3 o‘lchamli och-yashil-zangori rangli, tiniq bo‘lmagan, kompaniya simvoli va TI 01 qora siyoh bilan yozilgan qattiq jelatin kapsulalar. Kapsulaning ichidagisi – oq kukun.

Nafas yo‘llarining obstruktiv kasalliklarini davolash uchun ingalyatsion qo‘llanadigan boshqa vositalar. Antixolinergik vositalar.

R03BB04.

Tiotropiy bromidi – suvda o‘rtacha eruvchi noxiral to‘rtlamchi ammoniy birikmasi, shuning uchun kukun ko‘rinishida ingalyatsiyalar uchun qo‘llanadi. Odatda, ingalyatsion qo‘llash usulida ingalyatsiyada nafas bilan kiradigan dozaning katta qismi me’da-ichak yo‘llarida, kami – o‘pkalarda cho‘kadi. So‘rilishi Ingalyatsion yuborish usulida tiotropiyning mutloq biokiraolishligi 19,5% ni tashkil qiladi, bu preparatni o‘pkagacha yetib borgan fraktsiyasi yuqori biokiraolishlikka egaligini ko‘rsatadi. Birikmaning kimyoviy tuzilishidan kelib chiqib (to‘rtlamchi ammoniy birikmasi) tiotropiy me’da-ichak yo‘llaridan yomon so‘riladi. Xuddi shu sabab tufayli ovqat qabul qilish tiotripiyaning so‘rilishiga ta’sir qilmaydi. Tiotropiy eritmalarini ichga qabul qilish 2-3% teng mutloq biokiraolishlikka ega. Tiotropiyni qon plazmasidagi maksimal kontsentratsiyasiga ingalyatsiyadan keyin 5 minut o‘tgach erishiladi. Taqsimlanishi Preparatning qabul qilingan dozasini 72% plazma oqsillari bilan bog‘lanadi. Taqsimlanish hajmi 32 P/kg ga teng. O‘SOK bo‘lgan patsiyentlarda dinamik muvozanat bosqichida tiotropiyni qon plazmasidagi cho‘qqi kontsentratsiyasi, 18 mkg doza kukun bilan ingalyatsiya qilinganidan keyin 5 minut o‘tgach 17-19 pg/ml ni tashkil qiladi, so‘ngra tez pasayadi. O‘pkalardagi lokal kontsentratsiyasi noma’lum, lekin qo‘llash usulini hisobga olib, o‘pkalarda yuqori kontsentratsiyasiga yo‘l qo‘yiladi. Tiotropiy gematoentsefalik to‘siq orqali o‘tmaydi. Biotransformatsiyasi Biotransformatsiya darajasi ahamiyatsiz. Bu preparatni yosh sog‘lom ko‘ngillilarga vena ichiga yuborilganidan keyin siydikda 74% o‘zgarmagan substantsiya aniqlangani bilan tasdiqlanadi. Tiotropiy nofermentativ usul bilan alkogol N-metilskopin va ditiyenilglikol kislotasigacha parchalanadi, ular muskarin retseptorlari bilan bog‘lamaydi. Tekshirishlarda preparatni (vena ichiga yuborilganidan keyin dozaning 20% dan kamrog‘i) tsitoxrom R450 bilan metabolizm bo‘lishini, bu jarayon oksidatsiya va keyinchalik glyutation bilan kon’yugatsiya bo‘lib turli metabolitlarini hosil bo‘lishi bilan bog‘liqligini ko‘rsatadi. Metabolizmining buzilishi CYP 450 2D6 va 3A4 ingibitorlari (xinidin, ketokonazol, gestoden) ishlatilganida kuzatilishi mumkin. Shunday qilib, CYP 450 2D6 va 3A4 preparatning metabolizmida ishtirok etadi. Tiotropiy hatto o‘ta yuqori terapevtik kontsentratsiyalarda