dumaloq, bir tomoni qavariq, bir tomoni botiq riskali, oq rangli qobiq bilan qoplangan tabletkalar.

uxlatuvchi vosita.

N05CF01

Zopiklon 7,5 mg dozada ichga qabul qilinganidan keyin tez so‘riladi. Qon plazmasidagi maksimal kontsentratsiyasiga 0,5-1,5 soat davomida erishiladi; preparatni qabul qilgandan so‘ng 1 soatdan keyin preparatning 95% so‘riladi. 5-15 mg doza diapazonida qon plazmasidagi preparatning kontsentratsiyasi va doza orasida proportsional korrelyatsiya kuzatiladi. Taqsimlanish hajmi 100 l ga teng, dorining taxminan 45% plazma oqsillari bilan bog‘lanadi. Kuchsiz farmakologik faollikka ega N-oksidi va 2 ta faol bo‘lmagan metabolitlarini hosil qilib jigarda metabolizmga uchraydi. Zopiklon va uning faol metaboliti N-oksidining yarim chiqarilish davri 3,5-6 soat chegaralarida o‘zgaradi. Buyrak faoliyatini ahamiyatsiz va o‘rtacha buzilishlari zopiklonning kinetikasida ahamiyatli o‘zgarishlar chaqirmaydi, yaqqol buyrak yetishmovchiligida esa, kontsentratsiya–vaqt egri chizig‘i ostidagi maydonni, maksimal kontsentratsiyaga erishish vaqti (Tmax) va yarim chiqarilish davri (T1/2) oshishi mumkin. Shuningdek keksa yoshdagi patsiyentlarda yarim chiqarilish davrini biroz oshishi kuzatiladi. Zopiklonning faqat 4-5% siydik bilan o‘zgarmagan holda chiqariladi. Zopiklonning ikki asosiy metabolitlari (faol N-oksidi va faol bo‘lmagan N-dezmetilzopiklon) buyrak orqali, boshqalari esa – o‘pkalar orqali chiqariladi. 24-48 soatdan keyin yuborilgan zopiklonning dozasini deyarli 100% organizmdan chiqariladi.

Preparat kattalarda o‘tkinchi, vaziyatli yoki surunkali uyqusizlikni (shu jumladan uyquga ketishning qiyinligi, tungi va ertalabki uyg‘onib ketishlar) qisqa muddatli davolash uchun qo‘llanadi.

Tabletkalar bevosita uyqu oldidan ichga qabul qilinadi. Kattalarga 7,5 mg li 1 tabletkadan uyquga ketishdan oldin buyuriladi. Buyrak faoliyati buzilishi bo‘lgan patsiyentlarda davolashni 3,75 mg (1/2 tabletkalar) teng dozada boshlash tavsiya etiladi, garchi ushbu guruh patsiyentlarida preparatning to‘planishi aniqlanmagan bo‘lsada. Jigar faoliyatini buzilishi bo‘lgan patsiyentlarda 3,75 mg ga teng dozadan boshlash tavsiya etiladi, chunki ushbu guruh patsiyentlarda preparatni chiqarilishi pasayadi. Zarurati bo‘lgan holda patsiyentning sezuvchanligini e’tiborga olib, dozani 7,5 mg gacha ehtiyotkorlik bilan oshirish mumkin. Nafas yetishmovchiligi bo‘lgan patsiyentlarga kuniga 3,75 mg buyuriladi. Keksa patsiyentlarga avval 3,75 mg preparat buyuriladi. Zarurati bo‘lgan holda patsiyentning shaxsiy sezuvchanligini e’tiborga olib, dori vositasining dozasini asta-sekin oshirish mumkin. Davolash davomiyligi O‘tkinchi uyqusizlik: 2-5 kun. Vaziyatli uyqusizlik: 2-3 hafta. Davolash kursi – dozani kamaytirish davrini qo‘shganda, 4 haftadan oshmasligi lozim. Preparatni qo‘llashdan avval patsiyentlarga davolash davomli bo‘lmasligi va uni asta-sekin to‘xtatish kerakligi haqida tushuntirish kerak. Bolalarda qo‘llanishi: Somnolni bolalarda qo‘llashning samaradorligi va xavfsizligi aniqlanmagan, shuning uchun pediatriya amaliyotida somnol qo‘llanmaydi.

