dumaloq, ikki yoqlama qavariq, to‘q-pushti yoki deyarli pushti rangli, riskali, hidsiz yoki deyarli hidsiz, plyonka qobiq bilan qoplangan tabletkalar; ko‘ndalang kesimida oq yoki deyarli oq rangli yadro ko‘rinadi.

antiagregant vosita.

V01AS04.

Sutkada 75 mg dozada bir marta qabul qilingandan keyin va uzoq vaqt ichga qabul qilinganda klopidogrel tez so‘riladi. So‘rilishi va biokiraolishligi – yuqori. Biroq plazmada dastlabki moddaning kontsentratsiyasi past va ichga qabul qilingandan keyin 2 soatdan so‘ng aniqlash chegarasiga (0,025 mkg/l) erishilmaydi. Plazma oqsillari bilan bog‘lanishi – 94-98%. Olddori hisoblanadi (ya’ni organizmga tushgach, faollashib, so‘ngra dori vositasiga aylanadi). Klopidogrel jigarda tez metabolizmga uchraydi. Faol metaboliti qonda aniqlanmaydi. Asosiy aniqlanadigan metaboliti – karboksil kislotasining nofaol hosilasidir, uning eng yuqori kontsentratsiyasiga (TCmax) erishish vaqti, 75 mg dozalarda takroran peroral qabul qilingandan so‘ng 1 soat o‘tgach erishiladi, maksimal kontsentratsiyasi (Cmax) – taxminan 3 mg/l. Preparatning taxminan 50% buyrak orqali va taxminan 46% – ichak orqali, yuborilgandan keyin 120 soat davomida chiqariladi. Bir martalik va takroriy qabul qilishlardan keyin asosiy metabolitining yarim chiqarilish davri (T1/2) 8 soatni tashkil qiladi. Buyraklar orqali chiqarilayotgan metabolitlarning  kontsentratsiyasi – 50%. Plazmadagi asosiy metabolitining kontsentratsiyasi sutkada 75 mg qabul qilingandan keyin o‘rtacha darajadagi surunkali buyrak yetishmovchiligi (kreatinin klirensi (KK) minutiga 30 dan 60 ml gacha) bo‘lgan bemorlar va sog‘lom shaxslarga qaraganda, og‘ir surunkali buyrak yetishmovchiligi (KK minutiga 5-15 ml) bo‘lgan patsiyentlarda pastroq.

Miokard infarkti, ishemik insult yoki periferik arteriyalarning okklyuziyasi bo‘lgan patsiyentlarda trombotik asoratlarni oldini olish. O‘tkir koronar sindromda: ST segmentini ko‘tarilishi bilan kechuvchi sindromda trombolitik davolashni o‘tkazish imkoniyati bo‘lganida; ST segmentini ko‘tarilishisiz (nostabil stenokardiya yoki Q tishisiz miokard infarkti), shu jumladan stent qo‘yilgan bemorlarda trombotik asoratlarni oldini olish uchun atsetilsalitsil kislotasi bilan majmuada qo‘llanadi.

