oq rangli 2 raqamli qattiq jelatinli kapsulalar. Kapsula tarkibi: sharsimon shaklli, oq rangli yoki deyarli oq rangli, qobiq bilan qoplangan mikrogranulalar.

Nosteroid yallig‘lanishga qarshi vositalar.

M01AV05

So‘rilishi. Ovqat qabul qilishda preparatining so‘rilishi va tizimli biokiraolishligiga klinik jihatdan sezilarli ta’sir ko‘rsatmaydi. 1 kapsula Ortofen Forte qabul qilinganidan so‘ng 24 soat o‘tgach plazmadagi diklofenakning o‘rtacha kontsentratsiyasi 13 ng/ml (40 nmol/l) ni tashkil qiladi. Ortofen Forte 1 kapsulasini sutkada 1 marta qabul qilingandan keyin dozalash davrining oxirida preparatning minimal kontsentratsiyasi taxminan 22 ng/ml (70 nmol/l) ni tashkil etadi. Taqsimlanishi. Diklofenakning qon plazmasi oqsillari bilan bog‘lanishi 99,7% ni, asosan albuminlar bilan 99,4% ni tashkil qiladi. Organizmda kuzatiladigan taqsimlanish hajmi 0,12-0,17 l/kg ni tashkil qiladi. Diklofenak sinovial suyuqligiga o‘tib, uning maksimal kontsentratsiyasi qon plazmasiga qaraganda 2–4 soat kechroq erishiladi. Sinovial suyuqlikdan yarim chiqarilish davri 3–6 soatni tashkil qiladi. Shuning hisobiga preparat yuborilganidan keyin xatto 2 soat o‘tgach ham, ta’sir etuvchi moddaning kontsentratsiyasi sinovial suyuqligida, qon plazmasidagiga qaraganda yuqori bo‘lib, 12 soat davomida yuqori darajalarda saqlanib qoladi. Metabolizmi. Diklofenakning metabolizmi o‘zgarmagan molekulaning qisman glyukuron kislotasi bilan birikish yo‘li bilan yuz beradi, lekin asosan bir va ko‘p martalik gidroksillanish va metoksillanish yo‘li bilan, bu bir necha fenolli metabolitlarini (3-gidroksi-,4-gidroksi-,5-gidroksi-,4,5-gidroksi- va 3-gidroksi-4-metoksidiklofenak) hosil qiladi va ulardan ko‘pchiligini glyukuronid kon’yugatlarga aylanadi. Hosil bo‘lgan fenolli metabolitlaridan ikkitasi diklofenak natriyga nisbatan kamroq darajada farmakologik faollikka ega. Diklofenakning umumiy tizimli klirensi 263±56 ml/min (o‘rtacha ± SO) tashkil qiladi. Oxirgi yarim chiqarilish davri 1-2 soatni tashkil qiladi. 4 ta metabolitining yarim chiqarilish davri, shu jumladan ikki farmakologik faolligi ham, uzoq muddatli bo‘lmay, 1-3 soatni tashkil qiladi. Deyarli faol bo‘lmagan metaboliti – 3-gidroksi-4-metoksidiklofenak, nisbatan uzoq yarim chiqarilish davriga ega. Preparat dozasining taxminan 60% siydik bilan metabolitlar ko‘rinishida va diklofenakning 1% dan kamrog‘i esa o‘zgarmagan holda chiqariladi. Alohida guruh patsiyentlaridagi farmakokinetikasi. Turli yoshdagi patsiyentlar preparatni qabul qilinganidan keyin, ularni yoshi bilan bog‘liq bo‘lgan so‘rilishi, metabolizmi va chiqarilishi orasida ishonchli farqlar aniqlanmagan. Buyrak funktsiyasini buzilishi bo‘lgan patsiyentlarda odatdagi yoki individual tanlangan doza buyurilganida o‘zgarmagan faol modda miqdorini oshishi kuzatilmagan. Kreatinin klirensi minutiga 10 ml bo‘lgan patsiyentlarda diklofenakning metabolitlarining hisoblangan muvozanat kontsentratsiyalari sog‘lom ko‘ngillilarga qaraganda taxminan 4 marta yuqori bo‘ladi. Shunga qaramasdan, metabolitlar oxir oqibatda faqat safro bilan chiqariladi. Jigar funktsiyasini buzilishlari (surunkali gepatit, kompensatsiyalangan jigar tsirrozi) bo‘lgan patsiyentlarda diklofenakning farmakokinetikasi va metabolizmi jigar faoliyati normal bo‘lgan patsiyentlardagi bilan o‘xshashdir.

