Ikki tomoni qavariq, uzunchoq, oq rangli plyonka qobiq bilan qoplangan tabletkalar. Tabletkalarning bir tarafida “ATA” gravirovkasi bor.

Pereferik qon aylanishini davolash uchun vositalar (tomirlarni kengaytiruvchi vosita).

S04AD03.

Trental 400 eritrotsitlarning patologik o‘zgargan deformatsiyalanuvchanligiga ta’siri, trombotsitlar agregatsiyasiga ingibirlashi va qonning yuqori qovushqoqligini kamaytirishi hisobiga qonning reologik hususiyatlarini yaxshilaydi. Trental 400 qon ta’minlanishi buzilgan sohalardagi ozuqa mikrotsirkulyatsiyasini yaxshilaydi. Faol modda sifatida Trental 400 tarkibida ksantin hosilasi bo‘lmish – pentoksifillinni saqlaydi. Uning ta’sir mexanizmi fosfodiesterazani ingibirlash hamda silliq mushak tomirlarining hujayralarida va qonning shaklli elementlarida tsAMF ni to‘planishi bilan bog‘liqdir. Yengil miotrop tomirni kengaytiruvchi ta’sirga ega bo‘lib, pentoksifillin biroz tomirlarning umumiy pereferik qarshiligini kamaytiradi va koronar tomirlarni biroz kengaytiradi. Trental 400 bilan davolash miyada qon aylanishi buzilishlari simptomatikasi yaxshilanishiga olib keladi. Periferik arteriyalarning okklyuzion shikastlanishda (masalan, o‘zgaruvchan cho‘loqlikda) davolanish harakat masofasini uzayishi, oyoq mushaklarining tungi tirishishi va tinch holatdagi og‘riqlarning bartaraf etilishi bilan namoyon bo‘ladi.

Peroral qabul qilgandan keyin pentoksifillin tez va deyarli to‘liq so‘riladi. Pentoksifillin deyarli to‘liq so‘rilganidan keyin metobolizmga uchraydi. Mutloq biokiraolishligi 19±13% ni tashkil qiladi. Asosiy faol metaboliti 1-(5-gidroksigeksil)-3,7-dimetilksantin (metabolit I) qon plazmasida pentoksifillinning kontsentratsiyasidan ikki marta yuqori kontsentratsiyasiga ega. Peroral qabul qilingandan keyin pentoksifillinning yarim chiqarilish davri 1,6 soatni tashkil etadi. Pentoksifillinning deyarli to‘liq metabolizmga uchraydi va 90% da ko‘prog‘i buyrak orqali konyugirlanmagan suvda eriydigan metabolitlar shaklida chiqariladi. Metabolitlarni chiqarilishi buyraklar faoliyati buzilgan bemorlarda sekinlashadi. Jigar faoliyati buzilgan bemorlarda pentoksifillinning yarim chiqarilish davri uzayadi va mutloq biokiraolishligi ortadi.

Periferik qon aylanishini aterosklerotik buzilishi (masalan, o‘zgaruvchan cho‘loqlik) diabetik angiopatiya, trofik buzilishlar (masalan, boldir trofik yaralari va gangrena). Miya qon aylanishini buzilishlari (tserebral ateroskleroz asorati: masalan diqqatni jamlanishini buzilishi, bosh aylanishi, xotirani yomonlashishi kabi) ishemik va insultdan keyingi holatlar. Ko‘zning to‘r pardasi va ko‘zning tomir qavatidagi qon aylanishini buzilishi: otoskleroz, ichi quloq tomirlarining degenerativ jarayonlari buzilishi va eshitish qobiliyatini pasayishi.