ham odam jigari mikrosomalarida tsitoxrom R450, 1A1, 1A2, 2V6, 2S9, 2S19, 2D6, 2Е1 yoki 3A ni ingibitsiya qilmaydi. Chiqarilishi Ingalyatsiyadan keyin tiotropiyning terminal yarim chiqarilish davri 5-6 kunni tashkil qiladi. Yosh sog‘lom ko‘ngillilarda vena ichiga yuborilganida umumiy klirensi minutiga 880 ml ni tashkil qiladi, shaxsiy o‘zgaruvchanlikda – 22% ni tashkil qiladi. Tiotropiy vena ichiga yuborilganidan keyin asosan buyraklar orqali o‘zgarmagan holda (74%) chiqariladi. Quruq kukun ingalyatsiya qilinganidan keyin buyrak ekskretsiyasi dozaning 14% ni tashkil qiladi, qolgan so‘rilmagan qismi ichak orqali chiqariladi. Tiotropiyning buyrak klirensi kreatinin klirensidan yuqori, bu preparatning naychalar sekretsiyasini ko‘rsatadi. O‘SOK bo‘lgan patsiyentlar preparatni sutkada bir marta uzoq muddat qabul qilinganlarida farmakokinetik muvozanatga 2-3 hafta o‘tgach erishiladi, bunda keyinchalik to‘planishi kuzatilmaydi. Tiotropiy vena ichiga yuborilganidan keyin va quruq kukun bilan ingalyatsiyadan keyin terapevtik chegaralarda to‘g‘ri chiziqli farmakokinetikaga ega. Keksa yoshdagi bemorlar Ko‘pincha buyrak orqali boshqa barcha dori vositalar kabi preparatni chiqarilishi patsiyentlar yoshi oshishi tiotropiyning buyrak klirensini pasayishi bilan bog‘langan  (65 yoshgacha O‘SOK bo‘lgan patsiyentlarda minutiga 365 ml dan, 65 yoshdan oshgan O‘SOK bo‘lgan patsiyentlarda minutiga 271 ml gacha). Bu AUC0-6 yoki Smax ko‘rsatkichlarini ahamiyatli oshirishini chaqirmaydi. Buyrak faoliyatini buzilishlari O‘SOK va yengil darajadagi buyrak yetishmovchiligi (kreatinin klirensi minutiga         50-80 ml) bo‘lgan patsiyentlarda tiotropiyni sutkada 1 marta ingalyatsion yuborilganda muvozanat holatiga erishilganda buyrak faoliyati normal bo‘lgan patsiyentlar                 (KK > 80 ml/min) nisbatan AUC0-6,ss ni ahamiyatsiz oshishi (1,8-30% yuqori) va Smax,ss ni o‘xshash ko‘rsatkichlari kuzatilgan. O‘SOK va o‘rtacha yoki yaqqol darajali buyraklar faoliyatini buzilishlari bo‘lgan patsiyentlarda (kreatinin klirensi <50 ml/min) tiotropiyni vena ichiga yuborilganda qon plazmasida preparatni kontsentratsiyasi (AUC0-6,ss 82%, Smax 52% ko‘paydi) O‘SOK va buyrak faoliyati normal bo‘lgan patsiyentlar nisbatan ikki barobar oshishiga olib keldi, quruq kukun ingalyatsion yuborilganidan keyin qon plazmasidagi kontsentratsiyasi ham buni tastiqlaydi. Jigar faoliyatini buzilishlari Jigar yetishmovchiligi tiotropiyning farmakokinetikasiga jiddiy ta’sir ko‘rsatmasligi tahmin qilinadi. Tiotropiy oddiy nofermentativ parchalanish yo‘li bilan faolmas mahsulotlargacha parchalanadi va asosan buyraklar orqali (sog‘lom yosh ko‘ngillilarda 74% gacha) chiqariladi.

