qahrabo rangli ampulada rangsiz yoki och-sarg‘ish eritma.

nosteroid yallig‘lanishga qarshi vosita.

M01AV15

Quyidagi og‘riqlar kabi o‘rtacha darajadagi va kuchli og‘riqlarni bartaraf etish uchun qisqa muddatli qo‘llash uchun ko‘rsatilgan: – operatsiyadan keyingi og‘riqlar: abdominal, ginekologik, jarrohlik, ortopedik operatsiyalar keyin va boshqalar; – mushak-skelet tizimidagi o‘tkir og‘riq sindromi: o‘tkir cho‘zilishlar, chiqishlar, sinishlar va yumshoq to‘qimalarni shikastlanishi; – tish og‘rig‘i, shu jumladan stomatologik aralashuvlardan keyin; – tug‘ruqdan keyingi og‘riqlar (tug‘ruqda ketorolakni qo‘llash mumkin emas); – onkologik og‘riqlar, ishialgiya, fibromialgiya, yumshoq to‘qimalarning surunkali patologiyalarida bo‘g‘imdagi bo‘lmagan og‘riq sindromlari, osteoartroz va buyrak va jigar sanchig‘ida yordamchi vosita sifatida og‘riq sindromini zo‘rayishida qisqa muddatli og‘riqni qoldirish uchun.

Ketorolak inyektsiyalari mushak ichiga yoki vena ichiga qo‘llanadi. Vena ichiga yuborilganida preparatning dozasi kamida 15 sekund davomida yuborilishi kerak. Ketorolak inyektsiyalari teri ostiga va orqa miya inyektsiyalari uchun qo‘llanmaydi. Mushak ichiga va vena ichiga yuborilganida analgetik samarasi 30 minut davomida namoyon bo‘ladi, maksimal analgetik ta’siri bir soatdan ikki soatgacha davom etadi. Og‘riq qoldiruvchi ta’siri 4-6 soat davomida davom etadi. Preparatning dozalari og‘riqning darajasi va preparatga reaktsiyaga qarab to‘g‘rilanishi kerak. Preparatning nohush samaralari qisqa muddatli og‘riq qoldiruvchi samarasi uchun dozani kamaytirish yo‘li bilan pasaytirilishi mumkin. Ko‘p martalik mushak ichiga yoki vena ichiga inyektsiyalarni qo‘llash ikki kundan oshmasligi kerak, chunki uzoq muddat qo‘llanganida nojo‘ya samaralarining paydo bo‘lish tez-tezligi oshadi. Uzoq muddatli qo‘llashning tajribasi yo‘q, shuning uchun bemorlarga og‘riq qoldiruvchi davolashning boshqa turlariga o‘tish tavsiya qilinadi. Kattalarga: Bir martalik doza – 10-30 mg, yuborish tez-tezligi – har 4-6 soatda. Tana vazni 50 kg dan kam bemorlar va 65 yoshdan oshgan shaxslar uchun bir martalik doza kamaytirilishi mumkin. Zarurati bo‘lganida preparatni har 2 soatda yuborish mumkin. Maksimal sutkalik doza – 120 mg. O‘tkir og‘riqni yo‘qotish uchun boshlang‘ich doza 30 mg ni tashkil qiladi, yuborish tez-tezligi har 15-30 minut o‘tgach, keyinchalik har 30 minutda 15 mg dan qo‘llash mumkin. Preparat qo‘llashning maksimal davomiyligi – 5 kun. Preparatni mushak ichiga, vena ichiga yuborish mumkin. Og‘riq juda kuchli bo‘lganida, erta ta’sirdan keyingi davrda optimal og‘riqni qoldiruvchi samaraga erishish uchun, birga opioid analgetiklar (masalan morfin, pentidin) ni qo‘llash mumkin. Ketorolak opioidlarga qaramlikni kuchaytirmaydi va ularning ta’sirini potentsiyalamaydi. Opioidlar ketorolakni yuborish bilan birga qo‘llanganida, odatda opioidlarning dozasi odatdagiga qaraganda kamaytiriladi. Biroq, birga qo‘llanganidan keyin nojo‘ya samaralarini paydo bo‘lishi mumkinligi sababli, ayniqsa operatsion jarrohlikda, bir kun davomida kuzatish kerak. Ketorolakni ham mushak ichiga, ham peroral qabul qiluvchi patsiyentlar, 90 mg dan yuqori bo‘lmagan yig‘indi sutkalik dozani qabul qilishlari kerak (60 mg keksa bemorlar uchun va buyrak kasalliklari bo‘lgan yoki tana vazni 50 kg dan ortiq bo‘lmagan bemorlar uchun 50 mg dan ko‘p emas). Majmuaviy qabul qilishdan oral doza 40 mg dan oshmasligi kerak. Patsiyentlar iloji boricha tezroq preparatni og‘iz orqali qabul qilishga o‘tishlari kerak. Keksalarga: 65 yoshdan oshgan patsiyentlar uchun dozalashni pastroq diapazoni va umumiy sutkalik dozani 60 mg dan oshirmaslik tavsiya qilinadi. Bolalarga: Bolalar uchun xavfsizligi va samaradorligi aniqlanmagan. Shuning uchun ketorolak inyektsiyalarini 16 yoshdan kichik bolalarda qo‘llash tavsiya etilmaydi.