Preparat dozasi bemorning shaxsiy xususiyatlariga mos ravishda shifokor tomonidan belgilanadi. Odatdagi doza Trental 400 sutkada ikki va uch marta bir tabletkani tashkil qiladi. Maksimal sutkalik dozasi – 1200 mg. Preparatni ovqatlanish vaqtida va ovqatlanishdan so‘ng darhol yetarli miqdordagi suyuqlik bilan butunligicha chaynamasdan qabul qilinadi. Buyrak faoliyatini buzilishi (kreatinin klirensi 30 ml/min dan past bo‘lganida) bo‘lgan patsiyentlarda dozasi sutkada 1-2 tabletkagacha pasaytirilishi mumkin. Jigarni og‘ir buzilishlari bo‘lgan patsiyentlarda shaxsiy o‘zlashtira olmaslikni hisobga olgan holda, dozani kamaytirish zarur. Arterial bosimi past patsiyentlarda, shuningdek xavf guruhiga kiruvchi bemorlarda (yurak ishemik kasalliklari bo‘lgan patsiyentlarda yoki bosh miya qon tomirlarining gemodinamik ahamiyatli stenozlari bo‘lgan patsiyentlar) davolashni kichik dozalar bilan boshlash mumkin. Bunday holatlarda dozasi faqat asta-sekin oshiriladi.

Trental yuqori dozalarda ishlatilganida, quyidagi nojo‘ya samaralar paydo bo‘lishi mumkin: nerv tizimi tomonidan: bosh og‘rig‘i, bosh aylanishi, xavotirlik, uyquni buzilishi, tirishishlar; teri va teri osti yog‘ qoplamlari tizimi tomonidan: yuz terisini qizarishi, yuz va ko‘krak qafasining yuqori qismiga “qon oqib kelishlari”, shishlar, tirnoqlarning yuqori sinuvchanligi; ovqat hazm qilish tizimi tomonidan: kserostomiya, anoreksiya, ichak atoniyasi, bosim tuyg‘usi va me’da sohasida og‘irlikni sezish, ko‘ngil aynashi, qusish, diareya; yurak-qon tomir tizimi tomonidan: taxikardiya, aritmiya, kardialgiya, stenokardiyani avj olishi, arterial bosimni pasayishi; gemostaz va qon yaratish a’zolari tizimi tomonidan: leykopeniya, trombotsitopeniya, pantsitopeniya, me’da, ichak, shilliq qavatlar va teridan qon ketish holatlari gipofibrinogenemiya; sezgi a’zolari tizimi tomonidan: ko‘rishni buzilishi, skatoma; allergik reaktsiyalar: qichishish, terini qizarishi, eshakemi, angionevrotik shish, anafilaktik shok. Juda kamdan-kam hollarda aseptik meningit, miya qopqog‘i ichki xolestazi va “jigar” transaminazalari, ishqoriy fosfatazaning faolligi oshishi kuzatiladi.

Quyidagi patsiyentlarda Trental 400 ni qo‘llash mumkin emas: pentoksifillin boshqa metilksantinlar yoki har qanday yordamchi vositalariga yuqori sezuvchanlik; ko‘p miqdordagi qon ketish holatlari; ko‘zning to‘r pardasidagi keng tarqalgan qon quyulishlar; bosh miyadagi qon quyulishlar; o‘tkir miokard infarkti; 18 yoshgacha bo‘lganlar; homiladorlik, laktatsiya davrida. Ehtiyotkorlik bilan quyidagi patsiyentlarda qo‘llaniladi: og‘ir yurak aritmiyalari (aritmiyalarni og‘irlashish xavfi); arterial gipotenziya (arterial bosimni yanada pasayishi xavfi “Qo‘llash usuli va dozalari” bo‘limiga qarang); surunkali yurak yetishmovchiligi; me’da va o‘n ikki barmoq ichak yara kasalligi; buyrak faoliyatini buzilishi (kreatinin klirensi 30 ml/min dan past bo‘lganida), to‘planish xavfi va nojo‘ya samaralarini rivojlanishining yuqori xavfi (“Qo‘llash usuli va dozalari” bo‘limiga qarang); jigar faoliyatini og‘ir buzilishlari (to‘planish xavfi va nojo‘ya samaralarini rivojlanishining yuqori xavfi (“Qo‘llash usuli va dozalari” bo‘limiga qarang); yaqinda o‘tkazilgan jarrohlik muolajalaridan keyingi holat; qon ketishiga bo‘lgan yuqori moyillik, masalan, antikoagulyantlar qo‘llanilishi natijasida va qon quyultirish tizimi buzilishlarida (og‘ir qon ketishlarni rivojlanish xavfi). Qon ketishlar to‘g‘risidagi ma’lumotni olish uchun “Qo‘llash mumkin bo‘lmagan holatlar” bo‘limiga qarang.

