Roakkutanretsept bilan rasmini ko'rish

Tarkibi:

10 mg li bir kapsula quyidagilarni saqlaydi: ta’sir etuvchi modda: izotretinoin – 10 mg; yordamchi moddalar: soya dukkaklari moyi – 107,92 mg, sariq ari mumi – 7,68 mg, gidrogenizatsiya qilingan soya dukkaklari moyi – 7,68 mg, qisman gidrogenizatsiya qilingan soya dukkaklari moyi – 30,72 mg; kapsula qobig‘i: 85% li glitserol – 31,275 mg, jelatin – 75,64 mg; Karion 83 (gidrolizlangan kartoshka kraxmali, mannitol, sorbitol) – 8,065 mg, temir (III) oksidi bo‘yovchisi (Ye172) – 0,185 mg, titan dioksidi (Ye171) – 1,185 mg; kapsuladagi yozuvni yozish uchun siyoh: shellak, temir (II) (III)-oksidi bo‘yovchisi (Ye172); Opacode Black S-1-17823 tayyor siyohini ishlatish mumkin. 20 mg li bir kapsula quyidagilarni saqlaydi: ta’sir etuvchi modda: izotretinoin – 20 mg; yordamchi moddalar: soya dukkaklari moyi – 215,84 mg, sariq ari mumi – 15,36 mg, gidrogenizatsiya qilingan soya dukkaklari moyi – 15,36 mg, qisman gidrogenizatsiya qilingan soya dukkaklari moyi – 61,44 mg; kapsula qobig‘i: 85% li glitserol – 49,835 mg, jelatin – 120,66 mg; Karion 83 (gidrolizlangan kartoshka kraxmali, mannitol, sorbitol) – 12,86 mg, temir (III) oksidi bo‘yovchisi (Ye172) – 0,145 mg, titan dioksidi (Ye171) – 1,97 mg; kapsuladagi yozuvni yozish uchun siyoh: shellak, temir (II,III) oksidi bo‘yovchisi (Ye172); Opacode Black S-1-17823 tayyor siyohini ishlatish mumkin.

Preparatning savdo nomi:

Roakkutan

Farmakalogik guruhi:

Husnbuzar toshmasini davolash uchun qo‘llanadigan vosita

Dori shakli:

Kapsulalar

10 mg li kapsulalar: oval shaklli, jigarrang-qizil rangli, tiniq bo‘lmagan kapsulalar; kapsulaning yuzasida qora siyoh bilan yozilgan “ROA 10” yozuvi bor; kapsulaning ichidagisi – sariq rangdan to‘q sariq rangligacha bo‘lgan bir xil suspenziya. 20 mg li kapsulalar: oval shaklli, bir tomoni jigarrang-qizil rangli, tiniq bo‘lmagan, boshqa tomoni oq rangi, tiniq bo‘lmagan kapsulalar; kapsulaning yuzasida qora siyoh bilan yozilgan “ROA 20” yozuvi bor; kapsulaning ichidagisi – sariq rangdan to‘q sariq rangligacha bo‘lgan bir xil suspenziya.

Husnbuzar toshmasini davolash uchun qo‘llanadigan vosita

[D10BA01]