– tayanch-harakat apparatining yallig‘lanish va degenerativ kasalliklari: revmatoid, psoriatik, surunkali poliartrit, yuvenil revmatoid artrit, ankilozlovchi spondillit, Bexterev kasalligi, osteoartrit, shu jumladan spondiloartroz, og‘riqli tservikal sindromi; – bo‘g‘imlardan tashqari to‘qimalarning revmatik kasalliklari; – postrevmatik va operatsiyadan keyingi yallig‘lanish va shish bilan kechuvchi, xususan stomatologik va ortopedik operatsiyalardan keyingi og‘riqli sindromlar; – ginekologik kasalliklardagi og‘riq va/yoki yallig‘lanish: birlamchi dismenoreya, adneksitda qo‘llanadi. Shuningdek umumiy tibbiy tamoyillarga muvofiq, asosiy kasallikni bazis terapiya vositalari bilan davolash lozim. Tana haroratini ko‘tarilishi o‘z-o‘zidan ushbu preparatni buyurish uchun ko‘rsatma hisoblanmaydi. Kam va o‘rtacha intensivlikdagi og‘riqli sindromda (bosh, tish og‘rig‘i, migren, belda og‘riq, artralgiya, mialgiya, nevrologik isitma sindromida) qo‘llaniladi.

Doza individual ravishda tanlanadi. Minimal samarali doza iloji boricha qisqa vaqt oraliq davomida buyuriladi. Kattalar Ortofen Forteni ovqatdan oldin qabul qilinadi. Kapsulalar chaynamasdan, bir stakan suv bilan ichiladi. Preparatning sutkalik dozasi, odatda Ortofen Forte preparatining 1 kapsulasini tashkil qiladi. Kasallikni yengil xolatlari va uzoq muddatli davolashda Ortofen Fortening sutkada 1 kapsulasini buyurish, odatda yetarli bo‘ladi. Kasallikning simptomlari kechasi yoki ertalab ko‘proq namoyon bo‘lganida, Ortofen Forteni kechasiga qabul qilgan ma’qulroq.

