ko‘rinarli zarrachalardan holi, rangsiz, tiniq suyuqlik.

antiallergik vosita.

R06AE07.

Tsetirizinning farmakokinetik ko‘rsatkichlari proportsional o‘zgaradi. So‘rilishi Preparat ichga qabul qilingandan keyin me’da-ichak yo‘llaridan tez va to‘liq so‘riladi. Ovqat qabul qilish so‘rilish to‘liqligiga ta’sir ko‘rsatmaydi, lekin so‘rilish tezligi pasayadi. Kattalarda preparat terapevtik dozada bir marta qabul qilingandan keyin qon plazmasidagi maksimal kontsentratsiyasiga (Smax) 1±0,5 soatdan keyin erishiladi va 300 ng/ml ni tashkil qiladi. Taqsimlanishi Tsetirizin qon plazmasi oqsillari bilan 93,0±0,3% bog‘lanadi. Taqsimlanish xajmi (Vd) 0,5 l/kg ni tashkil qiladi. Preparat 10 mg dozada 10 kun davomida qabul qilinganda tsetirizinni to‘planishi kuzatilmaydi. Metabolizmi Organizmda kam miqdori farmakologik faol bo‘lmagan metabolitini hosil qilib, O-dealkilizatsiya yo‘li bilan (jigarda tsitoxrom tizimining izofermentlari yordamida metabolizmga uchraydigan N1-gistamin retseptorlarining boshqa antagonistlaridan farqli ravishda) metabolizmga uchraydi. Chiqarilishi Yarim chiqarilish davri (T1/2) kattalarda taxminan 10 soatni, 6 yoshdan 12 yoshgacha bo‘lgan bolalarda – 6 soatni, 2 yoshdan 6 yoshgacha bo‘lgan bolalarda – 5 soatni, 6 oylikdan 2 yoshgacha bo‘lgan bolalarda – 3,1 soatni tashkil qiladi. Preparatning qabul qilingan dozasining taxminan 2/3 qismi o‘zgarmagan ko‘rinishda buyraklar orqali chiqariladi. Keksa patsiyentlarda va jigarning surunkali kasalliklari bo‘lgan patsiyentlarda preparat 10 mg dozada bir marta qabul qilinganda T1/2 taxminan 50% ga oshadi, tizimli klirensi esa 40% ga pasayadi. Yengil og‘irlik darajasidagi buyrak yetishmovchiligi (kreatinin klirensi (KK) >40 ml/min) bo‘lgan patsiyentlarda farmakologik ko‘rsatkichlar buyrak funktsiyasi normal bo‘lgan patsiyentlarnikiga o‘xshash. O‘rtacha og‘irlik darajasidagi buyrak yetishmovchiligi bo‘lgan patsiyentlarda va gemodializda (KK <7 ml/min) bo‘lgan patsiyentlarda preparatni 10 mg dozada ichga qabul qilinganda T1/2 buyrak funktsiyasi normal bo‘lgan patsiyentlarga nisbatan 3 marta oshadi, umumiy klirens esa 70% ga pasayadi, bu dozalash tartibini tegishli o‘zgartirishni talab etadi. Tsetirizin gemodializda organizmdan deyarli chiqarilmaydi.

Yil bo‘yi davom etuvchi (doimiy davom etuvchi) va mavsumiy (vaqti-vaqti bilan zo‘rayuvchi) allergik rinit va allergik kon’yunktivit simptomlarini: qichishish, aksirish, burunni bitishi, rinoreya, ko‘z yoshi oqishi, kon’yunktiva giperemiyasini davolash; pollinoz (pichan isitmasi); eshakemi; boshqa allergik dermatozlar, shu jumladan qichishish va toshmalar bilan kechuvchi atopik dermatitda qo‘llanadi.