Izotretinoin va uning metabolitlarining kinetikasi to‘g‘ri proportsional xarakterga egaligi tufayli, davolanish vaqtida uning plazmadagi kontsentratsiyasini, preparat bir marta qabul qilingandan keyin olingan ma’lumotlar asosida oldindan aytish mumkin. Preparatning bu hususiyati, shuningdek u dori vositalarning metabolizmida ishtirok etuvchi jigar fermentlarining faolligiga ta’sir qilmasligidan dalolat beradi. So‘rilishi Izotretinoinni me’da-ichak yo‘llaridan so‘rilishi o‘zgarib turadi. Izotretinoinning mutloq biokiraolishligi aniqlanmagan, chunki odamda preparatning vena ichiga yuborish uchun dori shakli yo‘q. Biroq, itlarda o‘tkazilgan tadqiqotlardan olingan ma’lumotlarni ekstrapolyatsiya qilish, tizimli biokiraolishligi yetarlicha past va o‘zgaruvchan deb taxmin qilish imkonini beradi. Akne bo‘lgan bemorlarda 80 mg izotretinoin ich qoringa qabul qilinganidan so‘ng muvozanat holatida plazmadagi maksimal kontsentratsiyasi 310 ng/ml (188-473 ng/ml diapazoni) ni tashkil etgan va unga 2-4 soatdan keyin erishilgan. Izotretinoinning plazmadagi kontsentratsiyasi, uni eritrotsitlarga kirishi yomon bo‘lganligi sababli, qondagi kontsentratsiyasiga nisbatan 1,7 marta yuqori. Izotretinoinni ovqat bilan birga qabul qilish, preparatning biokiraolishligini och qoringa qabul qilingandagiga nisbatan 2 marta oshiradi. Taqsimlanishi Izotretinoin plazma oqsillari bilan, asosan albuminlar bilan yuqori darajada (99,9%) bog‘lanadi, bu terapevtik kontsentratsiyasining keng doirasida preparatning erkin fraktsiyasi (farmakologik jihatdan faol fraktsiyasi) ning miqdori uning umumiy miqdorini 0,1% dan kamroq foizni tashkil etadi. Odamda izotretinoinning taqsimlanish hajmi aniqlanmaydi, chunki vena ichiga yuboriladigan dori shakli mavjud emas. Preparatni 40 mg dan sutkada 2 marta qabul qilgan, og‘ir darajadagi akne bilan xastalangan bemorlar qonidagi izotretinoinning muvozanatli kontsentratsiyasi 120 dan 200 ng/ml gacha bo‘lgan kontsentratsiyalarda o‘zgarib turgan. Ushbu bemorlarda 4-okso-izotretinoinning kontsentratsiyasi izotretinoinning kontsentratsiyasidan 2,5 marta yuqori bo‘lgan. Izotretinoinni odam to‘qimalariga kirishi yuzasidan ma’lumotlar yetarli emas. Izotretinoinning epidermisdagi kontsentratsiyasi zardobdagiga nisbatan ikki marta kam. Metabolizmi Ichga qabul qilinganidan so‘ng plazmada uchta asosiy metaboliti: 4-okso-izotretinoin, tretinoin (to‘liq trans-retinat kislotasi) va 4-okso-retinoinlar aniqlanadi. Asosiy metaboliti bo‘lib, 4-okso-izotretinoin hisoblanadi, uning plazmadagi kontsentratsiyasi muvozanat holatida dastlabki preparatning kontsentratsiyasiga nisbatan 2,5 marta yuqori. Shuningdek glyukuronidlardan tarkib topgan, ahamiyati kamroq bo‘lgan metabolitlari ham aniqlangan, biroq barcha metabolitlarining strukturasi aniqlanmagan. Izotretinoinning metabolitlari bir qancha laborator sinamalarida tasdiqlangan biologik faollikka ega. Shunday qilib, bemorlarda preparatning klinik samaralari izotretinoin va uning metabolitlarining farmakologik faolligi natijasi bo‘lishi mumkin. Garchi in vivo sharoitlarida izotretinoin va tretinoin (to‘liq trans-retinat kislotasi) bir biriga qaytar ravishda aylanib tursa-da, tretinoinning metabolizmi izotretinoinning metabolizmi bilan bog‘liqdir. Izotretinoinning dozasini 20-30% izomerizatsiya yo‘li bilan metabolizmga uchraydi. Odamda izotretinoinning farmakokinetikasida enterogepatik tsirkulyatsiya muhim rol o‘ynashi mumkin. In vitro sharoitlarida preparatning metabolizmini o‘rganish, izotretinoinni 4-okso-izotretinoin va tretinoinga aylanishida tsitoxrom R450 (CYP) fermentlar tizimining bir qancha fermentlari ishtirok etishini ko‘rsatdi. Ehtimol, bunda hech bir izoformalari dominant rolini o‘ynamaydi. Roakkutan® va uning metabolitlari CYP) fermentlar tizimining faolligiga ahamiyatli ta’sir ko‘rsatmaydi. Chiqarilishi Ichga qabul qilingandan so‘ng radioaktiv nishonlangan izotretinoinning siydik va axlatdagi miqdori taxminan bir xil bo‘ladi. Akne bo‘lgan bemorlarda o‘zgarmagan preparatning yarim chiqarilish davrini terminal bosqichi o‘rtacha 19 soatni tashkil etadi. 4-okso-izotretinoinning yarim chiqarilish davrini terminal bosqichi, ehtimol yuqori va o‘rtacha 29 soatga teng. Izotretinoin tabiiy (fiziologik) retinoidlarga kiradi. Retinoidlarning endogen kontsentratsiyasi Roakkutan® preparatini qabul qilish tugaganidan so‘ng taxminan 2 haftadan keyin tiklanadi.