Nojo‘ya reaktsiyalarini rivojlanish tez-tezligini tasnifini samaralari: juda tez xollarda (≥10%), tez-tez (≥1% va <10%), ba’zida (≥0,1% va <1%), kam xollarda (<0,01%, shu jumladan ayrim hollarda). Ovqat hazm qilish tizimi tomonidan: juda ko‘p hollarda – ko‘ngil aynishi, qayd qilish, diareya, uncha ko‘p bo‘lmagan me’da-ichak qon ketishlari; tez hollarda – ishtahani yo‘qolishi, dispepsiya, meteorizm, qorinda spastik og‘riqlar, me’da-ichak yo‘llarida yaralar hosil bo‘lishi (ba’zi xollarda – qon ketish va teshilish bilan), qonda transaminazalar faolligini oshishi; ba’zida – qon aralash qusish, melena yoki qon aralash diareya, jigar funktsiyasini buzilishi, o‘tkir gepatit sariq kasalligi bilan yoki usiz (juda kam hollarda – yashin tezligida kechuvchi gepatit); juda kam hollarda – stomatit, glossit, qizilo‘ngachni shikastlanishi, yarali kolit yoki Kron kasalligini zo‘rayishi, pankreatit, qabziyat, ichak tutilishi, ichakda chandiqli jarayon, diafragmasimon ichak strikturasi. Markaziy nerv tizimi tomonidan: tez-tez – bosh og‘rig‘i, bosh aylanishi, karaxtlik hissi, qo‘zg‘aluvchanlik, ta’sirchanlik, charchoqlik; juda kam hollarda – sezishni buzilishi, ta’m bilishni buzilishi, xotirani buzilishi, dezoriyentatsiya, tirishish, tremor, ko‘rishni buzilishi (ko‘rishni noaniqligi va ikkita ko‘rish) quloqlarda shovqin, eshitishni buzilishi, psixotik reaktsiyalar, depressiya, qo‘rquv xissi, dahshatli tushlar ko‘rish. Siydik-chiqarish yo‘llari tizimi tomonidan: ba’zida – shishlar paydo bo‘lishi (ayniqsa arterial gipertoniya va buyrak yetishmovchiligi bo‘lgan patsiyentlarda); juda kam hollarda – interstitsial nefrit, o‘tkir buyrak yetishmovchiligi, protenuriya va/yoki gematuriya bilan birgalikda kechuvchi, nekrotik papillit, nefrotik sindrom. Yurak-qon tomir tizimi tomonidan: juda kam hollarda – yurakni urib ketishi, yurak yetishmovchiligi, miokard infarkti, arterial gipertenziya. Qon yaratish tizimi tomonidan: juda kam hollarda – anemiya, leykopeniya, trombotsitopeniya, pantsitopeniya, agranulotsitoz, gemoliticheskaya anemiya. Allergik va dermatologik reaktsiyalar: tez-tez – teri toshmasi va qichishish; ba’zida – sochlarni to‘kilishi, alopetsiya, eshakemi; juda kam hollarda – ekzantema, ekzema, eritema, fotosensibilizatsiya, purpura (shu jumladan, allergik xarakterli), teri reaktsiyalarining og‘ir shakllari (Stivens-Djonson sindromi va toksik epidermal nekroliz/Layell sindromi), umumiy xarakterli yuqori sezuvchanlikni og‘ir reaktsiyalari (Kvinke shishi, hansirash, taxikardiya, anafilaktik shokkcha bo‘lgan arterial bosimni pasayishi), allergik vaskulit va pnevmonit. Boshqalar: juda kam hollarda – infektsion-yallig‘lanish kasalliklarini zo‘rayishi (masalan nekrotik fastsitni rivojlanishi), aseptik meningit simptomlari (autoimmun kasalliklari bo‘lgan bemorlarada).

preparatning ta’sir etuvchi yoki yordamchi moddalariga yuqori sezuvchanlik;anamnezda bronxospazm, o‘tkir rinit, nazal polipoz, eshakemi kabi, atsetilsalitsil kislotasi yoki boshqa nosteroid yallig‘lanishga qarshi preparatlar (NYAQP) bilan bog‘liq allergik kasalliklarning mavjudligi;zo‘rayish davridagi me’da va/yoki o‘nikki barmoq ichakning yara kasalligi yoki me’da-ichak qon ketishlari;ichakning yallig‘lanish kasalligi, masalan Kron kasalligi yoki yarali kolit;og‘ir yurak yetishmovchiligi (Nyu-York kardiologik assotsiatsiyasi tasnifi bo‘yicha III-IV sinfi);og‘ir jigar yetishmovchiligi (jigar tsirrozi astsit bilan birga);og‘ir buyrak yetishmovchiligi (kreatinin klirensi <30 ml/min);koronar shuntlash (yoki sun’iy qon aylanish apparati ishlatilganidan keyin) operatsiyasidan keyingi og‘riq sindromini davolashda qo‘llash mumkin emas.