Ichga buyuriladi. 6 oylikdan 12 oylikkacha bo‘lgan bolalar: 2,5 mg (5 tomchi) sutkada 1 marta. 1 yoshdan 2 yoshgacha bo‘lgan bolalar: 2,5 mg (5 tomchi) sutkada 2 martagacha. 2 yoshdan 6 yoshgacha bo‘lgan bolalar: 2,5 mg (5 tomchi) sutkada 2 marta yoki 5 mg (10 tomchi) sutkada 1 marta. 6 yoshdan oshgan bolalar va kattalar: boshlang‘ich doza 5 mg sutkada 1 marta (10 tomchi), zarurati bo‘lganida 10 mg (20 tomchi) sutkada 1 martagacha oshirish mumkin. Ayrim hollarda 5 mg (10 tomchi) boshlang‘ich doza terapevtik samaraga erishish uchun yetarli bo‘lishi mumkin. Tsetirizinning sutkalik dozasi – 10 mg (20 tomchi yoki 1 ml). Patsiyentlarning alohida guruhlari Tsetirizin asosan buyraklar orqali chiqarilganligi tufayli, preparatni buyrak yetishmovchiligi bo‘lgan patsiyentlarga va keksa yoshdagi patsiyentlarga buyurganda, kreatinin klirensi (KK) ko‘rsatkichiga qarab dozaga tuzatish kiritish kerak. KK ≥ 80 ml/min (norma) yoki minutiga 50-79 ml (buyrak yetishmovchiligining yengil darajasi) – odatdagi dozalash tartibi – sutkada 10 mg (20 tomchi) preparat ichga buyuriladi. KK minutiga 30 ml dan 49 ml gacha (buyrak yetishmovchiligining o‘rtacha darajasi) – preparatning dozalash tartibi – sutkada 5 mg (10 tomchi) preparat buyuriladi. KK minutiga 10 ml dan 29 ml gacha (buyrak yetishmovchiligining og‘ir darajasi) – 5 mg (10 tomchi) kunora buyuriladi. KK minutiga 10 ml dan kam (buyrak yetishmovchiligining terminal bosqichi) – preparatni qabul qilish mumkin emas. Erkaklar uchun kreatinin klirensini quyidagi formula bo‘yicha zardobdagi kreatinin klirensiga qarab hisoblash mumkin: Ayollar uchun KK ni hosil bo‘lgan ko‘rsatkichni 0,85 koeffitsentiga ko‘paytirib, hisoblash mumkin. Buyrak va jigar yetishmovchiligi birga kuzatilganda ham preparat ko‘rsatilgan tartibda buyuriladi. Faqat jigar funktsiyasini buzilishlari bo‘lgan patsiyentlarda dozalash tartibiga tuzatish kiritish talab etilmaydi. Buyrak funktsiyasi normal bo‘lgan keksa yoshdagi patsiyentlarda dozaga tuzatish kiritish talab etilmaydi.

Kuzatilishi mumkin bo‘lgan nojo‘ya samaralar quyida organizm tizimlari va yuzaga kelishi tez-tezligi bo‘yicha keltirilgan: juda tez-tez (> 1/10); tez-tez (1/10 – 1/100); tez-tez emas (1/100 – 1/1000); kam hollarda (1/1000 – 1/10000); juda kam hollarda (<1/10 000), noma’lum (mavjud ma’lumotlar asosida baholab bo‘lmaydi).

tsetirizin, gidroksizin yoki piperazin hosilalariga, shuningdek preparatning boshqa komponentlariga yuqori sezuvchanlik;buyrak yetishmovchiligining terminal bosqichi (kreatinin klirensi minutiga 10 ml dan kam);6 oylikkacha bo‘lgan bolalar (dori vositasining samaradorligi va xavfsizligi haqidagi ma’lumotlar cheklanganligi tufayli);homiladorlik, laktatsiya davrida qo‘llash mumkin emas.

Tsetirizinni soxtaefedrin, tsimetidin, ketokonazol, eritromitsin, azitromitsin, glipizid, diazepam va antipirin bilan o‘zaro ta’siri o‘rganilganda klinik ahamiyatga ega dorilarning noxush o‘zaro ta’siri aniqlanmagan. Teofillin (sutkada 400 mg) bilan bir vaqtda buyurilganda tsetirizinning klirensi 16% ga pasayadi (teofillinning kinetikasi o‘zgarmaydi). Ritonavir bilan bir vaqtda qo‘llanilganda tsetirizinning “kontsentratsiyasi-vaqt” egri chizig‘i ostidagi maydon (AUC) 40% ga oshadi, ayni vaqtda ritonavirning xuddi shu ko‘rsatkichi biroz (-11%) o‘zgargan. Makrolidlar (azitromitsin, eritromitsin) va ketokonazol bilan bir vaqtda buyurish patsiyentlarda elektrokardiogrammada o‘zgarishlarga olib kelmaydi. Tsetirizin terapevtik dozalarda alkogol bilan (qonda alkogolning darajasi 0,5 g/l) klinik ahamiyatli o‘zaro ta’sir namoyish qilmagan. Shunga qaramasdan, alkogolni iste’mol qilishdan saqlanish kerak.