Aknening og‘ir shakllari (tugunli-kistoz, konglobat akne yoki chandiqlarni hosil bo‘lish havfi bo‘lgan akne). Boshqa davolash turlari bilan davolab bo‘lmaydigan akneda qo‘llanadi.

Ichga, ovqat vaqtida kuniga bir yoki ikki marta qabul qilinadi. Roakkutan® preparatining terapevtik samaradorligi va uning nojo‘ya ta’sirlari dozasiga bog‘liq va turli bemorlarda o‘zgarib turadi. Bu davolanish vaqtida dozani individual tanlash zaruriyatini taqazo etadi. Roakkutan® preparati bilan davolashni sutkada tana vazniga 0,5 mg/kg doza bilan boshlash kerak. Ko‘pchilik bemorlar uchun preparatning dozasi sutkada tana vazniga 0,5 dan 1,0 mg/kg gacha chegaralarda tebranadi. Kasallikning juda og‘ir shakllari yoki tana aknesi bo‘lgan bemorlarga tana vazniga 2,0 mg/kg gacha bo‘lgan yanada yuqoriroq sutkalik dozalari talab etilishi mumkin. Remissiya tezligi va qaytalanishlarni oldini olish tana vazniga 120-150 mg/kg kurslik dozasi (davolash kursiga) ishlatilganida optimal bo‘lishi isbotlangan, shuning uchun ma’lum bemorlarda davolash davomiyligi sutkalik dozaga qarab o‘zgaradi. Aknening to‘liq remissiyasiga ko‘proq davolashning 16-24 haftalariga kelib erishiladi. Tavsiya etilgan dozani juda yomon o‘zlashtira oladigan bemorlarda davolashni kichikroq dozada davom ettirish mumkin, biroq uzoqroq davom ettiriladi. Ko‘pchilik bemorlarda akne bir martalik davolash kursidan so‘ng butunlay yo‘qoladi. Kasallik yaqqol qaytalanganida Roakkutan® preparatini birinchi marta qo‘llangan, sutkalik va kurslik dozasi bilan takroriy davolash kursini o‘tkazish ko‘rsatilgan. Garchi yaxshilanish preparat bekor qilingandan so‘ng 8 haftaga qadar davomida davom etishi mumkin bo‘lsa-da, takroriy davolash kursini ushbu muddat tugamasdan oldin buyurish mumkin emas.

