tiniq sariq rangli eritma.

Glaukomaga qarshi vosita – selektiv α-adrenomimetik.

S01EA05

Qon plazmasida maksimal kontsentratsiyasiga 0,5-2,5 soat davomida erishiladi. Yarim chiqarilish davri taxminan 2 soatni tashkil etadi. Uzoq muddat qo‘llanganida qon plazmasida preparatni kumulyatsiyasi kuzatiladi. Mahalliy yuborilganida plazma oqsillari taxminan 29% brimonidinni bog‘laydi. Metabolizmi jigarda amalga oshadi. Brimonidin va uning metabolitlari asosan buyraklar orqali chiqariladi. Preparatning taxminan 87% 120 soat davomida organizmdan chiqariladi, bunda uning 74% siydikda aniqlanadi.

ochiq burchakli glaukoma;oftalmogipertenziyada (monoterapiyada va KIB ni pasaytiradigan boshqa preparatlar bilan majmuada) qo‘llanadi.

Faqat mahalliy qo‘llash uchun mo‘ljalangan. Shikastlangan ko‘zning kon’yunktivasiga 1 tomchidan sutkada 2 marta yuborishlar o‘rtasida taxminan 12 soatlik interval bilan tomiziladi.

Nojo‘ya samaralarni rivojlanish tezligini quyida keltirilgan ko‘rsatkichlari quyidagicha aniqlangan: juda tez-tez (≥ 1/10), tez-tez (≥ 1/100 dan < 1/10 gacha), tez-tez emas (≥ 1/1000 dan < 1/100 gacha), kam hollarda (≥ 1/10000 dan < 1/1000 gacha), rivojlanish tezligi noma’lum – rivojlanish tezligini ko‘rsatkichlari mavjud bo‘lgan ma’lumotlar asosida baholanib bo‘lmaydi. Ko‘rish a’zolari tomonidan: juda tez-tez – allergik kon’yunktivit, ko‘z kon’yunktivasini giperemiyasi, ko‘zning shilliq qavati va qovoqning terisini qichishishi, tez-tez – achishish hissi, ko‘z kon’yunktivasini follikulyozi va follikulyar kon’yunktivit, ko‘z shilliq qavatini mahalliy allergik reaktsiyalari (shu jumladan, keratokon’yunktivit), blefarit, blefarokon’yunktivit, ko‘rish aniqligini buzilishi, katarakta, kon’yunktivani shishi, kon’yunktivaga qon quyilishi, kon’yunktivit, ko‘z yoshini retentsion oqishi, ko‘zlardan shilliq ajralishi, ko‘z shilliq qavatini qurishi va ta’sirlanishi, og‘riq, qovoqlarni shishi, qovoqlarni qizarishi, ko‘zlarda yod jismni his etish, keratit, qovoqlarni shikastlanishi, yorug‘likka sezuvchanlik, yuzaki dog‘li keratopatiya, ko‘z yoshini oqishi, ko‘rish maydonini kichrayishi, shishasimon tanani funktsional shikastlanishi, shishasimon tanaga qon quyilishi, shishasimon tanada suzib yuruvchi xiralashishi va ko‘rish o‘tkirligini pasayishi; tez-tez emas – shox pardani eroziyasi, govmichak; rivojlanish tezligi noma’lum – irit, keratokon’yunktivit, mioz. Markaziy nerv tizimi (MNT) tomonidan: tez-tez – bosh og‘rig‘i, uyquchanlik, uyqusizlik, bosh aylanishi; rivojlanish tezligi noma’lum – depressiya. Yurak-qon tomir tizimi tomonidan: tez-tez – arterial bosim (AB) ni oshishi; tez-tez emas – ABni pasayishi; rivojlanish tezligi noma’lum – bradikardiya, taxikardiya. Nafas a’zolari tomonidan: tez-tez – bronxit, yo‘tal, hansirash; tez-tez emas – burunning shilliq qavatini qurishi, apnoe. Me’da-ichak yo‘llari tomonidan: tez-tez – me’da-ichak buzilishlari, dispepsiya, og‘iz bo‘shlig‘i shilliq qavatini qurishi; rivojlanish tezligi noma’lum – ko‘ngil aynishi. Teri va teri osti yog‘ kletchatkasi tomonidan: tez-tez – toshma, infektsion kasallik (et uvishishi va respirator infektsiya), rinit, sinusit, shu jumladan infektsion sinusit; rivojlanish tezligi noma’lum – mahalliy teri reaktsiyalari (eritema, qichishish, yuzni shishi, toshma va qovoqning terisida qon tomirlarni kengayishi). Laborator ko‘rsatkichlar: tez-tez – giperxolesterinemiya. Boshqalar: tez-tez – umumiy allergik reaktsiyalar, asteniya, toliqish; tez-tez emas – ta’m bilish hissini o‘zgarishi. Bolalarda: tez-tez – uyquchanlik, faollikni pasayishi; rivojlanish tezligi noma’lum – apnoe, bradikardiya, AB ni pasayishi, gipotermiya, mushaklar gipotoniyasi kuzatilgan.

brimonidinga va preparatning boshqa komponentlariga o‘ta yuqori sezuvchanlik;monoaminooksidaza (MAO) ingibitorlari va tritsiklik antidepressantlar bilan bir vaqtda davolash;laktatsiya davri;2 yoshgacha bo‘lgan bolalarga qo‘llash mumkin emas.