Ichga, ovqat qabul qilishdan qat’iy nazar buyuriladi. Miokard infarkti, ishemik insult yoki periferik arteriyalarning okklyuziyasi bo‘lgan patsiyentlarda – 75 mg dan sutkada 1 marta. Miokard infarkti bo‘lgan bemorlarda davolashni miokard infarktining birinchi kunlaridan 35-kunigacha boshlash kerak, ishemik insulti bo‘lgan bemorlarda esa – ishemik insultdan keyin 7 kundan 6 oygacha bo‘lgan muddatlarda. ST segmentini ko‘tarilishisiz o‘tkir koronar sindromda (nostabil stenokardiya, Q tishisiz miokard infarkti) trombotik asoratlarni oldini olish uchun – yuklama         doza – 300 mg ni bir marta qabul qilishdan boshlaydilar, so‘ngra sutkada 75 mg dan qabul qilinadi (sutkada 75-375 mg dozalarda ASK bilan birga, tavsiya qilingan doza – sutkada 100 mg). Eng yuqori ijobiy samara 3 oydan keyin boshlanadi. Davolash kursi 1 yilgacha. ST segmentini ko‘tarilishi bilan kechuvchi o‘tkir koronar sindromda (ST segmenti ko‘tarilishi bilan o‘tkir miokard infarkti) trombotik asoratlarni oldini olish       uchun – sutkada 75 mg dan, yuklama dozani ASK va trombolitiklar bilan (yoki trombolitiklarsiz) boshlang‘ich bir marta qabul qilish bilan qo‘llanadi. Majmuaviy davolashni simptomlar paydo bo‘lganidan keyin iloji boricha ertaroq boshlash lozim va hech bo‘lmaganida, 4 hafta davomida davom ettirish kerak. 75 yoshdan oshgan patsiyentlarda klopidogrel bilan davolashni, uning yuklama dozasini qabul qilmasdan boshlash kerak. CYP2C19 izofermentining faoliyatini genetik jihatdan pasayishi bo‘lgan patsiyentlarda klopidogrelning samarasi pasayishi mumkin. Bunday patsiyentlarda dozalashning optimal tartibi aniqlanmagan. Surunkali buyrak yetishmovchiligi bo‘lgan yoki o‘rtacha darajadagi jigar yetishmovchiligi bo‘lgan patsiyentlarda qo‘llash tajribasi cheklangan.

Qon ketishi – preparatni qabul qilishning birinchi oyi davomida uchraydigan, eng ko‘p kuzatiladigan reaktsiyadir. Kuchli qon ketishi hollari klopidogrelni ASK bilan yoki klopidogrelni ASK va geparin bilan bir vaqtda qabul qilgan patsiyentlarda qayd etilgan (“Maxsus ko‘rsatmalar” bo‘limiga qarang). Nojo‘ya samaralarning tez-tezligi quyidagi ko‘rsatkichlarga muvofiq belgilangan: juda tez-tez – 1/10 dan ko‘proq, tez-tez – 1/100 dan ko‘proq va 1/10 dan kam, tez-tez emas – 1/1000 dan ko‘proq va 1/100 dan kam, kam hollarda – 1/10000 dan ko‘proq va 1/1000 dan kam, juda kam hollarda – 1/10000 dan kam, shu jumladan yakka hollarda. Reaktsiyalarning tezligini har bir sinfi miqyosida, noxush samaralar og‘irlik darajasini kamayishi tartibida keltirilgan. Qon yaratish a’zolari tomonidan: tez-tez emas – trombotsitopeniya, leykopeniya, eozinofiliya; kam hollarda – neytropeniya, shu jumladan yaqqol neytropeniya; juda kam hollarda – trombotik trombotsitopenik purpura, anemiya, shu jumladan aplastik anemiya, pantsitopeniya, agranulotsitoz, og‘ir trombotsitopeniya, granulotsitopeniya. Nerv tizimi tomonidan: tez-tez emas – bosh og‘rig‘i, bosh aylanishi, paresteziyalar, bosh miya ichki qon quyilishlari, shu jumladan o‘lim bilan yakunlanuvchi; juda kam hollarda – ongni chalkashishi, gallyutsinatsiyalar, ta’m sezishni buzilishi. Sezgi a’zolari tomonidan: tez-tez emas – kon’yunktivaga, ko‘zga, to‘r pardaga qon quyilishlari; kam hollarda – vertigo. Yurak-qon tomir tizimi tomonidan: tez-tez – gematoma; juda kam hollarda – og‘ir qon ketishlari, operatsiya jarohatidan qon ketishi, vaskulit, arterial bosimni pasayishi. Nafas tizimi tomonidan: juda tez-tez – burundan qon ketishi; juda kam hollarda – bronxospazm, interstitsial pnevmonit, o‘pkadan qon ketishi, qon tuflash. Ovqat hazm qilish yo‘llari tomonidan: tez-tez –diareya, qorinda og‘riq, dispepsiya, me’da-ichakdan qon ketishlari; tez-tez emas – me’da va 12 barmoq ichak yarasi, gastrit, qusish, ko‘ngil aynishi, qabziyat, meteorizm; kam hollarda – qorin pardasi ortidagi qon quyilishlar; juda kam – pankreatit, kolit, shu jumladan yarali yoki limfotsitar, stomatit, o‘tkir jigar yetishmovchiligi, gepatit, jigarning funktsional sinamalarini buzilishi, o‘lim bilan yakunlanuvchi me’da-ichakdan qon ketishlari. Teri qoplamalari tomonidan: tez-tez – teri ostiga qon quyilishlari; tez-tez emas – teri toshmasi, qichishish, purpura; juda kam hollarda – angionevrotik shish, eshakemi, eritematoz toshma, ko‘p shaklli eritema, Stivens-Djonson sindromi, toksik epidermal nekroliz, ekzema, qizil yassi temiratki. Tayanch-harakat apparati tomonidan: juda kam hollarda – gemartroz, artrit, artralgiya, mialgiya. Siydik-jinsiy tizimi tomonidan: tez-tez emas – gematuriya; juda kam hollarda – glomerulonefrit, giperkreatininemiya. Allergik reaktsiyalar: juda kam hollarda – anafilaktik reaktsiyalar, zardob kasalligi. Laboratoriya ko‘rsatkichlari: tez-tez emas – qon ketish vaqtini uzayishi, jigarning funktsional sinamalarini buzilishi, qonda kreatinin kontsentratsiyasini oshishi. Boshqalar: juda kam hollarda – tana haroratini oshishi.

