och sariq rangli o‘ziga hos hidli sochiluvchan kukun

Mukolitik vosita.

R05CB01

Atsetiltsistein tsistein aminokislotasining hosilasidir. Mukolitik ta’sir ko‘rsatadi, balg‘amning reologik xususiyatlariga bevosita ta’sir ko‘rsatishi hisobiga, balg‘amni ajralishini yengillashtiradi. Ta’siri mukopolisaharid zanjirlarining disulfid bog‘larini uzish va balg‘amning mukopolisaxaridlarini depolimerizatsiyasini chaqirish xususiyati bilan bog‘liq bo‘lib, bu balg‘amni qovushqoqligini kamayishiga olib keladi. Preparat yiringli balg‘am bo‘lganida ham o‘zining faolligini saqlaydi. Antioksidant ta’sir ko‘rsatadi. Atsetiltsistein glutation sintezi uchun tsisteinni donori sifatida xizmat qiladi va o‘pka va jigarda glutation sintezini oshiradi. Atsetiltsistein va glutation sigaret tutuni va boshqa zararli moddalar bilan nafas olish natijasida infektsiya vaqtida o‘pkada hosil bo‘lgan neytrofillarda kislorodning erkin radikallarini bog‘lash yo‘li orqali himoya qiluvchi ta’sir ko‘rsatadi va hujayralarni shikastlanishini oldini oladi. Paratsetamolning dozasi oshirib yuborilganida atsetiltsistein jigarning shikastlanish darajasini kamaytiruvchi samaraga ega. Odatda paratsetamolning xech bo‘lmaganda bir qismi tsitoxrom R450 ferment tizimi ishtiroqida jigarda metabolizmga uchraydi va oraliq reaktsion xususiyatga ega metabolit hosil bo‘ladi. Bu oraliq metabolit glutation bilan kon’yugatsiyaga uchraydi va siydik bilan chiqariladi. Paratsetamolning yuqori dozalari reaktiv oraliq metabolitlarini hosil bo‘lishini oshiradi va oraliqdagi metabolitlarni faolsizlantiradi. Bunday hollarda atsetiltsistein jigar xujayralarida glutationni normal darajaga olib kelish va reaktiv metabolit bilan bog‘lanish yo‘li orqali jigarni yuz berishimumkin bo‘lgan shikastlanishini bartaraf etadi.

So‘rilishi Qabul qilingandan keyin atsetiltsistein tez va deyarli to‘liq so‘riladi. Jigar orqali yuqori birinchi o‘tish samarasi tufayli, peroral atsetiltsisteinning biokiraolishligi juda past (taxminan 10%). Taqsimlanishi Atsetiltsistein qon plazmasida cho‘qqi kontsentratsiyaga (Smax) qabul qilingandan keyin 1-3 soatda erishiladi, plazmada tsisteinning faol metabolitini cho‘qqi kontsentratsiyasi taxminan 2 µmol/l ni tashkil qiladi. Ichga qabul qilingandan so‘ng 4 soatdan keyin qon plazmasi oqsillari bilan bog‘lanishi 50% ni tashkil qiladi. Biotransformatsiyasi Atsetiltsistein jigarda metabolizmga uchraydi va endogen aminokislota hisoblangan tsistein, farmakologik faol metabolit, shuningdek diatsetiltsistein, tsistin va boshqa majmuaviy disulfidlar hosil bo‘ladi. Chiqarilishi Atsetiltsistein va uning metabolitlari deyarli nofaol metabolitlar ko‘rinishida buyrak orqali chiqariladi. Atsetiltsisteinning yarim chiqarilish davri taxminan 2,27 soatni tashkil qiladi. Jigar funktsiyasi buzilishi preparatning yarim chiqarilish davrini 8 soatgacha oshishiga olib keladi. Proportsionalligi/Noproportsionalligi Ma’lumotlar yo‘q. Aholining alohida guruhlari Buyrak yetishmovchiligi Buyrak yetishmovchiligi bo‘lgan patsiyentlarda farmakokinetik ma’lumot cheklangan. Jigar yetishmovchiligi Jigarning og‘ir shikastlanishi (Chayld-Pyu S sinfi) bo‘lgan patsiyentlarda nazorat guruhiga nisbatan o‘rtacha yarim chiqarilish davri T1/2 80% ga oshgan, o‘rtacha klirens esa 30% ga kamaygan. Bolalar Yangi tug‘ilgan chaqaloqlarda kattalardagi T1/2 ko‘rsatkichiga (5,6 soat) nisbatan atsetiltsisteinning o‘rtacha T1/2 uzoqroq (11 soat). Boshqa yosh guruhlarida farmakokinetik ma’lumotlar yetarli emas.

