Tutqanoqqa qarshi vosita.

N03AX16

Muvozanat holatida pregabalinning farmakokinetikasi ko‘rsatkichlari sog‘lom ko‘ngillilarda, tutqanoqqa qarshi davolangan tutqanog‘i bo‘lgan patsiyentlarda va pregabalinni surunkali og‘riq sindromlari yuzasidan qabul qilgan patsiyentlarda aynan o‘xshash bo‘lgan. So‘rilishi Pregabalin och qoringa qabul qilinganda tezda so‘riladi. Pregabalinning plazmada maksimal kontsentratsiyasiga (Smax) bir marta qo‘llanganida ham, takroriy qo‘llanganida ham 1 soat o‘tgach erishiladi. Pregabalinni biokirishaolishligi ichga qabul qilinganida ≥90% ni tashkil etadi va dozaga bog‘liq bo‘lmaydi. Takroriy qo‘llanganida muvozanat kontsentratsiyasiga 24-48 soat o‘tgach erishiladi. Preparatni ovqatlangandan keyin qabul qilinganida Cmax taxminan 25-30 % ga pasayadi, maksimal kontsentratsiyaga erishish vaqti (tmax) esa, taxminan 2,5 soatgacha oshadi. Biroq ovqatlanish pregabalinni umumiy so‘rilishiga klinik jihatdan ahamiyatli ta’sir ko‘rsatmaydi. Taqsimlanishi Ichga qabul qilingandan keyin pregabalinning taqsimlanish hajmi taxminan 0,56 l/kg ni tashkil etadi. Pregabalin plazma oqsillari bilan bog‘lanmaydi. Pregabalinni hayvonlarda o‘tkazilgan tadqiqotlarida, u sichqonlar, kalamushlar va maymunlarda gematoentsefalik to‘siq orqali o‘tishi qayd etilgan. Shuningdek pregabalin yo‘ldosh orqali o‘tishi mumkinligi va laktatsiya davrida kalamushlar sutida aniqlanishi ko‘rsatib berilgan. Metabolizmi Pregabalin deyarli metabolizmga uchramaydi. Nishonlangan pregabalin qabul qilinganidan keyin radioaktiv nishonning taxminan 98% siydikda o‘zgarmagan holda aniqlangan. Pregabalinni siydikda aniqlanadigan asosiy metaboliti bo‘lgan N-metillangan hosilasining ulushi dozaning 0,9% ni tashkil etgan. Klinik oldi tadqiqotlarida pregabalinning S-enantiomerini R-enantiomerga ratsemizatsiyasi belgilari qayd etilmagan. Chiqarilishi Pregabalin asosan buyraklar orqali o‘zgarmagan ko‘rinishda chiqariladi. O‘rtacha yarim chiqarilish davri 6,3 soatni tashkil etadi. Pregabalinning plazmadan klirensi va buyrak klirensi kreatinin klirensiga to‘g‘ri proportsional bo‘ladi (“Buyrak funktsiyasi buzilishi” bo‘limiga qarang). Buyrak funktsiyasini buzilishi bo‘lgan patsiyentlarda va gemodializda bo‘lgan patsiyentlarda dozaga tuzatish kiritish zarur (“Qo‘llash usuli va dozalari” bo‘limi 1-jadvalga qarang). Buyrak funktsiyasini buzilishi Pregabalinning klirensi kreatinin klirensiga to‘g‘ri proportsional. Pregabalin asosan buyrak orqali chiqarilishini hisobga olib buyrak funktsiyasi buzilishi bo‘lgan patsiyentlarda pregabalinning dozasini pasaytirish tavsiya etiladi. Bundan tashqari, pregabalin gemodializda plazmadan samarali chiqariladi (4 soatlik gemodializ seansidan keyin plazmada pregabalinning kontsentratsiyalari taxminan 50% ga pasayadi), gemodializdan keyin preparatning qo‘shimcha dozasini buyurish zarur (“Qo‘llash usuli va dozalari” bo‘limiga qarang). Jigar funktsiyasini buzilishi Jigar funktsiyasini buzilishi bo‘lgan patsiyentlarda pregabalinning farmakokinetikasi maxsus o‘rganilmagan. Pregabalin deyarli metabolizmga uchramaydi va asosan o‘zgarmagan xolda siydik bilan chiqariladi, shu sababli jigar funktsiyasini buzilishi plazmada pregabalinning kontsentratsiyasini sezilarli o‘zgartirmasligi kerak. Keksa yoshdagi (65 yoshdan katta) patsiyentlar Pregabalinning klirensi yosh o‘tgan sayin pasayish moyilligiga ega, bu kreatinin klirensining yoshga oid pasayishini aks ettiradi. Buyrak funktsiyasini buzilishi bo‘lgan keksa yoshdagi odamlarga preparatning dozasini pasaytirish talab qilinishi mumkin (“Qo‘llash usuli va dozalari” bo‘limi-ga qarang).

