘lgan 10 blister qo‘llash bo‘yicha yo‘riqnomasi bilan birga karton qutida. 10 tabletkadan iborat 100 blister qo‘llash bo‘yicha yo‘riqnomasi bilan birga plastik konteynerda.

4 yil.