pushti rangli liofilizatsiya qilingan kukun. erituvchi: tiniq rangsiz eritma.

Vitaminlar. Polivitaminlar boshqa dori vositalari bilan majmuada.

A11AB

Kokarboksilaza Kokarboksilaza mushak ichiga yuborilganidan so‘ng tez so‘riladi. Organizmning ko‘pgina to‘qimalariga o‘tadi. Metabolik taqsimlanishga uchraydi. Metabolizm mahsulotlari asosan buyraklar orqali chiqariladi. Nikotinamid Me’da-ichak yo‘llaridan so‘rilishi (asosan me’daning pilorik qismida va o‘n ikki barmoq ichakning antral qismida) – tez, malabsorbtsiya sindromida ahamiyatli darajada pasayadi va sekinlashadi. Barcha to‘qimalarga tez taqsimlanadi. Yo‘ldosh orqali o‘tadi va ko‘krak suti bilan ajralib chiqadi. Jigarda metabolizmga uchrab, N-metilnikotinamid, metilpiridonkarboksamidlar, glyukuron kislotasi efiri va glitsin bilan kompleks birikmalar hosil qiladi. Yarim chiqarilish davri – 45 minutni tashkil etadi. Buyraklar orqali metabolitlar ko‘rinishida chiqariladi, yuqori dozalarda qabul qilinganida – asosan o‘zgarmagan holda chiqariladi. Dinatriy adenozintrifosfat trigidrati Organizmning xususiy ATF ishtirokida yuz beradigan turli reaktsiyalarning miqdori ko‘p bo‘lganligi sababli, parenteral yuboriladigan ATF preparatining kinetikasini kuzatish imkoni yo‘q. Natriy adenozintrifosfat yuborilgan joyda adenozin hamda fosfat qoldiqlariga tez parchalanadi, keyinchalik yangi ATF molekulalarini sintezi uchun ishlatilishi ma’lum. Tsianokobalamin V12 vitamini qonda I va II transkobalaminlar bilan bog‘lanadi, ular uni to‘qimalarga tashiydilar. Asosan jigarda to‘planadi. Plazma oqsillari bilan bog‘lanishi – 90%. Mushak ichiga yuborilganidan so‘ng maksimal kontsentratsiyasiga 1 soatdan keyin erishiladi. Jigardan safro bilan ichakka chiqariladi va qonga qayta so‘riladi. Yarim chiqarilish davri – 500 kunni tashkil etadi. Buyrak funktsiyasi normal bo‘lganida – 7-10% buyraklar orqali, taxminan 50% – axlat massalari bilan chiqariladi; buyrak funktsiyasi pasayganida – 0-7% buyraklar orqali, 70-100% axlat massalari bilan chiqariladi. Yo‘ldosh to‘sig‘i orqali o‘tadi, ko‘krak suti bilan ajralib chiqadi.

nevritlar, neyropatiyalar (qandli diabetda, pernitsioz anemiyada va boshqalarda);turlicha rivojlangan nevralgiyalar;mialgiya, ishialgiya;lyumbago, radikulit;bursitlar, tendinitlar;yurak ishemik kasalligi, miokardit, miokardiopatiyalarda qo‘llanadi.

Startum preparati mushak ichiga 1-2 flakondan sutkada bir marta yuboriladi. Davolash davomiyligi va takroriy davolash kurslarini o‘tkazish kasallikning xarakteri va og‘irligiga bog‘liq. Preparat jigar va buyrak yetishmovchiligi bo‘lgan bemorlarga qo‘llanganida dozaga tuzatish kiritish talab etilmaydi. 65 yoshdan oshgan patsiyentlarda dozaga tuzatish kiritish talab etilmaydi.