Markaziy nerv tizimiga potentsial susaytiruvchi ta’siri tufayli, tsetirizinni tomchi ko‘rinishida to‘satdan bolalar o‘limi sindromi yuzaga kelishining quyidagi xavf omillari bo‘lganida 1 yoshgacha bo‘lgan bolalarga buyurganda ehtiyotkorlikka rioya qilish kerak (lekin bu ro‘yhat bilan chegaralanmaslik kerak): akasi yoki opasida emizikli bolalardagi uyquda apnoe sindromi yoki to‘satdan bolalar o‘limi sindromi;ona tomonidan narkotiklarni suiiste’mol qilish yoki homiladorlik vaqtida chekish;onani yoshligi (19 yosh va undan kichik);bolani parvarish qilayotgan enagani ko‘p chekishi (kuniga bir quti va undan ko‘p sigaret);yuzi bilan pastga qaragan holda muntazam uxlab qoladigan va ularni chalqancha yotqizilmaydigan bolalar;chala tug‘ilgan (37 xaftadan kamroq gestatsiya) yoki tana vaznini yetishmovchiligi bilan tug‘ilgan (gestatsion yoshdan 10 protsentildan past) chaqaloqlar;markaziy nerv tizimiga susaytiruvchi preparatlar bilan birga qabul qilganda. Metilparagidroksibenzoat va propilparagidroksibenzoat allergik reaktsiyalar, shu jumladan sekinlashgan tipdagi reaktsiyalar chaqirishi mumkin. Tomchilar qand saqlamaydi, shirin qiluvchi sifatida qon zardobida glyukozaning darajasiga ta’sir ko‘rsatmaydigan sukraloza ishlatiladi, shuning uchun Tsetrin tomchilari qandli diabeti bo‘lgan patsiyentlarga buyurilishi mumkin. Orqa miyasi shikastlangan, prostata bezi giperplaziyasi, shuningdek siydikni tutilishiga moyil boshqa omillari bo‘lgan patsiyentlarda ehtiyotkorlikka rioya qilish kerak, chunki tsetirizin siydik tutilishi xavfini oshirishi mumkin. Laborator testlarga ta’siri Allergik sinamalarni buyurishdan oldin, N1-gistamin retseptorlari blokatorlari (shu jumladan tsetirizin) teri allergik reaktsiyalari rivojlanishini ingibitsiya qilishi tufayli, uch kunlik “yuvish” davri tavsiya etiladi.

Hayvonlarda o‘tkazilgan eksperimental tadqiqotlarda tsetirizinning rivojlanayotgan homilaga (shu jumladan postnatal davrda), homiladorlikni kechishi va tug‘ruqqa biron-bir bevosita yoki bilvosita noxush samaralari aniqlanmagan. Preparatni homiladorlik vaqtida qo‘llashning xavfsizligi yuzasidan adekvat va qat’iy nazoratlangan klinik tadqiqotlar o‘tkazilmagan, shuning uchun homiladorlik vaqtida tsetirizinni qo‘llash mumkin emas. Tsetirizin ko‘krak suti bilan ajraladi, shuning uchun davolovchi shifokor preparatni qo‘llash davrida emizishni to‘xtatish masalasini hal qilishi kerak.

25°S dan yuqori bo‘lmagan haroratda.

Simptomlari 50 mg tsetirizin bir marta qabul qilinganda quyidagilar kuzatilgan: ongni chalkashishi, diareya, bosh aylanishi, yuqori toliqish, bosh og‘rig‘i, lohaslik, midriaz (qorachiqni kengayishi), qichishish, bezovtalik, holsizlik, sedativ samara, uyquchanlik, stupor, taxikardiya, tremor, siydikni tutilishi. Davolash Preparatni qabul qilgandan keyin darhol – me’dani yuvish yoki qusishni chaqirish. Faollashtirilgan ko‘mir qabul qilish, simptomatik va tutib turuvchi davolash tavsiya etiladi. Spetsifik antidoti yo‘q. Gemodializ samarasiz.

Retseptsiz Ulashish: 3 216 Views

Ichga qabul qilish uchun tomchilar, 10 mg/ml. 10 ml yoki 20 ml dan past zichlikdagi polietilenli tomchilagich-dozator va birinchi ochish nazorat tizimli va bolalar tomonidan ochilishi himoyalangan oq rangli plastik buraladigan qopqoq bilan ta’minlangan bo‘yinchasi vintli to‘q shishali flakonda. Har bir flakon qo‘llash bo‘yicha yo‘riqnomasi bilan karton qutiga joylangan.

3 yil.