Neyropatik og‘riq Kattalarda neyropatik og‘riqni davolashda qo‘llanadi. Tutqanoq Ikkilamchi tarqalishi bilan kechuvchi yoki kechmaydigan partsial tirishishlari bo‘lgan kattalarda yordamchi vosita sifatida qo‘llanadi. Tarqoq xavotirli buzilish Kattalarda tarqoq xavotirli buzilishlarini davolashda qo‘llanadi.

Ovqatlanishdan qat’iy nazar ichga qabul qilinadi. Preparat sutkada 150 mg dan 600 mg gacha dozada ikki yoki uch marta qabul qilish uchun qo‘llanadi. Neyropatik og‘riq Pregabalin bilan davolash sutkada 150 mg dozadan boshlanadi. Erishilgan samaraga va preparatni o‘zlashtiraolinishiga qarab, 3-7 kun o‘tgach dozani sutkada 300 mg gacha oshirish, zarurat bo‘lganida esa, yana 7 kun o‘tgach, sutkada 600 mg maksimal dozagacha oshirish mumkin. Tutqanoq Pregabalin bilan davolash sutkada 150 mg dozadan boshlanadi. Erishilgan samaraga va preparatni o‘zlashtiraolinishiga qarab, 1 hafta o‘tgach, dozani sutkada 300 mg gacha oshirish, yana 1 hafta o‘tgach esa, sutkada 600 mg maksimal dozagacha oshirish mumkin. Tarqoq xavotirli buzilish Pregabalin bilan davolash sutkada 150 mg dozadan boshlanadi. Erishilgan samaraga va preparatni o‘zlashtira olinishiga qarab, 7 kun o‘tgach dozani sutkada 300 mg gacha ko‘paytirish mumkin. Ijobiy samara bo‘lmaganida 7 kun o‘tgach, dozani sutkada 450 mg gacha, zarurat bo‘lganida esa, yana 7 kun o‘tgach sutkada 600 mg maksimal dozagacha oshiriladi. Davolashni davom ettirish zaruratini muntazam ravishda baholab borish lozim. Pregabalinni qo‘llashni bekor qilish Agar pregabalin bilan davolashni to‘xtatish zarur bo‘lsa, buni bosqichma-bosqich kamida 1 hafta davomida bajarish tavsiya etiladi. Buyrak funktsiyasini buzilishi bo‘lgan patsiyentlar Buyrak funktsiyasini buzilishi bo‘lgan patsiyentlarda dozani individual ravishda kreatinin klirensini (KK) hisobga olgan holda tanlanadi. Gemodializ yordamida davolanayotgan patsiyentlarda pregabalinning sutkalik dozasini buyrak funktsiyasini hisobga olgan holda tanlanadi. 4 soatlik gemodializ seansidan keyin pregabalinning qon plazmasidagi kontsentratsiyasi taxminan 50 % ga pasayadi. Bevosita har bir 4 soatlik gemodializ seansidan keyin qo‘shimcha doza buyuriladi Jigar funktsiyasini buzilishi bo‘lgan patsiyentlarda qo‘llanilishi Jigar funktsiyasini buzilishi bo‘lgan patsiyentlarda dozaga tuzatish kiritish talab qilinmaydi (“Farmakokinetikasi” bo‘limiga qarang). 12 yoshgacha bo‘lgan bolalar va o‘smirlarda (12-17 yoshni ichiga olgan holda) qo‘llanilishi Pregabalinni 12 yoshgacha bo‘lgan bolalar va o‘smirlarda qo‘llash xavfsizligi aniqlanmagan. Preparatni bolalarda qo‘llash tavsiya etilmaydi. Keksa yoshdagi (65 yoshdan katta) insonlarda qo‘llanilishi Keksa yoshdagi insonlarda buyrak funktsiyasini pasayishi munosabati bilan pregabalin dozasini pasaytirish talab etilishi mumkin (“Farmakokinetikasi” bo‘limiga qarang). Pregabalinning dozasini qabul qilish o‘tkazib yuborilgan xollardan keyingi dozani imkon boricha tezroq qabul qilish zarur, biroq agar keyingi dozani qabul qilish vaqti yaqinlashib qolgan bo‘lsa, o‘tkazib yuborilgan dozani qabul qilmaslik lozim.

