oq yoki sarg‘ish rangli, silliq yuzali, qobiq bilan qoplangan tabletkalar.

Antianemik preparatlar.

V03AA07

So‘rilishi Temir asosan o‘n ikki barmoq va ingichka ichakda so‘riladi. Temirning biokiraolishligi 10-20% ni tashkil qiladi. Mukoproteoza-temir majmuasi ichakning shilliq qavatlaridagi kriptalarni to‘ldiradi, bu majmuani shilliq qavatning katta yuzasi bilan birikishini ta’minlaydi, shu tariqa temirni so‘rilishi kuchayadi. Taqsimlanishi va metabolizmi Temir plazma transferrinlari bilan deyarli to‘liq bog‘lanadi va gemoglobin, mioglobin, tsitoxromoksidaza hosil bo‘lishi jarayonida ishtirok etadi yoki ferritin shaklida organizm to‘qimalarida to‘planadi. Chiqarilishi Temir axlat, siydik va ter bilan chiqariladi.

Temir tanqisligi (gipoxrom) anemiyalari, ayniqsa ovqat bilan yetarli darajada tushmasligi, fiziologik yuqori ehtiyoj bilan bog‘liq va surunkali qon ketishlari oqibatida temir tanqisligi anemiyalari. Temirni latent yetishmovchiligi, ayniqsa tug‘ruq yoshidagi ayollar, jadal o‘sish davridagi o‘smirlar va keksa yoshdagi shaxslarda yetishmovchiligi. Homiladorlik, tug‘ruqdan keyingi davr va emizish vaqtida temir tanqisligini oldini olish uchun temirga bo‘lgan ehtiyoj yuqori bo‘lgan vaqtida profilaktik chora sifatida qo‘llanadi.

Faqat kattalar va 6 yoshdan oshgan bolalarda qo‘llanadi. Olti yoshdan oshgan bolalarga kuniga 1 tabletka buyuriladi. 10 yoshdan oshgan bolalar va kattalarga kuniga 1-2 tabletka buyuriladi. Homiladorlarni profilaktik davolash yuzasidan odatda 1 tabletkadan har kuni yoki homiladorlikning oxirgi 2-ta uch oyligi davomida (yoki 4-oylikdan boshlanadi) 2 kunda bir marta buyuriladi.

Barcha dori vositalari kabi, Tardiferon® 80 mg ham nojo‘ya samaralarni chaqirishi mumkin, garchi ular  hammada ham namoyon bo‘lmasada: Nojo‘ya samaralar paydo bo‘lishi tez-tezligini ortib borishi bo‘yicha tasniflanadi: Tez-tez (>1/100 va <1/10) Qabziyat, Diareya, Qorinni dam bo‘lishi, Axlatni qora kelishi, Ko‘ngil aynishi. Tez-tez emas (>1/1000 va <1/100) Hiqildoqni shishi, Diareya va qabziyatni almashinishi, Jig‘ildon qaynashi (dispepsiya), Qusish, Me’dani yallig‘lanishi (gastritlar), Qichishish, Qizil teri toshmasi (to‘satdan eritema). Tez-tezligi noma’lum (mavjud ma’lumotlar asosida baholab bo‘lmaydi) Tish rangini o‘zgarishi, Og‘iz shilliq qavatini shikastlanishi (og‘iz bo‘shlig‘ida yara paydo bo‘lishi), Toshma, eshakemi, nafas olishni qiyinlashishi, o‘zini yomon his qilishni o‘zi ichiga oluvchi allergik reaktsiyalar, Achishish hissi bilan o‘tuvchan teri toshmasi. Quyida sanab o‘tilgan nojo‘ya samaralar postmarketing kuzatuv jarayonida aniqlangan. Ushbu reaktsiyalarning tez-tezligi noma’lum deb baholangan (mavjud ma’lumotlar asosida baholab bo‘lmaydi). Me’da-ichak yo‘llari tomonidan buzilishlar: og‘iz bo‘shlig‘i shilliq qavatini shikastlanishi va tishlarni rangini qaytuvchan o‘zgarishi tabletkani chaynash, shimish yoki og‘iz bo‘shlig‘ida ushlab turish kabi noto‘g‘ri foydalanish bilan bog‘liq bo‘lgan. Keksa patsiyentlar va yutishi buzilgan patsiyentlar qizilo‘ngach shilliq qavatini shikastlanishi yoki tabletkani noto‘g‘ri tushishi natijasida bronxial to‘qimani nobud bo‘lishi xavfi bo‘lishi mumkin. Nojo‘ya samaralar bo‘yicha hisobot Agar Sizda har qanday nojo‘ya samara, shu jumladan qo‘llash bo‘yicha yo‘riqnomada ko‘rsatilmagan nojo‘ya samara paydo bo‘lsa, o‘z davolovchi shifokoringiz yoki farmatsevt yoki tibbiyot hamshirasiga xabar bering. Shuningdek, Siz nojo‘ya samara haqida nojo‘ya samaralarning davlat hisobot tizimi bo‘yicha ham xabar berishingiz mumkin.