Brimonidin antigipertenziv preparatlar va/yoki yurak glikozidlarining ta’sirini kuchaytirib, AB ni pasaytirishi mumkin. Brimonidin va MNTning faoliyatini susaytiradigan vositalar (alkogol, barbituratlar, opiatlar, sedativ vositalar, anestetiklar) o‘rtasida o‘ziga xos o‘zaro ta’sir aniqlanmagan bo‘lsa-da, birga qo‘llanganida oxirgisining samarasi kuchayishi mumkin. Ma’lumki, tritsiklik antidepressantlar klonidinning antigipertenziv samarasini kamaytirishi mumkin. Ushbu preparatlar guruhi va brimonidinni birga qo‘llash yuzasidan yetarli ma’lumotlar yo‘qligiga qaramasdan, oxirgisini KIB ga ko‘rsatadigan gipotenziv ta’siri pasayishi mumkin. MAO ingibitorlari nazariy jihatdan brimonidinning metabolizmiga ta’sir qilishi mumkin, bu AB ni pasayishi kabi tizimli nojo‘ya samarasini kuchayishiga olib kelishi mumkin. Brimonidin qo‘llanganidan so‘ng qonda katexolaminlarning darajasini o‘zgarishi yuzasidan ma’lumotlar bo‘lmasa-da, tritsiklik antidepressantlar, MAO ingibitorlari, shuningdek aylanib yuruvchi aminlarni metabolizmi va qonga so‘rilishini buzadigan xlorpromazin, metilfenidat, rezerpin qabul qilayotgan patsiyentlarga uni ehtiyotkorlik bilan qo‘llash kerak. α-adrenoretseptorlarning faoliyatiga ta’sir qilishi mumkin bo‘lgan preparatlar (masalan, adrenergik retseptorlarning agonistlari va antagonistlari) ning farmatsevtik shaklidan qat’iy nazar bir vaqtda qabul qilish uchun dozani buyurish yoki o‘zgartirish ehtiyotkorona yondashuvni talab etadi.

Brimonidinni ABga minimal ta’sir qilishiga qaramasdan, yurak qon-tomir tizimini nostabil yoki dekompensatsiyalangan kasalliklari bo‘lgan patsiyentlarni nazorat qilishni kuchaytirish talab etiladi. Preparat qon aylanishini yetishmovchiligi bilan bog‘liq bo‘lgan sindromlarni kuchaytirishi mumkin. Depressiyada, Reyno fenomenida, ortostatik gipotenziya, obliteratsiyalanuvchi trombangiitda uni ehtiyotkorlik bilan qo‘llash kerak. Buyrak va jigar yetishmovchiligi bo‘lgan patsiyentlarga preparatni ehtiyotkorlik bilan qo‘llash kerak. Kontakt linzalarni taqadigan patsiyentlar preparatni tomizishdan oldin ularni olib turishlari kerak. Preparatni qo‘llash va kontakt linzani qaytadan taqish o‘rtasidagi vaqt oralig‘i kamida 15 minutni tashkil etishi kerak. Homiladorlik va laktatsiya davrida qo‘llanishi Klinika oldi tadqiqotlarda homilaga teratogen ta’siri aniqlanmagan. Biroq, brimonidinni yo‘ldosh to‘sig‘i orqali o‘tishi va homilaning qon plazmasida ahamiyatsiz darajada bo‘lishi aniqlangan. Homilador ayollarda o‘tkazilgan nazoratli tadqiqotlarda o‘tkazilmagan. Homiladorlik davrida brimonidinni ona uchun davolashdan kutilgan foyda homila uchun kuzatilishi mumkin bo‘lgan havfdan ustun bo‘lgan hollardagina qo‘llash kerak. Hayvonlarda o‘tkazilgan tadqiqotlarda, brimonidan ko‘krak sutiga o‘tishi aniqlangan. Preparatni qo‘llash vaqtida emizishni to‘xtatish kerak. Pediatriyada qo‘llanishi Rimonal preparatini 2 yoshgacha bo‘lgan bolalarga qo‘llash mumkin emas, chunki bolalarda qo‘llash havfsizligi o‘rganilmagan. Preparatni 12 yoshgacha bo‘lgan bolalarga qo‘llash tavsiya etilmaydi. Avtotransportni haydash va mexanizmlarni boshqarish qobiliyatiga ta’siri Brimonidin toliqish va/yoki uyquchanlik, ko‘rishni xiralashishi va ayniqsa yetarli darajada yoritilmaganida ko‘rishni buzilishini chaqirishi mumkin, shuning uchun davolanish vaqtida transport vositalarini boshqarish va havfli faoliyat turlarini bajarishdan saqlanish kerak. Preparat bolalar ololmaydigan joyda saqlansin va yaroqlilik muddati tugaganidan so‘ng ishlatilmasin.

25oS dan yuqori bo‘lmagan haroratda saqlansin. Flakon ochilganidan so‘ng preparat 28 kun davomida ishlatilsin.

Simptomlari: preparat bexosdan ichga qabul qilinganida ABni pasayishi, bridikardiya, MNT funktsyasini susayishi, uyquchanlik, ongni susayishi va xushni yo‘qolishi, tana haroratini pasayishi, teri qoplamlarini tsianozi, apnoe bo‘lishi mumkin. Davolash: simptomatik davolash, nafas yo‘llarini o‘tkazuvchanligini ta’minlash kerak. Brimonidinni gemodializ yo‘li bilan chiqarilishi yuzasidan ma’lumotlar yo‘q.

Retsept bo‘yicha beriladi

Ko‘z tomchilari 5 ml dan polietilen flakonda, polietilen qopqoq va tiqin-tomchilagich bilan berkitilgan. 1 flakon qo‘llash bo‘yicha yo‘riqnomasi bilan birga karton qutiga joylangan.

3 yil.