Dumaloq, ikki tomoni qavariq, deyarli oq rangli plyonka qobiq bilan qoplangan tabletkalar.

Antibakterial sintetik vosita (ftorxinolonlar guruhi).

J01MA01

Ichga qabul qilinganidan keyin so‘rilishi tez va to‘liq (95%). Biokiraolishligi – 96% dan yuqori, plazma oqsillari bilan bog‘lanishi – 25%, peroral qabul qilinganida maksimal kontsentratsiyaga erishish vaqti – 1-2 soat, 600 mg doza qabul qilinganidan keyin maksimal kontsentratsiyasi muvofiq 6,9 mg/l ni tashkil qiladi va dozaga bog‘liq: 200 va 400 mg bir marta qabul qilinganidan keyin u muvofiq 2,5 va 5 mkg/ml ni tashkil qiladi. Ovqat so‘rilish tezligini sekinlashtirishi mumkin, lekin biokiraolishiga ahamiyatli darajada ta’sir ko‘rsatmaydi. Taxmin qilingan taqsimlanish xajmi – 100 l. Taqsimlanishi: hujayralar (leykotsitlar, alveolyar makrofaglar), teri, yumshoq to‘qimalar, suyaklar, qorin bo‘shlig‘i va kichik chanoq a’zolari, nafas tizimi, siydik, so‘lak, safro, prostata bezining sekreti; gematoentsefalik to‘sig‘i orqali yaxshi o‘tadi, ona suti bilan chiqariladi. Orqa miya suyuqligiga o‘tadi (14-60%). Jigarda (taxminan 5%) ofloksatsinning N-oksidi va dimetilofloksatsin hosil bo‘lishi bilan metabolizmga uchraydi. Yarim chiqarilish davri – 4,5-7 soat (dozadan qat’iy nazar). Buyraklar orqali – 75-90% (o‘zgarmagan xolda), taxminan 4% – safro bilan chiqariladi. Buyrakdan tashqari klirensi – 20% dan kamroqni tashkil qiladi. 200 mg doza bir marta qo‘llanganidan keyin siydikda 20-24 soat davomida aniqlanadi. Buyrak/jigar yetishmovchiligida chiqarilishi sekinlashishi mumkin. To‘planmaydi. Gemodializda preparatning 10-30% chiqariladi.

Sezgir mikroorganizmlar chaqirgan infektsion-yallig‘lanish kasalliklari: – nafas a’zolari infektsiyalari (bronxit, pnevmoniya); – LOR-a’zolarining infektsiyalari (sinusit, faringit, o‘rta otit, laringit, traxeit); – teri, yumshoq to‘qimalarning infektsiyalari; – suyaklar, bo‘g‘imlarning infektsiyalari; – qorin bo‘shlig‘i va safro chiqarish yo‘llarining infektsion-yallig‘lanish kasalliklari; – buyraklar (piyelonefrit), siydik chiqarish yo‘llarining tsistit, tservitsit infektsiyalari; – kichik chanoq a’zolarining infektsiyalari (endometrit, salpingit, ooforit, tservitsit, parametrit, prostatit); – jinsiy a’zolarning infektsiyalari (kolpit, orxit, epididimit); – gonoreya; – xlamidioz; Immun statusini buzilishi bo‘lgan bemorlarda infektsiyalarni oldini olish (shu jumladan neytropeniyadagi).

Ichga. Dozalar infektsiyani joylashashi, kechishini og‘irligi, mikroorganizmlarning sezgirligi, shuningdek bemorning umumiy holati va jigar va buyraklar faoliyatiga bog‘liq holda shaxsiy ravishda tanlanadi. Kattalarga – sutkada 200-600 mg dan, davolash kursi – 7-10 kun, qo‘llash karraligi – kuniga 2 marta. Sutkada 400 mg gacha bo‘lgan dozani 1 qabulda, yaxshisi ertalab buyurish mumkin. Gonoreyada – 400 mg bir marta. Og‘ir darajali infektsiyalarda yoki tana vazni oshiqcha bo‘lgan bemorlarni davolashda, sutkalik doza 800 mg gacha oshirilishi mumkin. Jigar yetishmovchiligida maksimal sutkalik doza – sutkada 400 mg. Immuniteti yaqqol pasaygan bemorlarda infektsiyalarni oldini olish uchun – sutkada 400-600 mg dan. Tabletkalar butunligicha suv bilan birga ovqatdan oldin yoki ovqatlanish vaqtida qabul qilinadi. Davolash kursining davomiyligi qo‘zg‘atuvchining sezgirligi va klinik manzaraga qarab aniqlanadi; davolashni kasallikning simptomlari yo‘qolganidan va tana harorati to‘liq normallashganidan keyin yana kamida 3 kun davom ettirish kerak. Salmonellezlarni davolashda davolash kursi – 7-8 kun, quyi siydik chiqarish yo‘llarining asoratlanmagan infektsiyalarida davolash kursi – 3-5 kunni tashkil qiladi.