– Organizmda temir miqdorini oshishi yoki uni utilizatsiyasini buzilishi bilan ifodalanuvchi  holatlar (gemoxromatoz, gemosideroz, gemolitik anemiya) – Preparatning har qanday komponentiga allergiya. – Tarkibida kanakunjut moyi borligi sababli ichak tutilishi. – 6 yoshdan kichik bolalarda qo‘llash mumkin emas.

Turli dori vositalari, ayniqsa temir tuzlari bilan o‘zaro ta’sirdan saqlanish maqsadida, Siz qabul qilayotgan boshqa preparatlar haqida shifokoringiz yoki farmatsevtga xabar bering. Noxush kombinatsiyalar: Temir tuzlarining inyektsion shakllari Kompleksdan temirni tez ajralib chiqishi va transferrin bilan tez to‘yinish natijasida lipotimiya yoki shok bo‘lishi mumkin. Maxsus ehtiyotkorlik choralarini talab etuvchi kombinatsiyalar: Peroral tetratsiklinlar Me’da-ichak yo‘llarida tetratsiklinlarni so‘rilishi pasayadi (kompleks hosil bo‘ladi). Tetratsiklinlar va temir tuzlarini qabul qilish orasida intervalga (2 soat) rioya qilish kerak. Magniy trisilikati (antatsidlar) Temir tuzlarini so‘rilishi pasayadi. Antatsidlar va temir tuzlarini qabul qilish orasida intervalga (2 soat) rioya qilish kerak.

– Yallig‘lanish sindromi bilan bog‘liq giposideremiya temir bilan davolash yordamida to‘g‘rilanmaydi. – Temir bilan davolash, iloji boricha anemiya sababini davolash bilan birga olib borilishi kerak. – Preparatning tarkibida saxaroza mavjudligi sababli, ushbu preparatni fruktozani o‘zlashtiraolmaslik, glyukoza/galaktoza malabsorbtsiyasi yoki sukraza-izomaltaza fermentini tanqisligida qo‘llash mumkin emas. – Choy, qaxva, qizil vinoni katta miqdorini bir vaqtda qabul qilish temirni so‘rilishini ingibirlashi mumkin. – Sut mahsulotlari va tuxum temir preparatlari bilan bir vaqtda qabul qilinganda ular ham temirni so‘rilishini ahamiyatli darajada pasaytirishi mumkin. – Kanakunjut moyi mavjudligi sababli ayniqsa, 6 yoshdan kichik bolalarda allergik reaktsiyalar xavfi mavjud. Homiladorlik va laktatsiya davrida qo‘llanishi Davolash kursini o‘tgan bir necha ming ayollarda salbiy ta’sirni o‘rganish bo‘yicha o‘tkazilgan klinik tadqiqotlarning ma’lumotlari temir sulfatining salbiy ta’sirini inkor etadi. Shu tariqa, bu preparatni odatdagi qo‘llashda homiladorlik vaqtida buyurish mumkin. Temir sulfatini ko‘krak sutiga kirishi baholanmagan, lekin muolajaning o‘ziga xosligi ushbu preparatni emizish davrida qabul qilish imkonini beradi. Avtomobilni va murakkab mexanizmlarni boshqarish qobiliyatiga ta’siri Ta’sir qilmaydi. Preparat bolalar olaolmaydigan joyda saqlansin va yaroqlilik muddati o‘tgach qo‘llanilmasin.

30oS dan past haroratda saqlansin.

Simptomlari: ko‘ngil aynishi, qusish, shok bilan kechuvchi me’da-ichak yo‘llarini ta’sirlanishi va nekrozi. Davolash: xom tuxum va sut qabul qilish kerak, bu me’da-ichak yo‘llarida temirni erimaydigan birikmalarini hosil bo‘lishi va uni organizmdan chiqarilishiga olib keladi. Bemorda qusishni chaqirib, ko‘pincha me’dadan endigina ortiqcha qabul qilingan tabletkalarni bartaraf etish mumkin. Shifokor natriy karbonatining 1% eritmasi bilan me’dani yuvish yoki deferoksaminni buyurish yo‘li bilan ortiqcha temirni bartaraf etishi mumkin.

Retsept bo‘yicha

Qobiq bilan qoplangan tabletkalar blister (PVC/PVDC/Aluminium) o‘ramga joylangan; bir blisterda 10 tabletka; o‘ramda 3 blister (30 tabletka).

3 yil.