oqdan sarg‘ish-oq rangligacha bo‘lgan surtma

mahalliy qo‘llash uchun glyukokortikosteroid.

D07AB09.

Ftorlangan glyukokortikosteroid preparati, yaqqol yallig‘lanishga qarshi, allergiyaga qarshi va antiekssudativ ta’sirga ega. Nishon-to‘qimalardagi spetsifik oqsil retseptorlari bilan o‘zaro ta’sir qilib, kortikoidlarga qaram genlarning ekspressiyani boshqaradi va shu tariqa oqsil sinteziga ta’sir ko‘rsatadi. Yallig‘lanish mediatorlarining (gistamin, kinin, prostaglandinlar, lizosomal fermentlar) hosil bo‘lishi, ajralib chiqishini va faolligini kamaytiradi. Yallig‘lanish joyiga xujayralarning migratsiyasini susaytiradi; yallig‘lanish o‘chog‘ida vazodilatatsiyani va tomirlarning oshgan o‘tkazuvchanligini kamaytiradi. Leykotsitlar membranalarining lizosomal fermentlarini barqarorlashtiradi; antitelalarning sintezini bostiradi va antigenning tanilishini buzadi. Interleykin 1, interleykin 2, gamma-interferonning limfotsitlar va makrofaglardan ajralib chiqishini tormozlaydi. Lipokortinning hosil bo‘lishini induktsiyalaydi, eozinofillardan yallig‘lanish mediatorlarining ajralib chiqishini susaytiradi va semiz xujayralarning membranalarini barqarorlashtiradi. Ushbu barcha samaralari mexanik, kimyoviy yoki immun shikastlanishlarga javoban to‘qimalardagi yallig‘lanish reaktsiyalarini bostirilishida ishtirok qiladi.

Oddiy va allergik dermatitlar, ekzema, atopik dermatit, diffuz neyrodermit, psoriaz, halqasimon granulema, qizil yassi temiratki, oddiy surunkali temiratki (cheklangan neyrodermit), toksidermiya, keloid chandiq, uyali alopetsiya, to‘liq alopetsiya, hashoratlarni chaqishi.

Surtma terining shikastlangan joylariga yupqa qavat qilib kuniga 1-3 marta surtiladi. Lixenifitsirlangan ko‘rinishlarda okklyuzion bog‘lov bilan qo‘llash mumkin. Davolashni davomiyligi kasallikning xarakteri va davolashning samarasiga bog‘liq va odatda 5-10 kunni tashkil qiladi. Kasallikni tuzalishi qiyin bo‘lganida davolash kursi 25 kungacha uzaytirilishi mumkin. 4 haftadan ortiq qo‘llash tavsiya qilinmaydi.

Qichishish, terini ta’sirlanishi, kontakt ekzema, steroid xusnbuzar, purpura. Uzoq muddat qo‘llanganida – terini ikkilamchi infektsion shikastlanishi va trofik o‘zgarishlari rivojlanishi mumkin.

Triamtsinolon va preparatning boshqa komponentlariga yuqori sezuvchanlik, terining bakterial, virusli va zamburug‘li kasalliklari, homiladorlik, laktatsiya davrida qo‘llash mumkin emas.

Peroral qo‘llash uchun glyukokortikosteroid preparatlarning samarasini kuchaytiradi.

Katta yuzalarga surtish tavsiya qilinmaydi, yoshidan qat’iy nazar bolalarda uzoq vaqt qo‘llashdan saqlanish kerak. Mahalliy infektsion asoratlarining oldini olish uchun mikroblarga qarshi dori vositalari bilan birga qo‘llash mumkin. Preparat bolalar ololmaydigan joyda saqlansin va yaroqlilik muddati o‘tgach ishlatilmasin.

15°S dan yuqori bo‘lmagan haroratda.

Retseptsiz.

Sirtga qo‘llash uchun surtma 0,1%. 10 g dan alyumin tubada. Har bir tuba qo‘llash bo‘yicha yo‘riqnomasi bilan birga karton qutida.

4 yil.