Ovqat hazm qilish yo‘llari tomonidan: gastralgiya, ishtahani pasayishi, ko‘ngil aynishi, qusish, diareya, meteorizm, qorin og‘rig‘i, “jigar” transaminazalarining faolligini oshishi, giperbilirubinemiya, xolestatik sariqlik, soxtamembranoz enterokolit. Nerv tizimi tomonidan: bosh og‘rig‘i, bosh aylanishi, harakatlarning ishonchsizligi, tremor, tirishishlar, qo‘l-oyoqlarni uvishishi va parasteziyalari, ko‘p tush ko‘rish, “dahshatli” tush ko‘rish, psixotik reaktsiyalar, xavotirlik, qo‘zg‘alish holati, fobiyalar, depressiya, ongni chalkashishi, gallyutsinatsiyalar, bosh miya ichki bosimini oshishi. Tayanch-harakat apparati tomonidan: tendinit, mialgiyalar, artralgiyalar, tendosinovit. Sezgi a’zolari tomonidan: rang sezishni buzilishi, diplopiya, ta’m, hid sezishni, eshitishni va muvozanatni buzilishi. Yurak-tomir tizimi tomonidan: taxikardiya, arterial bosimni pasayishi. Allergik reaktsiyalar: teri toshmasi, qichishish, eshakemi, allergik pnevmonit, allergik nefrit, isitma, angionevrotik shish, bronxospazm; ko‘p shaklli ekssudativ eritema (shu jumladan Stivens-Djonson sindromi) va toksik epidermal nekroliz (Layell sindromi), vaskulit, anafilaktik shok. Teri qoplamalari tomonidan: nuqtali qon quyilishlar (petexiyalar), bullez gemorragik dermatit, tomirlarni shikastlanishidan dalolat beruvchi (vaskulit) qo‘tirli papulyoz toshma. Qon yaratish tizimi tomonidan: eozinofiliya, leykopeniya, agranulotsitoz, anemiya, trombotsitopeniya, pantsitopeniya, gemolitik va aplastik anemiya. Siydik-chiqarish tizimi tomonidan: o‘tkir interstitsial nefrit, buyrak faoliyatini buzilishi, giperkreatininemiya, mochevina kontsentratsiyasini oshishi. Boshqalar: ichak disbakteriozi, superinfektsiya, fotosensibilizatsiya, gipoglikemiya (qandli diabeti bo‘lgan bemorlarda), vaginit.

– o‘ta yuqori sezuvchanlik, glyukozo-6-fosfatdegidrogenazaning tanqisligi, tutqanoq (shu jumladan anamnezdagi), tirishish bo‘sag‘asini pasayishi (shu jumladan bosh miya jarohati, insult yoki markaziy nerv tizimidagi yallig‘lanish jarayonlaridan keyingi) 18 yoshgacha bo‘lganlar (skeletning o‘sishi yakunlanmagunicha), homiladorlik, laktatsiya davri, xinolonlar bilan ilgari o‘tkazilgan davolashda paylarni shikastlanishi, buyrak faoliyatini buzilishi: kreatinin klirensi 50 ml/min dan kam bo‘lganida, gemodializda bo‘lganda. Ehtiyotkorlik bilan: bosh miya tomirlarining aterosklerozi, miya qon aylanishini buzilishlari (anamnezdagi), surunkali buyrak yetishmovchiligi, markaziy nerv tizimining organik shikastlanishlari, QT intervalini uzayishi.