Roakkutan® preparatining ko‘pchilik nojo‘ya ta’sirlari dozasiga bog‘liq. Odatda, preparat tavsiya etilgan dozalarda buyurilganida foyda va havf nisbati, kasallikning og‘irligini hisobga olish bemor uchun ma’quldir. Odatda nojo‘ya ta’sirlari preparatning dozasiga tuzatish kiritilgandan yoki bekor qilingandan so‘ng qaytuvchan xususiyatga ega, ammo ayrimlari davolash to‘xtatilganidan keyin ham saqlanib turishi mumkin. A Gipervitaminozi bilan bog‘liq bo‘lgan simptomlar: teri va shilliq qavatlarni, shu bilan birga lab (xeylit), burun bo‘shlig‘i (qon ketishi), halqum-xiqildoq (ovozini bo‘g‘ilishi), ko‘zning shilliq qavatlarini qurishi (kon’yunktivit, shox pardani qaytuvchan xiralashishi va kontakt linzalarni o‘zlashtirolmaslik) bo‘lishi mumkin. Teri va uning hosilalari: toshma, qichishish, yuz eritemasi/dermatit, kuchli terlash, piogen granulema, paronixiyalar, onixodistrofiya, granulyatsion to‘qimani kuchli o‘sishi, sochlarni yupqalashishi, sochlarni qaytuvchan to‘kilishi, aknening fulminant shakllari, girsutizm, giperpigmentatsiya, fotosensibilizatsiya, fotoallergiya, terini salga jarohatlanishi, qo‘l va oyoq kafti terisini qipiqlanishi. Davolashni boshlanishida akneni, bir necha hafta saqlanib turuvchi, zo‘rayishi bo‘lishi mumkin. Suyak-mushak tizimi: zardobda kreatinfosfokinaza (KFK) ning faolligini oshishi bilan yoki usiz kechuvchi mushaklarda og‘riq, bo‘g‘imlarda og‘riq, giperostoz, artrit, bog‘lamlar va paylarda kaltsiyni to‘planishi, suyak to‘qimasi zichligini kamayishi, suyakning epifizar o‘sish sohasini muddatidan oldin yopilishi, suyaklarni boshqa o‘zgarishlari, tendinitlar. Markaziy nerv tizimi va ruhiyat tomonidan: hulq-atvorni buzilishi, depressiya, suiqasdlik harakatlari, o‘z joniga qasd qilish, psixoz, haddan tashqari toliqish, bosh og‘rig‘i, bosh miya ichki bosimini oshishi (“bosh miyani soxta o‘smasi”: bosh og‘rig‘i, ko‘ngil aynishi, qusish, ko‘rishni buzilishi, ko‘ruv nervini shishi), tirishishlar. Sezgi a’zolari: ko‘rish o‘tkirligini buzilishi, yorug‘likdan qo‘rqish, qorong‘ilikka moslashishni buzilishi (g‘ira-shira paytida ko‘rish o‘tkirligini pasayishi), rang ajratish qobiliyatini buzilishi (preparat bekor qilinganidan so‘ng o‘tib ketuvchi), lentikulyar katarakta, keratit, blefarit, kon’yunktivit, ko‘zlarni ta’sirlanishi, kseroftalmiya, ma’lum bir tovush chastotalariga nisbatan eshitishni buzilishi. Me’da-ichak yo‘llari: ko‘ngil aynishi, diareya, ichakning yallig‘lanish kasalliklari (kolit, ileit), qon ketishlari, og‘iz bo‘shlig‘i shilliq qavatini qurishi, milklarni qonashi, milklarni yallig‘lanishi; pankreatit (ayniqsa 800 mg/dl dan yuqori bo‘lgan yondosh gipertriglitseridemiyada), shu jumladan o‘limga olib keluvchi pankreatit. Jigar transaminazalari faolligini tranzitor va qaytuvchan oshishi, gepatit. Ko‘pgina bunday holatlarda o‘zgarishlar normaning chegarasidan chiqmagan va davolanish jarayonida dastlabki ko‘rsatkichlarga qaytgan, biroq ayrim holatlarda Roakkutan® preparatining dozasini kamaytirish yoki bekor qilish zaruriyati tug‘ilgan. Nafas a’zolari: bronxospazm (ko‘proq anamnezida bronxial astma bilan xastalangan bemorlarda). Qon tizimi: anemiya, gematokritni pasayishi, leykopeniya, neytropeniya, trombotsitlar sonini oshishi yoki kamayishi, eritrotsitlar cho‘kish tezligi (ECHT) ni oshishi. Laborator ko‘rsatkichlar: gipertriglitseridemiya, giperxolesterinemiya, giperurikemiya, yuqori zichlikdagi lipoproteinlarning kontsentratsiyasini pasayishi, giperglikemiya. Roakkutan® preparatini qabul qilish vaqtida birinchi marta aniqlangan qandli diabet holatlari qayd etilgan. Ayrim bemorlarda, ayniqsa jadal jismoniy harakatlar bilan shug‘ullanadigan bemorlarda zardobda KFK ning faolligini oshishini ayrim holatlari ta’riflangan. Immun tizimi: grammusbat qo‘zg‘atuvchilar (Staphylococcus aureus) tomonidan chaqirilgan mahalliy yoki tizimli infektsiyalar. Boshqalar: limfadenopatiya, gematuriya, proteinuriya, vaskulit (Vegener granulematozi, allergik vaskulit), tizimli o‘ta yuqori sezuvchanlik reaktsiyalari, glomerulonefrit, belda og‘riq bo‘lishi mumkin.