Preparatning faol moddasiga yoki har qanday yordamchi komponentiga yuqori sezuvchanlik. Laktozani nasliy o‘zlashtirolmaslik, laktaza tanqisligi yoki glyukoza-galaktozaning maladsorbtsiya sindromi. 18 yoshgacha bo‘lganlar (qo‘llash samaradorligi va xavfsizligi aniqlanmagan). Og‘ir jigar yetishmovchiligi. O‘tkir qon ketishi (shu jumladan, peptik yara yoki bosh miya ichki qon quyilishi). Homiladorlik yoki laktatsiya davrida preparatni qo‘llash mumkin emas.

Varfarinni klopidogrel bilan bir vaqtda qabul qilish qon ketishlari jadalligini oshirishi mumkin, shuning uchun bu majmuani qo‘llash tavsiya qilinmaydi. IIb/IIIa glikoproteinining ingibitorlari, ASK, geparinni klopidogrel bilan birga buyurilishi qon ketishlarini rivojlanish xavfini oshiradi. NYAQV bilan bir vaqtda qo‘llanganda qon ketishlar xavfi oshishi mumkin. CYP2C19 ingibitorlarini (masalan omeprazolni) bir vaqtda qabul qilish tavsiya qilinmaydi. Klopidogrelning faol metaboliti CYP2C9 izofermentining faolligini ingibitsiya qiladi, buning natijasida plazmada fenitoin, tolbutamid va NYAQP kontsentratsiyasi oshishi mumkin.