Pentoksifillin arterial bosimni pasaytiruvchi dori vositalarni ta’sirini kuchaytiradi (AAF ingibitorlari, nitratlar). Pentoksifillin qon ivish tizimiga ta’sir etuvchi dori vositalari (bevosita va vositali antikoagulyantlar, trombolitiklar), antibiotiklar (shu jumladan tsefalosporinlar) ta’sirini ham kuchaytiradi. Tsimetidin pentoksifillinning plazmadagi miqdorini oshiradi (nojo‘ya ta’sirlarni rivojlanish xavfi). Boshqa ksantinlar bilan bir vaqtda qo‘llash haddan tashqari qo‘zg‘aluvchanligiga olib kelishi mumkin. Pentoksifillinni qabul qilishda insulin yoki gipoglikemik preparatlarning qand miqdorini kamaytiruvchi ta’siri pentoksifillin yordamida kuchayishi mumkin (gipoglikemiyani rivojlanishining yuqori xavfi). Ba’zi patsiyentlarga qattiq nazorat qilish zarur. Ba’zi bemorlarda pentoksifillinni teofillin bilan bir vaqtda qabul qilishni teofillinning miqdorini oshishiga olib keladi. Bu teofillin bilan bog‘liq nojo‘ya ta’sirlarni ko‘payishi yoki kamayishiga olib keladi.

Davolashni arterial bosimni nazorati ostida olib borish kerak. Gipoglikemik vositalarni qabul qiluvchi qandli diabet bo‘lgan bemorlarda yuqori dozalar buyurish yaqqol gipoglikemiya chaqirishi mumkin (dozani to‘g‘rilash talab etiladi). Antikoagulyantlar bilan bir vaqtda buyurilganda qon ivish tizimi ko‘rsatkichlarini alohida sinchkovlik bilan nazorat qilish zarur. Yaqinda jarrohlik muolajasini o‘tkazgan bemorlarda esa gemoglobin va gematokrit darajalarini muntazam nazorat qilish kerak. Past yoki nostabil arterial bosimli bemorlarga yuborilayotgan doza kamaytirilgan bo‘lishi lozim. Keksa yoshdagi bemorlarda dozani kamaytirish zaruriyati paydo bo‘lishi mumkin (biokiraolishligini oshishi va chiqarilish tezligini pasayishi). Bolalarda pentoksifillinni qo‘llashning xavfsizligi va samaradorligi yetarlicha aniqlanmagan. Chekish preparatning terapevtik samaradorligini pasaytirishi mumkin. Preparat bolalar olaolmaydigan joyda saqlansin va yaroqlilik muddati o‘tgach qo‘llanilmasin. Dozani oshirib yuborilishi Klinik manzarasi: bosh aylanishi, ko‘ngil aynashiga qistov, arterial bosimni pasayishi, taxikardiya, aritmiya, teri qoplamlarini qizarishi, hushdan ketish, qaltirash, arefleksiya, tonik-klonik tirishishlar. Agar yuqorida keltirilgan holatlar paydo bo‘lsa darhol shifokorga murojaat etish kerak. Simptomatik davolash: arterial bosimni va nafas faoliyatini tutib turishga alohida ahamiyat berish lozim. Tirishish xuruji diazepam yuborish bilan bartaraf etiladi. Preparat dozasi oshirib yuborilishini birinchi belgilari (ko‘p terlash, ko‘ngil aynashi, tsianoz) paydo bulishida preparatni qabul qilish darhol to‘xtatiladi. Bemor boshi va tanasining yuqori qismini pastroq holatga o‘tkaziladi. Nafas yo‘llarining erkin o‘tkazuvchanligi nazorat qilinadi.

25oS dan yuqori bo‘lmagan haroratda, quruq joyda saqlansin.

Retsept bo‘yicha.

Ta’siri uzaytirilgan plyonka qobiq bilan qoplangan tabletkalar, 400 mg. 10 tabletkadan PVX/alyumin folgali blisterda. 2 blisterdan qo‘llash bo‘yicha yo‘riqnomasi bilan birga karton qutiga joylangan.

4 yil.