sariq rangdan sarg‘ish-jigarranggacha bo‘lgan tiniq, qovushqoq suyuqlik.

yo‘talga qarshi vositalar va ekspektorantlar, majmualar.

R05FV02.

Kelib chiqishi har xil bo‘lgan quruq, qichituvchi, xurujsimon yo‘tal. Preparatni jarrohlik operatsiyasidan oldingi va keyingi davrda yo‘talni bartaraf qilish uchun qo‘llash mumkin.

Preparat ichga qabul qilinadi. Ovqatlangandan keyin qabul qilish avzalroq. Yoshga bog‘liq ravishda tomchilarning tegishli miqdorini 50-100 ml suyuqlikda (suv, choy, meva sharbatida) eritiladi. Preparatni qabul qilishlar orasidagi interval 4-6 soatni tashkil etishi kerak. Patsiyentning tana vazniga bog‘liq ravishda quyidagi dozalarga amal qilish lozim: 7 kg gacha – sutkada 3-4 marta 8 tomchidan, 7-12 kg – sutkada 3-4 marta 9 tomchidan, 12-20 kg – sutkada 3 marta 14 tomchidan, 20-30 kg – sutkada 3-4 marta 14 tomchidan, 30-40 kg – sutkada 3-4 marta 16 tomchidan, 40-50 kg – sutkada 3 marta 25 tomchidan, 50-70 kg – sutkada 3 marta 30 tomchidan, 70-90 kg – sutkada 3 marta 40 tomchidan. Guayfenezinning maksimal sutkalik dozasi 6 oylikdan 2 yoshgacha bo‘lgan bolalar uchun – sutkada 300 mg (99 tomchi), 2 yoshdan 6 yoshgacha bo‘lgan bolalar uchun – sutkada 600 mg (198 tomchi), 6 yoshdan 12 yoshgacha bo‘lgan bolalar uchun – sutkada 1200 mg, kattalar va 12 yoshdan katta bo‘lgan bolalar uchun – sutkada 2400 mg ni tashkil etadi. Ko‘p miqdorda suyuqlikni qabul qilish davolash samaradorligini oshiradi. Agar Pektolvan Stop preparatini juda ham kichik (tana vazni 7 kg dan kam bo‘lgan) bolalarga buyurilsa, dozani kamaytirish mumkin. Agar bola preparat eritilgan 100 ml suyuqlikni hammasini ichmasa ham suyuqlikda preparat tomchilari sonini (to‘liq kontsentratsiyasini) oshirish mumkin emas. Shifokorning maslahatisiz preparatni 7 kundan ortiq qo‘llash mumkin emas.

Agar tavsiya etilgan dozalarga rioya qilinsa, preparat ta’siri odatda yaxshi o‘tkaziladi. Nojo‘ya ta’sirlar odatda preparat dozasi pasaytirilganidan keyin yo‘qoladi. Metabolizm tomonidan: ishtahani yo‘qligi. Nerv tizimi tomonidan: bosh og‘rig‘i, uyquchanlik. Eshitish a’zolari va muvozanat tomonidan: bosh aylanishi. Nafas olish a’zolari tomonidan: nafas olishni qiyinlashishi. Ovqat hazm qilish yo‘llari tomonidan: ovqat hazm qilish yo‘llarida noxushlik hissi, ko‘ngil aynishi, me’dada og‘riq, qusish, diareya. Siydik chiqarish tizimi tomonidan: urolitiaz. Immun tizimi tomonidan: allergik reaktsiyalar, shu jumladan anafilaktik shok, angionevrotik shishish, teri toshmalari, qichishish, eshakemi.

Preparat komponentlariga yuqori sezuvchanlikda, gravis miasteniyasida qo‘llash mumkin emas.