Davolanish davrida gemostaz tizimining ko‘rsatkichlari (qisman faollashgan tromboplastin vaqti (ACHTV), trombotsitlar soni, trombotsitlarning funktsional faolligining testlari) ni nazorat qilish lozim; jigarning funktsional faolligini muntazam tekshirib turish kerak. Klopidogrelni jarohatdagi, jarrohlik aralashuvidagi yaqqol qon ketishlarining xavfi bo‘lgan patsiyentlarda, jarohatlari bo‘lgan, qon ketishlariga moyilligi (ayniqsa me’da-ichakdan va ko‘z ichiga qon ketishlari) bo‘lgan patsiyentlarga, shuningdek patsiyentlar tomonidan ASK, nosteroid yallig‘lanishga qarshi preparatlarni (shu jumladan TsOG-2 ingibitorlarini), geparin yoki IIb/IIIa glikoprotein ingibitorlarini qabul qilayotgan patsiyentlarda ehtiyotkorlik bilan qo‘llash kerak. Qon ketishlarining, shu jumladan yashirin qon ketishining har qanday belgilarini aniqlash uchun, ayniqsa preparatni qo‘llashning birinchi haftasi davomida va/yoki yurakdagi invaziv muolajalar va jarrohlik operatsiyalaridan keyin patsiyentlarni sinchkovlik bilan kuzatish kerak. Klopidogrel va varfarinni bir vaqtda qo‘llash tavsiya qilinmaydi, chunki u qon ketishini kuchaytirishi mumkin. Jarrohlik aralashuvlarida, agarda antiagregant ta’sirini bo‘lmagani yaxshi bo‘lsa, davolash kursini operatsiyadan 7 kun oldin to‘xtatish kerak. Klopidogrelni qo‘llash fonida (atsetilsalitsil kislotasi bilan birga yoki usiz) paydo bo‘lgan qon ketishini to‘xtatish ko‘proq vaqtni talab qilishi tufayli, qon ketishining har bir hollari haqida shifokorga xabar berishlari kerakligi haqida bemorlarni ogohlantirib qo‘yish kerak. Bemorlar, agar ularda operativ aralashuvlar o‘tkaziladigan bo‘lsa, preparatni qabul qilishlari haqida, shuningdek shifokorni ham xabardor qilishlari lozim. Klopidogrel qo‘llanganidan keyin, trombotik trombotsitopenik purpura (TTP) juda kam, ba’zida qisqa muddat qo‘llanganidan keyin aniqlangan. Bu holat nevrologik buzilishlar, buyraklarning disfunktsiyasi yoki gipertermiya bilan birga bo‘lgan trombotsitopeniya va mikroangiopatik gemolitik anemiya bilan ifodalanadi. TTP – darhol davolashni, shu jumladan plazmaferezni qo‘llanishini talab qiladigan potentsial o‘limga olib keluvchi holatdir. Ma’lumotlar bo‘lmaganligi tufayli, klopidogrel o‘tkir (7 kundan kam) ishemik insultda tavsiya qilinmaydi. Buyrak funktsiyasini buzilishi bo‘lgan bemorlarda klopidogrelni qo‘llash tajribasi cheklangan, shuning uchun bunday bemorlarga klopidogrelni ehtiyotkorlik bilan buyurish kerak. Jigar funktsiyasini og‘ir buzilishlarida gemorragik diatezni rivojlanish xavfini unutmaslik lozim, jigar funktsiyasini o‘rtacha buzilishi bo‘lgan patsiyentlarda preparatni qo‘llash tajribasi cheklangan, shunig uchun bu patsiyentlarga klopidogrelni ehtiyotkorlik bilan buyurish kerak. Homiladorlik va laktatsiya davrida qo‘llanishi. Ma’lumotlarning yo‘qligini nazarda tutib, klopidogrelni homiladorlik va laktatsiya davrida qabul qilish tavsiya qilinmaydi. Avtotransportni boshqarish va mexanizmlar bilan ishlash qobiliyatiga ta’siri Klopidogrel nerv tizimi tomonidan nojo‘ya samaralarni (bosh og‘rig‘i, bosh aylanishi, tizimli bosh aylanishi, ongni chalkashishi, gallyutsinatsiyalarni) chaqirishi mumkin, ular transport vositalarini boshqarish va diqqatni yuqori jamlanishi va psixomotor reaktsiyalarning tezligini talab qiluvchi boshqa potentsial xavfli faoliyat turlari bilan shug‘ullanishga ta’sir qilishi mumkin. Preparat bolalar ololmaydigan joyda saqlansin va yaroqlilik muddati o‘tgach ishlatilmasin.

Yorug‘likdan himoyalangan joyda, 250S dan yuqori bo‘lmagan haroratda saqlansin.

Klopidogrelning dozasi oshirib yuborilishi qon ketishi vaqtini uzayishiga va keyinchalik gemorragik asoratlarga olib kelishi mumkin. Qon ketishi aniqlanganda tegishli davolash choralari o‘tkazilishi lozim. Klopidogrelning farmatsevtik faolligiga antidotlar aniqlanmagan. Uzaygan qon ketish vaqtini tezda tuzatish zarurati tug‘ilganida, trombotsitar massani quyish tavsiya etiladi.

Retsept bo‘yicha

10 yoki 14 tabletkadan polivinilxlorid plyonka va alyuminiy folgali kontur uyali o‘ramga joylanadi. 3 kontur uyali o‘ram (10 tabletkadan) qo‘llash bo‘yicha yo‘riqnomasi bilan birga karton qutiga joylanadi. 1 yoki 2 kontur uyali o‘ram (14 tabletkadan) qo‘llash bo‘yicha yo‘riqnomasi bilan birga karton qutiga joylanadi.

3 yil.