deyarli oq rangdan oq ranggacha bo‘lgan, uzunchoq, ikki tomonlama qavariq, oval shaklli, plyonka qobiq bilan qoplangan tabletkalar.

tizimli qo‘llash uchun antibakterial vositalar.

J01

Peroral qabul qilinganida tsiprofloksatsin me’da-ichak yo‘llaridan tez so‘riladi. Preparatning biokiraolishligi 50-85% ni tashkil etadi. 500 mg preparat peroral qabul qilinganida (ovqatdan oldin) sog‘lom ko‘ngillilarning qon zardobida preparatning maksimal kontsentratsiyasiga 1-1,5 soatdan keyin erishiladi va muvofiq 2,4 mkg/ml ni tashkil etadi. Peroral qabul qilingan tsiprofloksatsin organizmning to‘qimalari va suyuqliklariga taqsimlanadi. Preparatning yuqori kontsentratsiyalari safro, o‘pkalar, buyraklar, jigar, o‘t pufagi, bachadon, urug‘ suyuqligi, prostata bezi to‘qimasi, murtaklar, endometriy, fallopiy naylari va tuxumdonlarda kuzatiladi. Ushbu to‘qimalarda preparatning kontsentratsiyasi zardobdagiga nisbatan yuqori bo‘ladi. Tsiirofloksatsin shuningdek suyak, ko‘z suyuqligi, bronxial sekret, so‘lak, teri, mushaklar, plevra, qorin parda, limfaga ham yaxshi o‘tadi. Neytrofillarda to‘planadigan tsiprofloksatsinning kontsentratsiyasi zardobdagiga nisbatan 2-7 marta yuqori bo‘ladi. Organizmda taqsimlanish hajmi 2-3,5 l/kg ni tashkil etadi. Preparat orqa miya suyuqligiga katta bo‘lmagan miqdorlarda o‘tadi, u yerda uning kontsentratsiyasi zardobdagi kontsentratsiyasini 6-10% ni tashkil etadi. Tsiprofloksatsinni plazma oqsillari bilan bog‘lanishi 30% ni tashkil etadi. Buyrak faoliyatini o‘zgarishi bo‘lmagan bemorlarda yarim chiqarilish davri odatda 3-5 soatni tashkil etadi. Buyrak faoliyati buzilganida yarim chiqarilish davri uzayadi. Tsiprofloksatsinni organizmdan asosiy chiqarilish yo‘li – buyraklar. Siydik bilan 50-70% chiqariladi. 15% dan 30% gacha qismi ekskrementlar bilan chiqariladi. Og‘ir darajadagi buyrak yetishmovchiligi (kreatinin klirensi 20 ml/min/1,73 m2 dan past) bo‘lgan bemorlarga preparatning sutkalik dozasini yarmini buyurish kerak.

Preparatning komponentlariga sezgir qo‘zg‘atuvchilar (mikroorganizmlar va sodda hayvonlar) chaqiradigan quyidagi aralash infektsiyalarni davolash uchun ko‘rsatilgan: siydik tanosil tizimi kasalliklari: o‘tkir va surunkali piyelonefrit, prostatit, tsistit, epididimit, siydik tanosil tizimining asoratlangan yoki qaytalanuvchi infektsiyalari;ginekologik kasalliklar;penitsillinga chidamli gonokokklar, trixomonadalar va boshqa mikroorganizmlar tomonidan chaqirilgan, jinsiy yo‘l orqali yuqadigan kasalliklar;qorin bo‘shlig‘i a’zolari va safro chiqarish yo‘llarining infektsiyalari, shuningdek amyobiaz;og‘iz bo‘shlig‘ining infektsiyalari, o‘tkir nekrotik yarali gingivit;immunitet tanqisligi yoki neytropeniyasi bo‘lgan bemorlarda infektsion asoratlarni oldini olishjarrohlik infektsiyalari, ayniqsa gastroenterologiyada infektsiyani operatsiyadan oldingi tayyorgarlik yoki operatsiyadan keyingi davolash uchun qo‘llanadi.

Preparat ichga, chaynamasdan, ovqatdan oldin ham, keyin ham suv bilan qabul qilinadi. Preparatning dozasi va davolash davomiyligini shifokor belgilaydi. Kattalar uchun o‘rtacha dozasi – 1 tabletkadan sutkada 2 marta, davolash davomiyligi 5-10 kunni tashkil etadi; kasallikning klinik simptomlari yo‘qolganidan so‘ng yana kamida 3 kun davomida davolashni davom ettirish kerak. buyrak faoliyatini yaqqol buzilishlari bo‘lgan patsiyentlarga preparatning yarim dozasini buyurish kerak.

