Och-sariq rangli, tiniq moysimon suyuqlik ampulalarda

Androgenlar

G03BA03

Omnadren 250 mushak ichiga yuborilgandan keyin turli vaqt oralig‘ida sekin so‘riladigan testosteron efirlarining aralashmasidan iborat, shu tufayli qonda testosteronning nisbatan barqaror darajasi tutib turiladi. Preparat 4-xaftalik tanaffuslar bilan buyuriladi. Testosteronning taxminan 98% qondagi spetsifik globulinlar fraktsiyasi bilan bog‘lanadi, shu tariqa testosteron va estradiol bog‘lanadi. Turli 17-ketosteroidlar jigarda biologik transformatsiyaga uchraydi va glyukuron va sulfat kislotalari bilan bog‘langandan keyin taxminan 90% siydik bilan chiqariladi. So‘rilgan dozaning 6% shunchaki axlat bilan chiqariladi.

Preparat jinsiy bezlari faoliyatini yetishmovchiligi bo‘lgan erkaklar uchun o‘rinbosar davolash sifatida ishlab chiqilgan. Erkaklar gipogonadizmi.Jinsiy yetilishni orqada qolishi.Postkastratsion sindrom.Spermatogenezni buzilishlari.Testosteron tanqisligi bilan bog‘liq impotentsiyada qo‘llanadi. Preparat ayollarda faqat giperestrogenizm bilan bog‘liq kasalliklarni davolash uchun qo‘llanadi.

Shaxsiy ravishda – davolash mutaxassis tomonidan olib boriladi. Odatda OMNADRЕN® 250 preparatining 1 ampulasi har 4 xaftada mushak ichiga yuboriladi.

Reproduktiv tizim va sut bezlari tomonidan buzilishlar Ayollar: hayz tsiklini buzilishi, amenoreya, gonadotropinlar sekretsiyasini susayshi, maskulinizatsiya. Erkaklar: ginekomastiya, priapizm, yuqori dozalar qabul qilinganda oligospermiya. Teri va teri osti kletchatkasi tomonidan buzilishlar Girsutizm, erkaklar turi bo‘yicha sochlarni to‘kilishi, akne. Ovqat hazm qilish tizimi tomonidan buzilishlar Ko‘ngil aynishi, obstruktiv sariqlik, jigar faoliyatini buzilishi, jigar dog‘lari yoki jigarni o‘smali shikastlanishi. Qon va limfatik tizim tomonidan buzilishlar II, V, VI va X qon ivishi omillarini ingibitsiya qilinishi, peroral antikoagulyantlar bilan davolanayotgan patsiyentlarda qon ketishi, politsitemiya. Nerv tizimi tomonidan buzilishlar Libidoni o‘zgarishi, bosh og‘rig‘i, xavotirlik, paresteziya. Ovqatlanish va moddalar almashinuvi buzilishlari Qonda xolesterol kontsentratsiyasini oshishi. Natriy, xlor, suv, kaliy, kaltsiy va noorganik fosfatlarni tutilishi. Tizimli buzilishlar va yuborish joyidagi asoratlar Yuborish joyida yallig‘lanish va og‘riq.

Preparat komponentlariga yuqori sezuvchanlik. Nefrotik sindrom. Erkaklarda: sut bezi raki, prostata bezining gumon qilinayotgan yoki diagnostika qilingan raki. Ayollarda: homiladorlik va emizish davrida qo‘llash mumkin emas. Ushbu dori preparati yeryong‘oq moyi saqlaydi. Yeryong‘oq yoki soyaga allergiyasi bo‘lgan patsiyentlarda ushbu preparatni qo‘llash mumkin emas.

Peroral antikoagulyantlar bilan davolanayotgan patsiyentlarda adrogenlarni yondosh qo‘llaganda, xususan bu preparatlarni yuborish vaqtida yoki qabul qilish to‘xtatilganda qon ivishi tizimini qat’iy kuzatishni amalga oshirish kerak. Jigar kofermentlarining induktorlari hisoblangan dori preparatlari: rifampitsin, barbituratlar, karbamazepin, salitsilatlar, fenitoin va primidon testosteronning samarasini susaytirishi mumkin. Insulin qabul qilayotgan patsiyentlarda androgen preparatlari glyukozaning kontsentratsiyasini kamaytirishi mumkin. Androgenlarni AKTG yoki kortikosteroidlar bilan qo‘llanganda shish xavfi oshadi, ayniqsa jigar yoki yurak kasalliklari bo‘lgan shaxslarda. Androgenlar bir vaqtda qabul qilinayotgan oksifenbutazonning darajasini oshiradi.