Davolashni to‘xtatishni talab qiluvchi asosiy nojo‘ya ta’sirlar ularning subyektiv ta’sirini o‘zlashtira olishligiga qarab, bosh aylanishi (4%) va uyquchanlik (3%) bo‘lgan. Ataksiya, ongni xiralashishi, asteniya, diqqat-e’tiborni buzilishi, ko‘rishni noaniqligi, koordinatsiyani buzilishi, periferik shishlar shuningdek preparatni qo‘llashni bekor qilishga olib keluvchi boshqa nojo‘ya ta’sirlardir. Shuningdek pregabalin bekor qilinganidan keyin yuzaga keluvchi uyqusizlik, bosh og‘rig‘i, ko‘ngil aynishi, xavotirlik, grippga o‘xshash sindrom, tirishishlar, yuqori qo‘zg‘aluvchanlik, depressiya, og‘riq, gipergidroz va diareya kabi nojo‘ya reaktsiyalar qayd etilgan. Orqa miyani shikastlanishi bilan bog‘liq markaziy neyropatik og‘riqni davolash fonida umuman nojo‘ya reaktsiyalar, shuningdek markaziy nerv tizimi tomonidan nojo‘ya reaktsiyalar tez-tezligini, ayniqsa uyquchanlikni oshishi kuzatiladi. Infektsiyalar va invaziyalar:  tez-tez: nazofaringit. Qon va limfatik tizimi: tez-tez emas: neytropeniya. Metabolizm va oziqlanishni buzilishlari: tez-tez: ishtahani oshishi; tez-tez emas: anoreksiya, gipoglikemiya. Ruhiy buzilishlar: tez-tez: eyforiya holati, ongni chalkashishi, uyqusizlik, ta’sirchanlik, depressiya, dezoriyentatsiya, libidoni pasayishi, vahima xuruji, apatiya; tez-tez emas: gallyutsinatsiyalar, bezovtalik, xavotirli qo‘zg‘aluvchanlik, tushkun kayfiyat, ko‘tarinki kayfiyat, kayfiyatni o‘zgaruvchanligi, tajvuzkorlik, depersonalizatsiya, vahimali tushlar ko‘rish, so‘z topishni qiyinlashishi, libidoni oshishi, anorgazmiya, uyqusizlikni kuchayishi; kam hollarda: tormozlanishi. Nevrologik buzilishlar: juda tez-tez: bosh aylanishi, uyquchanlik, bosh og‘rig‘i; tez-tez: ataksiya, koordinatsiyani buzilishi, tremor, dizartriya, amneziya, xotirani yomonlashishi, diqqat-e’tiborni buzilishi, paresteziya, gipesteziya, sedativ samara, muvozanatni buzilishi, letargiya, agevziya; tez-tez emas: hushdan ketish holatlari, miokloniya, psixomotor qo‘zg‘alish, diskineziya, ortostatik bosh aylanishi, intentsion tremor, nistagm, nutqni buzilishi, reflekslarni pasayishi, teri va shilliq qavatlarda achishish hisi, giperesteziya, hushni yo‘qotish, kognitiv buzilishlar; kam hollarda: patologik qotib qolishlar, parosmiya, gipokineziya, disgrafiya, tirishishlar. Ko‘rish a’zosi tomonidan buzilishlar: tez-tez: qo‘rishni noaniqligi, diplopiya; tez-tez emas: periferik ko‘rishni yo‘qotilishi, ko‘rishni buzilishi, ko‘zlarda shish, ko‘rish maydoni nuqsoni, ko‘rish o‘tkirligini pasayishi, ko‘zlarda og‘riq, astenopiya, fotopsiya, ko‘zning quruqligi sindromi, yuqori darajada ko‘z yoshlanishi, ko‘z shilliq qavatini achishishi; kam hollarda: ostsillopsiya (ko‘rinadigan predmetlarning tebranishi), ko‘rish qamrovining o‘zgarishi, midriaz, g‘ilaylik, ko‘rish yorqinligini kuchayishi, keratit, ko‘rish qobiliyatini yo‘qotish. Eshitish a’zosi va vestibulyar apparati tomonidan o‘zgarishlar: tez-tez: vertigo; tez-tez emas: giperakuziya. Yurak-qon tomir tizimi tomonidan: tez-tez emas: taxikardiya, I darajali atrioventrikulyar blokada, sinusli bradikardiya, surunkali yurak yetishmovchiligi; kam hollarda: sinusli taxikardiya, sinusli aritmiya, QT intervalining uzayishi. Qon tomirlari tomonidan: tez-tez emas: gipotenziya, gipertenziya, teri giperemiyasi, “quyilishlar”, qo‘l-oyoqlarning muzlashi. Nafas tizimi tomonidan: tez-tez: burun shilliq qavatini qurishi; tez-tez emas: nafas siqilishi, burundan qon ketishi, yo‘tal, burunni bitib qolishi, rinit, xurrak; kam hollarda: tomoqda bo‘g‘ilish hisi, o‘pka shishi. Ovqat hazm qilish tizimi tomonidan: tez-tez: qusish, qabziyat, meteorizm, qorin dam bo‘lishi, og‘izni qurishi, ko‘ngil aynishi, diareya; tez-tez emas: gastroezofageal reflyuks, so‘lak bezlarini gipersekretsiyasi, og‘iz bo‘shlig‘i shilliq qavati sezuvchanligini pasayishi; kam hollarda: astsit, pankreatit, disfagiya, tilni shishi. Teri va teri osti to‘qimalari tomonidan: tez-tez emas: papulyozli toshma, eshakemi, kuchli terlash, yuz shishi, teri qichishishi; kam hollarda: Stivens-Djonson sindromi, sovuq ter chiqishi. Tayanch-harakat apparati tomonidan: tez-tez: mushak tirishishlari, artralgiya, belda og‘riq, qo‘l-oyoqlarda og‘riq, umurtqaning bo‘yin bo‘limidagi mushaklar spazmi; tez-tez emas: bo‘g‘imlarni shishi, mialgiya, mushak tirishishlari, bo‘yinda og‘riq, mushaklarni tangligi; kam hollarda: rabdomioliz Siydik chiqarish tizimi tomonidan: tez-tez emas: siydikni tuta olmaslik, dizuriya; kam hollarda: buyrak yetishmovchiligi, oligouriya, siydikni tutilishi. Reproduktiv tizimi tomonidan: tez-tez: ko‘krak bezlari sohasida og‘riq, erektil disfunktsiya; tez-tez emas: jinsiy disfunktsiyasi, kechikkan eyakulyatsiya, dismenoreya; kam hollarda: amenoreya, ko‘krak bezlaridan ajralmalar, ko‘krak bezlarini kattalashishi, ginekomastiya. Umumiy buzilishlar va yuborilish joyida buzilishlar: tez-tez: periferik shish, qadam tashlashni buzilishi, yiqilish, mastlik hissi, o‘zini yomon his qilish, charchoq; tez-tez emas: tarqoq shish, ko‘krakda siqilish hisi, og‘riq, isitma, chanqash, qaltirash, umumiy quvvatsizlik, darmonsizlik. Laborator va instrumental ma’lumotlar: tez-tez: tana vaznini oshishi, qonda kreatinin kontsentratsiyasini oshishi; tez-tez emas: kreatinfosfokinaza, alaninaminotransferaza, aspartataminotransferaza faolligini oshishi, qonda glyukoza kontsentratsiyasini oshishi, trombotsitlar sonini kamayishi, qonda kaliy miqdorini pasayishi, tana vaznini kamayishi; kam hollarda: qonda leykotsitlar sonining kamayishi. Immun tizimi tomonidan buzilishlar: tez-tez emas: o‘ta yuqori sezuvchanlik reaktsiyalari; kam hollarda: angionevrotik shish, allergik reaktsiyalar.