SPIRIVA o‘pkalarning surunkali obstruktiv kasalligi (O‘SOK) bo‘lgan patsiyentlarda tutib turuvchi davolash sifatida qo‘llanadi.

Dori vosita faqat ingalyatsion qo‘llash uchun mo‘ljallangan. SPIRIVA ingalyatsiya ko‘rinishida XandiXaler ingalyator yordamida ishlatilganida sutkada bir kapsula bir vaqtda qo‘llash tavsiya qilinadi. Tavsiya qilingan dozani oshirish mumkin emas. SPIRIVA kapsulalarini yutish mumkin emas. Keksa yoshdagi patsiyentlar SPIRIVAni tavsiya qilingan dozalarda qabul qilishlari mumkin. Buyrak faoliyatini buzilishlari bo‘lgan patsiyentlar SPIRIVAni tavsiya qilingan dozalarda qabul qilishlari mumkin. Ammo o‘rtacha yoki og‘ir buyrak yetishmovchiligi bo‘lgan SPIRIVA qabul qilayotgan (asosan buyraklar orqali chiqariladigan boshqa preparatlar kabi) patsiyentlarni sinchiklab kuzatish kerak. Jigar yetishmovchiligi bo‘lgan patsiyentlar SPIRIVAni tavsiya qilingan dozalarda qabul qilishlari mumkin. SPIRIVAni bolalarda va 18 yoshgacha o‘smirlarda qo‘llash tajribasi yo‘q.

Quyida sanab o‘tilgan nojo‘ya ta’sirlarining ko‘pchiligini SPIRIVAning antixolinergik xususiyatlariga kiritish mumkin. Tez-tezligi quyidagicha ko‘rsatilgan: juda tez-tez (≥1/10), tez-tez (≥1/100 dan <1/10 gacha), tez-tez emas (≥1/1000 dan <1/100 gacha), kam hollarda (≥1/10000 dan <1/1000 gacha), juda kam hollarda (<1/10000), yoki noma’lum (mavjud bo‘lgan ma’lumotlar asosida baholash mumkin emas). Moddalar almashinuvi tomonidan: noma’lum – degidratatsiya. Nerv tizimi tomonidan: tez-tez emas – bosh aylanishi, bosh og‘rig‘i, ta’m buzilishi; kam hollarida – uyqusizlik. Ko‘rish a’zosi tomonidan: tez-tez emas – ko‘rishni noaniqligi; kam hollarda – glaukoma, ko‘z ichki bosimini oshishi. Yurak – qon tomir tizimi tomonidan: tez-tez emas – lipillovchi aritmiya; kam hollarda – supraventrikulyar taxikardiya, taxikardiya, yurak urishi. Nafas tizimi tomonidan: tez-tez emas – faringit, disfoniya, yo‘tal; kam hollarda – bronxospazm, burundan qon ketishi, laringit, sinusit. Me’da-ichak yo‘llari tomonidan: tez-tez – og‘izni qurishi; tez-tez emas – gastroezofageal reflyuks kasalligi, qabziyat, og‘iz bo‘shlig‘ining kandidozi; kam hollarda – ichak tutilishi, shu jumladan falajli ileus, gingivit, tilni yallig‘lanishi, yutishni qiyinlashishi, stomatit, ko‘ngil aynishi; noma’lum – kariyes. Teri va teri osti to‘qimalari tomonidan: tez-tez emas – toshma; kam hollarda – eshakemi, qichishish, o‘ta yuqori sezuvchanlik, shu jumladan darhol kechuvchi reaktsiya, angionevrotik shish; noma’lum – teri infektsiyalari va yaralari, terining quruqligi. Mushak-skelet va biriktiruvchi to‘qima tomonidan: noma’lum – bo‘g‘imlarni shishi. Buyraklar va siydik chiqarish yo‘llari tomonidan: tez-tez emas – dizuriya, siydikni tutilishi; kam hollarda – siydik chiqarish yo‘llarining infektsiyalari. Nazorat qilingan klinik tadqiqotlarda dori vositani tez-tez uchraydigan noxo‘sh samaralari antixolinergik xususiyatlari bilan bog‘liq va taxminan 4% patsiyentlarda og‘izni qurishi yuzaga keldi. 28 klinik tadqiqotlarda tiotropiy qabul qilgan 9647  patsiyentdan 18 nafarida og‘izni qurishi preparatni bekor qilishiga olib keldi. Preparatni antixolinergik xususiyatlari bilan bog‘liq bo‘lgan jiddiy noxo‘sh samaralar glaukoma, qabziyat, ichak tutilishi, shu jumladan falajli ileus va shuningdek siydik tutilishi o‘z ichiga oladi. Yoshi o‘tgan sari antixolinergik samaralar uchrashish tez-tezligi oshishi mumkin.