Eng ko‘p uchraydigan nojo‘ya samarasi – og‘izda achchiq yoki metall ta’mi hisoblanadi. Shuningdek boshqa nojo‘ya samaralari – ko‘ngil aynishi, qusish, bosh og‘riqlari, bosh aylanishi, uyquchanlik va og‘izni qurishi haqida ham xabarlar bor. Ruhiyatni buzilishlari aniqlangan. Kam hollarda: tungi dahshatlar, gallyutsinatsiyalar va xulqiy o‘zgarishlar, masalan yuqori qo‘zg‘aluvchanlik, ongni chalkashishi, tushkunlik, tajavvuzkorlik, depressiya, anterograd amneziya, amneziyaga bog‘liq bo‘lishi mumkin bo‘lgan noadekvat xulq, somnabulizm, libidoni buzilishi. Juda kam hollarda: eyforiya va harakat koordinatsiyasini buzilishi. Ushbu nojo‘ya holatlar ko‘pincha keksa yoshdagi shaxslarda kuzatiladi, biroq og‘ir shakli kam hollarda bo‘ladi. Davolash to‘xtatilganida “qaytalanish” fenomeni paydo bo‘lishi (tez-tez uyg‘onish, uyqusizlikni qaytalanishi yoki uni kuchayishi) yoki doriga qaramlikni paydo bo‘lishi mumkin, ammo bu odatda uzoq muddat qo‘llangandan keyin bo‘ladi. Juda kam hollarda tirishishlar kuzatilishi mumkin. Ba’zida somnol qabul qilayotgan patsiyentlarda yuqori sezuvchanlik reaktsiyalari, masalan, eshakemi yoki teri toshmasi, juda kam hollarda – anafilaktik reaktsiyalar va/yoki angionevrotik shish rivojlanishi mumkin. Juda kam hollarda jigar transaminazalarining darajasini va/yoki qon plazmasida ishqoriy fosfatazaning yengil va o‘rtacha oshishi kuzatilishi mumkin.

Somnolni quyidagi hollarda qo‘llash mumkin emas: preparatga yuqori sezuvchanlik;og‘ir miasteniya (Myasthenia gravis),jigar faoliyatining og‘ir yetishmovchiligi,uyqu vaqtidagi yaqqol apnoe;og‘ir nafas yetishmovchiligi;galaktozani tug‘ma o‘zlashtiraolmaslik, laktaza tanqisligi, glyukoza – galaktoza malabsorbtsiyasi;homiladorlik;emizish davri;18 yoshgacha bo‘lgan bolalar.

Alkogol Somnolning sedativ ta’sirini kuchaytiradi. Shuning uchun ushbu vositalar birga qo‘llanganida, uyg‘ongandan keyin uyquchanlik kuzatilishi mumkin, bu o‘z navbatida transport vositalarini boshqarish yoki turli texnik uskunalarda operatorlik ishini bajarishda salbiy ta’sir ko‘rsatishi mumkin. Somnolning MNT ga ta’sirini MNT faoliyatiga susaytiruvchi ta’sir ko‘rsatuvchi boshqa dori vositalari kuchaytirishi mumkin. Somnolni antipsixotik (neyroleptik) vositalar, uxlatuvchi, anksilotik/sedativ vositalar, antidepressantlar, narkotik analgetiklar, tirishishga qarshi vositalar va og‘riq qoldiruvchi, shuningdek sedativ xususiyatlarga ega gistaminga qarshi vositalar bilan birga qo‘llashdan oldin, kutilayotgan terapevtik samarani sinchiklab baholash kerak. Benzodiazepin hosilalariga o‘xshash preparatlar va narkotik analgetiklar, opiatlar va morfin hosilalari (og‘riqni qoldiruvchi vositalar, yo‘talga qarshi vositalar va o‘rnini bosuvchi davolash) bilan birga qo‘llash, eyforiyani kuchayishiga va doriga qaramlik rivojlanish xavfini oshishiga olib kelishi mumkin. Somnolni narkotik analgetiklar va barbituratlar bilan majmuada qo‘llash, nafasni susayishi xavfini chaqirishi mumkin. Dozani oshirib yuborish o‘lim bilan yakunlanishi mumkin. Klozapin nafasni va/yoki yurakni to‘xtashi bilan kechuvchi shok xavfini oshirishi mumkin. Jigar fermentlarining ingibitorlari bilan birga qo‘llansa, ayniqsa tsitoxrom R450 (masalan, eritromitsin antibiotiki, kvinupristin/dalfopristin, zamburug‘larga qarshi preparatlar itrakonazol, ketokonazol bilan) ta’siri kuchayadi. Biroq bir vaqtda karbamazepin, fenitoin yoki rifampitsinni qo‘llash (jigar fermentlarining faolligini kuchaytiradilar) Somnolning terapevtik samarasini pasaytiradi.