Preparatning ta’sir etuvchi moddasiga yoki har qanday komponentiga o‘ta yuqori sezuvchanlikda qo‘llash mumkin emas. Kam uchraydigan irsiy kasalliklar, shu jumladan galaktozani o‘zlashtira olmaslik, laktaza yetishmovchiligi va glyukoza/galaktozani so‘rilishini buzilishida qo‘llash mumkin emas. 17 yoshni ichiga olgan holda shu yoshgacha bo‘lgan bolalar va o‘smirlarda qo‘llash mumkin emas (qo‘llash yuzasidan ma’lumotlar yo‘q).

MNT ga ta’sir ko‘rsatuvchi preparatlar Pregabalinni MNTni susaytiruvchi boshqa preparatlar bilan bir vaqtda qo‘llanganida nafas olishni buzilishi va koma holatini yuz berishi hollari to‘g‘risida xabar berilgan. Pregabalinni oksikodon, lorazepam yoki etanol bilan takroran peroral qo‘llanilishi nafas tizimiga klinik sezilarli ta’sir ko‘rsatmagan. Pregabalin, ehtimol, oksikodon keltirib chiqaradigan kognitiv va harakatlanish funktsiyalarini buzilishini kuchaytirishi mumkin. Pregabalin etanol va lorazepamning samaralarini kuchaytirishi mumkin. Me’da-ichak yo‘llariga ta’siri Shuningdek pregabalinni qabziyatni keltirib chiqaruvchi dori vositalari (opioidlar kabi) bilan bir vaqtda qo‘llanganida me’da-ichak yo‘llari faoliyatiga salbiy ta’siri (shu jumladan ichak yo‘llari tutilishi, paralitik ileus, qabziyatni rivojlanishi) haqida xabar qilingan (“Maxsus ko‘rsatmalar” bo‘limiga qarang).

