oq rangdan oq-qaymoq ranggacha bo‘lgan granulalar saqlovchi, pushti/oq rangli, tiniq “2” o‘lchamli, qattiq jelatin kapsulalar.

me’da va o‘n ikki barmoq ichak yarasiga qarshi vositalar (N+K+ATFaza ingibitori).

A02BC01

So‘rilishi va taqsimlanishi: Omeprazolning so‘rilishi yuqori; ichga qabul qilinganidan keyin me’da-ichak yo‘llaridan tez va deyarli to‘liq so‘riladi. 40 mg doza bir marta qabul qilinganidan keyin                Smax 0,6-1,5 mkg/l ni tashkil qiladi, plazmadagi cho‘qqi kontsentratsiyasiga 0,5-2 soatdan keyin erishiladi. Biokiraolishligi 30-40% ni tashkil qiladi. Qon plazmasi oqsillari bilan bog‘lanishi 90-95% ga yetadi. Metabolizmi va chiqarilishi Omeprazol jigarda farmakologik faol bo‘lmagan 6 metabolitini (gidroksiomeprazol, sulfidli va sulfonli hosilalari va boshqalar) hosil bo‘lishi bilan to‘liq metabolizmga uchraydi. Chiqarilishi – buyrak (70-80%) va safro orqali (20-30%) metabolitlari ko‘rinishida. Yarim chiqarilish davri 1-3 soatni tashkil qiladi. Klirensi minutiga 500-600 ml ni tashkil qiladi. Alohida klinik holatlardagi farmakokinetikasi: Surunkali buyrak kasalliklari (kreatinin klirensi minutiga 10-62 ml) bo‘lgan bemorlarda omeprazolning taqsimlanishi sog‘lom ko‘ngillilarniki bilan bir xil. Chunki buyrak orqali chiqarilishi omeprazolning metabolitlarini chiqarilishini asosiy yo‘lidir, chiqarilishi kreatinin klirensini pasayishiga proportsional ravishda sekinlashadi. Surunkali jigar kasalliklari bo‘lgan bemorlarda preparatning biokiraolishligi 100% gacha oshadi; yarim chiqarilish davri esa 3 soatgacha oshadi, klirensi minutiga 70 ml gacha pasayadi. Keksa patsiyentlarda omeprazolni chiqarilishi kamayadi, biokiraolishligi esa oshadi.

Omeprazol me’da shirasining sekretsiyasini ingibitsiya qilish zarur bo‘lgan kasalliklar: o‘n ikki barmoq ichak yarasi, me’daning xavfsiz yarasi, og‘ir eroziv ezofagit bilan kechuvchi gastroeofageal reflyuks, Zollinger-Ellison sindromidagi me’daning patologik gipersekretsiyasini davolash uchun tanlov preparatidir.