Yurak-tomir tizimi tomonidan: kam – bradikardiya, arterial bosimni o‘zgarishi, yurak urishi, xushdan ketish. Ovqat-hazm qilish tizimi tomonidan: ko‘ngil aynishi, qorinda og‘riq, diareya bo‘lishi mumkin; kam – qabziyat, meteorizm, me’da-ichak yo‘llarida to‘liqlik hissi, qusish, og‘izni qurishi, chanqoqlik, stomatit, gastrit, me’da-ichak yo‘llarini eroziv-yarali shikastlanishi, jigar faoliyatini buzilishlari. Markaziy va periferik nerv tizimi tomonidan: bezovtalik, bosh og‘rig‘i, uyquchanlik bo‘lishi mumkin; kam – paresteziyalar, depressiya, eyforiya, uyquni buzilishi, bosh aylanishi, ta’m bilishni o‘zgarishi, ko‘rishni buzilishi, harakat buzilishlari. Nafas tizimi tomonidan: kam – nafasni buzilishi, bo‘g‘ilish xuruji. Siydik chiqarish tizimi tomonidan: kam – tez-tez siyish, oliguriya, poliuriya, proteinuriya, gematuriya, azotemiya, o‘tkir buyrak yetishmovchiligi. Qon ivishi tizimi tomonidan: kam – burun qonashi, anemiya, eozinofiliya, trombotsitopeniya, operatsiyadan keyingi yaralardan qon ketishi. Moddalar almashinuvi tomonidan: ko‘p terlash, shishlar bo‘lishi mumkin; kam – oliguriya, qon plazmasida kreatinin va/yoki mochevina miqdorini oshishi, gipokaliyemiya, giponatriyemiya. Allergik reaktsiyalar: teri qichishishi, gemorragik toshma bo‘lishi mumkin; ayrim hollarda – eksfoliativ dermatit, eshakemi, Layell sindromi, Stivens-Djonson sindromi, anafilaktik shok, bronxospazm, Kvinke shishi, mialgiya. Boshqalar: isitma bo‘lishi mumkin. Mahalliy reaktsiyalar: inyektsiya joyida og‘riq.

Me’da ichak yo‘llariningning zo‘rayish bosqichidagi eroziv yarali shikastlanishlari, “aspirin” astmasi, buyraklar faoliyatini yaqqol buzilishlari (plazmada kreatinin klirensi 5,0 mg/dl dan yuqori), homiladorlik va laktatsiya davrlari, erta tug‘ruqdan keyingi davr, 16 yoshgacha bo‘lgan bolalar; ketorolak, atsetilsalitsil kislotasi va boshqa nosteroid yallig‘lanishga qarshi vositalarga yuqori sezuvchanlik.

Ketorolakni boshqa NYAQV lar bilan bir vaqtda qo‘llashda additiv nojo‘ya samaralar rivojlanishi mumkin; pentoksifillin, antikoagulyantlar (varfarin, geparin past dozalarda) – qon ketishi xavfi oshishi mumkin; AAF ingibitori bilan – buyrak faoliyatini buzilishlarini rivojlanish xavfi ortishi mumkin; probenetsid bilan – plazmada ketorolak kontsentratsiyasi va uning yarim chiqarilish davri ortadi; litiy preparatlari bilan – litiyning buyrak klirensi kamayishi va uning plazmadagi kontsentratsiyasi ortishi mumkin; furosemid bilan – uning siydik haydovchi ta’siri kamayishi mumkin. Ketorolakni qo‘llashda og‘riqni qoldirish maqsadida opioid analgetiklarga bo‘lgan ehtiyoj kamayadi.

Jigar va buyrak faoliyatini buzilishi, surunkali yurak yetishmovchiligi, arterial gipertenziyasi bo‘lgan patsiyentlarda, me’da-ichak yo‘llarini eroziv-yarali shikastlanishlari va anamnezida bo‘lgan me’da-ichak yo‘llaridan qon ketishi bo‘lgan bemorlarda ehtiyotkorlik bilan qo‘llanadi. Premedikatsiya uchun vosita, tutib turuvchi anesteziya va akusherlik amaliyotida og‘riqni qoldirish uchun ketorolakni qo‘llash tavsiya etilmaydi. Sinchkov gemostaz talab etiladigan hollarda operatsiyadan keyingi davrda (shu jumladan prostata bezi rezektsiyasi, tonzillektomiya, kosmetik jarrohlikda), shuningdek keksa yoshli patsiyentlarda ketorolak ehtiyotkorlik bilan qo‘llanishi kerak, chunki ketorolakning yarim chiqarilish davri uzayadi, plazma klirensi esa kamayishi mumkin. Ushbu toifadagi bemorlarda ketorolak terapevtik diapazonning pastki chegarasiga yaqin dozalarda qo‘llash tavsiya etiladi. Jigarni shikastlanishi simptomlari, teri toshmasi, eozinofiliya paydo bo‘lganida ketorolakni bekor qilish kerak. Avtomobilni va murakkab mexanizmlarni boshqarish qobiliyatiga ta’siri Agar ketorolak bilan davolash davrida uyquchanlik, bosh aylanishi, uyqusizlik yoki depressiya paydo bo‘lsa, diqqatni yuqori jamlash va psixomotor reaktsiyalarning tezligini talab qiluvchi potentsial xavfli faoliyat turlari bilan shug‘ullanishdan saqlanish kerak. Preparat bolalar olaolmaydigan joyda saqlansin va yaroqlilik muddati o‘tgach qo‘llanilmasin.

Quruq, qorong‘u joyda, 30oS dan past haroratda saqlansin.

Simptomlari (bir marta yuborishda): qorinda og‘riq, ko‘ngil aynishi, qusish, giperventilyatsiya, peptik yaralar va/yoki eroziv gastritni paydo bo‘lishi, buyrak faoliyatini buzilishi.

Retsept bo‘yicha

1 ml to‘q rangli shisha ampulalar. 10 ampuladan qo‘llash bo‘yicha yo‘riqnoma bilan karton qutiga joylangan.

3 yil.