SPIRIVAni tiotropiy bromidi, atropinga yoki uning hosilalariga jumladan, ipratropiy yoki oksitropiyga, yoki yordamchi modda sutli oqsillar saqlovchi laktoza monogidratiga yuqori sezuvchanlik bo‘lgan patsiyentlarda qo‘llash mumkin emas.

Garchi boshqa dori vositalari bilan o‘zaro ta’sirining rasmiy tekshirishlari o‘tkazilmagan bo‘lsada tiotropiy bromidi odatda O‘SOK ni davolash uchun ishlatiladigan boshqa preparatlar, simpatomimetiklar, metilksantinlar, peroral va ingalyatsion glyukokortikosteroidlar bilan, dorilarning o‘zaro ta’sirini har qanday klinik tasdiqlanishlarisiz majmuada qo‘llanadi. Uzoq muddat ta’sir etuvchi beta-adrenoretseptorlarni agonistlari yoki ingalyatsion kortikosteroidlarni tiotropiyni ekspozitsiyasiga samarasi aniqlanmagan. Boshqa antixolinergik preparatlar va tiotropiya bromidini bir vaqtda birga qo‘llash o‘rganilmagan va shuning uchun tavsiya qilinmaydi.

SPIRIVA samarani bir maromda saqlab turuvchi davolash uchun sutkada bir marta qo‘llanuvchi bronxolitik vositadir. Bu dori vositasi bronxospazmning o‘tkir xurujlarida, ya’ni shoshilinch holatlarda boshlang‘ich davolash sifatida ishlatish mumkin emas. SPIRIVAning ingalyatsiyasidan keyin yuqori sezuvchanlikning darhol turi rivojlanishi mumkin. Boshqa antixolinergik preparatlar kabi SPIRIVAni yopiqburchakli glaukomasi, prostata bezining giperplaziyasi yoki qovuq bo‘ynining obstruktsiyasi bo‘lgan patsiyentlarda ehtiyotkorlik bilan qo‘llash kerak. Preparatlarning ingalyatsiyasi bronxospazmga olib kelishi mumkin. Yaqinda o‘tqazgan miokard infarkti (<6 oydan), har qanday nostabil yoki hayotga xavf tug‘diruvchi yurak ritmini buzilishlari, yoki aralashuvlar talab etuvchi yurak ritmini buzilishi,  yoki o‘tgan yil davomida dorilar bilan davolashni o‘zgarishi, o‘tgan yil davomida yurak yetishmovchiligi bo‘yicha (Nyu-York kardiologik assotsiatsiyasini tasnifi, NYHA, III yoki IV sinfi) gospitalizatsiya bo‘lgan patsiyentlarda tiotropiy extiyotkorlik bilan qo‘llash kerak. Quyidagi patsiyentlar guruhi klinik tadqiqotlarda qatnashmagan chunki quyidagi holatlarda preparatni antixolinergik samarasi ta’sir qilishi mumkin. O‘rtacha yoki yaqqol buyrak yetishmovchiligi bo‘lgan patsiyentlar (kreatinin klirensi          £50 ml/min) agar kutilayotgan foyda mumkin bo‘lgan xavfdan yuqori bo‘lganida tiotropiya bromidi qabul qilish mumkin. Preparatni uzoq muddat qo‘llash bo‘yicha og‘ir buyrak yetishmovchiligi bo‘lgan patsiyentlar to‘g‘risida  ma’lumotlar yo‘q. Patsiyentlar kukunni ko‘zga tushishdan saqlanish to‘g‘risida ogohlantirish kerak. Patsiyentlar preparatni ishlatish qoidalari bilan tanishtirish kerak. Kukun ko‘zga tushganda cho‘kma yoki  yopiqburchakli glaukomaning o‘tkir xuruji,  ko‘zlarda og‘riq yoki diskomfort, vaqtincha ko‘rishni noaniqligi, kon’yunktival giperemiyasi va shoxpardani shishi natijasida ko‘rish oreolalari yoki rangli obrazlar bilan ko‘zni qizarishi  paydo bo‘lishi mumkin. Har qanday yuqorida ko‘rsatilgan simptomlar paydo bo‘lsa patsiyent tiotropiya bromidini qabul qilishni to‘htatish va  darhol shifokorga murojaat qilish kerak. Antixolinergik vositalar qo‘llangandagi og‘iz qurishi uzoq muddat kuzatilsa kariyes paydo bo‘lishiga olib kelishi mumkin. SPIRIVAni kuniga bir martadan ortiq qo‘llash mumkin emas. SPIRIVA kapsulalarini faqat XandiXaler ingalyatori bilan qo‘llash kerak. Bir kapsula 5,5 mg laktoza monogidrati saqlaydi.

