plyonka qobiq bilan qoplangan, dumaloq, ikki tomonlama qavariq, sariq rangli, diametri taxminan 9 mm bo‘lgan tabletkalar.

Ichak infektsiyalarini davolash uchun diareyaga qarshi, yallig‘lanishga qarshi, mikroblarga qarshi vosita.

Stopdiar preparati quyidagilarni davolashda qo‘llanadi: kelib chiqishi bakterial bo‘lgan o‘tkir va surunkali diareya;diareya bilan kechuvchi boshqa kasalliklar.

Stopdiar preparatining tabletkalari ichga qabul qilish uchun mo‘ljallangan. Kattalarga va 6 yoshdan oshgan bolalarga sutkada 2 tabletkadan 4 marta buyuriladi. Preparatni ovqat qabul qilishdan qat’iy nazar teng vaqt oralig‘ida (har 6 soatda) qabul qilinadi. Tabletka butunligicha, chaynamasdan va maydalamasdan, ko‘p bo‘lmagan miqdordagi suv bilan yutiladi. Stopdiar plyonka qobiq bilan qoplangan tabletkalari o‘tkir diareyani davolash uchun 3 kun davomida qabul qilish tavsiya qilinadi. Agar bundan keyin simptomlar yo‘q bo‘lmasa, shifokorga murojaat qilish lozim. Diareya bilan kechuvchi boshqa kasalliklarni davolash kursi ko‘pi bilan 7 kunni tashkil qiladi. 6 yoshgacha bo‘lgan bolalarga preparatni suspenziya shaklida buyurish tavsiya qilinadi.

Qon yaratuvchi va limfatik tizim tomonidan: Granulotsitopeniyaning bir holati ta’riflangan. Me’da-ichak yo‘llari tomonidan: Nifuroksazidga shaxsiy yuqori sezuvchanlik holatlarida qorinda og‘riq, ko‘ngil aynishi va diareyani zo‘rayishi paydo bo‘lishi mumkin. Sust jadallikka ega bunday simptomlarni paydo bo‘lishida maxsus davolashni qo‘llash yoki nifuroksazidni qo‘llashni to‘xtatish zarurati yo‘q. Yuqorida sanab o‘tilgan kuchli jadallikka ega simptomlar rivojlanganda dorini qabul qilishni to‘xtatish lozim. Keyinchalik bemor nitrofuran hosilalarini qabul qilmasligi kerak. Teri va teri osti kletchatkasi tomonidan: Terida toshmalar ko‘rinishida teri reaktsiyalari kam (≥1/10000 dan <1/1000 gacha) paydo bo‘lishi mumkin. Keksa yoshdagi shaxsda pustulyozning bir holati va nifuroksazidga kontakt allergiya natijasida tugunli qichitmaning bir holati ta’riflangan. Nifuroksazid odatda yaxshi o‘zlashtiriladi, nojo‘ya ta’sirlarni deyarli namoyon qilmaydi. Har qanday noxush samaralar rivojlanish hollarda davolovchi shifokorga murojaat qilish kerak!

Nifuroksazidni uning komponentlaridan birontasiga yuqori sezuvchanlikda, shuningdek 5-nitrofuran hosilalariga allergiyada qo‘llash mumkin emas. Yangi tug‘ilgan chaqaloqlarda (2 oylikkacha bo‘lgan chaqaloqlarda) qo‘llash mumkin emas.

Nifuroksazid bilan davolashda preparatning kuchli adsorbtsion xususiyatlari sababli, peroral vositalarni bir vaqtda qabul qilishdan saqlanish lozim. Nifuroksazid qon aylanish tizimiga tushmasligi sababli, tizimli preparatlar bilan o‘zaro ta’sirining ehtimoli kam va hozircha ma’lum emas.

Davolashni boshlashdan avval shifokor bilan maslahatlashing. Preparat bilan davolanish davrida suvsizlanish simptomlari paydo bo‘lsa, bemorning klinik holatiga qarab, regidratatsion davolashni o‘tkazish (kattalarga – sutkada taxminan 2 litr suyuqlik) lozim. Nifuroksazidni sharbatlar, xom sabzavot va mevalar, achchiq va hazm qilinishi qiyin bo‘lgan ovqatlarni inkor qilingan qat’iy parhezga rioya qilib qo‘llash kerak.

+15oS dan +30oS gacha bo‘lgan haroratda saqlansin.

Dozani oshirib yuborish simptomlari ma’lum emas. Dozani oshirib yuborish hollarida me’dani yuvish va simptomatik davolash tavsiya qilinadi.

Shifokor retseptisiz

24 plyonka qobiq bilan qoplangan tabletkalar alyumin folga va PVX-plyonkali blisterda. 1 blisterdan qo‘llash bo‘yicha yo‘riqnomasi bilan karton qutida.

4 yil.