Teofillinning klirensini 25% ga pasaytiradi (bir vaqtda qo‘llanganida teofillinning dozasini kamaytirish kerak). Plazmada glibenklamidning kontsentratsiyasini oshiradi. Tsimetidin, furosemid, metotreksat va naychalar sekretsiyasini bloklovchi dori vositalari, plazmada ofloksatsinning kontsentratsiyasini oshiradi. K vitamini antagonistlari bilan bir vaqtda qabul qilinganida, qonning ivish tizimi nazoratini amalga oshirish kerak. Nosteroid yallig‘lanishga qarshi preparatlar, nitroimidazol hosilalari va metilksantinlar bilan buyurilganida nefrotoksik samaralarini rivojlanish xavfi oshadi. Glyukokortikosteroidlar bilan bir vaqtda buyurilganida paylarni uzilish xavfi, ayniqsa keksa odamlarda oshadi. Siydikni ishqoriylashtiruvchi dori vositalari (karboangidraza ingibitorlari, tsitratlar, natriy gidrokarbonati) bilan buyurilganida, kristalluriya va nefrotoksik samaralarining xavfi oshadi. Preparat qo‘llanganida ovqat mahsulotlari, alyuminiy (Al3+), kaltsiy (Sa2+), magniy (Mg2+) saqlovchi antatsidlar, yoki temir (Fe) tuzlari erimaydigan komplekslar hosil qilib, ofloksatsinning so‘rilishini pasaytiradi (shuning uchun ofloksatsinni va bu preparatlarni buyurish orasidagi interval 2 soatdan kam bo‘lmasligi kerak).

Pnevmokokklar chaqirgan pnevmoniyada tanlov preparati hisoblanmaydi. O‘tkir tonzillitni davolashda ko‘rsatilmagan. 2 oydan ortiq qo‘llash, quyosh nurlarining ta’siriga duchor bo‘lish, UB-nurlar bilan nurlanish (simob-kvartsli lampalar, solyariy) tavsiya qilinmaydi. Markaziy nerv tizimi tomonidan nojo‘ya samaralar, allergik reaktsiyalar, soxtamembronoz kolit paydo bo‘lgan holda preparatni bekor qilish kerak. Kolonoskopik va/yoki gistologik tasdiqlangan soxtamembranoz kolitda, vankomitsin va metronidazolni peroral buyurish ko‘rsatilgan. Davolanish davrida etanolni, alkogolli ichimliklarni iste’mol qilish mumkin emas. Preparat qo‘llanganida ayollarga qin zamburug‘i kasalligini rivojlanish xavfini oshishi tufayli, gigiyenik tamponlarni ishlatish tavsiya qilinmaydi. Davolash fonida miasteniyaning kechishini yomonlashishi, moyil bemorlarda porfiriya xurujlarini tezlashashi mumkin. Tuberkulyozni bakterial diagnostikasida soxta salbiy natijalarga olib kelishi mumkin (Mycobacterium tuberculosis ni ajralib chiqishiga to‘sqinlik qiladi). Jigar va buyraklar faoliyatini buzilishlari bo‘lgan bemorlarda plazmada ofloksatsinning kontsentratsiyasini nazorat qilish kerak. Og‘ir darajada buyrak va jigar yetishmovchiligida toksik samaralarini rivojlanish xavfi oshadi (dozani pasaytiruvchi to‘g‘rilash talab qilinadi). Davolanish davrida avtotransportni haydash va diqqatni yuqori jamlashni va psixomotor reaktsiyalar tezligini talab qiluvchi potentsial xavfli faoliyat turlari bilan shug‘ullanishda ehtiyotkorlikka rioya qilish kerak. Preparat bolalar ololmaydigan joyda saqlansin va yaroqlilik muddati o‘tgach qo‘llanilmasin.

Quruq, yorug‘likdan himoyalangan joyda, 25ºS dan yuqori bo‘lmagan haroratda saqlansin.

Simptomlari: bosh aylanishi, ongni chalkashishi, tormozlanish, dezoriyentatsiya, uyquchanlik, qusish. Davolash: me’dani yuvish, simptomatik davolash.

Retsept bo‘yicha

Qobiq bilan qoplangan tabletkalar 200 mg va 400 mg. 10 tabletkadan kontur uyali o‘ramda. 1,2 kontur uyali o‘ram qo‘llash bo‘yicha yo‘riqnomasi bilan birga karton qutiga joylanadi.

2 yil.