Ortofen Forte boshqa NYAQV, GKS, atsetilsalitsil kislotasi, serotoninni qayta qamrab olish selektiv ingibitorlari bilan bir vaqtda qo‘llanganda me’da-ichak yaralar va qon ketishlar paydo bo‘lish xavfi oshadi. Ortofen Forte bir vaqtda qo‘llanganida digoksin, fenitoin va litiyinng qon zardobidagi darajasini oshirishi mumkin. Ortofen Forte preparati diuretiklar va gipotenziv vositalarni ta’sirini kamaytiradi. Ortofen Forte kaliy tejovchi diuretiklar bilan bir vaqtda qo‘llanganida giperkalemiyaga olib kelishi mumkin. Ortofen Forte preparati metotreksatni qabul qilishdan oldin va keyin 24 soat davomida qo‘llanilsa qonda metotreksatning kontsentratsiyasi va toksik ta’sirini oshishiga olib keladi. Ortofen Forte tsiklosporinni nefrotoksik ta’sirini kuchaytirish mumkin. Gipoglikemik preparatlar va antikoagulyantlar bilan birga qabul qilinganda qonda glyukoza darajasini va qonning ivishini muntazam nazorat qilish kerak. Probenetsid va sulfinpirazon saqlovchi dori vositalar organizmdan diklofenakni chiqarilishini sekinlashtirishi mumkin.

