tiniq, rangsiz suyuqlik.

glaukomaga qarshi preparatlar va miotik vositalar.

S01E B01.

Birlamchi va surunkali ochiq burchakli glaukoma. Yopiq burchakli glaukomaning o‘tkir xuruji. Surunkali yopiq burchakli glaukoma (jarrohlik aralashuvigacha). Ikkilamchi glaukoma (to‘rsimon qavatning markaziy venasining trombozi, to‘rsimon qavat arteriyasini o‘tkir tutilishi, ko‘ruv nervining atrofiyasi, to‘rsimon qavatni pigmentli degeneratsiyasi, shishasimon tanaga qon quyilishi natijasidagi). Midriatiklar dozasi oshirib yuborilganida, tashxis qo‘yish maqsadida va jarrohlik aralashuvlari vaqtida ko‘z qorachig‘ini toraytirish zaruratida (yuqori darajali miopiyasi bo‘lgan shaxslardan tashqari) qo‘llanadi.

Pilokarpin har bir ko‘zga 1-2 tomchidan sutkada 2-4 marta tomiziladi. Sutkalik dozani va davolash kursining davomiyligini ko‘z ichki bosimi darajasiga qarab shifokor belgilaydi. Zarurati bo‘lganida preparatni β-adrenoretseptorlarning blokatorlari bilan majmuada qo‘llash mumkin. Yopiq burchakli glaukomaning o‘tkir xurujida Pilokarpin quyidagicha buyuriladi: birinchi soat davomida – har 15 minutda 1 tomchidan; 2-3 soat davomida – har 30 minutda 1 tomchidan; 4-6 soat davomida – har 60 minutda 1 tomchidan; keyinchalik sutkada 3-6 martadan xuruj yo‘qolgunicha.

Pilokarpinni qo‘llash vaqtida quyidagilar rivojlanishi mumkin: mahalliy nojo‘ya ko‘rinishlar: mioz, ko‘zda qisqa muddatli og‘riq, uni qizarishi, akkomodatsiya spazmi turg‘un mioz oqibati sifatida (sutkaning tungi davrida), ko‘rish o‘tkirligini pasayishi, chekka va paraorbital sohalarda bosh og‘rig‘i, ko‘z yoshi oqishini kuchayishi, allergik kon’yunktivit va qovoqlar terisining dermatiti, yuzaki keratit, ko‘z sohasida qichishish, miopiya, fotofobiya, kon’yunktiva giperemiyasi, shox pardani shishi va eroziyasi, tsiliar mushakning spazmi; ba’zida – to‘rsimon qavatni ko‘chishi;tizimli nojo‘ya ko‘rinishlari juda kam rivojlanadi: bronxospazm, bosh og‘rig‘i, bosh aylanishi, gipersalivatsiya, rinoreya, o‘pkalar shishi, arterial bosimni oshishi, bradikardiya, tomirli buzilishlar, arterial gipotenziya, kuchli terlash, ko‘ngil aynishi, qusish, diareya;uzoq muddatli davolash follikulyar kon’yunktivitga, qovoqlarning kontakt dermatitiga, keratopatiyaga, kataraktaga, ko‘z gavharini qaytuvchi xiralashishiga, kon’yunktiva to‘qimasini o‘zgarishiga olib kelishi mumkin.

Irit, iridotsiklik kriz, uveit, tsiklit, keratit va ko‘zning boshqa kasalliklari, ularda qorachiqlarni torayishi ma’qul emas (ko‘zdagi jarrohlik aralashuvlaridan keyin orqa sinexiylarni paydo bo‘lishini bartaraf qilish uchun). Glaukomaning dimlama shaklida preparatga paradoksal reaktsiya. Pilokarpinni anamnezida to‘rsimon qavatini ko‘chishi bo‘lgan bemorlarga, yuqori darajali miopiyasi bo‘lgan yoshlarga ehtiyotkorlik bilan qo‘llash kerak. Ko‘z to‘qimalarining o‘tkir yallig‘lanish kasalliklari. Preparat komponentlariga allergik reaktsiyalari va anamnezdagi bronxial astma.

