jigarrang rangli, oval, ikki tomoni qavariq, plyonka qobiq bilan qoplangan, bir tomonida riskali va boshqa tomoni silliq tabletkalar.

antibakterial sintetik vosita (ftorxinolonlar guruhi).

J01MA14

Ichga qabul qilinganidan keyin moksifloksatsin me’da-ichak yo‘llaridan yaxshi so‘riladi. Moksifloksatsinning mutlaq biokiraolishligi 90% ga teng. Ichga 400 mg qabul qilinganidan keyin moksifloksatsinning maksimal kontsentratsiyasi 3,1±1,0 mg/l ni tashkil qiladi, ko‘p marta qabul qilinganda 4,5±0,5 mg/l ga teng. Plazmadan moksifloksatsinning yarim chiqarilish davri 12±1,3 soatni tashkil qiladi. Plazma oqsillari bilan 50% ga bog‘lanadi. Moksifloksatsinning taqsimlanish xajmi 1,7-2,7 l/kg ni tashkil qiladi. Moksifloksatsin organizmning suyuqliklari va to‘qimalarida yaxshi taqsimlanadi (so‘lak, burun, burun bo‘shliqlari, bronxlarning shilliq qavati, teri osti to‘qimalari, skelet mushaklari va boshqalar). Moksifloksatsin jigarda tsitoxrom R450 tizimini ishtirokisiz faol bo‘lmagan sulfat va glyukuronid metabolitlarini xosil bo‘lishi bilan kon’yugatsiya yo‘li orqali metabolizmga uchraydi. Sulfat dozaning taxminan 38% ni tashkil qiladi va asosan ahlat bilan chiqariladi, glyukuronid – dozaning 14% ni tashkil qiladi va faqat siydik bilan chiqariladi. Preparatning taxminan 45% o‘zgarmagan holda chiqariladi (20% siydik bilan, 25% ahlat bilan). Moksifloksatsinning umumiy taxmin qilingan klirensi soatiga 12±2,0 l ni tashkil qiladi, buyrak klirensi soatiga 2,6±0,5 l ga teng. Moksifloksatsinning farmakokinetik ko‘rsatkichlari patsiyentning jinsi, yoshi, irqiga bog‘liq emas. Buyraklarning funktsional xolatini buzilishida (shu jumladan minutiga 30 ml kam kreatinin klirensi), shuningdek jigar ishini og‘irligi yengil va o‘rtacha darajali buzilishida farmakokinetik ko‘rsatkichlarini ahamiyatli o‘zgarishlari aniqlanmagan. Og‘ir buyrak yetishmovchiligi bo‘lgan patsiyentlarda, shuningdek bolalarda moksifloksatsinning farmakokinetikasi o‘rganilmagan.

Sezgir mikroorganizmlar chaqirgan infektsion-yallig‘lanish kasalliklari: yuqori va quyi nafas yo‘llarining infektsiyalari: o‘tkir sinusit, surunkali bronxitni zo‘rayishi, shifoxonadan tashqari pnevmoniya; yumshoq to‘qimalar va teri infektsiyalari, intraabdominal infektsiyalarda qo‘llanadi.