Somnol tabletkasining qobig‘i tarkibiga laktoza kiruvchi bo‘yovchi saqlaydi, shuning uchun galaktozani tug‘ma o‘zlashtiraolmaslikda, laktaza tanqisligi yoki glyukoza-galaktoza malabsorbtsiya bo‘lgan patsiyentlarga, ushbu dorini buyurish mumkin emas. Jigar va buyrak faoliyatini buzilishi bo‘lgan patsiyentlarda, shuningdek keksa odamlarda va nafas yetishmovchiligi bo‘lgan patsiyentlarda Somnol ehtiyotkorlik bilan qo‘llanadi (dozani kamaytirish tavsiya etiladi) (Qo‘llash usuli va dozalari bo‘limiga qarang). Davolash vaqtida alkogolni iste’mol qilish mumkin emas. Somnolni alkogolizmi bo‘lgan yoki anamnezida o‘rganib qolishlar/qaramlik bo‘lgan patsiyentlarga buyurilganda alohida ehtiyotkorlikka rioya qilish lozim. Doimo iloji bo‘lsa uyqusizlik sabablarini aniqlash va uyqu vositalarini buyurishdan oldin, uni chaqiruvchi omillarni yo‘qotish kerak. Benzodiazepinlar va ularning analoglari psixozni davolashda birinchi tanlov preparati hisoblanmaydi. Somnol bilan davolash vaqtida paradoksal ruhiy reaktsiyalarni paydo bo‘lishi haqida ma’lumotlar bor (Nojo‘ya ta’sirlari bo‘limiga qarang). Tolerantlik Benzodiazepinlar va ularning analoglari bir necha hafta davomida takroran qo‘llanganida ta’siri samaradorligini kamayishi mumkin, biroq somnol qo‘llanganida ahamiyatli o‘rganib qolish (tolerantlik) hollari aniqlanmagan. Agar preparat tavsiyalarga mos ravishda 4 haftadan oshmagan holda ishlatilsa, tolerantlikni paydo bo‘lishini ehtimoli kam. Dozani oshirish mumkin emas. Qaramlikni rivojlanish xavfi Somnol, benzodiazepin va ularning analoglariga o‘xshab (hattoki terapevtik dozalarda), jismoniy (somatik) va ruhiy qaramlik yoki tolerantlikni chaqirish mumkin. Qaramlikni rivojlanish xavfi dozani oshirilishida va uzoq muddatli davolaganda, shuningdek boshqa benzodiazepin bilan majmuada oshishi mumkin. Biroq, agar davolash kursi 4 haftadan kam bo‘lsa, xavf kamligicha qoladi. Preparat anamnezida alkogolni haddan ziyod iste’mol qilishga ko‘rsatma va/yoki dori vositalariga qaramligi bo‘lgan patsiyentlarga buyurilganida, ularda qaramlikni rivojlanish xavfi yuqori ekanligini hisobga olish lozim. Ushbu patsiyentlar sinchkov nazorat ostida bo‘lishlari lozim. Agar patsiyentda ushbu preparatga jismoniy qaramlik paydo bo‘lsa, uni qo‘llashni birdan to‘xtatish “bekor qilish” sindromini rivojlanishiga olib kelishi mumkin, unga quyidagi belgilar xarakterlidir: uyqusizlik, bosh og‘rig‘i, mushaklarda og‘riq, xavotirlik, zo‘riqish, qo‘zg‘aluvchanlik, ongni chalkashishi va ta’sirchanlik. Og‘irroq holarda quyidagi belgilar kuzatilishi mumkin: voqelikni qabul qilishni buzilishi, depersonalizatsiya, oyoq-qo‘llarda sezuvchanlikni yo‘qolishi va uvishish, shovqinga, yorug‘likka va jismoniy muloqotga yuqori sezuvchanlik, gallyutsinatsiyalar va tutqanoqli tirishishlar. Abstinentsiya simptomlari davolash to‘xtatilganidan keyin bir necha kun davomida paydo bo‘lishi mumkin. Benzodiazepinlar va ularning analoglari bilan muntazam davolanish vaqtida alohida abstinet belgilarning qisqa muddatli ta’siri ikki qabul qilishlar orasida ham paydo bo‘lishi mumkin, asosan yuqori dozalar qo‘llanganida. Agar davolash davomiyligi 4 haftadan oshmasa, dorini qo‘llash to‘xtatilganida “bekor qilish” belgilarini paydo bo‘lishini ehtimoli kam. Shunga qaramasdan davolashni asta-sekin to‘xtatish tavsiya etiladi. “Qaytalanish” fenomeni Preparatni qabul qilish to‘xtatilganida, o‘tkinchi sindrom qayta tiklanishi mumkin, bunday holda ular tufayli davolash boshlangan simptomlar kuchli qaytalanishi mumkin – ko‘pincha yuqorida ta’riflangan “bekor qilish” simptomlarining biri bilan qo‘shilgan og‘ir uyqusizlikdir. Ushbu sindrom asosan uzoq muddatli davolash birdan to‘xtatilganida yoki tavsiya etilgan dozadan yuqori doza qo‘llanganida paydo bo‘lishi mumkin. Shuning uchun preparatni qo‘llashni birdan to‘xtatishdan saqlanish kerak, uni qo‘llashni to‘xtatish asta-sekin amalga oshiriladi (Qo‘llash usuli va dozalari bo‘limiga qarang). Patsiyentlar uyqusizlikni yana qaytalanishi xavfi haqida ogohlantirilgan bo‘lishlari kerak. Depressiya Somnol antidepressant hisoblanmaydi. Agar uyqusizlik depressiya bilan bog‘liq bo‘lsa, u holda Somnolni qo‘llashdan oldin uni bartaraf qilish lozim. Benzodiazepinlar va ularning analoglarini depressiyani davolash uchun va u chaqirgan xavotirlikda monoterapiyada foydalanish mumkin emas, chunki ular o‘z joniga qasd qilish fikrlarini uyg‘otishi mumkin. Amneziya Agar tabletka kechqurun qabul qilinganidan keyin patsiyent baribir tunda uyg‘onib ketsa yoki uxlay olmasa yoki uyqusi kelmasa, anterograd amneziya rivojlanishi mumkin. Shuning uchun dorini aynan uyqu oldidan qabul qilish lozim (Qo‘llash usuli va dozalari bo‘limiga qarang) va iloji boricha uzluksiz 7-8 soatli uyqu uchun yaxshi sharoitni ta’minlash lozim. Shuningdek, amneziya ta’siri ostida avtomatik ta’siri haqida xabar berilgan. Davolash davomiyligi Tolerantlikni paydo bo‘lishini oldini olish uchun davolash iloji boricha qisqa bo‘lishi lozim (Qo‘llash usuli va dozalari bo‘limiga qarang), davolash davomiyligi, shu jumladan dozani pasaytirish davri 4 haftadan oshmasligi kerak. Davolash uzoq muddat bo‘lmasligi haqida patsiyentlarga tushuntirish va ularga paydo bo‘lishi mumkin bo‘lgan abstinent simptomlar haqida ma’lumot berish kerak. Davolash kursini davom ettirishning zarurati bo‘lganida barcha omillarni sinchiklab baholash talab etiladi. Boshqa ruhiy va paradoksal reaktsiyalar Alohida patsiyentlarda benodiazepinlar va ularning analoglarini qo‘llash vaqtida paradoksal reaktsiyalar paydo bo‘lishi mumkin: uyqusizlikni va tungi dahshatlarni kuchayishi,asabiylik, ta’sirchanlik, qo‘zg‘alish, tajovvuzkorlik va g‘azab xurujlari.deliriy, gallyutsinatsiyalar, onirik deliriy, psixotik simptomlar, noadekvat harakatlar va boshqa xulqiy buzilishlar.