Atropin va boshqa M-xolinolitik preparatlar Pilokarpinning antagonistlaridir. Adrenostimulyatorlar bilan bir vaqtda qo‘llanganida ta’sirining antagonizmi (qorachiq diametriga ta’siri) kuzatilishi mumkin. Timolol va mezaton ko‘z ichki bosimini pasayishini kuchaytiradi. Pilokarpinni b-adrenoblokatorlar, karboangidraza ingibitorlari bilan birga qo‘llash mumkin. Pilokarpinning M-xolinostimullovchi ta’siri tritsiklik antidepressantlar, fenoteazin hosilalari, xlorprotiksen, klozapin bilan majmuada kamayadi; antixolinesteraz preparatlar bilan kuchayadi. Ftorotanni qo‘llash bilan umumiy anesteziya vaqtida (Pilokarpinni ko‘z tomchilarida qo‘llayotgan bemorlarda) bradikardiya paydo bo‘lishi va arterial bosim pasayishi mumkin.

Qo‘llashdan bevosita oldin preparatli flakonni kaftda tana haroratigacha isitish uchun ushlab turish kerak. Qopqog‘i buraladi, olinadi va flakon korpusiga biroz bosib eritma ko‘zga tomiziladi. Tomizilganidan keyin qopqoq burab zich yopiladi. O‘tkir yurak yetishmovchiligi, yaqinda o‘tkazilgan miokard infarkti, og‘ir bradikardiya, arterial gipotenziya, arterial gipertenziya, gipertireoz, tutqanoq, siydik yo‘llarining obstruktsiyasi, vazomotor beqarorlik, Parkinson kasalligi bo‘lgan patsiyentlarga ehtiyotkorlik bilan qo‘llanadi. Miotik preparatlar rangdor pardada yangi hosil bo‘lgan tomirlar bo‘lmaganida qo‘llanadi. Kontsentratsiyasi va tomizish tez-tezligini oshirish (6 va undan ko‘p) – maqsadga muvofiq emas, chunki bu gipotenziv samarani kuchayishiga olib kelmaydi va organizmning umumiy negativ reaktsiyalarini chaqiradi. Pilokarpin sog‘lom odamlarda deyarli oftalmotonus darajasiga ta’sir qilmaydi, ammo glaukomaning turli shakllari bo‘lgan bemorlarda samarador. Yil davomida 1-3 oyga Pilokarpinni boshqa miotik bo‘lmagan preparatlar bilan almashtirish yaxshiroq. Uzoq tomizilganida mioz hamma vaqt saqlanadi, bu fakosklerozi va boshlang‘ich bosqichdagi kataraktasi bo‘lgan keksalar uchun muhim. Homiladorlik yoki emizish davrida qo‘llanishi Homiladorlik yoki emizish davrida, agar shifokorning fikri bo‘yicha faqat kutilayotgan samara mumkin bo‘lgan nojo‘ya reaktsiyalar xavfidan yuqori bo‘lgan holda qo‘llash mumkin. Bolalar. Preparat bolalarda qo‘llanmaydi. Avtotransportni boshqarish yoki boshqa mexanizmlar bilan ishlash reaktsiya tezligiga ta’sir qilish qobiliyati Preparat qo‘llanganida avtotransportni haydash va ko‘rish aniqligini talab qiluvchi boshqa potentsial xavfli faoliyat bilan shug‘ullanish tavsiya qilinmaydi. Preparat bolalar ololmaydigan joyda saqlansin va o‘ramda ko‘rsatilgan yaroqlilik muddati o‘tgach qo‘llanilmasin.

Yorug‘likdan himoyalangan joyda, 8°S dan 15°S gacha bo‘lgan haroratda saqlansin.

Dozani oshirib yuborilishining birinchi belgilari – ko‘ngil aynishi, bradikardiya, turg‘un mioz, ko‘zda og‘riq, ko‘rishni buzilishi, bosh og‘rig‘i rivojlanishi mumkin. Bu belgilar paydo bo‘lganida preparat bekor qilinadi. Dozani oshirib yuborilishini davolash simptomatik. Atropin, tropikamid – spetsifik antidotlar sifatida qo‘llanishi mumkin. Parasimpatomimetiklarning dozasini oshirib yuborilishi tufayli yaqqol bradikardiyada 0,5-2 mg atropin parenteral yuboriladi.

Retsept bo‘yicha

5 ml yoki 10 ml dan flakonda. 1 flakondan qutida.

3 yil. Flakon ochilgandan keyin 28 sutka ishlatish mumkin.