Qandli diabeti bo‘lgan patsiyentlar Qandli diabeti bo‘lgan patsiyentlarning bir qismida pregabalin bilan davolash fonida tana vazni oshganida gipoglikemik vositalarning dozalariga tuzatish kiritish talab qilinishi mumkin. O‘ta yuqori sezuvchanlik reaktsiyalari Angionevrotik shish simptomlari (yuzni shishi, perioral shish yoki yuqori nafas yo‘llari to‘qimalarini shishi kabi simptomlar) rivojlangan taqdirda pregabalinni qo‘llashni bekor qilish zarur. O‘z joniga qasd qilish haqidagi fikrlar va xatti xarakatlar Tutqanoqqa qarshi preparatlar, shujumladan pregabalin o‘z joniga qasd qilish haqidagi fikrlar va xatti-xarakatlarni yuzaga kelish xavfini oshirishi mumkin. Shuning uchun ushbu preparatlarni qabul qiluvchi patsiyentlarni, depressiya holatini yuzaga kelishi yoki uni yomonlashuvi, o‘z joniga qasd qilish haqidagi fikrlar va xatti-xarakatlarni paydo bo‘lishi yuzasidan sinchkovlik bilan kuzatish lozim. Me’da-ichak yo‘llari funktsiyasini susayishi Pregabalin va opioidlar bir vaqtda qo‘llanganida qabziyatni rivojlanishini (ayniqsa keksa patsiyentlar va ayollarda) oldini olish bo‘yicha profilaktika choralarini o‘tkazish zaruratini ko‘rib chiqish lozim. Bosh aylanishi, uyquchanlik, hushni yo‘qotish, ongni chalkashishi va kognitiv funktsiyalarni buzilishlari Pregabalin bilan davolash bosh aylanishi va uyquchanlik bilan kechadi, ular keksa yoshdagi odamlarda tasodifiy shikastlanishlar (yiqilishlar) xavfini oshiradi. Preparatni ro‘yxatdan o‘tkazilganidan keyingi davrda qo‘llash davomida, shuningdek hushni yo‘qotish, ongni chalkashishi va kognitiv funktsiyalarni buzilishlari hollari qayd etilgan. Shu sababli patsiyentlar preparatning yuz berishi mumkin bo‘lgan samaralarni baholab ko‘rmagunga qadar, ehtiyotkorlikka rioya qilishlari kerak. Tirishishlarga qarshi preparatlar bilan yondosh davolashni bekor qilish Pregabalin bilan tirishishlar susaytirilganida tirishishlarga qarshi boshqa preparatlarni qo‘llashni bekor qilish mumkinligi va ushbu preparat bilan monoterapiya o‘tkazilishi maqsadga muvofiqligi haqidagi ma’lumotlar yetarli emas. Pregabalinni qo‘llash fonida yoki davolash tugaganidan keyin darhol tirishishlar, shu jumladan tutqanoq xuruji holati va kichik tutqanoq xurujlarini rivojlanishi haqidagi xabarlar mavjud. Pregabalinni ko‘rishga ta’siri Klinik tadqiqotlarda ko‘rishni xiralashishi kabi nojo‘ya ta’sir pregabalinni doimiy ravishda qabul qilgan patsiyentlarda, platseboni qabul qilgan patsiyentlarga nisbatan ko‘proq qayd etilgan. Bunda mazkur nojo‘ya ta’sir davolashni davom ettirish davomida to‘xtagan. Klinik tadqiqotlarda o‘tkazilgan patsiyentlarni oftalmologik tekshirish shuni ko‘rsatadiki, klinik tadqiqotlarda ko‘rish o‘tkirligini pasayishi va ko‘rish maydonini o‘zgarishi pregabalinni qabul qilgan patsiyentlarda, platseboni qabul qilgan patsiyentlarga nisbatan ko‘proq kuzatilgan. Ko‘z tubi o‘zgarishlarining tez-tezligi platseboni qabul qilayotgan patsiyentlarda yuqori bo‘lgan. Ushbu buzilishlarning klinik ahamiyati aniqlanmaganligiga