Homiladorlik, emizish davri (“Homiladorlik va emizish davri” bo‘limiga qarang), jigar yetishmovchiligi, A gipervitaminozi, yaqqol giperlipidemiya, tetratsiklinlar bilan yondosh davolashda qo‘llash mumkin emas. Preparatga yoki uning komponentlariga (shu jumladan soyaga) yuqori sezuvchanlikda; 12 yoshgacha bo‘lgan bolalarda qo‘llash mumkin emas.

Roakkutan® preparatini faqat shifokorlar buyurishi kerak, yaxshisi tizimli retinoidlarni qo‘llash tajribasiga ega bo‘lgan va preparatning teratogen havfini biladigan dermatologlar buyurgani afzal. Ham ayol, ham erkak patsiyentlarga patsiyent uchun ma’lumot broshyurasining kopiyasini berish kerak. Boshqa odamlarning organizmiga preparatning kutilmagan ta’siridan saqlanish maqsadida, Roakkutan® preparatini qabul qilayotgan yoki yaqin vaqtda (1 oy) qabul qilgan bemorlardan donor qonini olish mumkin emas. Preparat bilan davolanishdan oldin, davolash boshlanganidan so‘ng 1 oydan keyin, so‘ngra har 3 oyda yoki ko‘rsatmalarga qarab, jigar faoliyati va jigar fermentlarining kontsentratsiyasini nazorat qilish tavsiya etiladi. Jigar transaminazalarini o‘tkinchi va qaytuvchan oshishi, ko‘pchilik hollarda normal qiymat chegaralarigacha oshishi kuzatilgan. Agar jigar transaminazalarining faolligi normadan oshsa, preparatning dozasini kamaytirish yoki uni bekor qilish kerak. Shuningdek preparat bilan davolanishdan oldin, davolash boshlanganidan so‘ng 1 oydan keyin, so‘ngra har 3 oyda yoki ko‘rsatmalarga qarab, zardobdagi lipidlarning kontsentratsiyasini aniqlash kerak. Odatda lipidlarning kontsentratsiyasi preparatning dozasi kamaytirilgandan yoki bekor qilingandan so‘ng, shuningdek parhezga rioya qilinganida normallashadi. Triglitseridlarning kontsentratsiyasini klinik jihatdan ahamiyatli oshishini nazorat qilish kerak, chunki ularni 800 mg/dl yoki 9 mmol/l dan oshishi extimol, o‘limga olib kelishi mumkin bo‘lgan o‘tkir pankreatitni rivojlanishi bilan kechishi mumkin. Turg‘un gipertriglitseridemiyada yoki pankreatit simptomlari kuzatilganida Roakkutan® preparatini bekor qilish kerak. Kam hollarda Roakkutan® preparatini qabul qilgan bemorlarda depressiya, psixotik simptomlari ta’riflangan, va juda kam hollarda – suiqasdlik harakatlari va o‘z joniga qasd qilish holatlari ta’riflangan. Garchi ularni rivojlanish sababi preparatni qo‘llash bilan bog‘liqligi aniqlanmagan bo‘lsa-da, anamnezida depressiyasi bo‘lgan bemorlarda ayniqsa ehtiyotkorlikka rioya qilish va preparat bilan davolanish vaqtida depressiyani rivojlanishini aniqlash maqsadida barcha patsiyentlarni kuzatish, zarurat