Moksifloksatsin ichga qabul qilinadi (ovqat qabul qilishdan qat’iy nazar, katta miqdordagi suv bilan birga), vena ichiga yuboriladi (1 soat davomida), 400 mg sutkada 1 marta. Davolash davomiyligi ko‘rsatmalarga bog‘liq. Keksa patsiyentlarda, yengil va o‘rtacha jigar yetishmovchiligi bo‘lgan bemorlarda, shuningdek buyrak yetishmovchiligi bo‘lgan bemorlarda (shu jumladan kreatinin klirensi 30 ml/min/1,73 m2 kamligi), shu jumladan davomli ambulator peritoneal dializda va uzluksiz gemodializda dozaga tuzatish kiritish talab etilmaydi. Davolashni boshlashdan oldin kasallikni chaqirgan mikroorganizmlarni aniqlash uchun muvofiq testlarni bajarish va moksifloksatsinga ularning sezuvchanligini baholash kerak. Moksifloksatsin bilan davolashni bu testlarning natijalarini olguncha ham boshlash mumkin. Testlarning natijalari olinganidan keyin davolashga (agar talab etilsa) tuzatish kiritish kerak. Moksifloksatsinni qabul qilishda QT intervalini uzayishi mumkin, shuning uchun uni, ayniqsa bir vaqtda QT intervalini uzaytiruvchi boshqa dori vositalarini (eritromitsin, tsizaprid, tritsiklik antidepressantlar, neyroleptiklar) qabul qilayotgan patsiyentlarga ehtiyotkorlik bilan buyurish kerak. 1A sinfi (prokainamid, xinidin) yoki 3 sinf antaritmik vositalarni qabul qilishda moksifloksatsinni extiyotkorlik bilan buyurish kerak. Moksifloksatsin bradikardiyasi va miokardning o‘tkir ishemiyasini belgilari bo‘lgan patsiyentlarga ehtiyotkorlik bilan buyuriladi. Xinolonlarni ishlatish tirishish xurujlari, shuningdek markaziy nerv tizimi tomonidan boshqa buzilishlarni rivojlanishi ehtimoli bilan bog‘liq. Bu reaktsiyalar preparat birinchi marta qabul qilinganidan keyin rivojlanishi mumkin. Bu reaktsiyalar rivojlanganida moksifloksatsinni bekor qilish kerak. Moksifloksatsin qabul qilganda jiddiy anafilaktik reaktsiyalarni rivojlanish hollari bor. Bu reaktsiyalar ongni yo‘qotilishi, yurak kollapsi, xushdan ketish, yuz yoki tomoqning shishi, dispnoe, qichishishi, eshakemi bilan birga kechgan. Anafilaktik reaktsiyalar rivojlanganida darxol epinefrinni yuborish kerak. Teri toshmasi yoki o‘ta yuqori sezuvchanlik reaktsiyalarning simptomlari paydo bo‘lganida moksifloksatsin bilan davolashni bekor qilish va tegishli reanimatsion tadbirlar (agar zarurati bo‘lsa) o‘tkazish kerak. Moksifloksatsin bilan davolashda soxtamembranoz kolit rivojlanishi mumkin, bu muvofiq davolashni talab qiladi. Moksifloksatsin bilan davolash fonida, tendinit va paylarni uzilishi rivojlanishi mumkin. Yallig‘lanish, og‘riqlar yoki paylarni uzilishi paydo bo‘lganida, moksifloksatsinni qabul qilishni to‘xtatish kerak. Moksifloksatsin bilan davolash to‘xtatilganidan keyin ham paylarni uzilishi yuz berishi mumkinligini yodda tutish kerak.

Nerv tizimi va sezgi a’zolari: bosh og‘rig‘i, lohaslik, asteniya, insomniya, asabiylik, uyquchanlik, xavotirlik, vertigo, tremor, ta’mni buzilishi, ko‘rishni buzilishi, odatdagi bo‘lmagan tush ko‘rishlar, ajitatsiya, amneziya, ambliopiya, afaziya, ongni chalkashishi, tirishishlar, depersonalizatsiya, emotsional beqarorlik, depressiya, gallyutsinatsiyalar, paresteziya, koordinatsiyalanmagan xarakat, parosmiya, nutqni buzilishi, uyquni buzilishi, fikrlash jarayonlarini buzilishi, ta’mni yo‘qolishi, tinnit; qon va qon aylanish tizimi: taxikardiya, vazodilatatsiya, yurak urishini xis qilish, QT intervalini uzayishi, protrombinni pasayishi, leykopeniya, eozinofiliya, anemiya, trombotsitemiya, bo‘lmachalar fibrillyatsiyasi, gipertenziya, EKG da o‘zgarishlar, gipotenziya, protrombinni oshishi, periferik shishlar, trombotsitopeniya, tromboplastinni pasayishi, supraventrikulyar taxikardiya, ventrikulyar taxikardiya; ovqat hazm qilish tizimi: qusish, dispeptik ko‘rinishlar, og‘izni qurishi, meteorizm, og‘iz bo‘shlig‘ini kandidozi, qabziyat, ishtaxani yo‘qligi, glossit, stomatit, gamma-glutamiltranspeptidaza darajasini oshishi, jigar testlari ko‘rsatgichlarini buzilishi, soxtamembranoz kolit, gastrit, disfagiya, gastrointestinal buzilishlar, til rangini o‘zgarishi, sariqlik; siydik-jinsiy tizimi: vaginit, vaginal kandidoz, giperurikemiya, buyraklarning funktsional xolitini buzilishi; teri qoplamalari: qichishish, toshma (pustulyoz, makulopapulyoz, purpura); boshqalar: qorin og‘rig‘i, allergik reaktsiyalar, inyektsiya joyida reaktsiyalar (shu jumladan flebit), mialgiya, artralgiya, laboratoriya ko‘rsatgichlarini o‘zgarishi, qonda amilazani oshishi, dispnoe, laktatdegidrogenaza darajasini oshishi, eshakemi, terlash, artrit, kandidoz, og‘riq sindromi, shu jumladan ko‘krakda, oyoqlarda, beldagi og‘riqlar, chanoq soxasida og‘riq, yuzni shishi, astma, giperglikemiya, gipertoniya, giperlipidemiya, gipesteziya, sinkope, yorug‘likka sezuvchanlik va fototoksiklik reaktsiyalari, tendopatiyalar, psixotik reaktsiyalar, paylarni uzilishi, Stivens-Djonson sindromi, toksik epidermal nekroliz, jigar yetishmovchiligi, gepatit, angionevrotik shish, anafilaktik reaktsiyalar, ventrikulyar taxiaritmiya.