Homiladorlik vaqtida tiotropiyani qo‘llash bo‘yicha ma’lumotlar chegaralgan. Hayvonlarda o‘tqazilgan tadqiqotlar terapevtik dozalar qo‘llanganda reproduktiv tizimiga bevosita yoki bilvosita salbiy ta’siri aniqlanmagan. Ehtiyotkorlik choralari sifatida homiladorlikda SPIRIVAni qo‘llashdan saqlanish kerak. Tiotropiya bromidi ayollar ko‘krak sutiga o‘tishi noma’lum. Kemiruvchalarda o‘tqazilgan  tadqiqotlar tiotropiyning ozgina miqdori ko‘krak sutiga chiqarilishidan dalolat berishiga qaramasdan, SPIRIVAni emizish davrida qo‘llash tavsiya qilinmaydi. Tiotropiya bromidi uzoq muddat ta’sir etuvchi vosita hisoblanadi. Emizishni davom ettirish/to‘htatish yoki SPIRIVA preparati bilan davolashni davom ettirish/to‘htatish haqidagi qarorni bola uchun emizish foydasi va ayol uchun SPIRIVA bilan davolash foydasini baholangandan keyin qabul qilish kerak. Tiotropiyni odamning fertilligiga ta’siri bo‘yicha klinik ma’lumotlar yo‘q. Klinikagacha bo‘lgan tekshirishlar fertillikka har qanday noxush ta’sirini namoyish qilmagan. Avtomobilni va mexanizmlarni boshqarish qobiliyatiga ta’siri Dori vositasini avtomobilni va mexanizmlarni boshqarish qobiliyatiga ta’sirini o‘rganish bo‘yicha tekshirishlar o‘tkazilmagan. Biroq preparat qabul qilinganida bosh aylanishi va ko‘rishning noaniqligi avtomobilni va mexanizmlarni boshqarish qobiliyatiga ta’sir ko‘rsatishi mumkin. Preparat bolalar ololmaydigan joyda saqlansin va yaroqlilik muddati o‘tgach qo‘llanilmasin.

25oS dan yuqori bo‘lmagan haroratda saqlansin. Muzlatilmasin. Yuqori harorat, quyosh nurlari va boshqalar ta’siriga yo‘l qo‘yilmasin.

SPIRIVA yuqori dozalarda qo‘llanganida antixolinergik ta’sirining belgilari bo‘lishi mumkin. Ammo tizimli antixolinergik nojo‘ya samaralar tiotropiyni 340 mkg gacha bo‘lgan bir martalik ingalyatsion dozada sog‘lom ko‘ngillilar qabul qilinganidan keyin aniqlanmagan. Sog‘lom ko‘ngillilarda bir martalik sutkalik 170 mkg doza 7 kun davomida  qabul qilinganida og‘izni qurishi kuzatilgan. u davolash davom ettirilganida yo‘qolgan. Tiotropiyning ko‘p martalik dozalarining samarasi o‘rganilgan tekshirishlarda maksimal 36 mkg preparatni 4 haftadan ko‘proq olgan O‘SOK bo‘lgan patsiyentlarda yakka nojo‘ya samarasi kuzatilmadi. Kapsulalarni tasodifan ichga qabul qilish bilan bog‘liq o‘tkir intoksikatsiyaning ehtimoli, preparatni past biokiraolishligi tufayli kam.

Shifokor retsepti bo‘yicha

Ingalyatsiya uchun kukunli kapsulalar 18 mkg. 10 kapsuladan PVX/alyuminiy folga blisterda. 3 blister XandiXaler ingalyatori bilan yoki ingalyatorsiz qo‘llash bo‘yicha yo‘riqnomasi bilan birga karton qutiga joylanadi.

2 yil. Blister ochilganidan keyin 9 kun davomida ishlatish mumkin.