bo‘lganida tegishli mutaxassisga jo‘natish kerak. Biroq Roakkutan® preparatini bekor qilish simptomlarni yo‘qolishiga olib kelmasligi mumkin va keyinchalik kuzatish va mutaxassisda davolanish talab etilishi mumkin. Kam hollarda davolashning boshida akneni zo‘rayishi kuzatiladi, bu preparatning dozasiga tuzatish kiritmasdan, 7-10 kun davomida o‘tib ketadi. Diskeratozlarni davolash uchun Roakkutan® preparatini, akneni davolash uchun tavsiya etilgan davolash davomiyligi va umumiy dozalash kursida qo‘llanganidan so‘ng bir necha yildan keyin suyaklarda o‘zgarishlar, shu jumladan epifizar o‘sish zonasini muddatidan oldin yopilishi, giperostoz, bo‘g‘imlar va paylarni kaltsifikatsiyasi rivojlangan. Shuning uchun preparat istalgan bemorga buyurilganida, kuzatilishi mumkin bo‘lgan foyda va havf nisbatini oldindan sinchiklab baholash kerak. Roakkutan® preparatini qabul qilayotgan patsiyentlarga, davolashni boshlanishida teri va shilliq qavatlarning qurushini kamaytirish uchun lablar uchun balzam, tana uchun namlovchi surtma va kremlarni ishlatish tavsiya etiladi. Roakkutan® preparati qo‘llanganida postmarketing kuzatishlar jarayonida ko‘p shaklli eritema, Stivens-Djonson sindromi, toksik epidermal nekroliz kabi og‘ir darajadagi teri reaktsiyalarini rivojlanish hollari ta’riflangan. Ushbu ko‘rinishlar jiddiy xarakterga ega bo‘lishi mumkin va ish qobiliyatini yo‘qolishi, hayot uchun havf tug‘diruvchi holatlar, gospitalizatsiya yoki o‘limga olib kelishi mumkin. Roakkutan® preparatini qabul qilayotgan patsiyentlar, ularda og‘ir darajadagi teri reaktsiyalarini aniqlash maqsadida, sinchkov kuzatuvga muhtojdirlar va zarurat bo‘lganida preparatni bekor qilish masalasini hal qilish kerak. Roakkutan® preparatini qabul qilish fonida mushaklar va bo‘g‘imlarda og‘riq, qon zardobida KFK faolligi oshishi mumkin, ular jadal jismoniy yuklamalarni o‘zlashtirilishini pasayishi bilan kechishi mumkin. Roakkutan® preparatini qabul qilayotgan bemorlarda, shuningdek davolash tugaganidan so‘ng 5-6 oy davomida, terining atipik sohalarida chandiqlanishni kuchayishi va (kam hollarda) giper- va gipopigmentatsiya rivojlanishi mumkinligi tufayli, chuqur kimyoviy dermoabraziya va lazer bilan davolashni o‘tkazishdan saqlanish kerak. Roakkutan® preparati bilan davolanish vaqtida va tugaganidan so‘ng 6 oy davomida, epidermisni ko‘chishi, chandiqlar va dermatitni rivojlanish havfi borligi sababli, mumli applikatsiya yordamida epilyatsiya o‘tkazish mumkin emas. Ayrim bemorlarda g‘ira-shirada ko‘rish o‘tkirligini pasayishi, ba’zida davolash