Ichga buyuriladi. Omeprazolni ertalab bir marta, kapsulalarni butunligicha, chaynamasdan, maydalamasdan va kapsulasini shikastlamasdan, oz miqdordagi suyuqlik bilan, och qoringa yoki bevosita ovqatdan oldin yutib qabul qilish tavsiya qilinadi (ovqat bilan qabul qilish mumkin). Omeprazolning sutkalik dozasi 80 mg dan ortiq bo‘lgan hollarda, dozani ikki qismga bo‘lish va kuniga ikki marta (har 12 soatda) qabul qilish kerak. 120 mg dan ortiq sutkalik dozani 3 marta qabul qilishga bo‘lish kerak. Omeprazol simptomlarni tezda – qabul qilishning birinchi ikki haftasi davomida bartaraf qilinishini ta’minlaydi. O‘n ikki barmoq ichak yarasi. O‘n ikki barmoq ichakning faol yarasi bo‘lgan patsiyentlarga     20 mg omeprazol sutkada 1 marta qabul qilish tavsiya qilinadi, ko‘pchilik patsiyentlarda tuzalish 2 haftadan keyin yuz beradi. Preparatni qabul qilishning birinchi kursidan keyin to‘liq tuzalmagan hollarda, odatda takroriy 2 haftalik davolash kursi buyuriladi, uning davomida tuzalishga erishiladi. O‘n ikki barmoq ichak yarasi bo‘lgan, davolashga kam sezuvchan patsiyentlarga odatda 40 mg omeprazol sutkada 1 marta buyuriladi, tuzalish odatda 4 hafta davomida yuz beradi. O‘n ikki barmoq ichak yarasi bo‘lgan patsiyentlarda qaytalanishlarni oldini olish uchun omeprazol 10 mg dan sutkada 1 marta tavsiya qilinadi. Zarurati bo‘lganida dozani 20-40 mg gacha oshirish mumkin. Me’da yarasi. Tavsiya qilingan doza – 20 mg omeprazol sutkada 1 marta. Ko‘pchilik patsiyentlarda tuzalish 4 haftadan keyin yuz beradi. Preparatni qabul qilishning birinchi kursidan keyin to‘liq tuzalmagan hollarda, odatda takroriy 2 haftalik davolash kursi buyuriladi, uning davomida tuzalishga erishiladi. Me’da yarasi bo‘lgan, davolashga kam sezuvchan patsiyentlarga odatda 40 mg omeprazol sutkada 1 marta buyuriladi, tuzalish odatda 8 hafta davomida yuz beradi. Me’da yarasi bo‘lgan patsiyentlarda qaytalanishlarni oldini olish uchun 20 mg omeprazol sutkada 1 marta tavsiya qilinadi. Zarurati bo‘lganida dozani 40 mg gacha oshirish mumkin. Boshqa davolash turlariga rezistent bo‘lgan bemorlarga omeprazol 40 mg dozada sutkada 1 marta buyuriladi. NYAQVni qabul qilish bilan bog‘liq bo‘lgan me’da va o‘ni kki barmoq ichakning eroziv-yarali shikastlanishlari NYAQV ni qabul qilish chaqirgan me’da va o‘n ikki barmoq ichakning eroziv-yarali shikastlanishlarida, omeprazol 20 mg dozada sutkada 1 marta buyuriladi. Davolashning davomiyligi 4 haftani tashkil qiladi. Zarurati bo‘lganida davolashni yana 4 hafta davomida davom ettirish mumkin. NYAQVni qabul qilish bilan bog‘liq eroziv-yarali shikastlanishlarning qaytalanishlarini oldini olish uchun 20 mg dozada sutkada 1 marta samarani bir maromda saqlab turuvchi davolash tavsiya qilinadi. OITV-infektsiyalanganlarda o‘n ikki barmoq ichak yarasi va me’da yarasi, eroziyalar. Me’da yarasi, o‘n ikki barmoq ichak yarasi yoki gastroduodenal bo‘limning eroziyalari bo‘lgan OITV-infektsiyalangan patsiyentlarga omeprazol 20 mg dan sutkada 1 marta buyuriladi. Davolash OITV-infektsiyani davolash fonida o‘tkazilishi mumkin. Ko‘pchilik patsiyentlarda tuzalish 4 hafta davomida yuz beradi. Preparatni qabul qilishning birinchi kursidan keyin to‘liq tuzilish yuz bermagan hollarda, odatda takroriy 4 haftalik davolash kursi buyuriladi, uning davomida to‘liq tuzalishga erishiladi. Me’da yarasi, o‘n ikki barmoq ichak yarasi, gastroduodenal bo‘limning eroziyasini, shuningdek me’da yarasi bo‘lgan patsiyentlarda dispepsik simptomlarini oldini olish uchun 20 mg omeprazolni sutkada 1 marta qabul qilish tavsiya qilinadi. Helicobacter pylori chaqirgan me’daning yara kasalligi. Uch komponentli davolash sxemasi: Omeprazol 20 mg, Amoksitsillin 1 g va Klaritromitsin 250-500 mg. Hamma preparatlarni 1 hafta