Immun tizimi tomonidan: yuqori sezuvchanlik reaktsiyalari (teri reaktsiyalari, anafilaktik shok, Kvinke shishi). Preparatning komponentlariga yuqori sezuvchanlikka shubha qilingan patsiyentlarga Startum preparatini yuborishdan oldin teri ichiga yuborib sinama o‘tkazish tavsiya etiladi. Yurak-qon tomir tizimi tomonidan: davolash boshlanishida o‘pka shishi va dimlangan yurak yetishmovchiligi; periferik tomirlar trombozi; Qon yaratish a’zolari tomonidan: chin politsitemiya; Me’da-ichak yo‘llari tomonidan: yengil shakldagi vaqtinchalik diareya; Teri qoplamlari tomonidan: qichishish, tranzitor ekzantema; Umumiy simptomlar: to‘satdan kuchli terlash, holsizlik hissi, bosh aylanishi bo‘lishi mumkin. Ko‘rsatilgan yoki boshqa nojo‘ya ta’sirlar rivojlanganida shifokorga murojaat qilish kerak.

preparatning har qanday komponentiga yuqori sezuvchanlik;o‘tkir miokard infarkti davri;giperkoagulyatsiya (shu jumladan o‘tkir trombozlarda), eritremiya, eritrotsitoz, arterial gipertoniyaning og‘ir shakllari, arterial gipotoniya, o‘pkaning yallig‘lanish kasalliklari, og‘ir darajadagi yurak yetishmovchiligi, psoriaz, yurakning o‘tkazuvchanligini og‘ir buzilishlari, o‘tkir yurak yetishmovchiligida qo‘llash mumkin emas.

Kokarboksilaza yurak glikozidlarining kardiotonik ta’sirini kuchaytiradi. Nikotinamid tutqanoqqa qarshi vositalar, ayniqsa karbamazepin, diazepam va natriy valproati kabilar bilan bir vaqtda qo‘llanganida ularning tutqanoqqq qarshi samarasi kuchayishi mumkin.

Tayyor bo‘lgan eritmaning rangi qizil-pushti rangli bo‘lishi kerak. Agar eritmaning rangi o‘zgarsa, uni ishlatmang. Anamnezida me’da-ichak yara kasalligi, gastrit, podagra, qon ketishlari, jigar va o‘t chiqarish yo‘llarini shikastlanishlari bo‘lgan patsiyentlarga Startum preparatini ehtiyotkorlik bilan qo‘llash kerak. Preparat uzoq muddat qo‘llanganida umumiy qon tahlilida eritrotsitlarning miqdori, qon ivish vaqti, koagulogrammada protrombin indeksi, qon zardobida transaminazalar, ishqoriy fosfataza, gamma-glutamiltranspeptidaza, bilirubin, siydik kislotasining darajasini qondagi trombotsitlar miqdorini nazorat qilish kerak. Eritmani tayyorlangandan so‘ng darhol ishlatish kerak! Homiladorlik va laktatsiya davrida qo‘llanishi Homiladorlik davrida Startum preparatini ona uchun davolashdan kutiladigan foyda homila uchun potentsial havfdan ustun bo‘lgan holatdagina qo‘llash kerak. Preparat bilan davolanish vaqtida emizishni to‘xtatish tavsiya etiladi. Pediatriyada qo‘llanishi Preparatni bolalarda qo‘llash yuzasidan ma’lumotlar yo‘q. Preparat bolalar ololmaydigan joyda saqlansin va yaroqlilik muddati tugaganidan so‘ng ishlatilmasin.

Yorug‘likdan himoyalangan joyda 25oS dan yuqori bo‘lmagan haroratda saqlansin.

Nikotinamid uzoq muddat qo‘llanganida ham chiqarilishida metillizatsiya reaktsiyalarida ishtirok etishi fonida metil guruhining  tanqisligi holati rivojlanishi mumkin. Nikotinamidning yuqori dozalari (3000-9000 mg = Startum preparatining 150-450 flakoni) uzoq muddat qo‘llanganida jigar funktsiyasi buzilishini klinik holatlari ta’riflangan. Davolash: simptomatik. Bexosdan ichga qabul qilinganida yoki vena ichiga yuborilaganida toksikligi namoyon bo‘lishi mumkin.

Retsept bo‘yicha beriladi

Inyektsiya uchun eritma tayyorlash uchun liofilizatsiya qilingan kukun brombutilkauchuk tiqin yopilgan va Flip off turidagi majmuaviy alyumin qalpoqcha bilan mahkamlangan to‘q rangli shisha flakonlarda. Liofilizatsiya qilingan 3 flakon erituvchi (3 ampula 0,5% li lidokain gidroxloridi eritmasi) bilan majmuada kontur uyali o‘ramda. Kontur uyali o‘ram qo‘llash bo‘yicha yo‘riqnomasi bilan birga karton qutiga joylangan.

3 yil.