Quruq, yorug‘likdan himoyalangan joyda, 25°S dan yuqori bo‘lmagan haroratda saqlansin. Bolalar ololmaydigan joyda saqlansin.

Simptomlari: Somnolning dozasi oshirib yuborilganida asosan markaziy nerv tizimini (MNT) susayishi rivojlanadi, bunda uyquchanlikdan to komagacha bo‘lgan simptomlar majmuasi kuzatilishi mumkin. Odatda MNT ning bu susayishi patsiyent hayotiga xavf solmaydi. Biroq, somnol alkogol yoki MNT ga susaytiruvchi ta’sir ko‘rsatadigan boshqa vositalar bilan majmuada qo‘llanganida, dozani oshirib yuborilishi og‘ir va patsiyent hayoti uchun xavfli bo‘lishi mumkin. Davolash: nafasni normallashtirish va yurak faoliyatiga asosiy e’tiborni qaratgan holda, simptomatik va tutib turuvchi davolashdan foydalaniladi. Zaharga qarshi modda sifatida benzodiazepin retseptorlarining antagonisti bo‘lgan flumazenilni ishlatish mumkin. Agar dozani oshirib yuborilish tashhisi preparat qabul qilinganidan keyin darhol aniqlangan bo‘lsa, me’dani yuvishni o‘tkazish maqsadga muvofiqdir. Somnolning dozasi oshirib yuborilganida gemodializdan foydalanish terapevtik samara bermaydi.

Retsept bo‘yicha

10 tabletkadan polivinilidenxlorid qoplamali polivilxlorid plyonka va alyumin folgali kontur uli o‘ramda. 1 yoki 2 kontur uyali o‘ramdan qo‘llash bo‘yicha yo‘riqnomasi bilan karton qutida.

3 yil. O‘ramida ko‘rsatilgan yaroqlilik muddati o‘tgach preparat qo‘llanilmasin.