Barcha nosteroid yallig‘lanishga qarshi vositalar (NYAQV) qo‘llanilganda ogoxlantiruvchi simptomlari yoki anamnezida jiddiy me’da-ichak o‘zgarishlari yoki ularsiz rivojlangan me’da-ichak qon ketishlari, yaralar yoki perforatsiyalarni davolash davomiyligining har qanday vaqti davomida paydo bo‘lishi va o‘limga olib kelishi mumkin. Keksa yoshdagi bemorlar bu ko‘rinishlar, odatda, yana ham jiddiy oqibatlarga olib kelishi mumkin. Diklofenak natriy qabul qilayotgan bemorlarda me’da-ichak qon ketishlari paydo bo‘lsa, dori vositasini bekor qilishi kerak. Platsebo nazoratlangan tadqiqotlar TsOG-2 ning ba’zi bir selektiv ingibitorlari ta’sirida trombolitik yurak-qon tomir va tserebrovaskulyar asoratlar xavfining yuqoriligini ko‘rsatadi. Diklofenak bilan maksimal dozada uzoq vaqt davolashni o‘rganish bo‘yicha xozirgi vaqtgacha ma’lum bo‘lgan klinik tadqiqotlar esa, ma’lumotlar yo‘q. Shuning uchun klinik tasdiqlangan yurak ishemik kasalligi, tserebrovaskulyar buzilishlar, periferik arteriyalarining okklyuzion kasalliklari yoki yuqori xavf omillari (masalan, arterial gipertenziya, giperlipidemiya, qandli diabet, chekish) bo‘lgan patsiyentlarga diklofenak qo‘llashning xavfi va foydasini sinchiklab baholash kerak. Xavf mavjud bo‘lgani uchun qisqa davolash kursi davomida eng kichik samarali doza qo‘llanishi lozim. NYAQV ning buyrak samaralariga suyuqlikni ushlab qolish va shish, va/yoki arterial gipertenziya kiradi. Shuning uchun diklofenakni suyuqlikni ushlab qolishga olib keladigan yurak disfunktsiyalari bo‘lgan patsiyentlarga va boshqa holatlarda ehtiyotkorlik bilan qo‘llash lozim. Diuretiklar yoki tegishli AAF ingibitorlari qo‘llayotgan yoki gepavolemiya rivojlanishi xavfi yuqori bo‘lgan patsiyentlarga ham ehtiyotkorlik bilan buyuriladi. NYAQV, shu jumladan diklofenak natriy qo‘llanishi bilan bog‘liq juda kam holatlarda teri tomonidan eksfoliativ dermatit, Stivens-Djonson sindromi va toksik epidermal nekroliz kabi jiddiy reaktsiyalar kuzatilgan. Bunday reaktsiyalar rivojlanishining eng yuqori xavfi davolashning birinchi oyida yuzaga keladi. “Diklofenak natriy” preparatini qo‘llashni, terida birinchi marta toshmalar, shilliq qavatlar shikastlanishi yoki yuqori sezuvchanlikning har qanday boshqa belgilari paydo bo‘lganda to‘xtatish kerak. Boshqa NYAQV larni qo‘llagandagi kabi, kam holatlarda, diklofenakni ilgari ekspozitsiyasiz allergik reaktsiyalar, shu jumladan anafilaktik/anafilaktoid reaktsiyalar ham paydo bo‘lishi mumkin. NYAQV lar jiddiy yurak-qon tomirning trombotik ko‘rinishlar; miokard infarkti va insult rivojlanish xavfini oshirishi mumkin, shuning uchun diklofenak natriyni aortokoronar shuntlash operatsiyasidan keyingi og‘riqni davolash uchun qo‘llash tavsiya etilmaydi. Boshqa NYAQV kabi, diklofenak natriy farmakodinamik xususiyatlariga ko‘ra infektsiyaning belgilari va simptomlarini niqoblashi mumkin. Ogohlantirishlar. – Umumiy. “Diklofenak natriy” preparati tizimli NYAQV, shu jumladan tsiklooksigenaza-2 ning selektiv ingibitorlari bilan biron-bir sinergik foyda yo‘qligi va qo‘shimcha nojo‘ya samaralar kelib chiqishi mumkin bo‘lgani uchun, birga qo‘llashdan saqlanish kerak. Preparatni keksa odamlarga ehtiyotkorlik bilan qo‘llash lozim. Xususan, sog‘lig‘i yaxshi bo‘lmagan keksalarga va tana vazni ko‘rsatkichi past bo‘lgan patsiyentlar uchun eng kam samarali dozalar qo‘llash tavsiya etiladi. – Anamnezda astma. Bronxial astma, mavsumiy allergik rinit, burun shilliq qavati shishi (ya’ni nazal poliplari), o‘pkaning surunkali obstruktiv kasalliklari yoki nafas yo‘llarining surunkali infektsiyalari (ayniqsa allergiyaga o‘xshash rinit simptomlari) bor bo‘lgan bemorlarda boshqalarga qaraganda astmaning zo‘rayishi (ularning analgetiklarni o‘zlashtiraolishligi bilan bog‘liq (analgetik astma), Kvinke shishi yoki eshakemi kabi NYAQV ga reaktsiyalar tezroq kelib chiqadi. Shuning uchun, maxsus oldini olish choralari tavsiya qilingan (shoshilinch yordam berish uchun tayyorlik). Bu choralar, boshqa moddalarga allergiyasi bo‘lgan bemorlarda teri reaktsiyalari, qichishish yoki eshakemi rivojlanganda ham tegishli. Diklofenak natriy bronxial astmasi bo‘lgan patsiyentlarga parenteral qo‘llanilayotganda alohida ehtiyotkor bo‘lish kerak, chunki simptomlar zo‘rayishi mumkin. – Ovqat xazm qilish yo‘llariga ta’siri. Boshqa NYAQV qo‘llanilgandagi kabi “Diklofenak natriy” preparatini ovqat hazm qilish yo‘llari (OHQY) tomonidan buzilishlar to‘g‘risida xabar beruvchi simptomlar yoki anamnezida me’da yoki ichak yarasi, qon ketishlari yoki perforatsiyalar ko‘rsatilgan patsiyentlarga albatta tibbiy kuzatuv va maxsus ehtiyotkor bo‘lishi kerak. OXQY da qon ketish boshlanishi xavfi asoratlari bo‘lganlarda, shuningdek keksa yoshdagi odamlarda doza oshishi bilan oshib boradi. Anamnezida yarasi bo‘lgan, ayniqsa qon ketishlari yoki perforatsiya kabi asoratlari bo‘lgan patsiyentlarda va keksa yoshdagi odamlarda, OXQY ga toksik ta’siri xavfini pasaytirish uchun, davolash minimal samarali dozadan boshlanadi va shu dozada ushlab turiladi. Bunday patsiyentlar uchun, shuningdek, atsetilsalitsil kislotasi (ASK) ning kichik dozalarini saqlovchi dori vositalarining va OXQYga noxush ta’sir etish xavfi bilan boshqa dori vositalarini yondosh davolash qo‘llanishiga muhtoj bemorlarga himoya vositalarini (masalan, proton pompa ingibitorlari yoki mizoprostol) ni majmuaviy davolash ko‘rinishida birga qo‘llash maqsadga muvofiq bo‘lishi mumkin. Anamnezida me’da-ichak toksikligi bo‘lgan patsiyentlar, ayniqsa keksa yoshdagilar, har qanday abdominal simptomlari (ayniqsa OXQY qon ketishlarida) to‘g‘risida xabar berishlari kerak. Ogohlantirishlar yara yoki qon ketishlari paydo bo‘lish xavfini oshirish mumkin bo‘lgan yondosh preparatlar (tizimli kortikosteroidlar, antikoagulyantlar, antitrombotik vositalar yoki serotoninni qayta qamrab olinishining selektiv ingibitorlari) qabul qilayotgan bemorlarga ham tegishli. Diklofenak natriyni anamnezida Kron kasalligi yoki nospetsifik yarali kolitlari kabi ichakning yallig‘lanish kasalliklari bo‘lgan bemorlarga, sinchiklab tibbiy kuzatuv o‘rnatish va ularning holati zo‘rayishi mumkin bo‘lgani uchun, oldini olish choralarini ko‘rib, ehtiyotkorlik bilan buyurish kerak. – Jigarga ta’siri. Diklofenak natriy jigar faoliyatini buzilishi bo‘lgan patsiyentlarga buyurilganda sinchiklab tibbiy nazorat o‘rnatish kerak, chunki ularning xolati yomonlashishi mumkin. Boshqa NYAQV qo‘llanilgandagi kabi, bir yoki undan ko‘proq jigar enzimlarining darajasi oshishi mumkin. “Diklofenak natriy” preparati bilan uzoq muddatli davolashda (tabletkalar yoki suppozitoriylar bilan), oldini olish chorasi sifatida jigar faoliyatini ustidan muntazam nazorat qilinadi. Agar jigar faoliyati buzilishlari saqlayotgan bo‘lsa yoki kuchaysa, agar klinik belgilari yoki simptomlar jigar kasaligining chuqurlashishi bilan bog‘liq bo‘lsa yoki, agar boshqa o‘zgarishlar (masalan eozinofiliya, toshmalar) kuzatilsa “Diklofenak natriy” preparatini qo‘llashni to‘xtatish kerak. Gepatit kabi kasalliklar kechishi prodormal simptomlarsiz o‘tishi mumkin. Diklofenak natriy jigar porfiriyasi bo‘lgan patsiyentlarda qo‘llanilayotganda, xurujlar ehtimoli bo‘lgani uchun, ehtiyotkorlik lozim. – Buyraklarga ta’siri. NYAQV bilan davolaganda suyuqlik ushlanib qolishi va shishlar to‘g‘risida xabarlar bo‘lgani uchun, yurak yoki buyrak faoliyatini buzilishi bo‘lganida (shu jumladan, gipovolemiya fonida funktsional buyrak yetishmovchiligi, nefrotoksik sindrom, yugurikli nefropatiya va kompensatsiyalanmagan jigar tsirrozi), anamnezida arterial gipertenziya, keksa yoshdagi bemorlar, diuretiklar bilan yondosh davolanayotgan bemorlar yoki buyrak faoliyatiga sezilarli ta’sir etadigan preparatlar qabul qilayotgan bemorlar va turli sabablar natijasida hujayradan tashqari suyuqlik hajmi sezilarli kamaygan patsiyentlar (masalan, jiddiy jarroxlik aralashuvlaridan keyin) ga alohida ahamiyat berish kerak. Bunday holatlarda oldini olish chorasi sifatida buyrak faoliyati monitoringi tavsiya etiladi. Davolashni to‘xtatish, odatda davolashdan oldingi holatga qaytishga olib keladi. – Gematologik ko‘rsatkichlarga ta’siri. Boshqa NYAQV kabi, preparat uzoq vaqt qo‘llanilganda qon manzarasini monitoringi tavsiya etiladi. Boshqa NYAQV lar kabi, diklofenak natriy trombotsitlar agregatsiyasini vaqtincha susaytirishi mumkin. Gemostazni buzilishi bo‘lgan bemorlarni sinchiklab nazorat qilib turish kerak.