qaramay, patsiyentlar pregabalin bilan davolash fonida ko‘rishdagi o‘zgarishlar haqida shifokorga xabar berishlari lozim. Ko‘rish funktsiyasini buzilishi simptomlari saqlanib qolgan xollarda kuzatishni davom ettirish lozim. Oftalmologda muntazam ravishda kuzatuvda bo‘lgan patsiyentlarda ko‘rish faoliyatini tez-tez tekshirib turish lozim. Pregabalinni qo‘llashga javoban ko‘rish qobiliyatini yo‘qotish, ko‘rishni noaniqligi kabi nojo‘ya reaktsiyalar yoki ko‘rish a’zolari tomonidan yuzaga kelgan boshqa buzilishlar paydo bo‘lganida preparatni qo‘llashni bekor qilish ko‘rsatilgan simptomlarni yo‘qolishiga olib kelishi mumkin. Buyrak yetishmovchiligida Shuningdek buyrak yetishmovchiligini rivojlanishi hollari qayd etilgan bo‘lib, ayrim hollarda pregabalinni qo‘llash bekor qilinganidan keyin buyrak funktsiyasi tiklangan. Pregabalinni qo‘llashni bekor qilish simptomlari Uzoq yoki qisqa muddat davomida davolashdan keyin pregabalinni qo‘llashni bekor qilinishi natijasida uyqusizlik, bosh og‘rig‘i, ko‘ngil aynishi, diareya, grippga o‘xshash sindrom, depressiya, terlash, bosh aylanishi, tirishilar va xavotir kabi nojo‘ya ko‘rinishlari kuzatilgan. Mavjud ma’lumotlar “preparatni bekor qilish” sindromi yuzaga kelishi tez-tezligi va namoyon bo‘lishining og‘irlilik darajasi pregabalinning dozasiga bog‘liq bo‘lishi mumkinligidan dalolat beradi. Dimlangan yurak yetishmovchiligi Qon plazmasida pregabalinning kontsentratsiyasi va yurak yetishmovchiligini rivojlanishi o‘rtasida yaqqol o‘zaro bog‘liqlik qayd etilmaganligiga qaramay, postregistratsion davrda qo‘llash davomida ayrim patsiyentlarda pregabalin bilan davolash fonida surunkali yurak yetishmovchiligini rivojlanishi haqida xabar qilingan. Yurak yoki qon tomir kasalliklarining klinik ifodalangan belgilari bo‘lmagan patsiyentlarda periferik shishlar va arterial bosimni oshishi yoki surunkali yurak yetishmovchiligi kabi yurak-qon tomir asoratlari orasida bog‘liqlik qayd etilmagan. Ushbu reaktsiyalar ko‘proq yurak funktsiyasini buzilishlaridan aziyat chekan va neyropatiya yuzasidan preparatni qabul qilgan keksa yoshdagi patsiyentlarda kuzatilgan. Shu sababli mazkur toifadagi patsiyentlarda pregabalin ehtiyotkorlik bilan qo‘llanishi kerak. Bunday reaktsiyalarni namoyon bo‘lishi pregabalin bekor qilinganidan keyin yo‘qolishi mumkin. Orqa miya shikastlanishi bilan bog‘liq markaziy neyropatik og‘riqni davolash Markaziy nerv tizimi tomonidan nojo‘ya holatlar, ayniqsa uyquchanlik kabi nojo‘ya holat namoyon bo‘lishining tez-tezligi orqa miya shikastlanishi bilan bog‘liq markaziy neyropatik og‘riqni davolashda oshadi, biroq bu pregabalin va boshqa parallel qabul qilinadigan vositalar (masalan, spazmga qarshi vositalar)ning ta’sirlarini yig‘indisini oqibati bo‘lishi mumkin. Mazkur ko‘rsatma bo‘yicha pregabalinni buyurishda ushbu holatni e’tiborga olish lozim. Entsefalopatiya Entsefalopatiya hollari, ayniqsa mazkur holatni rivojlanishiga olib kelishi mumkin bo‘lgan yondosh kasalliklari bo‘lgan patsiyentlarda qayd etilgan.