davomida kuniga ikki marta qabul qilish kerak. Omeprazol 20 mg, Metronidazol 400 mg (yoki Tinidazol 500 mg) va Klaritromitsin 250-500 mg. Hamma preparatlarni 1 hafta davomida kuniga ikki marta qabul qilish kerak. Omeprazol 40 mg bir tabletkadan har kuni, shuningdek Amoksitsillin 500 mg va Metronidazol 400 mg kuniga uch martadan bir hafta davomida. Ikki komponentli davolash sxemasi: Omeprazol 40-80 mg, Amoksitsillin 1,5 g har kuni (dozani ikki qismga bo‘lish kerak) ikki hafta davomida buyuriladi. klinik sinovlar vaqtida 1,5-3 g Amoksitsillin qo‘llangan. Omeprazol 40 mg bir tabletkadan har kuni va Klaritromitsin 500 mg kuniga uch marta ikki hafta davomida buyuriladi. Davolashdan keyin Helicobacter pylori ga  sinama musbat bo‘lgan hollarda davolash kursi takrorlanishi mumkin. Gastro-ezofageal reflyuks, reflyuks-ezofagit. Tavsiya qilingan doza – 20 mg dan Opemprazol sutkada 1 marta. Ko‘pchilik patsiyentlarda tuzalish 4 haftadan keyin yuz beradi. Preparatni qabul qilishning birinchi kursidan keyin to‘liq tuzalmagan hollarda, odatda takroriy 4 haftalik davolash kursi buyuriladi, uning davomida tuzalishga erishiladi. Ezofageal reflyuksning og‘ir shakli bo‘lgan patsiyentlarga odatda 40 mg Omeprazol sutkada 1 marta buyuriladi; tuzalish odatda 8 hafta davomida yuz beradi. Remissiya bosqichidagi ezofageal reflyuksi bo‘lgan patsiyentlarga 10 mg Omeprazol sutkada 1 marta, samarani bir maromda saqlab turuvchi davolashning uzoq muddatli kurslari ko‘rinishida buyuriladi. Zarurati bo‘lganida dozani 20-40 mg gacha oshirish mumkin. Simptomatik gastro-ezofageal reflyuks. Tavsiya qilingan doza – 20 mg Omeprazol sutkada 1 marta. Terapevtik samaraga 10 mg har kunlik dozada erishish mumkin. Preparatni shaxsiy ravishda dozalash bo‘yicha qo‘llash mumkin. Agar 4 haftalik davolashdan (Omeprazol 20 mg har kuni) keyin simptomlari yo‘qolmasa, davolash sxemasini o‘zgartirish tavsiya qilinadi. Kislotaga qaram dispepsiya. Og‘riqlarni va/yoki epigastral sohasidagi diskomfort hissini yengillashtirish uchun, shuningdek og‘riqlar jig‘ildon qaynashi bilan kechgan hollarda 20 mg Omeprazol sutkada 1 marta buyuriladi. Terapevtik samaraga har kungi     10 mg li dozada erishish mumkin, shuning uchun, ehtimol, davolashni shu dozadan boshlash kerak. Agar 4 hafta davolashdan (20 mg Omeprazol har kuni) keyin simptomlari yo‘qolmasa, davolash sxemasini o‘zgartirish tavsiya qilinadi. Zollinger-Ellison sindromi. Zollinger-Ellison sindromi bo‘lgan patsiyentlarga Omeprazolni me’da sekretsiyasining darajasini aniqlash natijalari bo‘yicha (soatiga    10 mmol HCl dan yoki rezektsiyadan keyin soatiga 5 mmol HCl dan oshmasligi kerak) shaxsiy dozalarda buyuriladi. Davolash klinik ko‘rsatmalar bo‘yicha davom ettiriladi (uzoq muddat – 5 yilgacha qabul qilish mumkin). Tavsiya qilingan boshlang‘ich doza – 60 mg Omeprazol sutkada 1 marta. Kasallikning og‘ir shakllari bo‘lgan barcha patsiyentlarda, shuningdek boshqa terapevtik usullar kutilgan natijaga olib kelmagan hollarda, Omeprazolni qo‘llash samarali bo‘lgan. 90% dan ko‘proq patsiyentlar har kuni                    20-120 Omeprazol qabul qilishgan. Me’daning kislotali ichidagisining aspiratsiyasini oldini olish. Omeprazolning tavsiya qilingan dozasi – narkozdan oldin 40 mg dan kechqurun va ertalab. Buyrak faoliyatining buzilishi bo‘lgan patsiyentlar uchun davolash sxemasiga tuzatish kiritish talab qilinmaydi. Jigar faoliyatining buzilishi bo‘lgan patsiyentlarda Omeprazolning biokiraolishligi va klirensi oshadi. Shuning uchun terapevtik doza odatda sutkada 10-20 mg dan oshmaydi. Keksa yoshli patsiyentlar uchun davolash sxemasiga tuzatish kiritish talab qilinmaydi. Kritik holatlardagi patsiyentlarga kapsula ko‘rinishida zond orqali intragastral yuborilishi mumkin.