Nerv tizimi va sezgi a’zolari tomonidan: bosh og‘rig‘i, paresteziya, qo‘zg‘aluvchanlik, bosh aylanishi, uyquni buzilishi (uyqusizlik yoki uyquchanlik), periferik sezuvchanlikni buzilishi yoki koordinatsiyani buzilishi. Yurak qon-tomir tizimi va qon tizimi (qon yaratish, gemostaz) tomonidan: yurak urishini his etish, arterial gipotenziya, anemiya, leykopeniya, eozonofiliya, trombotsitopeniya, gipotenziya, taxikardiya. Me’da ichak yo‘llari tomonidan: qorinda og‘riq, ko‘ngil aynishi, qusish, ishtahani yo‘qolishi, enterokolit, jigar transaminazalarining faolligini oshishi, giperbilirubinemiya. Suyak-mushak tizimi tomonidan: tendinitlar, ayniqsa keksa yoshdagi patsiyentlarda, shuningdek artralgiya, mialgiya. Allergik reaktsiyalar: terini qichishishi, eshakemi, Kvinke shishi, anafilaktik shok, ko‘p shaklli ekssudativ eritema, Stivens-Djonson sindromi (havfli ekssudativ eritema), toksik epidermal nekroliz (Layell sindrom), fotosensibilizatsiya.

Homiladorlik, emizish davri, bolalar va 18 yoshgacha bo‘lgan o‘smirlar, tsiprofloksatsin yoki ornidazolga yuqori sezuvchanlik, soxta membranoz kolitda qo‘llash mumkin emas.

Tsiprofloksatsin va teofillinni bir vaqtda qo‘llash tsitoxrom R450 ning bog‘lanish sohalarida raqobatli ingibitsiya bo‘lishi hisobiga, qon plazmasida teofillinning kontsentratsiyasini oshishiga olib kelishi mumkin, bu holat teofillinning yarim chiqarilish davrini uzayishiga va teofillin bilan bog‘liq bo‘lgan toksik ta’sir qilish havfini oshishiga olib keladi. Antatsidlar, shuningdek tarkibida alyuminiy, rux, temir yoki magniy saqlovchi preparatlarni bir vaqtda qabul qilish tsiprofloksatsinning so‘rilishini pasaytirishi mumkin, shuning uchun ushbu preparatlarni buyurish o‘rtasidagi interval kamida 4 soat bo‘lishi kerak. Tsiprofloksatsin va antikoagulyantlar bir vaqtda qo‘llanganida qon ketish vaqti uzayadi. Tsiprofloksatsin va tsiklosporin bir vaqtda qo‘llanganida tsiklosporinning nefrotoksik ta’siri kuchayadi. Ornidazol kumarin qatori antikoagulyantlarining samarasini kuchaytiradi, vekuroniy bromidining miorelaksatsiya qiluvchi ta’sirini uzaytiradi.

Anamnezida tutqanoq, tirishish hurujlari bo‘lgan, bosh miyani qon-tomir kasalliklari va organik shikastlanishlari bo‘lgan bemorlarga, MNS tomonidan nojo‘ya reaktsiyalarni rivojlanish havfi borligi sababli, Ornilon preparatini faqat hayotiy ko‘rsatmalarga qarab buyurish kerak. Preparat bilan davolanish vaqtida og‘ir va davomli diareya rivojlanganida, preparatni zudlik bilan bekor qilishni va muvofiq davolashni talab etadigan soxta membranoz kolit tashxisini istisno qilish kerak. Paylarda og‘riqlar paydo bo‘lganida yoki tendovaginitning birinchi belgilari paydo bo‘lganida, ftorxinolonlar bilan davolanish vaqtida paylarni yallig‘langanligi va hatto uzilganligi yuzasidan ayrim holatlar ta’riflanganligi sababli, preparat bilan davolashni to‘xtatish kerak. Ornilon preparati bilan davolanish vaqtida normal diurezga rioya qilingan holda organizmga yetarli miqdorda suyuqlik kirishini ta’minlash kerak. Ornilon bilan davolanish vaqtida bevosita quyosh nurlarini ta’siridan saqlanish kerak. Avtotrasnportni haydash va mexanizmlarni boshqarish qobiliyatiga ta’siri Ornilon preparatini qabul qilayotgan patsiyentlar, avtomobilni haydash va diqqatni jamlash hamda psixomotor reaktsiyalar tezligini talab etuvchi boshqa potentsial havfli faoliyat turlarini bajarishda ehtiyotkorlikka rioya qilishlari kerak. Preparat bolalar ololmaydigan joyda saqlansin va yaroqlilik muddati tugaganidan so‘ng ishlatilmasin.

Salqin va yorug‘likdan himoyalangan joyda, 25oS dan yuqori bo‘lmagan haroratda saqlansin.

Spetsifik antidoti ma’lum emas. Bemorning ahvolini sinchiklab nazorat qilish, me’dani yuvish, odatdagi shoshilinch yordam choralarini bajarish, organizmga yetarli miqdorda suyuqlik kirishini ta’minlash kerak. gemo- yoki peritoneal dializ yordamida preparatning juda kam miqdorigina (10% dan kam) chiqarilishi mumkin.

Retsept bo‘yicha

10 tabletkadan blisterda. 1 blister qo‘llash bo‘yicha yo‘riqnomasi bilan birga karton qutiga joylangan.

2 yil.