Homiladorlik Pregabalinni homilador ayollarda qo‘llash to‘g‘risida adekvat ma’lumotlar yo‘q. Hayvonlarda qo‘llanganida preparat reproduktiv funktsiyaga toksik ta’sir ko‘rsatgan. Shu boisdan pregabalinni homiladorlik vaqtida faqat ona uchun foyda homila uchun kutiladigan xavfdan yaqqol ustun bo‘lgan holdagina qo‘llash mumkin. Pregabalin bilan davolanishda reproduktiv yoshdagi ayollar kontratseptsiyaning adekvat usullaridan foydalanishlari kerak. Laktatsiya davrida Pregabalin ko‘krak sutiga ajralib chiqariladi. Yangi tug‘ilgan chaqaloqlarda pregabalinni qo‘llash xavfsizligi noma’lum bo‘lganligi sababli, pregabalin bilan davolash vaqtida emizish tavsiya etilmaydi. Ona uchun davolash zaruratini va yangi tug‘ilgan chaqaloqni emizishni e’tiborga olgan holda emizishni to‘xtatish yoki pregabalin bilan davolashni bekor qilish lozim. Fertillik Pregabalinni bola tug‘ruq faoliyati saqlangan ayollarning fertilligiga ta’siri to‘g‘risida klinik ma’lumotlar yo‘q.

Quruq, yorug‘likdan himoyalangan joyda, 25°S dan yuqori bo‘lmagan haroratda saqlansin.

Preparatning dozasi oshirib yuborilganida (15 g gacha) boshqa (yuqorida bayon qilinmagan) nojo‘ya reaktsiyalar qayd etilmagan. Postregistratsion davrda qo‘llash davomida pregabalinning dozasini oshirib yuborilganida rivojlangan eng tez-tez uchraydigan nojo‘ya holatlar quyidagilar bo‘lgan: affektiv buzilishlar, uyquchanlik, ongni chalkashishi, depressiya, ajitatsiya va halovatsizlik, kam hollarda koma holatlari qayd etilgan. Davolash: me’dani yuvish, tutib turuvchi davolash va zarurat bo‘lganida gemodializ o‘tkaziladi (“Qo‘llash usuli va dozalari” bo‘limi 1-jadvalga qarang).

Retsept bo‘yicha

7 kapsula (Pagamaks 150 mg, 300 mg) va 14 kapsula (Pagamaks 25 mg, 75 mg) kontur uyali o‘ramda preparatni qo‘llash bo‘yicha yo‘riqnoma bilan birga karton qutiga joylangan.

2 yil.