Omeprazol odatda yaxshi o‘zlashtiriladi. Eng ko‘p uchraydigan nojo‘ya ta’sirlari – ich ketishi, bosh og‘rig‘i, teri toshmalari. Bu nojo‘ya ta’sirlari shunday og‘ir bo‘lishi mumkinki, xatto davolashni to‘xtatish kerak bo‘lishi mumkin. Og‘ir bemorlarda ba’zida markaziy nerv tizimiga ta’siri (qisqa vaqt ongning chalkashishi) kuzatilgan. Artralgiya, mialgiya, leykopeniya, trombotsitopeniya, jigar faoliyatining buzilishlari va boshqa nojo‘ya ta’sirlari juda kam kuzatilgan. Agar yo‘riqnomada ko‘rsatilmagan nojo‘ya ta’sirlari paydo bo‘lsa, davolovchi shifokorni xabardor qilish kerak.

Shaxsiy yuqori sezuvchanlikda qo‘llash mumkin emas. Omeprazolni qo‘llashga boshqa ma’lum bo‘lgan qarshi ko‘rsatmalar yo‘q, ammo ehtiyotkorlik choralariga rioya qilish kerak.

Omeprazol jigarda oksidlanish yo‘li bilan metabolizmga uchraydigan dorilar – diazepam varfarin, fenitoinning chiqarilishini kechiktirishi mumkin. Sog‘lom shaxslarda teofillin va propranolol bilan o‘zaro ta’siri yo‘q, balki bu dorilarning dozasini pasaytirish lozim bo‘lishi mumkin. Omeprazol me’daning xlorid kislotasining sekretsiyasini kuchli va davomli susaytirishi tufayli, so‘rilishi uchun me’daning kislotaliligi muhim ahamiyatga ega bo‘lgan dori vositalarining (masalan, ketokonazol, ampitsillin – efir, temir tuzlari) so‘rilishini nazariy jixatidan pasaytirishi mumkin. Klinik tadqiqotlarda antatsidlar omeprazol bilan birga qo‘llangan. Omeprazol bilan davolanish davrida chekish va alkogolni iste’mol qilishdan saqlanish kerak, chunki me’daning shilliq qavatini ta’sirlanishi yuz beradi, preparatning so‘rilishi buziladi va davolash kechikadi.

O‘sma rivojlanishini mumkinligini istisno qilish uchun omeprazol bilan uzoq muddatli davolanishda bemorlarning kuzatuvini o‘tkazish kerak. Omeprazol bilan davolash boshlaganidan keyin simptomatik yaxshilanish, xavfli o‘sma bor bo‘lishi mumkinligini istisno qilmaydi, shuning uchun davolashni boshlashdan oldin malignitet borligini istisno qilish qabul qilingan. Omeprazol me’dani suyuq va quyuq ovqatdan bo‘shalishiga, ichki omil sekretsiyasiga, pepsinning ishlab chiqarilishga ta’sir qilmaydi. Sog‘lom odamlarda omeprazolni 14 kunlik qo‘llashdan keyin me’dada tirik bakteriyalarning miqdori sezilarli darajada oshgan. Davolash to‘xtatilganidan keyin 3 kun davomida barcha siljishlar me’yoriga kelgan. Me’daning kislotaliligi pasayganida peroral yuquvchi infektsiyalarning (salmonellyoz) xavfi oshishini hisobga olish lozim, chunki me’daning xlorid kislotasi bu bakteriyalarning, ehtimol viruslarning ham asosiy iste’molchisidir. Shuning uchun immun tizimining patologiyasi bor bemorlar (AIDC yoki immunodepressantlarni qabul qiluvchilar va boshqalar) ehtiyotkorlik choralariga rioya qilishlari kerak. Homiladorlik va laktatsiya davrida qo‘llanishi Omeprazolni homiladorlikda qo‘llash kerak bo‘lganida ona uchun kutiladigan foyda va homila uchun bo‘lgan potentsial xavfni qiyoslash kerak. Laktatsiya davrida preparatni qabul qilish zarurati tug‘ilganda emizishni to‘xtatish to‘g‘risidagi masalani hal qilish kerak, chunki eksperimental tadqiqotlarda omeprazolni ko‘krak suti bilan chiqarilishi aniqlangan. Avtotransport va mexanizmlarni boshqarish qobiliyatiga ta’siri Preparat bilan davolanish vaqtida transport vositalarini boshqarish va diqqatni jamlash talab qiladigan mexanizmlar bilan ishlashdan saqlanish lozim. Preparat bolalar ololmaydigan joyda saqlansin va yaroqlilik muddati o‘tganidan keyin ishlatilmasin.

Yorug‘likdan va namlikdan himoyalangan joyda, 25 0S dan yuqori bo‘lmagan haroratda saqlansin.

Dozani ataylab oshirib yuborilishi xaqida ma’lumotlar yo‘q. Odamda yaxshi o‘zlashtiriladigan dozalar kuniga 360 mg gacha. Spetsifik antidoti yo‘q. Omeprazol oqsillar bilan kuchli bog‘langan va shuning uchun dializ samara bermaydi. Dozani oshirib yuborilishi hollarida davolash simptomatik va hayotiy faoliyatini tutib turuvchi bo‘lishi kerak.

Retsept bo‘yicha

Kapsullar 20 mg (3×10) №30, (10x10) №100 (striplar) №100 (10x10) (striplar) qadoqlarda qo‘llash yo‘riqnomasi bilan birga karton qutilarda.

2 yil.