Nafas a’zolarining qovushqoq qiyin ajraladigan balg‘am bilan kechuvchi kasalliklarida qo‘llanadi. Bundan tashqari, u paratsetamolning yuqori dozalarini qo‘llanganda yuz beradigan jigar yetishmovchiligini bartaraf etish uchun qo‘llanadi.

Peroral qo‘llash uchun buyuriladi. Ovqatni qabul qilish vaqtidan qa’tiy nazar qo‘llanadi. 1 paketcha ichidagini ½ (100 ml) stakan suvda eritish va yaxshilab aralashtirish kerak. Bevosita tayyorlangandan keyin qabul qilish kerak. Ishlatilmagan har qanday dori qoldiqlaridan xalos bo‘lish kerak. Agar patsiyentlar Traktus ni ko‘ngil aynishi tufayli qabul qilolmasalar, preparatni nazogastral zond orqali yuborish mumkin. Ehtiyotkorlik chorasi sifatida antibiotiklarni alohida va atsetiltsisteindan xech bo‘lmaganda 2 soat oldin yoki keyin qabul qilish lozim. Kattalarga va 14 yoshdan oshgan o‘smirlarga: kuniga bitta paketcha (kuniga 600 mg atsetiltsistein) buyuriladi. Paratsetamol bilan zaharlanish Odatda tavsiya qilinadigan zarb doza 140 mg/kg ni tashkil qiladi, keyinchalik 4 soatda samarani bir maromda ushlab turuvchi dozada har 4 soatda peroral 70 mg/kg dan buyuriladi. Davolash davomiyligi Agar boshqacha ko‘rsatilgan bo‘lmasa, davolashni 4-5 kundan oshirmaslik kerak. Aholining alohida guruhlari Geriatrik patsiyentlar 65 yoshdan oshgan patsiyentlarda dozaga tuzatish kiritish talab qilinmaydi. Bolalar 14 yoshgacha bo‘lgan bolalarga: 200 mg dan kuniga ikki marta (sutkada 400 mg atsetiltsistein) buyuriladi. 2 yoshgacha bo‘lgan bolalar faqat shifokor nazorati ostida qabul qilishlari kerak. Chaqaloklarga Traktus faqat ishonch hosil qilingan hollarda va faqat statsionar sharoitida tibbiy kuzatuv ostida qo‘llanishi mumkin.

Immun tizimining buzilishlari Tez-tez emas: allergik reaktsiyalar (qichishish, eshakemi, ekzantema, toshma, bronxospazm, angionevrotik shish, taxikardiya va gipotenziya). Juda kam hollarda: shokga olib kelishi mumkin bo‘lgan anafilaktik reaktsiyalar. Nafas, torakal va mediastenal buzilishlar Kam hollarda: hansirash, bronxospazm (asosan bronxial astmada giperreaktiv bronxial tizimli patsiyentlarda). Me’da-ichak buzilishlari Kam hollarda: stomatit, jig‘ildon qaynashi, ko‘ngil aynishi, qusish va diareya. Umumiy kasalliklar va boshqa ta’sirlar Juda kam hollarda: isitma. Bundan tashqari, juda kam hollarda allergik reaktsiyalarini ko‘rinishi sifatida qon ketishi rivojlanishi mumkin. Atsetiltsistein trombotsitlar agregatsiyasini kamaytirishi mumkin.

Atsetitsisteinga va shuningdek preparatning yordamchi komponentlarga yuqori sezuvchanlikda qo‘llash mumkin emas.

Ichga qabul qilinadigan antibiotiklar bilan bir vaqtda qo‘llanganda antibiotiklarni va atsetiltsisteinni qabul qilish orasidagi interval kamida 2 soatni tashkil qilish kerak. Atsetiltsistein va yo‘talga qarshi vositalarni bir vaqtda qo‘llanganda yo‘tal refleksini susaytirishi tufayli, balg‘amni dimlanib qolish yuz berishi mumkin. Atsetiltsistein karbamazepinning plazmadagi darajasini kamaytirishi mumkin va karbamazepin bilan davolangan tutqanog‘i bo‘lgan bemorlarda toniko-klonik tirishishlarni chaqirishi mumkin.