Butamirat yo‘tal refleksini so‘ndirishi tufayli balg‘am ko‘chiruvchi vositalarni bir vaqtda qo‘llashdan saqlanish zarur, chunki bu nafas yo‘llarida shilimshiqlarni to‘planib qolishiga olib kelishi mumkin, bu esa bronxospazm va nafas yo‘llarini infektsiyalanishi xavfini oshiradi. Litiy va magniy guayfenezin ta’sirini kuchaytiradi. Guayfenezin paratsetamol va atsetilsalitsil kislotasining og‘riqsizlantiruvchi ta’sirini, alkogolning va markaziy nerv tizimini so‘ndiruvchi boshqa moddalarning ta’sirini kuchaytiradi. Markaziy ta’sir mexanizmli miorelaksantlar guayfenezinning nojo‘ya ta’sirlarini, ayniqsa mushak zaifligini kuchaytirishi mumkin. Guayfenezin siydikda 5-gidroksiindolsirka kislotasi aniqlanadigan diagnostik testlarning (reagent sifatida nitrosonaftoldan foydalangan holda fotometrik usul) va vanilbodom kislotasining soxta ijobiy natijalarini keltirib chiqarishi mumkin. Mazkur tahlilni o‘tkazish uchun siydikni to‘plashga qadar 48 soat oldin Pektolvan Stop preparati bilan davolashni to‘xtatish zarur.

Preparatni bronxial astmasi, surunkali bronxiti yoki emfizemasi, balg‘amli yo‘tali va/yoki chekish bilan bog‘liq turg‘un yoki surunkali yo‘tali bo‘lgan patsiyentlarga qo‘llash kerak emas. Preparatni tuberkulyozda, pnevmokoniozda ehtiyotkorlik bilan qo‘llash kerak. Agar yo‘tal o‘tib ketmasa yoki kuchaysa, davolashni qayta ko‘rib chiqish zarur. Pektolvan Stop preparati maksimal bir martalik doza (40 tomchi) qabul qilinganida 34,3 hajmiy %, ya’ni 350 mg gacha etanolni (alkogolni) saqlaydi, bu taxminan maksimal bir martalik doza qabul qilinganida 8 ml pivo yoki 3 ml vinoga ekvivalentdir. Bu alkogolizm bilan xastalanganlar uchun nojo‘ya oqibatlarga olib kelishi mumkin. Homilador yoki emizikli ayollarni, shuningdek bolalar va jigar kasalliklari yoki tutqanog‘i bo‘lgan patsiyentlar kabi yuqori xavf guruhidagilarni davolashda etanolning mavjudligini hisobga olish lozim. Agar ayrim qand moddalari ta’sirini ko‘tara olmaslik aniqlansa, ushbu dori vositasini qabul qilishdan avval shifokor bilan maslahatlashish lozim.

Homilador ayollarda yoki hayvonlarda nazorat ostidagi tadqiqotlar o‘tkazilmagan. Guayfenezinni homiladorlikning І uch oyligida qo‘llanilganida yangi tug‘ilgan chaqaloqlarda chov churrasi paydo bo‘lishi hollari oshishi haqida xabar berilgan. Shu sababli preparatni homiladorlikning І uch oyligida qo‘llash mumkin emas. Preparatni homiladorlikning ІІ, ІІІ uch oyliklarida yoki emizish davrida shifokor fikriga ko‘ra ona uchun kutiladigan davolash samarasi homila/bola uchun potentsial xavfdan ortiq bo‘lgan hollardagina qo‘llash mumkin. Butamirat tsitrati yoki guayfenezin ona sutiga singib o‘tishi noma’lum. Xavfsizlik nuqtai nazaridan emizish davrida preparatni qo‘llash foyda  va xavflarini sinchiklab taqqoslash zarur.

25°S dan yuqori bo‘lmagan haroratda original o‘ramida saqlansin. Muzlatilmasin.

Doza oshirib yuborilganida guayfenezinning toksik ta’siri belgilari – uyquchanlik, ko‘ngil aynishi, qusish, mushak zaifligi ustun bo‘ladi. Diareya, bosh aylanishi, arterial gipotenziya kabi dozani oshirib yuborilishi belgilari shuningdek kuzatilishi mumkin. Rentgen negativ urolitiaz bo‘lishi mumkin. Maxsus antidot mavjud emas. Davolash. Me’dani yuvish, faollashtirilgan ko‘mirni qabul qilish amalga oshiriladi. Simptomatik davolash yurak-qon tomir va nafas olish tizimlarini, buyrak faoliyati va elektrolit muvozanatini bir maromda saqlab turishga yo‘naltirilgan bo‘ladi.

Retseptsiz

Flakonga 25 ml preparat solingan. Qutida 1 flakon joylangan.

3 yil.