Homiladorlik. Ona uchun potentsial foyda homila uchun xavfdan ustunlik qilgandagi holatlardan tashqari, diklofenak natriyni homiladorlikning birinchi ikki uch oylarida qo‘llash mumkin emas. Boshqa nosteroid yallig‘lanishga qarshi vositalari kabi, diklofenak natriyni homiladorlikning uchinchi uch oyligida, bachadon qisqarishi yo‘qolishi va/yoki ductus arteriosus ning vaqtidan oldin bekilishi mumkinligi natijasida qo‘llash mumkin emas. Emizish davri. Boshqa NYAQV kabi, diklofenak ko‘p bo‘lmagan miqdorda ko‘krak sutiga kiradi. Shuning uchun, bolaga noxush ta’sir bo‘lishiga yo‘l qo‘ymaslik uchun, diklofenak natriyni emizish davrida qo‘llanilmasin. Fertillik. Boshqa NYAQV kabi, diklofenak natriy ayollar fertiligiga ta’sir etishi mumkin. Homiladorlikni rejalashtirayotgan ayollarga preparat tavsiya etilmaydi. Homilador bo‘lishi qiyin bo‘lgan yoki infertillik bo‘yicha tekshiruvdan o‘tayotgan ayollar “Diklofenak natriy” preparatini qabul qilishni to‘xtatishlari kerak.