Temir saqlovchi vositalar, sukralfat, metallarning kationlari va antatsidlar moksifloksatsinning biokiraolishligini ahamiyatli kamaytiradi (shuning uchun moksifloksatsinni bu preparatlarni qabul qilishdan 4 soat oldin yoki 8 soat keyin qabul qilish kerak). Varfarin (yoki uning hosilalari) va moksifloksatsinni bir vaqtda qabul qilayotgan patsiyentlarda, protrombin vaqtini va koagulyatsiyaning boshqa ko‘rsatgichlarini nazorat qilish kerak. Moksifloksatsin kortikosteroidlar bilan birga ishlatilganida paylarni uzilishi yoki tendovaginitni rivojlanishining ehtimoli oshadi. Vena ichiga yuborish uchun eritma ko‘rinishidagi moksifloksatsinni vena ichiga yuborish uchun boshqa preparatlar bilan mutanosibligi bo‘yicha ma’lumotlarning cheklanganligi tufayli, bir vaqtda infuziya o‘tkazish tavsiya etilmaydi. Moksifloksatsinning eritmasi quydagi eritmalar bilan mutanosib: 0,9% li natriy xloridi, 5% li dekstroza, 1M natriy xloridi, 10% li dekstroza, inyektsiya uchun suv, Ringer-laktat eritmasi.

To‘g‘rilab bo‘lmaydigan gipokaliyemiya, QT intervalini uzayish sindromi, 1A sinfi (prokainamid, xinidin) yoki 3 sinf (sotalol, amiodaron) antiaritmik preparatlarni birga ishlatish, tutqanoq, tirishish xurujlarini rivojlanishiga moyillik qiluvchi markaziy nerv tizimining kasalliklari, yaqqol jigar yetishmovchiligi.

Agar davolashdan kutilayotgan samara xomila uchun mumkin bo‘lgan xavfdan yuqori bo‘lsa, moksifloksatsinni homiladorlikda ishlatish mumkin (homilador ayollarda moksifloksatsinni ishlatishni xavfsizligini qat’iy nazorat qilingan va adekvat tadqiqotlari mavjud emas). Moksifloksatsin kalamushlardagi, quyonlardagi, maymunlardagi tajribalarda teratogen ta’sir ko‘rsatmagan, lekin quyidagi samaralar aniqlangan: bola tashlashni oshishi, xomilalarning tana va yo‘ldosh vaznini kamayishi, skeletning shakllanishini kechikishi, yo‘ldoshning tashqi ko‘rinishini o‘zgarishi, neonatal yashab qolishni pasayishi, prenatal yo‘qotishlar, homiladorlik davomiyligini oshishi, urg‘ochilar uchun toksiklik. Moksifloksatsin emizikli ayollarning ko‘krak sutiga tushishi va emizikli bolalarda jiddiy nojo‘ya reaktsiyalarning sababi bo‘lishi mumkinligi tufayli, emizuvchi ayollar (ona uchun preparatni ishlatishni ahamiyatini hisobga olib) emizikli to‘xtatishlari yoki moksifloksatsinni qabul qilishni to‘xtatishlari kerak. Preparat bolalar ololmaydigan joyda saqlansin va yaroqlilik muddati o‘tgach ishlatilmasin.

Salqin, yorug‘likdan himoyalangan joyda, 30oS dan yuqori bo‘lmagan haroratda saqlansin.

Moksifloksatsinning dozasi oshirib yuborilganida nojo‘ya ko‘rinishlari kuchayadi. Me’dani yuvish va faollashtirilgan ko‘mir qabul qilish (agar ichga qabul qilinganida doza oshirib yuborilgan bo‘lsa), adekvat gidratatsiya, EKG nazorati (QT intervalini uzayishi mumkinligi tufayli), simptomatik davoldash o‘tkazish kerak. Davomli ambulator peritoneal dializ va gemodializda organizmdan muvofiq moksifloksatsinning taxminan 3 va 9% va uning glyukuronidini 2 va 4,5% chiqariladi.

Retsept bo‘yicha

1x10 tabletkalar blister o‘ramda annotatsiyasi bilan karton qutiga joylanadi.

24 oy.