Bronxial astmada va obstruktiv bronxitda atsetiltsisteinni ehtiyotkorlik bilan bronxlarning o‘tkazuvchanligini tizimli nazorati ostida buyurish lozim. Jigarning og‘ir shikastlanishi (Chayld-Pyu S sinfi) va jigar tsirrozi bo‘lgan patsiyentlarda atsetiltsisteinni chiqarilishini pasayishi, atsetitsisteinning qondagi kontsentratsiyasini va nojo‘ya samaralarni oshishiga olib kelishi mumkin. Atsetiltsisteinni peroral qabul qilish ko‘ngil aynishi va qusishga olib kelishi mumkinligi tufayli, qizilo‘ngach venalarni varikoz kengayishi va yara kasalligi bo‘lgan patsiyentlarda ehtiyotkorlik bilan qo‘llash kerak. Atsetiltsistein karbamazepin bilan davolangan tutqanog‘i bo‘lgan bemorlarda tonik-klonik tirishishlarni chaqirishi mumkin. Paratsetamol bilan zaharlanishda atsetiltsisteinni qo‘llash jarayonida qo‘ngil aynishi va qusish paydo bo‘lishi mumkin. Traktus sorbit saqlaydi. Kam uchraydigan fruktozani nasliy o‘zlashtirolmaslik muommolari bo‘lgan patsiyentlar bu dori preparatini qabul qilmasliklari kerak. Traktus aspartam saqlaydi va shuning uchun fenilketonuriyasi bo‘lgan patsiyentlarda qo‘llash mumkin emas. Homiladorlik, laktatsiya davri va fertillik. Homiladorlik Homilador ayollarda atsetiltsisteinni qo‘llash to‘g‘risida ma’lumotlar yo‘q yoki cheklangan. Preparatni faqat agar ona uchun davolashdan taxmin qilinayotgan foyda, homila uchun bo‘lgan potentsial xavfdan ustun bo‘lgan hollardagina qo‘llash mumkin. Atsetiltsistein bilan o‘tqazilgan tajribalar vaqtida teratogen samaralari kuzatilmagan. Hayvonlarda o‘tqazilgan tadqiqotlar reproduktiv toksiklikni ko‘rsatmagan. Laktatsiya Atsetiltsisteinni odam sutiga ajralib chiqishi noma’lum. Preparatni faqat agar emizikli ona uchun potentsial ijobiy ta’sirlar, homila uchun potentsial xavfdan ustun bo‘lgandagina qo‘llash mumkin. Fertillik Klinik tajribalar atsetiltsistein qo‘llangandan keyin fertillikka ta’sir qilmasligini ko‘rsatgan. Atsetiltsisteinni qo‘llanganda Stivens-Djonson sindromi va Layell sindromi kabi og‘ir allergik reaktsiyalarni rivojlanish hollari to‘g‘risida juda kam xabar berilgan. Teri va shilliq qavatlarida o‘zgarishlar paydo bo‘lganida patsiyent preparatni qabul qilishni darhol to‘xtatishi va shifokorga murojat qilishi lozim. Preparatni eritishda shisha idishdan foydalanish kerak, metall, rezina, kislorod, yengil oksidlanuvchi moddalar bilan kontaktdan saqlanish lozim. Preparatni bevosita uyqudan oldin qabul qilish mumkin emas (qabul qilishni ma’qul vaqti – 18.00 gacha). Avtotransportni haydash va boshqa mexanizmlarni boshqarish qobiliyatiga ta’siri Preparatni tavsiya qilingan dozalarda qo‘llanganda transport vositalarini va boshqa mexanizmlarni boshqarish qobiliyatiga salbiy ta’siri to‘g‘risida ma’lumotlar yo‘q Preparatni bolalar ololmaydigan joyda saqlansin va uni yaroqlilik muddati o‘tgach ishlatilmasin.

Quruq, yorug‘likdan himoyalangan joyda, 25°S dan yuqori bo‘lmagan haroratda saqlansin.

Mahsus antidoti yo‘q. Doza oshirib yuborilgan hollarda simtomatik va bir maromda tutib turuvchi davolash o‘tkazish lozim.

Retseptsiz.

Traktus® ichga qabul qilish uchun eritma tayyorlash uchun kukun, 10 yoki 30 paketchadan o‘ramda.

2 yil.