tugaganidan keyin ham saqlanib turishi mumkinligi tufayli, bemorlarga ushbu holat rivojlanishi mumkinligi yuzasidan ma’lumot berish, tungi vaqtda avtomobilni boshqarishda ehtiyotkorlikka rioya qilishni tavsiya etish kerak. Ko‘rish o‘tkirligi holatini sinchiklab nazorat qilish kerak. Kon’yunktivani qurishi, shox pardani xiralashishi, g‘ira-shirada ko‘rish qobiliyatini yomonlashishi va keratit, odatda preparat bekor qilinganidan so‘ng o‘tib ketadi. Ko‘z shilliq qavati quriganida namlovchi ko‘z surtmasining applikatsiyasi yoki sun’iy ko‘z yoshi preparatini ishlatish mumkin. Keratit rivojlanishi mumkinligi tufayli, kon’yunktivaga moyilligi bo‘lgan bemorlarni kuzatish kerak. Ko‘rish faoliyatiga shikoyat qiluvchi bemorlarni oftalmologga jo‘natish va Roakkutan® preparatini bekor qilish maqsadga muvofiqligi xaqidagi masalani ko‘rib chiqish kerak. Davolanish vaqtida kontakt linzalarga ta’sirchanlik bo‘lganida ko‘zoynaklardan foydalanish kerak. Quyosh va ultrabinafsha nurlarining ta’sirini cheklash kerak. Zarurat bo‘lganida himoya qilish omilining qiymati yuqori, kamida 15 SPF (sun protection factor) bo‘lgan quyoshdan himoya qiluvchi kremdan foydalanish kerak. Havfsiz bosh miya ichki gipertenziyasini (“bosh miya soxta o‘smasi”) rivojlanishini kam holatlari ta’riflangan, shu jumladan tetratsiklinlar bilan birga qo‘llanganda ta’riflangan. Bunday patsiyentlarda Roakkutan® preparatini zudlik bilan bekor qilish kerak. Roakkutan® preparati bilan davolashda ichakning yallig‘lanish kasalliklari rivojlanishi mumkin. Yaqqol ifodalangan gemorragik diareya bo‘lgan bemorlarda Roakkutan® preparatini zudlik bilan bekor qilish kerak. Anafilaktik reaktsiyalarning juda kam holatlari ta’riflangan, ular retinoidlarni oldindan sirtga qo‘llashdan keyingina rivojlangan. Og‘ir darajadagi allergik reaktsiyalar preparatni bekor qilish va bemorlarni sinchiklab kuzatish zaruriyatini talab etadi. Roakkutan® preparati bilan davolanishda yuqori havf guruhidagi (qandli diabet, semizlik, surunkali alkogolizm yoki yog‘ almashinuvini buzilishlari bo‘lgan) bemorlarda glyukoza va lipidlarning kontsentratsiyasini yanada tez-tez nazorat qilish talab etilishi mumkin. Qandli diabetda yoki unga shubha qilinganida glikemiyani tez-tez aniqlash tavsiya etiladi. Dori preparatlarini atrof muhitga tushishi minimal darajaga yetkazilishi kerak. Roakkutan® preparatini oqar suvlarga yoki maishiy chiqindilarga tashlash bilan utilizatsiya qilinishiga yo‘l qo‘yilmaydi. Iloji boricha dori preparatlarini utilizatsiya qilish uchun maxsus usullaridan foydalanish kerak.