Preparatni yutish mumkin emas. Sut bezi raki bo‘lgan patsiyentda androgenlar bilan davolash giperkatsiyemiyani chaqirishi va bir vaqtning o‘zida osteolizisni boshlashi mumkin. Bu jarayon suyak tizimiga metastazlanishiniga olib kelishi mumkin. Agar preparat giperkaltsiyemiyani chuqurlashtirsa, uni bekor qilish lozim. Androgen preparatlar bilan davolanayotgan ayollarda siydik va qonda kaltsiy darajasini sinchkovlik bilan kuzatish muhim. Yuqori dozalarni uzoq vaqt qabul qilish jigar purpurasini chaqirishi yoki jigarda o‘sma rivojlanishiga olib kelishi mumkin. Androgen preparatlarning yuqori dozalari qabul qilinganda gemoglobin kontsentratsiyasi va gematokrit darajasini nazorat qilish kerak. Agar patsiyentda gepatit, sariqlik simptomlari kuzatilsa yoki jigarning funktsional testlari natijalarida o‘zgarishlar bo‘lsa, bu o‘zgarishlarning etiologiyasi aniqlanguncha androgen preparatlar bilan davolashni to‘xtatish kerak. Jigar faoliyatini kuzatish kerak. Keksa erkaklar prostata bezi giperglaziyasi yoki raki rivojlanishini yuqori xavfiga ega. Davolashdan oldin va keyin prostata bezini tekshirish va PSA (PSA) kontsentratsiyasini kuzatish kerak. Agar yurak-qon tomir tizimi, jigar yoki buyrak kasalliklari bo‘lgan shaxslarda qonni dimlanishi bilan yoki qon dimlanishisiz shish aniqlansa, preparat bilan davolashni to‘xtatish kerak. Jinsiy rivojlanishi orqada qolgan patsiyentlarni androgenlar bilan davolash buyurilganda ehtiyotkorlikka rioya qilish lozim. Har 6 oyda bo‘y o‘sishini baholab, davolashni kuzatish kerak. Omnadren® 250 ni doping sifatida qabul qilish jiddiy nojo‘ya samaralar chaqirishi mumkin. Ta’siri uzaytirilgan testosteron preparatini to‘satdan bekor qilish mumkin va erkaklar gipogonadizmi yoki ADAM (keksa erkaklarda androgenlarni yetishmovchiligi) yoki PADAM (keksa erkaklarda androgenlarni qisman yetishmovchiligi) yoki ayrim ayollarda libidoni yo‘qolishidan tashqari, hayot va sog‘liq uchun xavf soluvchi hech qanday simptomlar ta’riflanmagan. Dori preparati benzil spirti saqlaydi. Uni chala tug‘ilgan chaqaloqlar yoki yangi tug‘ilgan chaqaloqlarga berish mumkin emas. Yangi tug‘ilgan chaqaloqlar va 3 yoshgacha bo‘lgan bolalarda toksik reaktsiyalar chaqirishi mumkin.

Dori preparati asosan erkaklarda qo‘llanadi. Agar u ayolarda qo‘llansa, uni homiladorlik vaqtida qat’iyan qo‘llash mumkin emasligini e’tiborga olish lozim. Testosteronni ko‘krak sutiga kirishi haqida ma’lumotlar yo‘q. Agar preparat bilan davolash zarurati bo‘lsa, emizishni to‘xtatish kerak.

25oS dan yuqori bo‘lmagan haroratda, yorug‘likdan himoyalangan joyda saqlansin. Bolalar olaolmaydigan joyda saqlansin. Dori preparatini qo‘llashdan oldin o‘ramida ko‘rsatilgan yaroqlilik muddatini tekshirish kerak. Bu sanadan keyin dori preparatini qo‘llash mumkin emas.

Preparat kichik dozada – bir oyda 1 ml qo‘llanadi – agar preparat qo‘llash bo‘yicha yo‘riqnomasiga muvofiq qo‘llansa, dozani oshirib yuborilishi xavfi yo‘q. Yuqori dozani qo‘llash yoki bir xafta bir martadan ortiqroq qo‘llash natijasidagi dozani oshirib yuborilishi simptomlari erkaklarda jinsiy olatni og‘riqli erektsiyasini va ayollarda qaytmas ovoz o‘zgarishlariga olib kelishi mumkin bo‘lgan ovoz bo‘g‘ilishini olib kelishi mumkin. Bunday hollarda dori preparatini qabul qilishni to‘xtatish lozim.

Shifokor retsepti bo‘yicha

Ampulalarda 1 ml dan yog‘li eritma. 5 ampuladan karton qutida. Qo‘llash bo‘yicha yo‘riqnomasi karton qutiga joylangan.

3 yil