Quruq, yorug‘likdan himoyalangan joyda, 250S dan yuqori bo‘lmagan haroratda saqlansin.

Diklofenak natriyning dozasini oshirib yuborilishini tipik klinik simptomlari ma’lum emas. Dozasi oshirib yuborilganida qusish, me’da-ichakdan qon ketishi, diareya, bosh aylanishi, quloqlarni shang‘illashi yoki tirishishlar kuzatilishi mumkin. Jiddiy zaharlanish kuzatilganida o‘tkir buyrak yetishmovchiligi va jigarni shikastlanishi bo‘lishi mumkin. Davolash. Arterial gipotenziya, buyrak yetishmovchiligi, tirishishlar, me’da-ichak yo‘llarining shilliq qavatini ta’sirlanishi va nafas faoliyatini susayishi kabi asoratlar kuzatilganida tutib turuvchi va simptomatik davolash ko‘rsatilgan. NYAQV ni plazma oqsillari bilan bog‘lanish darajasi yuqoriligi va ekstensiv metabolizmga uchrashi tufayli, maxsus davolash, masalan, jadallashtirilgan diurez, gemodializ yoki gemoperfuziya ularni organizmdan chiqarilishida muhim ahamiyatga ega emas. Preparatning potentsial toksik dozasini qabul qilish natijasida dozasi oshirib yuborilganida faollashtirilgan ko‘mir qabul qilish kerak. Agar dozani oshirib yuborilishi hayot uchun potentsial havf soluvchi dozada qabul qilish natijasida rivojlangan bo‘lsa, me’dani tozalash (qusishni sun’iy ravishda chaqirish yoki me’dani yuvish) kerak.

Retsept bo‘yicha

10 ta kapsula kontur uyali o‘ramda. 1, 2, 3ta kontur uyali o‘ramlar qo‘llash bo‘yicha yo‘riqnomasi bilan karton qutiga joylanadi.

3 yil.