Mavjud bo‘lgan amaliyotga muvofiq, minimal sezuvchanligi 25 mXB/ml bo‘lgan homiladorlikni aniqlash sinamasini hayz ko‘rish tsiklining birinchi 3 kunida o‘tkazishi kerak: Davolash boshlanishidan oldin: Kontratseptsiyadan foydalanishni boshlashdan avval yuz berishi mumkin bo‘lgan homiladorlikni istisno qilish uchun homiladorlikni aniqlash uchun dastlabki test sinamasining sanasi va natijasi shifokor tomonidan qayd etilishi kerak. Hayz ko‘rishi muntazam bo‘lmagan patsiyentlarda homiladorlikni aniqlash sinamasini o‘tkazish vaqti jinsiy faollikka bog‘liq, uni himoyalanmagan jinsiy aloqadan so‘ng 3 haftadan keyin o‘tkazish kerak. Shifokor kontratseptsiya usullari xaqida patsiyentni xabardor qilishi kerak.Homiladorlikni aniqlash test sinamasi Roakkutan® preparati buyurilgan kunda yoki patsiyentni shifokor qabuliga tashrifdan 3 kun oldin o‘tkaziladi. Mutaxassis sinama natijalarini qayd etishi lozim. Preparat, Roakkutan® preparati bilan davolash boshlanishidan avval kamida 1 oy davomida samarali kontratseptsiyani qo‘llagan patsiyentlargagina buyurilishi mumkin. Davolanish vaqtida: Patsiyent har 28 kunida shifokor qabuliga kelishi kerak. Homiladorlikni aniqlash sinamasini har oy o‘tkazish zaruriyati mahalliy amaliyotga muvofiq va hayz ko‘rish tsiklini buzilishiga olib kelgan jinsiy faollikni hisobga olgan holda belgilanadi. Ko‘rsatmalar bo‘lganida homiladorlikni aniqlash sinamasi shifokor huzuriga tashrif kuni yoki tashrif uch kun avval o‘tkaziladi, sinama natijalari qayd etilishi kerak. Davolashni tugatilishi: davolash tugaganidan so‘ng 5 haftadan keyin homiladorlikni istisno qilish uchun sinama o‘tkaziladi. Tug‘ruq yoshidagi ayolga, Roakkutan® preparatiga retsept davolashning 30 kunidagina buyurilishi mumkin, davolashni davom ettirish shifokor tomonidan preparatni yana buyurishni talab etadi. Homiladorlikni aniqlash sinamasi, retsept yozish va preparatni olishni bir kunda o‘tkazish tavsiya etiladi. Aptekadan Roakkutan® preparatini retsept yozib berilgan vaqtdan boshlab 7 kun davomida olish kerak. Roakkutan® preparatini homilaga ta’sir etish havfidan saqlanish maqsadida shifokor, farmatsevt va bemorlarga yordam berish uchun, ishlab chiqaruvchi kompaniya preparatning teratogen ta’sirini oldini olishga va tug‘ruq yoshidagi ayollarni ishonchli kontratseptsiya usullaridan foydalanish mutloq majburiyligini ta’kidlashga qaratilgan “Homiladorlikdan himoyalanish dasturi” ni ishlab chiqqan. Dastur quyidagi materiallarni saqlaydi: shifokorlar uchun: ayollarga Roakkutan® preparatini buyurish bo‘yicha shifokorlar uchun qo‘llanma;patsiyent uchun yozma roziligi shakli;ayolarga buyurilgan preparatni hisobga olish shakli; patsiyent uchun: patsiyent uchun ma’lumot broshyurasi;kontratseptsiya xaqida nimalarni bilish kerak farmatsevt uchun: Roakkutan® preparatini dorixonalardan berish bo‘yicha farmatsevt uchun qo‘llanma. Preparatning teratogen havfi va homiladorlikni oldini olish bo‘yicha choralarga qat’iy rioya qilish yuzasidan to‘liq ma’lumotni ham erkaklarga, ham ayollarga taqdim etish kerak.

25oS dan yuqori bo‘lmagan haroratda, yorug‘lik va namlikdan himoyalangan joyda saqlansin. Bolalar ololmaydigan joyda saqlansin.

Dozasi oshirib yuborilganida A gipervitaminozi belgilari paydo bo‘lishi mumkin. Dozasi oshirib yuborilganidan so‘ng dastlabki bir necha soat davomida me’dani yuvish talab etilishi mumkin.

Retsept bo‘yicha

10 mg va 20 mg li kapsulalar 10 kapsuladan PVX/PE/PVDX/A1 yoki PVX/PVDX/A1 yoki PVX/A1 blisterda. 3 yoki 10 blister qo‘llash bo‘yicha yo‘riqnomasi bilan birga karton qutiga joylanadi.

3 yil. O‘ramida ko‘rsatilgan yaroqlilik muddati tugaganidan so‘ng preparatni ishlatish mumkin emas.